ኤራንቻታ ማጻፋ 7:5 - ጋሞ ማጻፋ

⁵ ኤያቲ ሳቢሼ ዬጺዛ ዬ ሲያናፔ ኣ ኤራንቻይ ሴሪዛ ሴራ ኤዝጎይ ሎኦ።

Geeshsha Maxaafa

⁵ Eeyati sabbishe yexxiza yeth siyanaappe aadho eranchchay seeriza seera ezgoy lo7o.

ኤራንቻታ ማጻፋ 7:5 Referans Kwoze

ዬ ማጻፋ 141:5

ጺሎ ኣሲ ታና ቃጻዮ፤ ሄሲካ ታስ ሎኦ፤ ኢዚ ታና ሴሪኮ ሄሲ ታ ሁኤን ዛይቴ ቲዪዛ ማላ፤ ሄሳካ ታ ኢጺኬ፤ ጊዶ ኣቲን ታኒ ኡባቶካ ኢታ ኣሳታ ኦሶ ቦላ ዎሳይስ።

ዮሃኒሳ ኣጁታ 3:19

ታኒ ታ ዶሲዛይታ ዉርሳ ሃንቃይሲኔ ቃጻያይስ፤ ሄሳ ጊሻስ ኔኒ ሚና፤ ማሮቴንካ ጌላ።

ሌሚሶ ማጻፋ 13:18

ሴራ ኢጺዛ ኣሲ ማንቄሲኔ ካዉዬስ፤ ሃንቆ ሲዪዛ ኣሲ ጊዲኮ ቦንቼቴስ።

ሌሚሶ ማጻፋ 27:6

ሞርኬይ ኔና ዳሮቶ ዬራናፔ ሲቆይ ኔና ዴቺዛይሲ ኪያ።

ሌሚሶ ማጻፋ 17:10

ኤያይ ጼቱቶ ሊሶን ሾጪን ኤሪዛይሳፌ ኣኬካይ ዴኢዛ ኣሲ ጮ ሴሪን ኤሪዛይሲ ኣስ።

ሌሚሶ ማጻፋ 13:13

ዞሬ ካዛ ኣሲ ሜቶን ጌሌስ፤ ኣዛዞ ቦንቺዛ ኣሲ ጊዲኮ ባ ዋጋ ኤካና።

ሌሚሶ ማጻፋ 9:8

ቂልጪዛ ኣስ ዞሮፓ፤ ኔ ኢዛ ዞሪኮ ኢዚ ኔና ኢጻና። ኣ ኤራንቻ ኣስ ሴራ፤ ኔ ኢዛ ሴሪኮ ኢዚ ኔና ዶሳና።

ዬ ማጻፋ 69:12

ታኒ ካታማ ጌሊዛ ፔንጌን ኡቲዛይታስ ዚጊርሳስ ኣታዲስ፤ ማቲዛይታስ ዬስ ጊዳዲስ።

ሌሚሶ ማጻፋ 6:23

ኣይስ ጊኮ ሃ ኣዛዞቲ ኔስ ጾምፔ፤ ቲሚርቴቲካ ፖኦ፤ ቃሴ ሴራይካ ዴኦኮ ኤፊዛ ኦጌ።

ሌሚሶ ማጻፋ 25:12

ኣ ኤራቴ ዲዛ ኣሲ ዞሪዛ ዞሬይ ኤዝጊዛ ኣሳስ ሃይን ኣዛ ዎርቃ ማላ፤ ዎይኮ ሙሩታ ዎርቃፌ ኦሴቲዳ ኣሌቆ ማላ።

ኤራንቻታ ማጻፋ 7:4

ኣ ኤራንቻ ዎዚናይ ካዮ ኬን ዴስ፤ ኤያታ ዎዚናይ ጊዲኮ ኡፋይሳ ኬን ዴስ።

ኤራንቻታ ማጻፋ 9:17

ኤያታ ኣይሲዛ ዳና ዋሶፔ ኣ ኤራንቻይ ሊቆን ሃሳይዛ ቃላይ ሴቴቴስ።

ኤራንቻታ ማጻፋ 12:11

ኣ ኤራንቻ ቃላይ ጪካ ማላ ሆጼ፤ ቃሴ ኢዛ ቶሴቲካ ኣዳፌ ሽኬቲዳ ሽኬ ማላ፤ ሄይቲካ ኢሲ ሄንንቻፌ ኢሜቲዳይታ።