ኤፌሶኔ ኣሳስ 4:31 - ጋሞ ማጻፋ

³¹ ጫሞ ዮኦ ኡባ ሃንቆ፥ ዪሎ፥ ኦሽ፥ ጫሼ፥ ቃሴካ ሃንኮ ሃራ ኢታቴ ኡባ ኢንቴፌ ዲጊቴ።

Geeshsha Maxaafa

³¹ Camo yo7o ubbaa hanqo, yiillo, oosh, cashshe, qasseka hankko hara iitateth ubbaa inttefe diggite.

Gamo Geesha Maxxafa New Testamen

³¹ Camo yo wuriisi hanqoka, yilo, ooshu, cashe, qassekka hanko hara itateth wursi intefe digiite.

ኤፌሶኔ ኣሳስ 4:31 Referans Kwoze

ቆላሲያሴ ኣሳስ 3:8

ሃኢ ጊዲኮ ሃንቆ፥ ዪሎ፥ ጫሼ፥ ዚጊርሲኔ ዬላሲዛ ሃሳያ ሄይታንታ ሚሳቲዛይታ ኡባ ዲጊቴ።

ኤራንቻታ ማጻፋ 7:9

ኤያታ ሃንቆይ ኢስታ ኪኦ ጋርሳን ዲዛ ጊሻስ ኔኒ ሃንቆስ ኤሶቶፓ።

1ጴጽሮሳ ኪታ 2:1

ሄሳ ጊሻስ ኢታቴ ዉርሲ፥ ባሌ ዉርሲ፥ ቆፔ ቆሞን ሃኖ፥ ቃናቴቴ ኣይኮ ቆሞ ዚጊርስ ኢንቴፌ ዲጊቴ።

ያቆቤ ኪታ 1:19

ዶሴቲዳ ታ ኢሻቶ! ሃይሳ ዩሺ ቆፒቴ፤ ኣሲ ዉሪካ ሲያናስ ኤሶቶ፤ ሃሳያሲኔ ሃንቆስ ኤሶቶፖ።

ቆላሲያሴ ኣሳስ 3:19

ኣዚናቶ! ኢንቴ ኢንቴ ማቼታ ሲቂቴኔ ኢስታስ ሜንጼ ኢቶፒቴ።

ያቆቤ ኪታ 3:14

ቃሴ ጫሞኔ ቃናቴይ፥ ኢንቴና ጻላ ዶሲዛ ሃኖይ ኢንቴ ዎዚናን ዲዛ ጊዲኮ ኦቶሬቴ ኢንቴስ ሲዬቶፎ፤ ቱማካ ካዶፍቴ።

ኤፌሶኔ ኣሳስ 4:26

ሃንቄቲቴ ሺን ናጋራ ኦፍቴ፤ ኢንቴ ሃንቆን ዲሺን ኣርሼይ ዉሎፎ።

1ዮሃኒሳ ኪታ 3:12

ኢታ ባጋ ጊዲዲ ባ ኢሻ ዎዳ ቃዬሌ ማላ ጊዶፒቴ፤ ኢዚ ኣዛስ ዎዴ? ጋሶይካ ኢዛ ኦሶይ ኢታ፤ ኢሻ ኦሶይ ሎኦ ጊዲዳ ጊሻሳ።

ዬ ማጻፋ 101:5

ጌማን ባ ላጌ ዚጊርዛይሳ ታኒ ሲርጲ ኦና፤ ኦቶሬቲዛይሲኔ ጬቄቲዛ ኣስ ታኒ ጮኡ ጋ ኣጊኬ።

ያቆቤ ኪታ 4:11

ታ ኢሻቶ! ኢንቴ ኢንቴ ጋርሳን ኢሶይ ኢሳ ሞቶፒቴ፤ ባ ኢሻ ሞቲዛዴይኔ ባ ኢሻ ቦላ ፒርዲዛዴይ ዎጋ ቦላ ኢታ ሃሳዬሲኔ ዎጋ ቦላ ፒርዴስ፤ ሂስቲኮ ኔኒ ዎጋ ቦላ ፒርዲዛዴ ኣቲን ዎጋ ናጊዛዴ ጊዳካ።

ሌሚሶ ማጻፋ 26:20

ሚ ዉሪኮ ታማይ ቶኤስ፤ ዚጊርሲ ይኮ ኦሺ ኣቴስ።

Titosas 1:7

ዎሳ ኬ ጪማይ ጾሳስ ኦና ሃዳራ ኤኪዳዴ ጊዲዳ ማላ ኢዛ ቦላ ዎሶይ ባይንዳዴ ጊዳናስ ቤሴስ፤ ሄሲካ ጬቄቲዛዴ፥ ጉ ሚሻን ዪሎቲዛዴኔ ማቲዛዴ፥ ኡሻንቻኔ ኢዛስ ቤሶንታ ኦጌራ ጎኣ ጊዲዳዝ ጎዲ ኤኪ ቢዛዴ ጊዳናስ ቤሴና።

1ጺምቶሳስ 3:11

ማጫ ዳቆኔቲካ ቦንቼቲዳይታ፥ ዚጊሮንታይታ፥ ቃሴ ዎጋራ ዲዛይታ፥ ሃኖ ኡባን ኣማኔቲዳይታ ጊዳናስ ቤሴስ።

2ቆሮንቶሴ ኣሳስ 12:20

ታኒ ሄ ቢዛ ዎዴ ኦኔ ኤሪዛይ ኢንቴ ታ ኮዪዳ ማላ ሃኖንታ ኣጊኮ ታኒካ ኢንቴ ኮይዛ ማላ ጊዶንታ ዳሼ ጋጌታኔሻ ጋዳ ሂርጋይስ፤ ሄሳካ ኢንቴ ጊዶን ኦሺ፥ ቃናቴቴ፥ ሃንቆይ፥ ዙፔቴ፥ ኣሳ ሱን ኢሶይ፥ ዚጊርሲ፥ ኦቶሬቴኔ ካቺ ዱስ ኣጌና ጋዳ ሂርጋይስ።

1ቆሮንቶሴ ኣሳስ 14:20

ታ ኢሻቶ! ኢንቴ ኢንቴ ቆፋን ጉ ናይታ ማላ ጊዶፒቴ፤ ኢታ ኦሶስ ጊዲኮ ጉ ናይታ ማላ ጊዲቴ፤ ቆፋን ጊዲኮ ካሃ ኩንዳ ኣሳታ ጊዲቴ።

ሌሚሶ ማጻፋ 29:22

ሃንቄቲዛ ኣሲ ኦሽ ዴንስ፤ ኤሌ ዪሎቲዛ ኣሲ ዳሮ ናጋራ ኦስ።

ሌሚሶ ማጻፋ 14:17

ኤሌ ሃንቄቲዛ ኣሲ ኤያ ኦሶ ኦስ፤ ዮኦ ቃቺዛ ኣሲ ዶሴቴና።

ሌሚሶ ማጻፋ 10:18

ኢጺሼ ባ ኢጺዛይሳ ቆቲዛ ኣሲ ዎርዳንቻ፤ ዚጊርስ ዚጊርዛ ኣሲ ጊዲኮ ኤያ።

ሌሚሶ ማጻፋ 10:12

ኢጾይ ፓላማ ዴንስ፤ ሲቆይ ጊዲኮ ባላ ኡባ ካሚ ኣስ።

1ጺምቶሳስ 5:13

ሄሳፌካ ኦሶ ኦናፔ ዩዪ ዩዪ ኣሳ ኬ ጌላና ዶሴቴስ፤ ኦሶ ኢጾ ጻላ ጊዶንታ ሃሳያናስ ቤሶንታይሳ ሃሳይሼ ዚጊርዛይታኔ ኮሾንታ ኣሳ ዮኦ ጊዶ ጮ ዎጺ ጌሊዛይታ ጊዴቴስ።

ጋላቲያ ኣሳስ 5:20

ኤቃስ ጎይኖ፥ ቢታ፥ ኢጼቴ፥ ኦሽ፥ ቃናቴቴ፥ ሃንቆ፥ ባና ጻላ ዶሶ፥ ሻኬቴ፥ ዙፔቴ፥

1ቆሮንቶሴ ኣሳስ 5:8

ሄሳ ጊሻስ ኣኔ ኑኒ ፓዚጋ ባኣሌዛ ቆሆይኔ ኢታቴ ኢዛን ኩሚዳ ካሴ ጫላ ኢርሾ ቦላ ጊዶንታ ኢርሾይ ባይንዳ ኡኬን ሱሬቴኒኔ ቱማን ቦንቾስ።

ኦሮሜ ኣሳስ 3:14

ኢስታ ዶናን ቃንጌኔ ጫሞ ሚሺ ኩሚዴስ።

ሌሚሶ ማጻፋ 25:23

ኣርሼይ ሞኪዛ ባጋ ጫርኮይ ኢራ ኤሂዛ ማላ፥ ዚጊርሲ ሃንቆ ኤሄስ።

ሌሚሶ ማጻፋ 18:8

ዚጊራንቻ ቃላይ ማልኦ ቁማ ማላ፤ ኣሳስ ዱጌ ማራጬ ጋኬስ።

ሌሚሶ ማጻፋ 6:19

ዎርዶ ቦላ ዎርዶ ጉጂ ጉጂዲ ዮቲዛ ዎርዶ ማርካ፥ ኢሻንታ ጊዶን ኦሽ ሜዛ ኣሳ።

ዬ ማጻፋ 140:11

ኢታ ሃሳይዛይታ ቢታይ ቶኮፎ፤ ማካላንቻታ ኢታ ሚሺ ኦይኮ።

ዬ ማጻፋ 64:3

ኢስቲ ባንታ ኢንጻርሳ ማሻ ማላ ሌፊዳ፤ ቃሴ ማርዜ ቃላታ ዎንዳፌ ዪሻ ማላ ዱካናስ ጊግሲዳ።

ዬ ማጻፋ 50:20

ኣሶን ኣሶን ኔ ኢሻ ዚጊራሳ፤ ኔ ኣዪ ና ሱንካ ሞራሳ።

ዬ ማጻፋ 15:3

ኣስ ጪሞንታይ፥ ባ ላጌ ቦላ ኢታ ኦንታይ፥ ባ ሾሮ ዚጊሮንታይ፥

2ሳሜላ ማጻፋ 19:27

ታ ጎዳ ካዎ ሲንን ታና ኔ ኦሳንቻዛ ሱን ሞሪዴስ፤ ኣይዴ ጊዲንካ ታ ጎዳይ ካዎይ ኔኒ ጾሳ ኪታንቻ ማላ ጊዲዳ ጊሻስ ኔና ሎኢዳ ኡባ ኦ።

ሜቴ ማጻፋ 37:4

ኢዛ ኢሻቲ ኢስታ ኣዋይ ኢዛ ኢስታፌ ኣ ሲቂዛይሳ ቤኢዲ ኢስቲ ኢዛ ኢጺዲ ሎኦ ቃላን ኢዛራ ሃሳያናስ ዳንዳይቤቴና።

ሜቴ ማጻፋ 27:41

ኣዋይ ያቆቤ ኣንጂዳ ጊሻስ ኤሳዌይ ያቆቤ ኬሂ ኢጺዴስ፤ ኢዚ ባ ዎዚናራ፥ «ታ ኣዋይ ሃይቃና ማቲዴስ፤ ኢዚ ሃይቂዳ ማላ ታ ኢሻ ያቆቤ ታ ዎና» ጊዴስ።

ሜቴ ማጻፋ 4:8

ሄሳፌ ጉዬ ቃዬሌይ ባ ኢሻ ኣቤሌ፥ «ኣኔ ጌዴ ዴምባሶ ቦስ» ጊዴስ። ቢዲ ኢስቲ ዴምባን ዲሺን ቃዬሌይ ባ ኢሻ ኣቤሌ ቦላ ዴንዲዲ ዎዴስ።

ዮሃኒሳ ኣጁታ 12:10

ሄሳፌ ጉዬ ኢሲ ጊታ ጊሪሲ ሳሎፔ ሂዝጊሺን ታ ሲያዲስ፤ «ሄኮ ኣሴ ኣሾይ፥ ዎልቃይኔ ካዎቴካ ኑ ጎዳስ ጊዲዴስ፤ ማታይካ ኪርስቶሳስ ጊዲዴስ። ኑ ኢሻታ ኑ ጎዳ ሲንን ጋላሲኔ ቃማ ሞቲዛ ኑ ኢሻታ ባልጋራይ ዱጌ ዬጌቲዴስ።

1ዮሃኒሳ ኪታ 3:15

ባ ኢሻ ኢጺዛዴይ ሼምፖ ዎዳ ኣሳ ማላ፤ ሼምፖ ዎዳዴስ ሜርና ዴኦይ ባይንዳይሳ ኢንቴ ኤሬታ።

Titosas 2:3

ሄሳካ ጪማ ማጫሳቲ ባ ዲዛ ዱሳን ቦንቾራ ዲዛይታኔ ሎኦ ሃኖቴ ኣሳ ታማርሲዛይታ ጊዴቶ ኣቲን ኣሳ ሱን ኢሲዛይታ ዎይኮ ዎይኔ ጫጄ ኡሻ ሱኬን ዋጼቲዳይታ ጊዶንታ ማላ ኢስታ ታማርሳ።

2ጺምቶሳስ 2:23

ጎኣይኔ ሂዶታይ ባይንዳ ኤያታ ፓላማፔ ሃካ፤ ጋሶይካ ሄሳንታ ማላይ ኦሽ ካሌዛይሳ ኔ ኤራሳ።

1ጺምቶሳስ 3:3

ማቶንታዴ፥ ኦሽ ኦዬቶንታዴ፥ ቃሴ ማራጌ ኣስ፥ ኣሳራ ፓላሜቶንታዴ፥ ሚሽ ጎዶንታዴ ጊዳናስ ቤሴስ።

ሃዋሬታ ኦሶ 21:30

ኩሜ ካታማይ ባ ጊዶን ሺሮቲዴስ፤ ዴሬይ ዉሪ ኢሲፌ ዎጺ ኮዪዲ ጳዉሎሳ ኦይኪ ኤኪ ጾሳ ኬ ጊቤፌ ጎሼቺ ኬሲዴስ፤ ጾሳ ኬ ፔንጌቲ ሄራካ ጎርዴቲዳ።

ኤርማሳ ቲንቢቴ 6:28

ኢስቲ ኡባይ ዚጊርሼ ዩዪዛይታኔ ዮቲን ኤኮንታ ማካላንቻታ፤ ኢስቲ ጻርቂማላ ማላኔ ቢራታ ማላ፤ ኢስቲ ኡባይካ ሞሮ ኦዛይታ።

ሌሚሶ ማጻፋ 29:9

ኣ ኤራቴ ዲዛ ኣሲ ኤያ ኣሳራ ፒርዳሶ ቢኮ ኤያይ ሃንቄቴሲኔ ቂስ፤ ኢዛስ ሳሮይካ ዴና።

ሌሚሶ ማጻፋ 19:12

ካዎ ሃንቆይ ጋሞ ጻጎ ማላ፤ ጊዶ ኣቲን ኢዛ ሲንን ሳባ ዴሞይ ማታ ጪሊሊሲዛ ኢራ ማላ።

2ሳሜላ ማጻፋ 19:43

ሄሳፌ ጉዬ ኢስራኤሌ ኣሳይ ዩሁዳ ኣሳስ፥ «ኑና ካዎዛፔ ታሙ ኩሼይ ጋኬስ፤ ሄሳፌ ቦላራካ ኢንቴፌ ኑስ ኣዛ ማታይ ዴስ፤ ሂስቲን ኢንቴ ኑና ኣዛስ ካዴቲ? ኑ ካዎዚ ሲማና ማላ ኮይሮ ኦይቺዳይ ኑና ጊዶኮኒ?» ጊዳ። ጊዶ ኣቲን ዩሁዳ ኣሳይ ኢሚዳ ዛሮይ ኢስራኤሌ ኣሳይ ኢሚዳ ዛሮፔ ኬሂ ሚኖ።

2ሳሜላ ማጻፋ 13:22

ኣቤሴሎሜይ ኣሚኖኔ ቦላ ኢታ ጊዲን ሎኦ ጊዲን ኢሲ ቃላካ ጶቂቤና፤ ጋሶይካ ኣሚኖኔይ ኢዛ ሚቾ ቲኢማሮ ካዉሺዳ ጊሻስ ኬሂ ኢጺዴስ።

ሜቴ ማጻፋ 37:21

ኦሮቤሌይ ሄሳ ሲዪዲ ኢስታ ኩሼፔ ኢዛ ኣሻናስ ኮዪዲ፥ «ኢዛ ዎ ዎኮ፤

2ጺምቶሳስ 3:3

ሲቆይ ባይንዳይታ፥ ኣቶ ጊ ማሮንታይታ፥ ኣሳ ሱን ሞሪዛይታ፥ ባርካ ባና ሃሮንታይታ፥ ሜንጼ ኢታታ፥ ሎኦ ሚሽ ዶሶንታይታ፥

ኤርማሳ ቲንቢቴ 9:4

ቃሴካ ጎዳይ፥ «ኢሻይ ኢሻ ባሌስ፤ ላጌይ ባ ላጌ ዚጊሬስ፤ ሄሳ ጊሻስ ኢሻይ ኢሻፔ ናጌቶ፤ ላጌይ ባ ላጋን ኣማኔቶፎ።

ዬ ማጻፋ 37:8

ሃንቆ ኣጋ፤ ዪሎፌ ባቃታ። ዪሎቶፓ፤ ኣይስ ጊኮ ሄሲ ኣስ ሜቶን ዬጌስ።

ኤፌሶኔ ኣሳስ 4:22

ኢንቴ ካሴ ዲዛ ዱሳይ ባሌዛ ኣሞን ቂታቲዳ ጊሻስ ካሴ ጬጋ ኣሳቴ ኢንቴፌ ቃሪ ዬጋና ማላ ታማርዴታ።

ኤፌሶኔ ኣሳስ 4:25

ኑ ዉሪካ ኢሲ ኣሾ ጊዲዳ ጊሻስ ዎርዶቴ ዲጊዲ ኑኒ ኑ ጋርሳን ኢሶይ ኢሳራ ኣኔ ቱማ ሃሳዮስ።