ኤፌሶኔ ኣሳስ 1:17 - ጋሞ ማጻፋ

¹⁷ ቦንቾ ኣዋ ጊዲዳ ኑ ጎዳ ዬሱስ ኪርስቶሳ ኣዋ ጾሳ ኢንቴ ሎኤ ኤራና ማላ ቆንጪሲዛ ኣያናይኔ ኤራቴ ኣያናይ ኢንቴስ ኢሜታና ማላ ታ ኢንቴስ ፓጬይ ባይንዳ ዎሳይስ።

Geeshsha Maxaafa

¹⁷ Bonchcho Aawaa gidida nu Godaa Yesus Kirstoosa Aawaa Xoossaa intte lo7eththi erana mala qonccisiza Ayanaynne erateththa Ayanay inttes imettana mala ta inttes pacey baynda woossays.

Gamo Geesha Maxxafa New Testamen

¹⁷ Boncho aawa gidida nu Goda Yesuss Kiristossa awa Xoossi inte loo7ethi eranamala qonccisiza ayanayinne eratetha ayanay intes imistana mala ta intes paccey baynda wosays.

ኤፌሶኔ ኣሳስ 1:17 Referans Kwoze

ኢሳያሳ ቲንቢቴ 11:2

ጎዳ ኣያናይ፥ ኣ ኤራቴኔ ኣኬካ ኣያናይ፥ ዞሬ ኣያናይኔ ዎልቃ ኣያናይ፥ ኤራቴ ኣያናይኔ ጎዳስ ያሺሲዛ ኣያናይ ኢዛ ቦላ ሼምፓና።

ሌሚሶ ማጻፋ 2:5

ሄ ዎዴ ኔኒ ጎዳስ ያሻቴ ኣኬካና፤ ጾሳካ ሎኤዳ ኤራና።

2ጴጽሮሳ ኪታ 1:3

ባ ቦንቾኒኔ ባ ኪያቴን ኑና ጼይጊዳይሳ ኑኒ ኢዛ ኤሪዳ ጊሻስ ኢዛ ጾሳቴ ዎልቃይ ዴኦሲኔ ጾስ ጎይናናስ ኑስ ኮሺዛዝ ኡባ ኢሚዴስ።

2ጴጽሮሳ ኪታ 3:18

ሄሳፌ ቦላራ ኑ ጎዳኔ ኑ ሌ ዬሱስ ኪርስቶሳ ኪያቴኒኔ ኢዛ ሻኪ ኤሮን ፑዴ ዲጪቴ፤ ኢዛስ ሃኢካ ሜርናስካ ቦንቾይ ጊዶ። ኣሚን።

ኤፌሶኔ ኣሳስ 1:3

ኑ ጎዳ ዬሱስ ኪርስቶሳ ባጋራ ሳሎን ኣያና ኣንጆ ኡባን ኑና ኣንጂዳ ጎዳ ዬሱስ ኪርስቶሳ ኣዋይ ጾሲ ኣንጄቶ።

ዮሃኒሳ ሚሺራቾ 17:3

ሜርና ዴኦይካ ኔ ጻላ ቱሙ ጾሳኔ ኔ ኪቲዳ ዬሱስ ኪርስቶሳ ኤሮ ጉሳ።

Maatosa 11:27

«ዉሪካ ታ ኣዋፔ ታስ ኢሜቲዴስ፤ ኣዋፔ ኣቲን ናዛ ጊሻስ ኤሪዛ ኣሲ ባ፤ ቃሴ ናዛፔኔ ናዚ ባ ሼኔን ቆንጪሲዳ ኣሳፔ ሃራይ ኣዋ ኤሪዛ ኣሲ ባ።

1ቆሮንቶሴ ኣሳስ 2:10

ጾሲ ጊዲኮ ሄሳ ባ ኣያና ባጋራ ኑስ ቆንጪሲዴስ፤ ኣያናይካ ጾሳስ ዲዛ ጪማ ዮኦ ኣሾንታ ኡባ ፒልጊ ጼሌስ።

ኤርማሳ ቲንቢቴ 24:7

ታኒ ጎዳ ጊዲዳይሳ ኤሪዛ ዎዚና ኢስታስ ኢማና፤ ኢስቲ ባንታ ኩሜ ዎዚናፔ ታኮ ሲማና ጊሻስ ኢስቲ ታ ዴሬ ጊዳና፤ ታኒካ ኢስታ ጾስ ጊዳና።

ኤፌሶኔ ኣሳስ 3:5

ሄ ጹራይካ ሃኢ ኣማኒዛ ሃዋሬታሲኔ ናቤታስ ቆንጪዳ ማላ ካሴ ቤኒ ኣዳ ዎዴ ዲዛ ኣሳታስካ ቆንጪቤና።

ዮሃኒሳ ሚሺራቾ 20:17

ዬሱሲ ቃሴ፥ «ታ ቡሮ ፑዴ ታ ኣዋኮ ኬዛቤኬ፤ ታና ቦቾፋ፤ ጊዶ ኣቲን ኔ ሃኢ ታ ኢሻታኮ ባዳ፥ ‹ታኒ ታ ኣዋኮኔ ኢንቴ ኣዋኮ፥ ታ ጾሳኮኔ ኢንቴ ጾሳኮ ኬዛና ጊዴስ› ጋዳ ኢስታስ ዮታ» ጊዴስ።

ሃዋሬታ ኦሶ 6:10

ጊዶ ኣቲን ኤራቴን ኢዚ ሃሳይዛ ሃሳያኔ ኢዛን ዲዛ ኣያና ኤቄታናስ ዳንዳይቤቴና።

Maatosa 6:13

ኢታፔ ኑና ኣሻ ኣቲን ኑና ፓጬን ጌልፋ፤ ቦንቾይ ሜሪፔ ሜርና ጋካናስ ኔይሳ። ኣሚን› ጊ ዎሲቴ።

ዮሃኒሳ ሚሺራቾ 14:26

ኣዋይ ታ ሱንን ዬዳና ሚንዛ ጺሎ ኣያናይ ቃሴ ሃኒዛ ኡባ ኢንቴና ታማርሳና፤ ታ ኢንቴስ ዮቶይሳካ ኡባ ኢንቴ ዎዚናን ዎና ማላ ማዳና።

2ቆሮንቶሴ ኣሳስ 12:1

ጬቄቴን ኣይኮ ጎኣይ ባይንዳ ኣጊኮካ ጬቄታናስ ኮሺኮ ጎዳይ ታስ ቆንጪሲ ኢሚዳይሳኒኔ ኢዚ ቤሲዳ ኣጁታን ታ ጬቄታና።

ሉቃሳ ሚሺራቾ 21:15

ኢንቴ ሞርኬታፔ ኦኒካ ኢንቴናራ ኤቄታናሲኔ ባሌናስ ዳንዳዮንታ ቃላኔ ጪንጫቴ ታ ኢንቴስ ኢማና።

ዬ ማጻፋ 24:7

ካሬቲ ዶዬቴቶ፤ ቦንቾ ካዎይ ጌሎ፤ ቤኒ ፔንጌቲ ኢዛ ኡፋይሳን ሞኪቴ!

1ቆሮንቶሴ ኣሳስ 12:8

ኢሳዴስ ሂላን ሃሳያና ኤራቴ ኢሜቴስ፤ ሃራ ኣሳስ ቃሴ ሄ ኣያናንካ ኤራቴ ቃላን ሃሳያና ቃላይ ኢሜቴስ።

1ቆሮንቶሴ ኣሳስ 2:8

ሃ ኣላሜዛ ሃሪዛይታፔ ኦኒካ ሃ ኤራቴ ኤሪቤና፤ ኤሪዳኮ ኢስቲ ቦንቾ ጎዳ ካቄቴና።

ኦሮሜ ኣሳስ 15:6

ሄሲካ ኢንቴ ኢሲ ዎዚናኒኔ ኢሲ ዶና ጊዲዲ ኑ ጎዳ ዬሱስ ኪርስቶሳ ኣዋ ጾሳ ቦንቻናሳ።

ዮሃኒሳ ሚሺራቾ 16:3

ኢስቲ ሄሳ ኦዛይ ታናካ፥ ታ ኣዋካ ኤሮንታ ጊሻሳ።

ዳኔላ ቲንቢቴ 10:1

ፓሪሴ ካዎ ቂሮሲ ካዎቲዳ ሄን ላይን ቢልጻሶሬ ጌቴቲዛ ዳኔሊ ኣጁታ ቤኢዴስ፤ ኣጁታን ኢዛስ ዮቴቲዳ ቃላይ ቱማ፤ ሄሲካ ዎልቃማ ኦላ ጊሻስ ቆንጪሲዛዛ፤ ኢዚ ሄ ኪታ ኤራና ማላ ኢዛስ ኣኬካይ ኣጁታን ኢሜቲዴስ።

ኤርማሳ ቲንቢቴ 31:34

ሃይሳፌ ጉዬ ኦኒካ ባ ላጌ ዎይኮ ባ ኢሻ፥ ‹ጎዳ ኤራ› ጊዲ ታማርሴና፤ ጋሶይካ ጉፌ ዶሚዲ ጊታ ጋካናስ ኢስቲ ኡባይ ታና ኤራና፤ ታኒካ ኢስታ ቆሆ ኣቶ ጋና፤ ኢስታ ናጋራካ ናምኣን ዛራ ቆፒኬ» ጌስ ጎዳይ።

ዮሃኒሳ ሚሺራቾ 14:17

ሃይሲ ሚንዛ ኣያናይ ዴሬ ኣሳይ ኢዛ ቤዪ ኤሮንታ ጊሻስ ኣላሜይ ኤካናስ ዳንዳዮንታ ቱሙ ኣያና፤ ጊዶ ኣቲን ኢንቴ ኢዛ ኤሬታ፤ ጋሶይካ ኢዚ ኢንቴናራ ዲዛ ጊሻሲኔ ኢዚ ኢንቴ ጋን ዲዛ ጊሻሳ።

Maatosa 16:17

ዬሱሲ፥ «ዮና ና ሲሞና! ኔኒ ኣንጄቲዳዴ! ኔስ ሃይሳ ቆንጪሲዳይ ሳሎን ዲዛ ታ ኣዋፔ ኣቲን ኣሾኔ ሱ ጊዴና።

Maatosa 11:25

ሄ ዎዴ ዬሱሲ፥ «ሳሎኔ ሳኣ ጎዶ! ታ ኣዋዉ! ሃይሳ ዳሮ ኤራንቻታፔኔ ጪንጫታፔ ቆታዳ ቄሪ ናይታስ ኔ ቆንጪሲዳ ጊሻስ ታ ኔና ጋላታይስ።

ኤርማሳ ቲንቢቴ 9:24

ጊዶ ኣቲን ጬቄቲዛ ኦኒካ ታኒ ጎዳ ጊዲዳይሳ ኤሮኒኔ ቢታ ቦላ ሲቆ፥ ሱሬ ፒርዳኔ ጺሎቴ ኦዛይ ታና ጊዶይሳ ኣኬኮን ጬቄቶ። ታኒ ሃይታን ኡፋዬታይስ» ጌስ።

ኤርማሳ ቲንቢቴ 2:11

ኢስቲ ቱሙ ጾሳታ ጊዶንታ ኣጊኮካ ባ ኤቃ ጾሳታ ላሚዳ ካዎቴ ዲዜ? ታ ዴሬይ ጊዲኮ ኢስታስ ቦንቾ ጊዲዳይሳ ላሚዴስ» ጌስ።

ዬ ማጻፋ 24:10

ሃ ቦንቾ ካዎይ ኦኔ? ሄ ቦንቾ ካዎይ ሳሎ ሜቴ ጎዳ!

ዮሃኒሳ ኣጁታ 7:12

«ኣሚን! ሳባይ፥ ጊታቴ፥ ኤራቴ፥ ጋላታይ፥ ቦንቾይ፥ ዎልቃይኔ ሚኖቴ ኑ ጎዳስ ጾሳስ ሜርናፔ ሜርናስ ጊዶ። ኣሚን!» ጊዳ።

Titosas 1:1

ጾሳስ ዶሬቲዳይታ ኣማኖኒኔ ቱሙ ኣያናን ካሌዛ ቱማ ኤራቴን ዲቻና ማላ ጾሳ ኣይሌኔ ዬሱስ ኪርስቶሳ ሃዋሬ ጊዲዳ ጳዉሎሳፔ፥

ዳኔላ ቲንቢቴ 5:11

ጌሻ ጾሳታ ኣያናራ ዲዛ ኢሳዴይ ኔ ካዎቴ ጊዶን ዴስ፤ ሄሳዴይካ ካሴ ኔ ኣዋይ ካዎቴን ዲሺን ኢዛስ ጾሳታ ማላ ኣ ኤራቴ፥ ኤራቴኔ ኣኬካይ ኢዛን ኩሚዳዴ ጊዲ ቤቲዴስ፤ ሄሳ ጊሻስ ካሴ ኔ ኣዋይ ካዎ ናቡካዳናጾሬይ ኢዛ ማሮታስ፥ ሳጋታስ፥ ሙሬኒዛይታሲኔ ጾሊንቴ ታይቢዛይታስ ኡባታስ ሃላቃ ኦ ሹሚዴስ።

1ታሪኬ ማጻፋ 29:11

ኣቤት ጎዳዉ! ሳሎኒኔ ሳኣን ዲዛ ኡባይ ኔሳ፤ ጊታቴ፥ ዎልቃይ፥ ቦንቾይ፥ ቴማይኔ ፑላቴ ኔሳ።

ያቆቤ ኪታ 2:1

ታ ኢሻቶ! ኢንቴ ቦንቼቲዳ ጎዳ ዬሱስ ኪርስቶሳ ኣማኒዛይታ ጊዲዳ ማላ ኣሴ ቤሶንታ ኦጌራ ማዶፍቴ።

1ቆሮንቶሴ ኣሳስ 14:6

ሄሳ ጊሻስ ታ ኢሻቶ! ታ ኢንቴኮ ቢዛ ዎዴ ታ ኢንቴስ ቆንጪሴን ዎይኮ ኤራቴን ዎይኮ ቲንቢቴን፥ ዎይኮ ቲሚርቴን ዮቶንታ ሃራ ቃላራ ዮቲኮ ሄሲ ኢንቴና ኣይ ጎኣኔ?

ሉቃሳ ሚሺራቾ 12:12

ኣይስ ጊኮ ኢንቴ ሃሳያናስ ቤሲዛይሳ ጺሎ ኣያናይ ሄ ዎዴ ኢንቴና ታማርሳና» ጊዴስ።

ሉቃሳ ሚሺራቾ 2:14

«ቦላ ሳሎን ጾሳስ ቦንቾይ ጊዶ፤ ሳሮቴካ ቢታ ቦላን ኢዚ ዶሲዛ ኣሳ ኡባስ ጊዶ» ጊዳ።

ዬ ማጻፋ 29:3

ጎዳ ጬንጉርሳይ ሃታ ቦላን ሲዬቴስ። ቦንቾ ጾሳይ ዳዳ ማላ ጉሜስ፤ ጎዳይ ጊታ ሃታ ቦላን ጉሜስ።

2ጺምቶሳስ 2:25

ኢዚ ባናራ ኤቄቲዛ ኣሳታ ኣሽኬቴራ ኦይኪዛዴ ጊዳናስ ቤሴስ፤ ኦኔ ኤሪዛይ ኢስቲ ቱማ ኤራና ማላ ጾሲ ኢስታስ ማሬታናስ ዎዴ ኢማና ዳንዳዬስ።

ኦሮሜ ኣሳስ 1:28

ቃሴካ ኢስቲ ባ ቆፋራ ጾስ ኤሮይ ኑና ማዴና ጊዳ ጊሻስ ኢስቲ ኦናስ ቤሶንታይሳ ኦና ማላ ጾሲ ኢስታ ጎኦንታ ቆፋስ ኣ ኢሚዴስ።

ሃዋሬታ ኦሶ 7:2

ኢስቲፋኖሲካ፥ «ታ ኢሻቶ! ታ ኣዋቶ! ታ ጊዛይሳ ሲዪቴ! ኑ ኣዋ ኣብራሃሜይ ካራኔ ጌቴቲዛሶ ያናፔ ካሴ ቡሮ ሜስጴጾሚያን ዲሺን ቦንቾ ጎዳይ ኢዛስ ቆንጪዲ፥

ኬሳ ማጻፋ 28:3

ታኒ ዱማ ዱማ ኤራቴ ኢሚዳ ኩሼ ሂላ ኤሪዛ ኣስ ኡባ ጼይጋዳ ኣሮኔስ ማይኦ ጊጊሳና ማላ ዮታ፤ ኢዚካ ቄሴ ጊዲዲ ታስ ኦናስ ዱማቶ።

ኢዮቤ ማጻፋ 42:5

ታ ሃኖ ጋካናስ ኔ ጊሻስ ኤሪዛይሲ ኣሳፔ ሲዮይሳን ጻላ፤ ሃኢ ጊዲኮ ታ ኣይፌታን ታ ኔና ቤያዲስ።

ሌሚሶ ማጻፋ 18:15

ኣኬካንቻ ዎዚናይ ኤራቴ ኮዬስ፤ ኣ ኤራንቻ ሃይ ሚን ኮዬስ።

ኤፌሶኔ ኣሳስ 4:13

ሄሲካ ሃናናይ ኑ ዉሪካ ጾሳ ና ኣማኖኒኔ ኢዛ ኤሮን ቤቲዛ ኢሲፌቴኮ ጋኪዲ ኩሜ ኣስ ጊዳናስ ኪርስቶሳን ኑኒ ኪርስቶሳ ኩሜኔ ፖሎ ጊዳና ማላሳ።

ፒሊጲሲዮሴ ኣሳስ 3:15

ሄሳ ጊሻስ ኑኒ ኣማኖን ሚኒዳይቲ ዉሪካ ሃኒዛ ዮኦ ኡባ ሄሳ ጼላናስ ቤሴስ፤ ኢሲ ኢሲ ዱማ ቆፋይ ኢንቴስ ዲኮ ሄሳካ ጾሲ ኢንቴስ ቆንጪሳና።

Maatosa 20:33

ኢስቲካ፥ «ኑ ኣይፌይ ጼላና ማላ ኮዮስ» ጊዳ።