ኣስቴሪ ማጻፋ 4:1 - ጋሞ ማጻፋ

¹ ማርዲኪዮሲ ሃ ሃኒዳ ኡባ ኤሪዳፔ ጉዬ ባ ማይኦ ዳኪዴስ፤ ማቃ ማይኢዲ፥ ባ ሁኤ ቦላ ቢዲን ላሊዲ፥ ባ ቃላ ቁ ሂስቲ ጫሞ ዬሆ ዬኪሼ ካታማይ ጊዶ ጌሊዴስ።

Geeshsha Maxaafa

¹ Mardikiyoosi ha hanida ubbaa eridaappe guye ba may7o daakkides; maaqa may7idi, ba hu7e bolla bidinth laallidi, ba qaala dhoqqu histti camo yeeho yeekkishe katamay giddo gelides.

ኣስቴሪ ማጻፋ 4:1 Referans Kwoze

ዳኔላ ቲንቢቴ 9:3

ሄሳ ጊሻስ ታኒ ማቃ ማይኣዳኔ ቢዲን ቦላ ኡታዳ ጾማናስ፥ ዎሳናሲኔ ጋናታናስ ታ ኣይፌ ፑዴ ጎዳ ጾሳኮ ዴንዲስ።

ኢዮቤ ማጻፋ 42:6

ሄሳፌ ዴንዲዳይሳን ታ ሃሳይዳ ሚሻቲ ታና ዬላቺዳ ጊሻስ ቢዲንኒኔ ጉዱላን ኡታዳ ታ ኔፔ ማሬታና።»

2ሳሜላ ማጻፋ 13:19

ቲኢማራ ባ ሁኤን ቢዲን ላላዱስ፤ ኣሌቆ ማይኦዛካ ዳካዱስ፤ ሄሳፌ ጉዬ ባ ሁኤ ባቃ ኦይካዳ ዬካሼ ባዱስ።

2ሳሜላ ማጻፋ 1:11

ሄሳፌ ጉዬ ዳዊቲኔ ኢዛራ ዲዛ ኣሳይ ኡባይ ባንታ ማይኦ ዳኪዳ።

ኢዮቤ ማጻፋ 2:8

ሄሳፌ ዴንዲዳይሳን ኢዮቢ ቢዲን ቦላ ኡቲዲ ባ ማዱን ኮንኣን ቃች ዶሚዴስ።

ሃዋሬታ ኦሶ 14:14

ሃዋሬቲ ባርናባሲኔ ጳዉሎሲ ሄሳ ሲዪዳ ማላ ባ ማይኦ ዳኪዲ ጌዴ ዴሬዛ ጊዶ ዎጺዳ፤ ባ ቃላ ቁ ሂስቲዲ ሂዝጊዳ፤

ሶፎናሳ ቲንቢቴ 1:14

«ጎዳፔ ያና ጊታ ጋላሳይ ማቲዴስ፤ ሄሲካ ኤሶን ያና፤ ጎዳ ጋላሳን ሲዬታና ዬሆይ ጫሞ፤ ሄን ኦላንቻቲ ጫሞ ዋሶ ዋሳና።

ሚኪያሳ ቲንቢቴ 1:8

ሄሳ ጌዶን ታኒ ዬካይስ፥ ዉ! ዉይ ጋይስ፤ ታ ጫማይ ባይንዳ ሜላ ቶሆኒኔ ሜላ ካሎ ባይስ፤ ዎራካና ማላ ዋሳይስ፤ ጉቶ ማላ ዋሳይስ።

ሂዚቄላ ቲንቢቴ 21:6

«ሄሳ ጊሻስ ሃይሶ ኣሳ ናዉ! ሜቂዳ ዎዚናን ጫሞ ኦሌ ኦላ።

ኢሳያሳ ቲንቢቴ 58:5

ታኒ ዶሪዳይ ሃይሳ ማላ ጾማ? ኣሲ ባና ካዉሻናይ ሃይሳ ማላ ጋላስ ጻላ? ሻጫ ማላ ባና ዚቂ ሂስቴ? ዎይኮ ማቃ ማይኢዲ ቢዲን ቦላ ቡሉሌቴ? ሂስቲን ኔ ጾማ ጋ ጼይጊዛይሲ ሃይሴ? ጎዳይ ሄሳ ማላን ኡፋዬቲዜ?

ኢሳያሳ ቲንቢቴ 22:4

ሄሳ ጊሻስ ታኒ፥ «ታፔ ሃኪቴ፤ ኣኔ ጫሞ ዬሆ ታ ዬካይስ፤ ይዳ ታ ኣሳ ጊሻስ ታና ሚንና ቆፖፍቴ» ጋዲስ።

ኢሳያሳ ቲንቢቴ 15:4

ሃሴቦኔይኔ ኤልኤሌይ ዋሲዳ፤ ኢስታ ዋሶይካ ያሃጼ ጋካናስ ሴቴቲዴስ። ሄሳ ጊሻስ ሞኣቤ ኦላንቻቲ ዋሲዳ፤ ኢስታ ዎዚናይካ ኮኮሪዴስ።

ኢዮቤ ማጻፋ 1:20

ሄሳፌ ጉዬ ኢዮቢ ዴንዲዲ ካዮቲዲ ባ ማይኦዛ ዳኪዴስ፤ ባ ሁኤ ቡሉሲዴስ፤ ቢታን ጉፋኒ ጎይኒዴስ።

ኣስቴሪ ማጻፋ 4:3

ካዎዛ ኣዋጃይኔ ኢዛ ኣዛዞይ ጋኪዳ ኣዉራጃታ ኡባን ኣይሁዳታ ጋርሳን ጊታ ጬጬይ ሜቲዴስ፤ ሂስቲን ጾሚዳ፤ ዬኪዳ፤ ዋሲዳ፤ ዳሮቲካ ማቃ ማይኢዲ ቢዲን ቦላ ኢቺዳ።

ኢያሶ ማጻፋ 7:6

ሄሳፌ ጉዬ ኢያሶይ ባ ማይኦ ዳኪዴስ፤ ሂስቲዲ ጎዳ ታቦታ ሲንን ኦማርስ ጋካናስ ጉፋኒዴስ። ኢስራኤሌ ጪማቲካ ሄሳ ማላ ሃኒዳ፤ ባ ሁኤንካ ጉዱላ ማኪዳ።

ሜቴ ማጻፋ 27:34

ኤሳዌይ ባ ኣዋ ቃላ ሲዪዳ ማላ ባ ቃላ ቁ ሂስታዲ ዳሮ ጫሞ ዬሆ ዬኪዲ ባ ኣዋ፥ «ታና ኣንጃ፤ ታ ኣዋዉ ታናካ ኣንጃ!» ጊዴስ።

ዮሃኒሳ ኣጁታ 11:3

ታ ማርካ ናምኣቲ ካዮ ማይኦ ማይኢዲ 1,260 ጋላስ ጋካናስ ቲንቢቴ ዮታና ማላ ታ ኢስታስ ዎልቃ ኢማና» ጌቴቲዴስ።

ኣስቴሪ ማጻፋ 4:2

ማቃ ማይኢዳ ኣሲ ካዎቴ ኬ ጌላናስ ዳንዳዮንታ ጊሻስ ኢዛስ ፔንጌ ጋካናስ ቢዴስ።

ሜቴ ማጻፋ 37:34

ያቆቤይካ ሚሼቲዲ ባ ማይኦ ፔ ዬጊዴስ፤ ማቃ ማይኢዲ ዳሮ ዎዴ ጋካናስ ባ ናዛስ ዬኪዴስ።

ኢሳያሳ ቲንቢቴ 37:1

ካዎ ሂዝቂያሲ ሄሳ ሲዪዳ ማላ ባ ማይኦ ዳኪዴስ፤ ሄሳፌ ጉዬ ማቃ ማይኢዲ ጎዳ ኬ ጌሊዴስ።

ኢሳያሳ ቲንቢቴ 37:2

ካዎ ኬ ኣይሲዛ ኤልያቄሜይ፥ ጻፌ ሼቢናይኔ ቄሴታፔ ኤሬቲዳይቲ ኡባይ ማቃ ማይኢዲ ኣሞጼ ና ናቤ ኢሳያሳኮ ባና ማላ ኪቲዴስ።

ሂዚቄላ ቲንቢቴ 21:11

ኩሼን ኦይካና ማላ ማሻይ ቁጬቲዲ ኢሜቲዴስ፤ ዎዛይሲ ኩሼን ኦይካናስ ማሻይ ሌፌቲዲ ኢሜቲዴስ።