ኤፌሶኔ ኣሳስ 4:13 - ጋሞ ማጻፋ

¹³ ሄሲካ ሃናናይ ኑ ዉሪካ ጾሳ ና ኣማኖኒኔ ኢዛ ኤሮን ቤቲዛ ኢሲፌቴኮ ጋኪዲ ኩሜ ኣስ ጊዳናስ ኪርስቶሳን ኑኒ ኪርስቶሳ ኩሜኔ ፖሎ ጊዳና ማላሳ።

Geeshsha Maxaafa

¹³ Hessika hananay nu wurikka Xoossa Naa ammanoninne iza eron beettiza issifeteththaako gakkidi kumeththa as gidanaas Kirstoosan nuni Kirstoosaththo kumeththinne polo gidana malassa.

Gamo Geesha Maxxafa New Testamen

¹³ Hesika hananay nu wurikka Xoossa na amanonine iza eron betiza isipetethiko gakidi kumetha asi gidanas Kiristossan nuni kirstosatho kumethinne polo gidana malakko.

ኤፌሶኔ ኣሳስ 4:13 Referans Kwoze

ቆላሲያሴ ኣሳስ 1:28

ኑኒካ ኢሲ ኢሲ ኣስ ኪርስቶሳስ ኩሜ ኣስ ሂስቲ ሺሻናስ ዳንዳያና ማላ ኣስ ኡባ ሂላራ ዞሪሼኔ ታማርሲሼ ኪርስቶሳ ጊሻስ ሳባኮስ።

ዮሃኒሳ ሚሺራቾ 17:21

ታ ዎሲዛይ ኢስቲ ዉሪካ ኢሲኖ ጊዳና ማላሳ። ታ ኣዋዉ! ቃሴካ ኔ ታናን ዲዛ ማላ ኢስቲካ ኑናን ጊዳና ማላኔ ኔ ታና ኪቲዳይሳ ሃ ኣላሜይ ኣማናና ማላ ታ ኔና ዎሳይስ።

ኤፌሶኔ ኣሳስ 4:5

ኢሲ ጎዳይ፥ ኢሲ ኣማኖይኔ ኢሲ ጺንቃታይ ዴስ።

ኤፌሶኔ ኣሳስ 4:3

ሳሮቴ ኢሚዛ ኣያና ኢሲፌቴ ናጋናስ ሚኒቴ።

2ጴጽሮሳ ኪታ 3:18

ሄሳፌ ቦላራ ኑ ጎዳኔ ኑ ሌ ዬሱስ ኪርስቶሳ ኪያቴኒኔ ኢዛ ሻኪ ኤሮን ፑዴ ዲጪቴ፤ ኢዛስ ሃኢካ ሜርናስካ ቦንቾይ ጊዶ። ኣሚን።

ቆላሲያሴ ኣሳስ 2:2

ቃሴካ ኢስታ ዎዚናይ ሚናና ማላኔ ኢስቲ ሲቆቴን ኢሶይ ኢሳራ ኦይኬታና ማላ ኩሜ ጊዲዳይሳ ዩሺ ቆፒ ኤሮን ዱሬቴ ዴሚዲ ጾሳ ጹራ ጊዲዳ ኪርስቶሳ ኢስቲ ኤራና ማላ ታ ዳፌታይስ።

Ibirawe 5:14

ሚኖ ካ ጊዲኮ ሎኦኔ ኢታ ሻኪ ኤራናስ ዳንዳይዛ ዎዚና ኩንዳ ኣሳታሳ።

ፒሊጲሲዮሴ ኣሳስ 3:8

ሄሳፌካ ታ ጎዳ ዬሱስ ኪርስቶሳ ኤሮፔ ኣዛይ ሃራይ ኣይኮይካ ባይንዳይሳ ታ ኣማኒዛ ጊሻስ ኡባካ ጎኣይ ባይንዳ ሚሻ ማላ ቆዳዲስ፤ ታኒ ኢዛ ጊሻስ ጋዳ ኡባካ ኣጋዲስ፤ ታ ኪርስቶሳ ዴማና ጋዳ ኡባ ሚሻካ ዎራ ዎዳ ኢታ ሚሻ ማላ ቆዳዲስ።

1ቆሮንቶሴ ኣሳስ 14:20

ታ ኢሻቶ! ኢንቴ ኢንቴ ቆፋን ጉ ናይታ ማላ ጊዶፒቴ፤ ኢታ ኦሶስ ጊዲኮ ጉ ናይታ ማላ ጊዲቴ፤ ቆፋን ጊዲኮ ካሃ ኩንዳ ኣሳታ ጊዲቴ።

ኤፌሶኔ ኣሳስ 1:23

ዎሳ ኬያ ኪርስቶሳ ኣሳቴ፤ ሄ ኢዛካ ኡባሶን ኡባ ሚሽ ኩንዛ ሄ ኢዛ ኩሜ።

ሃዋሬታ ኦሶ 4:32

ኣማኒዛይቲ ዉሪካ ኢሲ ዎዚናኒኔ ኢሲ ቆፋን ጋጊ ዴቴስ። ኢስታስ ዲዛይ ዉሪ ኢሲ ቦላ ዴስ ኣቲን ባስ ዲዛዝ፥ «ሃይሲ ታስ ቡዞ ሚሻ» ጊዛዴይ ዴና።

ዛካራሳ ቲንቢቴ 14:9

ሄ ዎዴ ጎዳይ ቢታ ኡባ ቦላ ካዎታና፤ ሄ ዎዴ ጎዳይ ኢሳ ጻላ፤ ኢዛ ሱንይካ ኢሳ ጊዳና።

1ዮሃኒሳ ኪታ 5:20

ጾሳ ናይ ዪዳይሳኔ ኑኒ ቱማ ጾሳ ኤራና ማላ ኣኬካ ኢዚ ኑስ ኢሚዳይሳ ኑ ኤሮስ፤ ኑኒካ ቱሙ ጊዲዳ ኢዛ ናዛ ዬሱስ ኪርስቶሳን ዶስ፤ ኢዚካ ቱሙ ጾሳኔ ሜርና ዴኦ።

ሶፎናሳ ቲንቢቴ 3:9

ሄ ዎዴ ኣሳይ ኡባይ ጎዳ ሱን ጼይጋና ማላኔ ሲጋን ኢዛስ ሃጋዛና ማላ ታ ኢስታ ዶና ጌሻና።

ኤፌሶኔ ኣሳስ 4:12

ሄሲካ ኪርስቶሳ ኣሳቴ ጊዲዳ ዎሳ ኬያ ኬጼታና ማላ ኣማኒዛይታ ኣማኖ ኦሶስ ጊጊሳናሳ።

ኤፌሶኔ ኣሳስ 2:15

ዎጋ፥ ዎጋ ኣዛዞራ ጋ ኢሲፌ ባ ኣሾን ሻሪዴስ፤ ኢዚ ሄሳ ኦዳ ጋሶይካ ኢዛስ ዋና ቆፋይ ናምኣታፔ ኢሲ ኦራ ኣስ ባ ባጋራ ሜዲ ሳሮቴ ኤሃናሳ።

2ቆሮንቶሴ ኣሳስ 4:6

ኪርስቶሳ ሲንን ጾሲ ባ ቦንቾ ኤራቴ ፖኦ ኑስ ኢማናስ፥ «ፖኦይ ማን ፖኦ» ጊዳ ጾሲ ባ ፖኦ ኑ ዎዚናን ፖኢሲዴስ።

1ቆሮንቶሴ ኣሳስ 1:10

ታ ኢሻቶ! ኢንቴ ጋርሳን ሻኬቴ ዶንታ ማላ ኢንቴስ ኢሲ ዎዚናይኔ ኢሲ ቆፋይ ዳና ማላኔ ኢንቴ ኢንቴ ጋርሳን ኢሲኖ ጊዳና ማላ ጎዳ ዬሱስ ኪርስቶሳ ሱንን ታ ኢንቴና ዎሳይስ።

ዮሃኒሳ ሚሺራቾ 17:3

ሜርና ዴኦይካ ኔ ጻላ ቱሙ ጾሳኔ ኔ ኪቲዳ ዬሱስ ኪርስቶሳ ኤሮ ጉሳ።

ዮሃኒሳ ሚሺራቾ 16:3

ኢስቲ ሄሳ ኦዛይ ታናካ፥ ታ ኣዋካ ኤሮንታ ጊሻሳ።

ኢሳያሳ ቲንቢቴ 53:11

ኢዛ ሼምፖይ ዋዬቲዳፔ ጉዬ ኢዚ ዴኦ ፖኦ ቤኣናኔ ኡፋዬታና። ታ ጺሎ ኣይሌዚ ባ ኤራቴን ዳሮታ ጺሊሳና፤ ኢስታ ሞሮካ ቶካና።

Maatosa 11:27

«ዉሪካ ታ ኣዋፔ ታስ ኢሜቲዴስ፤ ኣዋፔ ኣቲን ናዛ ጊሻስ ኤሪዛ ኣሲ ባ፤ ቃሴ ናዛፔኔ ናዚ ባ ሼኔን ቆንጪሲዳ ኣሳፔ ሃራይ ኣዋ ኤሪዛ ኣሲ ባ።

ዮሃኒሳ ሚሺራቾ 1:16

ኢዛ ኩሜ ኪያቴን ኑ ዉሪ ኪያቴ ቦላ ኪያቴ ኤኪዶስ።

ዮሃኒሳ ሚሺራቾ 6:69

ኔ ጌሻ ጾሳ ና ጊዲዳይሳ ኤሪዲ ኑኒ ኣማኒዶስ» ጊዴስ።

1ቆሮንቶሴ ኣሳስ 2:6

ኑ ካሃ ኩንዳ ኣሳታ ኣቻን ኤራ ሃሳያ ሃሳዮስ፤ ጊዶ ኣቲን ሃይሳ ሃ ኣላሜዛ ኤራቴ ጊዴና፤ ዎይኮ ያና ዲዛ ሃ ኣላሜዛ ሃሪዛይታ ኤራቴ ጊዴና።

ጋላቲያ ኣሳስ 4:19

ታ ናይቶ! ኪርስቶሲ ኢንቴ ዎዚናን ጻፌቲን ታ ቤያና ጋካናስ ኢንቴ ጊሻስ ታ ሚጻታይስ።

ኤፌሶኔ ኣሳስ 1:17

ቦንቾ ኣዋ ጊዲዳ ኑ ጎዳ ዬሱስ ኪርስቶሳ ኣዋ ጾሳ ኢንቴ ሎኤ ኤራና ማላ ቆንጪሲዛ ኣያናይኔ ኤራቴ ኣያናይ ኢንቴስ ኢሜታና ማላ ታ ኢንቴስ ፓጬይ ባይንዳ ዎሳይስ።

ፒሊጲሲዮሴ ኣሳስ 3:10

ኪርስቶሳኔ ኢዚ ሃይቂ ዴንዲዳ ዴን ዎልቃ ታ ኤራና ማላ ኢዛ ዋዬካ ታ ኢዛራ ጊሼታና ማላኔ ሃይቆንካ ታ ኢዛ ሚሳታና ማላ ኣሞታይስ።

2ጴጽሮሳ ኪታ 1:4

ባ ቦንቾኒኔ ባ ኪያቴን ቦንቾ ዎጋይ ዲዛይሳኔ ኬሂ ጊታ ጊዲዳ ኢዛ ሂዶታ ኑኒ ዴሚዶስ፤ ሄይታንታ ባጋራ ኢንቴ ኢታ ኣሞ ጋሶን ሃይሳ ሃ ኣላሜዛን ዲዛ ዮፔ ኬሲ ኤኪዲ ጾሳቴ ሃኖዛፔ ኢዛራ ጊሼቲዛዴንታ ጊዲዴታ።