ኤራንቻታ ማጻፋ 8:12 - ጋሞ ማጻፋ

¹² ናጋራንቻይ ጼቱቶ ኢታ ሚሽ ኦሺን ኢዛ ላይይ ኣዱቂኮካ፥ ጾሳ ቦንቺዛይታሲኔ ጾሳ ያዪዛይታስ ሎኦይ ሃናናይሳ ታ ኤራይስ።

Geeshsha Maxaafa

¹² Nagaranchchay xeetuto iita miish ooththishin iza layththay aduqqikokka, Xoossa bonchchizaytassinne Xoossa yayyizaytas lo7oy hananayssa ta erays.

ኤራንቻታ ማጻፋ 8:12 Referans Kwoze

ዬ ማጻፋ 37:11

ጊዶ ኣቲን ኣሽኬቲ ቢታ ላታና፤ ኢስቲ ጊታ ሳሮቴን ኡፋዬቲ ዳና።

2ጴጽሮሳ ኪታ 2:9

ሂስቲን ሄሲ ዉሪካ ሄሳ ማላ ጊዲኮ ጎዳይ ባስ ጎይኒሼ ዲዛ ኣሳታ ፓጬፔ ኣሻናይሳኔ ናጋራንቻታካ ዎስቲ ቃጻያናኮኔ ፒርዳ ጋላሳስ ዎስቲ ኢስታ ናጊዲ ጋናኮ ሄሳ ኢዚ ኤሬስ ጉሳ።

ኤራንቻታ ማጻፋ 7:15

ናጋራንቻይ ባ ናጋራራ ኣዱሳ ላይ ዴኢሺን፥ ጺሎይ ባ ጺሎቴራ ኤሶን ሃይቂሺን ሃዳ ጊዲዳ ታ ዴኦ ላይታን ሃይታ ቤኣዲስ።

ኤራንቻታ ማጻፋ 3:14

ጾሳይ ኦዳይሲ ኡባይ ሜርናስ ዴኣናይሳ ታ ኤራይስ፤ ኢዚ ኦዳይሳ ቦላ ጉጃናስ ዎይኮ ኢዛፔ ጉናስ ዳንዳዬቴና። ጾሲ ሄሳ ኦዳይ ኣሳይ ኢዛ ቦንቻና ማላሳ።

ኦሮሜ ኣሳስ 9:22

ጾሲካ ባ ሃንቆ ቤሳናሲኔ ባ ዎልቃ ኤሪሳናስ ኮዪዲ ኢዛ ሃንቆ ቆንጪሲዛይታ፥ ያናስ ጊጌቲዳይታ ይሶንታ ኣጊኮቺ!

ሉቃሳ ሚሺራቾ 1:50

ኢዛ ማሮይ ኢዛስ ባቢዛይታስ ና ና ጋካናስ ዳና።

ኦሮሜ ኣሳስ 2:5

ጊዶ ኣቲን ኔኒ ኔ ዎዚና ሙሜቴኒኔ ማሮቴ ኮዮንታ ኔ ዎዚና ጋሶን ጾሳ ቱማ ፒርዳይ ቆንጪዛ ዎዴ ጾሳ ሃንቆ ጋላሳስ ኔ ቦላ ዳሮ ሃንቆ ሺሻሳ።

Maatosa 25:34

ሄ ዎዴ ካዎይ ኡሻቻ ባጋራ ዲዛይታ፥ ‹ኢንቴኖ! ታ ኣዋይ ኢንቴና ኣንጂዳይቲ ሃ ዪቴ! ኣላሜይ ሜቶሶፔ ኢንቴስ ጊጌቲዳ ካዎቴ ላቲቴ! ጋና።

ኤራንቻታ ማጻፋ 7:18

ኢሳ ኦይኪዲ ሃንኮይሳካ ዬዶንታ ኣጎይ ሎኦ፤ ጾሳስ ያዪዛ ኣሲ ሺካላቴ ኢጼስ።

ኤራንቻታ ማጻፋ 5:16

ሄሲካ ኬሂፔ ኢታ፤ ኣሲ ባ ዪዳ ማላ ሲሚ ቤስ፤ ኢዛ ዳቡራ ኡባይ ጫርኮ ኦይኪዛ ማላ ሃዳ ጊዲዛ ጊዲኮ ኢዛስ ኣይ ጎኣይ ዲዜ?

ሌሚሶ ማጻፋ 13:21

ናጋራንቻታ ኢታ ቃዳይ ካሌስ፤ ዱሬቴ ጊዲኮ ጺሎታስ ኢሜቲዛ ዎይቶ።

ዬ ማጻፋ 115:13

ጎዳስ ያዪዛይታ ኡባ ጉ ጊዲን ጊታ ኢዚ ኣንጃና።

ዬ ማጻፋ 112:1

ጎዳይ ጋላቴቶ! ጎዳስ ያዪዛ ኣሲ፥ ኢዛ ኣዛዞታካ ፖላናስ ኡፋዬቲዛ ኣሲ ኣንጄቲዳይሳ።

ዬ ማጻፋ 96:9

ኢዛ ጌሻቴ ፑላን ጎዳስ ጎይኒቴ፤ ቢታን ዴኢዛ ኣስ ኡባይ ኢዛ ሲንን ኮኮሪቴ።

1ታሪኬ ማጻፋ 16:30

ቢታን ዲዛ ኣስ ኡባይ ኢዛ ሲንን ኮኮሪቴ፤ ሳኣይ ሚኒ ኤቂዴስ፤ ሙሌካ ቃጼና።

1ካዎታ ማጻፋ 21:25

ኢዛ ማቻ ኤልዛቤላ ዴንን ጎዳ ሲንን ኢታ ሚሽ ኦናስ ባናቴ ናጋራስ ባይዚዳ ኣካቤ ማላ ኣሲ ሙሌካ ዴና።

ዛሬ ማጻፋ 12:25

ኢንቴሲኔ ኢንቴ ናይታስ ሎኦ ጊዳና ማላ ሱ ሞፒቴ፤ ኢንቴ ሄሳ ኦኮ ጾሲ ኡፋዬታና።

ኬሳ ማጻፋ 1:20

ሄሳ ጊሻስ ጾሲ ዬሊሲዛይታስ ኪዪዴስ። ኣሳ ቆዳይካ ጉጄቲ ጉጄቲ ቢዲ ካሴይሳፌ ጌዴ ዳሪዴሲኔ ሚኒዴስ።

ዛሬ ማጻፋ 4:40

ኢንቴሲኔ ኢንቴፌ ጉዬን ያና ኢንቴ ዜሬስ ሎኦ ጊዳና ማላ ቃሴ ጎዳ ኢንቴ ጾሳይ ሜርናስ ኢንቴስ ኢሚዛ ጺንጾይን ኢንቴ ላይ ኣዱቃና ማላ ታኒ ሃች ኢንቴና ኣዛዚዛ ዎጋኔ ማራ ናጊቴ» ጊዴስ።

ዛሬ ማጻፋ 12:28

ኢንቴሲኔ ኢንቴ ናይታስ ሜርናስ ሎኦ ጊዳና ማላ ኢዚ ኢንቴና ኣዛዚዛ ኣዛዞታ ሎኤ ናጊቴ፤ ኢንቴ ሄሳ ኦኮ ጎዳ ኢንቴ ጾሳ ሲንን ሎኦኔ ሱሬ ጊዲዳ ኦሶ ኦታ።

ዬ ማጻፋ 128:2

ኔኒ ኔ ዳቡራ ኣይፌ ማና፤ ኔ ኣንጄታናኔ ኔስ ኢንጄታና።

ኤራንቻታ ማጻፋ 5:7

ዳሮ ኣጉሞይኔ ዳሮ ሃሳያይ ሃዳ፤ ሄሳ ጊሻስ ኔኒ ጾሳስ ያያ።

ኤራንቻታ ማጻፋ 12:13

ሄኮ ኡባ ሚሺ ዮቴቲዴስ፤ ዮኦ ኡባስ ኩሺ ሃይሳ፤ ጾሳስ ያያ፤ ኢዛ ኣዛዞ ናጋ፤ ሄሲካ ኣሳ ናስ ኢሜቲዳ ኩሜ ኦሶ።

ኢዮቤ ማጻፋ 35:15

ቃሴካ ጾሲ ኔና ባ ሃንቆን ሃንቆንታ ኣሳ ኢታቴ ጮኡ ጊዲ ኣና ኔስ ሚሳቲዜ?

ሌሚሶ ማጻፋ 28:14

ጎዳስ ኡባቶ ያዪዛ ኣሲ ኣንጄቲዳዴ፤ ጊዶ ኣቲን ባ ዎዚና ዳማሲዛ ኣሲ ሜቶን ጌላና።

ኤርማሳ ቲንቢቴ 44:10

ኢንቴ ሃች ጋካናስ ኢንቴናቴ ዚቂሲዲ ታስ ቦንቾ ኢሚቤኬታ፤ ቃሴ ታኒ ኢንቴሲኔ ኢንቴ ኣዋታስ ዎዳ ዎጋኔ ማራ ካሊቤኬታ› ጌስ።