ኤራንቻታ ማጻፋ 8:8 - ጋሞ ማጻፋ

⁸ ኣሲ ባ ሼምፖ ናጊ ኣሻናስ ዳንዳዬና፤ ዎይኮ ባ ሃይቃና ጋላሳ ቦላ ማታይ ዲዛ ኣሲ ዴና፤ ኦላ ጋላስ ኦኒካ ኦላ ዬጊዲ ጉዬ ሲሞንታይሳ ማላ ኢታ ኦሶይካ ባናራ ሜዜቲዳይታ ዬዴና።

Geeshsha Maxaafa

⁸ Asi ba shemppo naagi ashshanaas dandayenna; woykko ba hayqqana gallassa bolla maatay diza asi deenna; ola gallas oonikka ola yeggidi guye simmonttayssa mala iita oosoykka banara meezetidayta yeddenna.

ኤራንቻታ ማጻፋ 8:8 Referans Kwoze

ዬ ማጻፋ 89:48

ኣሲ ሃይቆንታ ሜርናስ ሼምፖራ ፓጻ ዳናስ ዳንዳይዜ? ቃሴ ዱፎን ጌሎንታ ማላ ባና ኣሻናስ ዳንዳይዛ ኣሲ ዲዜ?

ኢዮቤ ማጻፋ 14:5

ኣሳ ላይስ ዎዳ ዛዋይ ዴስ፤ ኣሲ ዳና ኣጊናቲካ ኔ ማታን ቆዳን ዴቴስ፤ ኔኒካ ዎዳ ላይ ዛዋፔ ኣዛዴይ ዴና።

Ibirawe 9:27

ሄሳካ ኣሲ ኢሲቶ ሃይቄስ፤ ሄሳፌ ካሊዲ ፒርዳ ሲንን ኤቃናስ ጊጊ ኡቲዴስ።

ኢሳያሳ ቲንቢቴ 28:15

ኢንቴ፥ «ኑኒ ሃይቆራ ጫቄቲዶስ፤ ዱፎራካ ሲጌቲዶስ፤ ዎርዶ ኑስ ዜምፖሶኔ ቆቴቲዛሶ ኦዶስ፤ ዎልቃማ ቦሻይ ፒቲ ኤኪ ቢሼ ኑና ቦቻናስ ዳንዳዬና» ጊ ኦቶሬቲዴታ።

ኤራንቻታ ማጻፋ 3:21

ሂስቲን ኣሳ ሼምፖይ ፑዴ ሳሎ ኬዚዛይሳ፥ ሜሄታ ሼምፖይካ ዱጌ ቢታን ጌሊዛይሳ ኦኔ ኤሪዛይ?» ጋዳ ቆፓዲስ።

ሌሚሶ ማጻፋ 14:32

ኢታቲ ባንታ ኢታ ኦሶን ኩንዳና፤ ጊዶ ኣቲን ጺሎቲ ሃይቆ ዎዴካ ባቃቲ ኣቲዛሶይ ዴስ።

ዬ ማጻፋ 9:17

ኢታቲ ሲኦሌን ጌላና፤ ጾሳ ዶጊዛ ካዎቴይ ኡባይካ ኢስታ ማላ ሃናና።

2ቆሮንቶሴ ኣሳስ 13:4

ኢዚ ማስቃሌ ቦላ ካቄቲዲ ዳቡራን ሃይቂኮካ ሃኢ ቃሴ ጾሳ ዎልቃን ፓጻ ዴስ፤ ኑኒካ ኢዛራ ላፋታ ጊዲኮካ ኢንቴ ጊሻስ ጊዲ ጾሳ ዎልቃን ሚኒ ዶስ።

1ቆሮንቶሴ ኣሳስ 15:43

ካዉሻቴን ዜሬታና ሺን ቦንቾን ዴንዳና፤ ዳቡርሳን ዜሬታና ሺን ዎልቃማ ጊዲዲ ዴንዳና።

ኢሳያሳ ቲንቢቴ 28:18

ኢንቴ ሃይቆራ ጫቄቲዳ ጫቆይ ኣታና፤ ኢንቴ ዱፎራ ሲጌቲዳ ሲጋይ ላሌታና፤ ዎልቃማ ቦሻይ ፒቲ ኤኪ ቢሼ ኢንቴናካ ፒቲ ኤኪ ባና።

ኢዮቤ ማጻፋ 34:14

ጾሲ ባ ኣያናዛኔ ባ ሼምፖዛ ባኮ ዛሪ ኤካና ኮዪዳኮ፥

2ሳሜላ ማጻፋ 14:14

ቢታን ጉኪዳ ሃ ሲሞንታይሳ ኑኒ ኡባይካ ሃይቆስ፤ ጾሲ ቢታፌ ጎዴቲዳ ኣሲ ኢዛ ሲንፌ ባቃቲ ቢዳሶን ኣቶንታ ማላ ሲሚ ያና ኦጌ ኢዛስ ጊጊሴስ ኣቲን ኢዛ ሼምፖይ ያና ማላ ኮዬና።

2ካዎታ ማጻፋ 7:15

ኢስቲካ ዮርዳኖሴ ሻፋ ጋካናስ ኢስታ ካሊ ቢዳ። ኣራሜ ኣሳይ ኤሶን ባቃቲሼ ዬጊ ቢዳ ማይኦኔ ሚሻታ ኦጌይ ዲዛሶን ዲዛሶን ላሌቲዳይሳ ዴሚዳ፤ ሄ ኪቴቲዳይቲካ ጉዬ ሲሚዲ ባ ቤይዳይሳ ካዎዛስ ዮቲዳ።

ኤራንቻታ ማጻፋ 8:13

ጊዶ ኣቲን ኢታቲ ጾሳስ ያዮንታ ጊሻስ ሎኦ ሚሺ ኢስታስ ሃኔና፤ ኢስታ ላይ ኤሾ ማላ ኤሌ ኣና።

ሌሚሶ ማጻፋ 12:3

ኣሲ ኢታቴን ኤቂዲ ሚኒ ካንናዉ ዳንዳዬና፤ ጺሎቲ ጊዲኮ ባ ዲዛሶፔ ቃጼቴና።

ኤራንቻታ ማጻፋ 9:12

ቃሴካ ባ ዎዴ ኤሪዛ ኣሲ ዴና፤ ካፎይ ያርዴን ጌሊዛ ማላ፥ ሞሌይ ጊቴን ኦይኬቲዛ ማላ፥ ኣሲካ ቆፖንታ ዲሺን ዪዛ ኢታ ዎዴታን ኦይኬቴስ።

ኢሳያሳ ቲንቢቴ 47:10

ኔኒ ኔ ኢታቴን ኣማኔታዳ፥ ‹ታና ኦኒኔ ቤኤና› ጋዳሳ። ቃሴ፥ ‹ታና፤ ታፔ ኣቲን ሃራይ ዴና ኔ ጊዳ ዎዴ ኔ ኣ ኤራቴይኔ ጪንጫቴ ኔና ባሌዳ› ጋዳሳ።