ኤፌሶኔ ኣሳስ 5:17 - ጋሞ ማጻፋ

¹⁷ ሄሳ ጊሻስ ኤያታ ጊዶፒቴ፤ ጎዳ ሼኔይ ኣዛኮ ዩሺ ቆፒቴ።

Geeshsha Maxaafa

¹⁷ Hessa gishshas eeyata gidopite; Godaa sheney aazakko yuushshi qopite.

Gamo Geesha Maxxafa New Testamen

¹⁷ Hesa gish eyata gidopiite Goda sheney azakone yushi qopiite.

ኤፌሶኔ ኣሳስ 5:17 Referans Kwoze

ኦሮሜ ኣሳስ 12:2

ሎኦ፥ ኡፋይሲዛዚኔ ኩሜ ጊዲዳ ጾሳ ሼኔይ ኣዛኮ ኢንቴ ፓጪ ኤራና ማላ ኢንቴ ቆፋን ኦራጺዲ ላሜቲቴ ኣቲን ሃይሳ ኣላሜ ኣሳ ሚሳቶፒቴ።

1ታሶሎንቄ ኣሳስ 5:18

ኣይ ሃኖንካ ጋላቲቴ፤ ጾሳ ሼኔይ ኢንቴስ ዬሱስ ኪርስቶሳ ባጋራ ሄሳ።

ቆላሲያሴ ኣሳስ 1:9

ኑ ቃሴ ሄሳ ሲዮሶፔ ሃ ሲሚን ኢንቴ ጾሳ ሼኔ ኤራቴኒኔ ኣኬካን ኢንቴና ኩንና ማላ ኢንቴ ጊሻስ ዎሳ ቃንጺቤኮ።

ኤፌሶኔ ኣሳስ 5:15

ሄሳ ጊሻስ ኤራቴ ባይንዳይታ ማላ ጊዶንታ ኢንቴ ዋኒዲ ኤራታ ማላ ዳናኮ ናጌቲቴ።

ኤርማሳ ቲንቢቴ 4:22

ጎዳይ፥ «ታ ኣሳይ ኤያ፤ ኢስቲ ታና ኤሬቴና። ኢስቲ ዩሺ ቆፖንታይታ፤ ኢስቲ ኣኬካይ ባይንዳይታ፤ ኢስቲ ኢታ ሚሽ ኦናስ ኤራንቻታ፤ ሎኦ ኦናስ ኤራይ ፓጪዳይታ» ጌስ።

1ጴጽሮሳ ኪታ 4:2

ሄሳፌ ጉዬ ባ ዲዛ ዎዴ ኡባን ኢዚ ዳናይ ኢታ ኣሾ ኣሞቴ ኦሶን ጊዶንታ ዲሼ ጾሳ ሼኔ ፖሎና።

ቆላሲያሴ ኣሳስ 4:5

ኣማኖንታ ኣሳታራ ኢንቴስ ዲዛ ሃኖቴን ኣ ኤራቴን ሲሜሬቲቴ፤ ኢንቴስ ቤቲዳ ሎኦ ቃዳን ጎኤቲቴ።

ዮሃኒሳ ሚሺራቾ 7:17

ታና ኪቲዳይሳ ሼኔ ኦና ኮይዛዴይ ዲኮ ሃይሲ ሃ ቲሚርቴይ ጾሳፌ ቤቲዳይሳ ዎይኮ ታ ታፔ ሃሳይዳይሳ ጊዲኮካ ኤራና።

ዬ ማጻፋ 111:10

ኣ ኤራቴስ ኮይሮይ ጎዳስ ያሻቴ፤ ኢዛ ኣዛዞ ኦዛይታስ ሎኦ ኣኬካይ ዴስ። ጎዳይ ሜርናስ ጋላቴቶ!

ኢዮቤ ማጻፋ 28:28

ሄ ዎዴ ኣሳስ፥ ‹ሄኮ ኤራቴ ጉሲ ጾሳስ ያሻቴ፤ ኣኬካ ጉሲ ኢታፔ ሃኮ› ጊዴስ።»

ሌሚሶ ማጻፋ 14:8

ኣኬካንቻ ኣሳስ ኣ ኤራቴ ባ ኦጌ ናጎ፤ ኤያታ ኤያቴ ጊዲኮ ኢስታ ጪሜስ።

ሌሚሶ ማጻፋ 2:5

ሄ ዎዴ ኔኒ ጎዳስ ያሻቴ ኣኬካና፤ ጾሳካ ሎኤዳ ኤራና።

ዛሬ ማጻፋ 4:6

ኢንቴ ኢስታ ናጊቴኔ ፖሊቴ፤ ኢንቴ ሄሳ ኦዛ ጊዲኮ ኢንቴ ኣይ ኬና ኣ ኤራንቻታኔ ኣኬኪዛይታ ሃራ ዴሬ ኣሳይ ኢንቴና ቤኣና፤ ኢስቲ ሃ ኣዛዞታ ሲዪዛ ዎዴ፥ ‹ቱሙካ ሃ ጊታ ካዎቴይ ኣ ኤራንቻኔ ኣኬካንቻ ዴሬ› ጋና።

ሌሚሶ ማጻፋ 23:23

ቱማ ሻማፌ ኣቲን ሙሌካ ባይዞፓ፤ ኣ ኤራቴ፥ ሴራኔ ኣኬካ ኔስ ሚሼ ኦ።

ዬ ማጻፋ 119:27

ኔ ማራ ታና ኣኬኪሳ፤ ማላሊሲዛ ኔ ኦሶ ታ ዩሻ ቆፓና።