ኣስቴሪ ማጻፋ 3:15 - ጋሞ ማጻፋ

¹⁵ ቃስታኔቲ ካዎዛ ኣዛዞን ኤሶቲ ኬዚዳ፤ ኣዋጃዚካ ሱሳ ጊምቤን ኣዋጄቲዴስ፤ ካዎዚኔ ሃማይ ኡያናስ ኡቲዳ፤ ጊዶ ኣቲን ሱሳ ካታማያ ሺሮታዱስ።

Geeshsha Maxaafa

¹⁵ Qasttanneti kawoza azazon eesoti kezida; awajjazikka Suusa gimben awajettides; kawozinne Haamay uyanaas uttida; gido attiin Suusa katamaya shirotadus.

ኣስቴሪ ማጻፋ 3:15 Referans Kwoze

ኣስቴሪ ማጻፋ 8:15

ማርዲኪዮሲ ሳሎ ሚሳቲዛኔ ቦ ቃጪናን ዳዴቲዳ ካዎ ማይኦ ማይኢዲ፥ ጊታ ዎርቃ ካላቻ ጎጺዲ፥ ሎኦ ፑቶፌኔ ኦቻ ቴራ ሚሳቲዛ ፑቶፌ ዳዴቲዳ ሴሎ ማይኦ ማይኢዲ ካዎዛ ሲንፌ ኬዚዴስ። ሱሳ ካታማያ ኡፋዬታዳ ኢሊላዱስ።

ዮሃኒሳ ሚሺራቾ 16:20

ታ ኢንቴስ ቱማ ጋይስ፤ ኢንቴ ዋሳናኔ ዬካናሺን ኣላሜይ ጊዲኮ ኡፋዬታና። ኢንቴ ሙዞቲሺን ኢንቴ ሙዞይ ኡፋይሳን ላሜታና።

ዮሃኒሳ ኣጁታ 11:10

ሄይቲ ናምኡ ናቤቲ ካሴ ቢታ ቦላ ዲዛ ኣሳ ዋዪሲዳ ጊሻስ ሃኢ ቃሴ ቢታ ቦላ ዲዛ ኣሳይ ሃ ናቤቲ ሃይቂዳ ጊሻስ ኡፋዬታና፤ ሄ ኡፋይሳስ ባኣሌ ኦዲ ኢሶይ ኢሳስ ዬስ ኢማና።

ኣሞጼ ቲንቢቴ 6:6

ዎይኔ ኡሹ ቢሪሌራ ጊዶንታ ኦቶራ ኡዪዛይቶ! ኬሂ ኣልኦ ጊዲዳ ሺቶ ቲዬቲዛይቶ! ኢስራኤሌ ዴራ ቦላ ጋኪዳ ሜቶ ጊሻስ ቃቶንታይቶ ኢንቴና ኣዬ ኣና!

ሆሴኤ ቲንቢቴ 7:5

ኑ ካዎዛ ባኣሌ ጋላስ ሃላቃቲ ዎይኔ ኡሻን ማ ሌላ ጊዳ። ኢዚካ ቂዛይታራ ዙፔቲዴስ።

ሌሚሶ ማጻፋ 29:2

ጺሎ ኣሳቲ ማታ ኦይኪዛ ዎዴ ኣሳይ ኡፋዬቴስ፤ ጊዶ ኣቲን ኢታ ኣሳቲ ቢታ ሃሪዛ ዎዴ ኣሳይ ኦሌስ።

ሌሚሶ ማጻፋ 4:16

ኢስቲ ኢታ ኦንታ ዲሼ ስኪ ኤሬቴና፤ ኣስ ጴንታ ዲሺን ስኮይ ኢስታ ኣይፌን ዬና።

ሌሚሶ ማጻፋ 1:16

ጋሶይካ ኢስቲ ኢታ ሚሽ ኦናስ ዎጼቴስ፤ ኣሳ ሱ ጉሳናስካ ጃሜቴስ።

ኣስቴሪ ማጻፋ 4:16

«ባዳ ሱሳን ዲዛ ኣይሁዳ ኣሳ ኡባ ኢሲሶ ሺሻ። ሂስቲዲ ታስ ጾሚቴ፤ ሄ ጋላሲኔ ሄ ኦማርስ ጋካናስ ሞፒቴኔ ኡዮፒቴ። ታኒኔ ታ ዳንጋጺሬቲ ሄሳ ጾማና፤ ሄሲ ፖሌቲዳፔ ጉዬ ሃኖዚ ዎጋፔ ካሬራ ጊዲኮካ ታኒ ካዎዛኮ ጌላና፤ ታኒ ሃይቂኮካ ሃይቃና» ጊዛ ዛሮ ዬዳዱስ።

1ካዎታ ማጻፋ 14:27

ካዎ ኤሮቢኣሜይ ሄ ጎንዳሌታ ጊሻስ ጻርቂማላፔ ጎንዳሌታ ኦሲሲዲ ኢስታ ናጊዲ ዎና ማላ ካዎ ኬ ናጊዛ ዛቤታ ሃላቃታስ ኢሚዴስ።

ሜቴ ማጻፋ 37:25

ኢስቲ ባ ቁማ ማናስ ኡቲዳሼ ኢስማኤሌ ዴሬ ኣሳቲ ጊብጼ ባናስ ጋላኣዴፔ ዪዛይታ ቁ ጊዲ ቤኢዳ፤ ኢስቲ ባ ጋሜላን ሳዎ፥ ባላሳኔ ጌቴቲዛ ሌኔ ካርቤ ጫኒ ዎዳ።

ኣስቴሪ ማጻፋ 1:10

ጊቢራዚ ዶሜቲዳ ላፑን ጋላስ፥ ካዎ ኣርጼኪሲሲ ዎይኔ ኡሻን ኡፋዬቲዳ ጊሻስ ኢዛስ ኦዛ ላፑን ጉንዱላታ ማሁማኔ፥ ቢዛቴ፥ ሃርቦኔ፥ ቢጊታ፥ ኣባጊታ፥ ዜታሬኔ ካርካሴ ኣዛዚዴስ።

ዬ ማጻፋ 37:7

ጎዳ ሲንን ጮኡ ጋዳ ኢዚ ኦና ጋካናስ ዳንዳያን ናጋ፤ ኢታ ኣሳቲ ዱሬቲኮኔ ኢስታ ቆፋይ ፖሌቲኮ ኔ ኢስታ ቦላ ዪሎቶፓ።

ሌሚሶ ማጻፋ 31:4

«ሊሙኤሌ ሃይሲ ካዎታስ ቤሴና፤ ካዎቲ ዎይኔ ኡሹ ኡያናስ ቤሴና፤ ዴሬ ኣይሲዛይቲ ማሲዛ ኡሹ ያሬታናስ ቤሴና።