ኤራንቻታ ማጻፋ 9:11 - ጋሞ ማጻፋ

¹¹ ታኒ ሳሎ ጉፋንን ሃራ ሚሽ ቤኣዲስ፤ ዎን ጾኖይ ፒላታታስ ኦላን ጾኖይ ዎልቃማታስ ጊዴና፤ ካ ኣ ኤራንቻታስ፥ ዱሬቴ ኪጳታንቻታስ፥ ሳባይ ኤራንቻታስ ጊዴና፤ ጊዶ ኣቲን ኡባቲካ ዎዴይኔ ቃዳይ ጋዳ ማላ ሃኔቴስ።

Geeshsha Maxaafa

¹¹ Tani salo gufanththon hara miish be7adis; woththan xoonoy pilatatas olan xoonoy wolqqamatas gidenna; kaththi aadho eranchchatas, dureteththi kiphatanchchatas, sabay eranchchatas gidenna; gido attiin ubbatikka wodeynne qaaday gaththida mala haneettes.

ኤራንቻታ ማጻፋ 9:11 Referans Kwoze

ኤርማሳ ቲንቢቴ 9:23

ጎዳይ፥ «ኣ ኤራንቻይ ባ ኣ ኤራቴን ጬቄቶፎ፤ ዎልቃማይ ባ ዎልቃን ጬቄቶፎ፤ ዎይኮ ዱሬይ ባ ዱሬቴን ጬቄቶፎ።

ኤራንቻታ ማጻፋ 3:17

ታኒካ ታ ዎዚናን፥ «ኡባ ዮኦሲኔ ኦሶስ ዎዴይ ዲዛ ጊሻስ ጾሲ ጺሎዛኔ ዎርዳንቻዛ ፒርዳስ ሺሻና» ጋዳ ቆፓዲስ።

ኤራንቻታ ማጻፋ 3:14

ጾሳይ ኦዳይሲ ኡባይ ሜርናስ ዴኣናይሳ ታ ኤራይስ፤ ኢዚ ኦዳይሳ ቦላ ጉጃናስ ዎይኮ ኢዛፔ ጉናስ ዳንዳዬቴና። ጾሲ ሄሳ ኦዳይ ኣሳይ ኢዛ ቦንቻና ማላሳ።

ኤፌሶኔ ኣሳስ 1:11

ዉርሲካ ባ ሼኔ ማላ ኦዛ ኢዛ ሼኔን ኮይሮካ ኢዚ ቆፒ ዎዳይቲ ኑኒ ኢዛን ዶሬቲዶስ።

2ታሪኬ ማጻፋ 20:15

ጎዳ ኣያናይ ያሃዚኤሌ ቦላ ዎን፥ «ካዎ ኢዮሳፊጼ፥ ዩሁዳኒኔ ዬሩሳላሜን ዲዛ ኣሳይ ኡባይ ሲዪቴ! ጎዳይ ኢንቴና፥ ‹ኦላ ኦሌታናይ ጾሳ ኣቲን ኢንቴና ጊዶንታ ጊሻስ ሃ ዳሮ ኦላንቻታ ጋሶን ያዮፍቴኔ ዳጋሞፍቴ።

ዛሬ ማጻፋ 8:18

ኢንቴ ዱሬታና ማላ ኢንቴስ ዎልቃኔ ሚኖቴ ኢሚዳይ ጎዳ ኢንቴ ጾሳ ጊዲዳይሳ ዩሺ ቆፒቴ፤ ኢዚ ሄሳ ኦዳይ ካሴ ኢንቴ ኣዋታስ ጌሊዳ ጫቆ ቃላ ሚንናሳ።

ኤራንቻታ ማጻፋ 4:4

ሄሳካ ኣሳይ ባ ኣሞቲዳይሳ ዴማናስ ኬሂ ዳቡርዲ ኦስ፤ ጊዶ ኣቲን ሄ ዳቡራይ ባ ላጌ ቦላ ቃናቴቴን ዴንዶን ጊዲዳይሳ ታኒ ኣኬካዲስ። ሄሲካ ሃዳ፤ ጫርኮ ኦይካናስ ዬዴዛ ማላ።

ኤርማሳ ቲንቢቴ 46:6

ፒላታይ ባቃቲ ኣቴና፤ ሚኖይካ ኬሲ ኤኪ ኣቴና፤ ፑዴሃ ባጋን ኤፊራጺሴ ሻፋ ማታን ጴቲ ኩንዲዳ።

ኤራንቻታ ማጻፋ 7:13

ኣኔ ጾሳይ ኦዳይሳ ዎዚናን ዎ! ኢዚ ቦካሲዳይሳ ኦኒ ሉሊሳና ዳንዳይዜ?

ኤራንቻታ ማጻፋ 4:1

ታኒ ቃሴካ ሳሎ ጉፋንን ዲዛ ቆሆ ኡባ ቤኣዲሲኔ ኣኬካዲስ፤ ቆሄቲዳይታ ኣፉን ቤኣዲስ፤ ኢስታ ሚንዛ ኣሲካ ዴና፤ ዎልቃይ ኢስታ ቆሂዛ ኣሳታ ኩሼን ዴስ፤ ኢስታ ሚንዛ ኣሲካ ዴና።

ኤራንቻታ ማጻፋ 2:12

ሄሳፌ ጉዬ ታኒ ኣ ኤራቴ፥ ኤያቴኔ ጎሻቴ ኣዛኮ ፒልጋ ኤራናስ ቆፋ ዶማዲስ፤ ካዎ ሶሆን ካዎቲዳ ሃራ ካዎይ ካሴ ኦሴቲዳይሳፌ ሃራ ኣይ ኦኔ?

ኢዮቤ ማጻፋ 34:29

ጾሲ ጮኡ ጊኮ ኦኔ ኢዛ ቦላ ፒርዳናይ? ኢዚ ባ ዞኮ ዛሪኮ ኦኔ ኢዛ ቤያናይ?

2ሳሜላ ማጻፋ 17:14

ኣቤሴሎሜይኔ ኢስራኤሌ ኣሳይ ኩሜ፥ «ኣክጾፌሌ ዞሬፔ ኣርኬ ዴሬ ኣስ ሁሼ ዞሬይ ሎኤስ» ጊዳ፤ ጎዳይ ኣቤሴሎሜ ቦላ ባሽ ኤሃናስ ሎኦ ጊዲዳ ኣክጾፌሌ ዞሬይ ኤኬቶንታ ማላ ኦዴስ።

ሚልካሳ ቲንቢቴ 3:18

ሄ ዎዴ ቃሴካ ጺሎኔ ናጋራንቻ ጊዶን ጾሳስ ኦዛይታ ጊዶኒኔ ኦንታይታ ጊዶን ዲዛ ዱማቴ ኢንቴ ቤያንዴታ።

1ሳሜላ ማጻፋ 17:50

ሄሳ ሂስቲዲ ዳዊቲ ፊሊስጼሜ ኣዴዛ ሹቻኒኔ ያንባርሻን ጫዲ ዎ ጾኒዴስ።

ዳኔላ ቲንቢቴ 4:35

ቢታ ቦላ ዲዛ ዴሬቲ ዉሪካ ኢዛ ኣቻን ቄሪ ኡኤ ማላ፤ ሳሎን ዲዛ ኦሳንቻታ ቦላኔ ቢታ ቦላ ዲዛ ዴራ ቦላ ኢዚ ባ ዶሲዳዝ ኦስ፤ ኢዛ ሼኔ ዲጋናስ ዳንዳይዛይኔ ‹ኔ ሃይሳ ኣዛስ ኦይ?› ጋናይ ኦኒካ ዴና።

2ሳሜላ ማጻፋ 17:23

ኣክጾፌሌይ ኢስቲ ኢዛ ዞሬዛ ኤኮንታ ኢጺዳይሳ ቤኢዲ ባ ሃሬዛ ጫኒ ኤኪዲ ባ ኬ ዲዛ ካታማ ቢዴስ፤ ባሶ ማራሲ ጊግሲዳፔ ጉዬ ባ ኩሼን ጩሌቲ ሃይቂዴስ፤ ሄሳ ሃይቂዲ ባ ኣዋ ዱፎን ሞጌቲዴስ።

ዛሬ ማጻፋ 8:17

ሄሳ ጊሻስ፥ «ኑኒ ኑ ዎልቃኒኔ ኑ ሚኖቴን ዱሬቲዶስ» ጊ ቆፖፍቴ።

1ሳሜላ ማጻፋ 6:9

ጊዶ ኣቲን ኢዚ ኣዋ ባናኮ ጼሊቴ፤ ኢዚ ቤቲ-ሼሚሼ ባጋራ ካሴ ባ ዪዳ ዴሬ ቢዛ ጊዲኮ፥ ሃይሳ ዎልቃማ ሜቶዛ ኑ ቦላ ጋዳይ ጎዳ። ኢዚ ሄ ቦንታ ኣጊኮ ሜቶዚ ኑ ቦላ ዲንጋቴ ጋኪዴስ ኣቲን ኢዛ ኩሼይ ኑና ሾጮንታይሳ ኑ ኤራና» ጊዳ።

ዬ ማጻፋ 76:5

ጎባ ኦላንቻቲ ቦንቄቲዳ፤ ኢስታፌ ኢሶይካ ባ ኩሼ ዴንና ዳንዳይቤና፤ ኢስቲ ዎልቃማ ስኮ ስኪዳ።

ሌሚሶ ማጻፋ 1:5

ኣ ኤራንቻቲ ሃ ሌሚሶታ ሲዪዲ ኤራቴ ጉጄቴስ፤ ኣኬካንቻ ኣሳቲካ ሎኦ ዞሬታ ኤኬቴስ።

ኤራንቻታ ማጻፋ 9:2

ጺሎታ ዎይኮ ናጋራንቻታ ጊዲን፥ ሱሬታ ዎይኮ ኢታታ ጊዲን፥ ጌሻታ ዎይኮ ቱናታ ጊዲን፥ ያርሾ ሺሺዛይታ ዎይኮ ያርሾ ሺሾንታይታ ጊዲን ኡባታሲካ ዉርሴ ቃዳይ ኢሲኖ። ሎኦ ኣሳስ ሃኒዛይሳ ማላ ናጋራንቻስካ ሃኔስ፤ ጫቂዛይሳስ ሃኒዛይሳ ማላካ ጫቆስ ባቢዛይታስ ሃኔስ።

ዛካራሳ ቲንቢቴ 4:6

ቃሴካ፥ «ጎዳይ ዜሩባቤሌስ ዮቲዳ ቃላይ ሃይሳ፥ ‹ታ ኣያናንፔ ኣቲን ዎልቃኒኔ ሚኖቴን ጊዴና› ጌስ ኡባፌ ዎልቃማ ጎዳይ።

ኤራንቻታ ማጻፋ 9:3

ሳሎ ጉፋንን ኡባ ቦላ ጋኪዛ ኢታቴ ሃይሳ፤ ኡባስ ዉርሴ ቃዳይ ኢሲኖ፤ ሄሳፌ ቦላራካ ኣሳ ዎዚናይ ኢታቴን ኩሚዴሲኔ ጎዪዴስ፤ ዉርሴንካ ሃይቂዳ ኣሳን ጋይቴስ።

ኤርማሳ ቲንቢቴ 48:14

«ኢንቴ፥ ‹ኑኒ ሚኖ ኦላንቻታ› ጋናስ ዋኒ ዳንዳይዴቲ?