ኤራንቻታ ማጻፋ 7:13 - ጋሞ ማጻፋ

¹³ ኣኔ ጾሳይ ኦዳይሳ ዎዚናን ዎ! ኢዚ ቦካሲዳይሳ ኦኒ ሉሊሳና ዳንዳይዜ?

Geeshsha Maxaafa

¹³ Ane Xoossay ooththidayssa wozinan woththa! Izi bokkasidayssa ooni luulisana dandayzee?

ኤራንቻታ ማጻፋ 7:13 Referans Kwoze

ኤራንቻታ ማጻፋ 1:15

ጌላቲዳ ሚሺ ሲቲ ጋናዉ ዳንዳዬና፤ ቃሴ ባይንዳ ሚሺ ቆዴታና ዳንዳዬና።

ኢዮቤ ማጻፋ 12:14

ጾሲ ላሊዳይሳ ኦኒካ ዛሪ ኬጻናዉ ዳንዳዬና፤ ጾሲ ቃቺዳይሳ ኦኒካ ቢርሻናዉ ዳንዳዬና።

ኢሳያሳ ቲንቢቴ 5:12

ኢስታ ጊቢራሶሆን ማሲንቆይ፥ ዲ፥ ካራቤይ፥ ሱሱልኤይኔ ዎይኔ ኡሺ ዴስ፤ ጊዶ ኣቲን ኢስቲ ጎዳ ኦሶዛስ ዉዴቲቤቴና፤ ኢዚ ባ ኩሼን ኦዳ ኦሶካ ቦንቺቤቴና።

ኤራንቻታ ማጻፋ 3:11

ኡባ ሚሽ ኢዛ ዎዴን ዎዴን ሎኤዲ ኦዴስ። ጾሲ ኣሳ ዎዚናን ሜርናቴ ዎዴስ፤ ጊዲኮካ ጾሲ ኦዳይሳ ኡባ ኮይሮፔ ዉርሴ ጋካናስ ኣሲ ኡባ ኤራናስ ዳንዳዬና።

ኤፌሶኔ ኣሳስ 1:11

ዉርሲካ ባ ሼኔ ማላ ኦዛ ኢዛ ሼኔን ኮይሮካ ኢዚ ቆፒ ዎዳይቲ ኑኒ ኢዛን ዶሬቲዶስ።

ኢሳያሳ ቲንቢቴ 14:27

ኡባፌ ዎልቃማ ጎዳይ ሃይሳ ቆፒዴስ፤ ሄሳ ኢዛ ኦኔ ዲጋናይ? ኢዚ ባ ኩሼ ዴንዴስ፤ ሄሳ ዛራናይ ኦኔ?

ዬ ማጻፋ 107:43

ኤራ ኣሲ ሃ ዮኦዛ ባ ዎዚናን ዎ፤ ኢዚካ ጎዳ ማሮቴ ኣኬኮ።

ኦሮሜ ኣሳስ 9:19

ኢንቴፌ ኢሳዴይ፥ «ሂስቲን ሃኖይ ሄሳ ማላ ጊዲኮ ኑና ሃኖ ጋካናስ ኣዛስ ዋዪሲዜ? ጋሶይካ ኢዛ ሼኔ ዲጋና ዳንዳይዛይ ኦኔ?» ጋዳ ኔ ኦይቾንታ ኣጋካ።

ኦሮሜ ኣሳስ 9:15

ጾሲ ሙሴስ፥ «ታ ማራና ኮዪዳዴ ማራና፤ ታ ሚሼታና ኮዪዳዴስካ ሚሼታና» ጌስ።

ኢሳያሳ ቲንቢቴ 43:13

ቤኒሶፌ ዶማዳ ታኒ ታና፤ ታ ኩሼፔ ኬሲ ኤካናይ ዴና፤ ታ ኦዛይሳ ላማናዉ ዳንዳይዛይ ኦኔ?» ጌስ ጎዳይ።

ኢዮቤ ማጻፋ 37:14

ኢዮቤ! ኔኒ ታኪ ጋዳ ሲያ፤ ጾሲ ኦዛ ማላሊሲዛ ኦሶታ ዎዚናን ዎዳ ኣኬካ።

ዳኔላ ቲንቢቴ 4:35

ቢታ ቦላ ዲዛ ዴሬቲ ዉሪካ ኢዛ ኣቻን ቄሪ ኡኤ ማላ፤ ሳሎን ዲዛ ኦሳንቻታ ቦላኔ ቢታ ቦላ ዲዛ ዴራ ቦላ ኢዚ ባ ዶሲዳዝ ኦስ፤ ኢዛ ሼኔ ዲጋናስ ዳንዳይዛይኔ ‹ኔ ሃይሳ ኣዛስ ኦይ?› ጋናይ ኦኒካ ዴና።

ዬ ማጻፋ 8:3

ኔኒ ኔ ኩሼን ሜዳ ሳሎታ፥ ሶሆን ሶሆን ኔኒ ዎዳ ኣጊናኔ ጾሊንቴታ ታኒ ቤኢዛ ዎዴ፥

ኢዮቤ ማጻፋ 34:29

ጾሲ ጮኡ ጊኮ ኦኔ ኢዛ ቦላ ፒርዳናይ? ኢዚ ባ ዞኮ ዛሪኮ ኦኔ ኢዛ ቤያናይ?

ኢዮቤ ማጻፋ 11:10

ጾሲ ዪዲ ቃቺኮ፥ ጌዴ ፒርዳ ኬ ሺሺዳኮ ኦኔ ኢዛ ዲጋናይ?

ኢዮቤ ማጻፋ 9:12

ኢዚ ባ ኮዪዳይሳ ኤኪኮ ኦኒካ ኢዛ ዲጌና፤ ‹ኣይስ ሃይሳ ኦይ?› ጊዲ ኢዛ ኦይቻናስ ጻሊዛይ ዴና።

ኤራንቻታ ማጻፋ 8:17

ሄሳፌ ጉዬ ጾሲ ኦዳ ኡባ ቤኣዲስ፤ ሳሎ ጉፋንን ኦሴቲዛ ሚሽ ኦኒካ ኤሬና፤ ኣሲ ኬሂ ዳፌቲዲ ፒልጊ ጼሊኮካ ኢዛ ቢርሼ ዴማናስ ዳንዳዬና። ኣ ኤራንቻይ፥ «ታ ኤራይስ» ጊኮካ ኡባ ኤራናስ ዳንዳዬና።

ሉቃሳ ሚሺራቾ 12:26

ሂስቲኮ ጉ ሚሽ ኦሶይ ኢንቴስ ዳንዳዬቶንታሼ ኣይስ ሃራ ሚሻስ ኬሂ ቆፔቲ?