ኤራንቻታ ማጻፋ 7:8 - ጋሞ ማጻፋ

⁸ ኢሲ ሚሻስ ዶሜፌ ዉርሴ ኪያ፤ ቃሴ ኦቶራንቻፌ ዳንዳያንቻይ ኪያ።

Geeshsha Maxaafa

⁸ Issi miishshas doomeththafe wurseththi kiya; qasse otoranchchafe dandayanchchay kiya.

ኤራንቻታ ማጻፋ 7:8 Referans Kwoze

Ibirawe 10:36

ኢንቴ ጾሳ ሼኔ ፖሊዲ ኢዚ ኢንቴስ ኢሚዳ ኡፋይሳ ቃላ ኤካናስ ሚኒ ኤቃናስ ኢንቴና ኮሼስ።

ሌሚሶ ማጻፋ 14:29

ዳንዳያንቻ ኣሳስ ጊታ ኣኬካይ ዴስ፤ ኤሌ ሃንቄቲዛ ኣሲ ጊዲኮ ባ ኤያቴ ቆንጪሴስ።

1ጴጽሮሳ ኪታ 1:13

ሄሳ ጊሻስ ኢንቴ ኢንቴ ዎዚና ሱሪሲዲ ኦሶስ ጊጌቲቴ፤ ዎጋራ ዴኢቴ። ዬሱስ ኪርስቶሲ ቆንጪዛ ዎዴ ኢንቴ ኢዛ ኪያቴ ዴማናስ ኢንቴስ ኩሜ ሂዶታይ ዴኦ።

ያቆቤ ኪታ 5:11

ዳንዳያን ጌንጪዳ ኣሳታ ኑ ኢስታ፥ «ኢስቲ ኣንጄቲዳይታ» ጊ ቆዲዛይሳ ኢንቴ ኤሬታ። ኢዮቢ ዋኒ ዳንዳይዳኮ ኢንቴ ኢዛ ጊሻስ ሲዪዴታ። ጎዳይ ኢዛ ዉርሴን ኣይ ኦዳኮ ኢንቴ ቤዪዴታ፤ ጎዳይ ኣሳስ ኬሂ ሚሼቲዛዴኔ ማሪዛዴ።

ያቆቤ ኪታ 5:8

ኢንቴካ ሄሳ ዳንዳይቴ፤ ኢንቴ ዎዚና ሚንቴ፤ ጋሶይካ ጎዳ ዩሳ ጋላሲ ማቲዴስ።

ጋላቲያ ኣሳስ 5:22

ኣያና ኣይፌይ ጊዲኮ ሲቆ፥ ኡፋይስ፥ ሳሮቴ፥ ዳንዳያ፥ ኪያቴ፥ ሎኤቴ፥ ኣማኔቴ፥

ሉቃሳ ሚሺራቾ 21:19

ኢንቴ ሚኒ ኤቂኮ ኢንቴ ሼምፖ ኣሻና።

ሌሚሶ ማጻፋ 16:32

ዎልቃማ ኣስ ጊዳናፔ ዳንዳያ ኣስ ጊዴ ሎኦ፤ ባና ሃሪዛዴይ ካታማ ዎልቃን ሃሪዛዴፌ ኣስ።

ሌሚሶ ማጻፋ 15:18

ኤሶን ሃንቄቲዛ ኣሲ ኦሽ ኬሴስ፤ ዳንዳይዛ ኣሲ ጊዲኮ ኦሽ ኢርጺሴስ።

ሉቃሳ ሚሺራቾ 16:25

«ጊዶ ኣቲን ኣብራሃሜይ፥ ‹ታ ናዞ ኔኒ ቢታ ቦላ ዳሼ ሎኦ ዱስ ዴኢዳይሳ ማላ ኣላዛሬይ ካሴ ዋዬ ቤኢዳይሳ ኔ ቆፓ፤ ጊዶ ኣቲን ሃኢ ኢዚ ኡፋዬቲሺን ኔኒ ዋዬታሳ።

ሌሚሶ ማጻፋ 28:25

ዪቄይ ኣሲ ኦሽ ዴንስ፤ ጊዶ ኣቲን ጎዳን ኣማኔቲዛይ ኣንጄቴስ።

ሌሚሶ ማጻፋ 13:10

ኦቶሮይ ኦሽ ዬሌስ፤ ኣ ኤራቴ ጊዲኮ ዞሬ ኤኪዛይታ ማታን ዴስ።

ኤፌሶኔ ኣሳስ 4:2

ሙሌካ ኣሽኬታኔ ሹጎታ ጊዲቴ፤ ኢሶይ ኢሳራ ሲቆን ዲቴኔ ኢሶይ ኢሳ ዳንዳይቴ።

ኤራንቻታ ማጻፋ 7:1

ሎኦ ሺቶፌ ሎኦ ሱን ኣስ፤ ዬሌታ ጋላሳፌ ሃይቆ ጋላሲ ሎኦ።