ኤራንቻታ ማጻፋ 6:12 - ጋሞ ማጻፋ

¹² ሃዳኔ ኤሾ ማላ ኤሌ ኣዛ ጉ ላይታን ኣሳስ ሎኦ ሚሺ ሃናናይሳ ኤሪዛይ ኦኔ? ቃሴካ ኢዚ ሃይቂዳፔ ጉዬ ሳሎ ጉፋንን ሃኒዛ ሚሽ ኢዛስ ዮታና ዳንዳይዛይ ኦኔ?

Geeshsha Maxaafa

¹² Hadanne eesho mala elle aadhdhiza guuththa layththatan asas lo7o miishshi hananayssa erizay oonee? Qasseka izi hayqqidaappe guye salo gufanththon haniza miish izas yootana dandayzay oonee?

ኤራንቻታ ማጻፋ 6:12 Referans Kwoze

ያቆቤ ኪታ 4:14

ዎንቶ ሃናናይሳ ኢንቴ ኤሬኬታ፤ ኢንቴ ሼምፖይ ኢዛ ኣዜ? ኢንቴ ጉ ዎዴ ኣይፌን ቤቲዲ ይዛ ሃ ፔንታ ማላ።

ኤራንቻታ ማጻፋ 3:22

ሄሳ ጊሻስ ኣሲ ባ ኦዳ ኦሶን ኡፋይሳፌ ሃራ ኣዛ ሚሺ ባይንዳይሳ ታ ቤኣዲስ፤ ሄሲካ ኣሳስ ኢሜቲዳ ቃዳ፤ ኢዚ ሃይቂዳፔ ጉዬ ኦሴቲዳ ኦሶታ ኢዛ ዛሪ ኤሂዲ ቤሳናይ ኦኔ?

ኢዮቤ ማጻፋ 14:2

ጪሻ ማላ ቤቲዲ ሄራካ ቆኬስ፤ ኤሾ ማላ ዳሮ ጋምኦንታ ሄራ ኣስ።

ዬ ማጻፋ 144:4

ኣሲ ኢሲቶ ጫርኪ ኣዛ ጫርኮ ማላ፤ ኢዛ ላይቲካ ኤሶን ይዛ ኩዋ ማላ።

ኤራንቻታ ማጻፋ 8:13

ጊዶ ኣቲን ኢታቲ ጾሳስ ያዮንታ ጊሻስ ሎኦ ሚሺ ኢስታስ ሃኔና፤ ኢስታ ላይ ኤሾ ማላ ኤሌ ኣና።

ኤራንቻታ ማጻፋ 8:7

ሲንፌ ሃናናይሳ ኤሪዛይ ዴና፤ ሄሳ ጊሻስ ሲንፌ ሃናናይሳ ዮታናስ ዳንዳይዛይ ኦኔ?

ኢዮቤ ማጻፋ 8:9

ኑ ላይዚ ቡሮ ጉ ጊዲዳ ጊሻስ ኑኒ ኣይኮካ ኤሮኮ፤ ኑ ላይይካ ኤሾ ማላ ኣዛዛ።

1ታሪኬ ማጻፋ 29:15

ካሴ ኑ ኣዋታ ማላ ኑኒካ ኔ ሲንን ቤቴኔ ኢማታ፤ ሃ ሳኣ ቦላን ኑ ዴኦ ላይይ ሂዶታይ ባይንዳ ኩዋ ማላ ኤሌ ኣስ።

ኤራንቻታ ማጻፋ 12:13

ሄኮ ኡባ ሚሺ ዮቴቲዴስ፤ ዮኦ ኡባስ ኩሺ ሃይሳ፤ ጾሳስ ያያ፤ ኢዛ ኣዛዞ ናጋ፤ ሄሲካ ኣሳ ናስ ኢሜቲዳ ኩሜ ኦሶ።

ኤራንቻታ ማጻፋ 9:6

ኢስታ ሲቆይ፥ ኢጾይኔ ቃናቴይ ኡባይ ኢስታራ ኢሲፌ ይዴስ። ሄሳ ጊሻስ ሳሎ ጉፋንን ሃኒዛ ሚሽ ኡባን ኣይኮ ቃዳይካ ኢስታስ ዴና።

ኤራንቻታ ማጻፋ 2:3

ሄሲ ዉሪ ሃኒንካ ኣ ኤራቴ ዴማናስ ታ ዎዚናን ኣሞታዳ ታና ዎይኔ ኡሻን ኡፋይሳናሲኔ ኤያቴ ኦይካናስ ባጼታዲስ፤ ቃሴ ኣሳይ ሳኣ ቦላ ዲዛ ቃን ላይን ሳሎ ጉፋንን ዲዛ ሚሽ ኡባ ቦላ ኦዳኮ ኢስታ ጎኢዛዚ ኣዛኮ ታ ኤራና ኮያዲስ።

ዬ ማጻፋ 109:23

ታኒ ኦማርሳ ዎዴ ኩዋ ማላ ያና ሃናይስ፤ ቦሌ ማላካ ቆቆፌታዲስ።

ዬ ማጻፋ 102:11

ታ ዴኦ ላይይ ኦማርሳ ዎዴ ኩዋ ማላ፤ ታኒ ማታ ማላ ሜላዲስ።

ዬ ማጻፋ 17:15

ጊዶ ኣቲን ታኒ ጺሎቴን ኔ ሲን ቤያና፤ ታኒ ቤጊዛ ዎዴ ኔ ቦንቾ ቤኣዳ ኣላና።

ዬ ማጻፋ 4:6

ዳሮቲ፥ «ኑና ሎኦ ቤሳናይ ኦኔ?» ጌቴስ፤ ኣቤት ጎዳዉ! ኔ ሎኦ ኣይፌሶይ ኑ ቦላ ፖኦ።

ኢዮቤ ማጻፋ 14:21

ኢዛ ናይቲ ቦንቾ ዴሚዳኮካ ኢዚ ኤሬና፤ ካዉዪዛኮካ ኢዚ ጼሌና።

ሚኪያሳ ቲንቢቴ 6:8

ኣሳ ናዉ! ኢዚ ኔና ሎኦ ሚሽ ቤሲዴስ ጾሲ ኔፔ ኮይዛይ ኣዜ? ሎኦ ኦና ማላ ማሮቴ ኔ ዶሳና ማላኔ ጾሳ ሲንን ኔኒ ኣሽኬቴራ ባና ማላ ጊዴኔ?

ዬ ማጻፋ 89:47

ታ ላይይ ኣይ ኬና ቃንኮ ቆፓ፤ ኔ ኣሳ ና ጮ ሃዳ ሜዲ!

ዬ ማጻፋ 47:4

ኢዚ ኑስ ላታ ቢታ ዶሪዴስ፤ ሄ ቢታይን ኢዚ ዶሲዛ ያቆቤይ ጬቄቴስ።

ዬ ማጻፋ 16:5

ጎዳዉ! ታስ ላታ ጺንጾይኔ ቃዳይ ኔና፤

ኤራንቻታ ማጻፋ 2:24

ኣሳስ ሙሳፌኔ ኡሻፌ ቃሴ ባ ኦዳ ኦሶን ኡፋዬቴፌ ሃራ ሎኢዛ ሚሺ ዴና፤ ሄሲካ ጾሳ ኩሼፔ ኢሜቲዛይሳ ታ ቤያዲስ።

ኤራንቻታ ማጻፋ 6:11

ሃሳያይ ዳሪሺን ሃዳ ዮኦይ ዳሬስ፤ ሂስቲን ሄሲ ኣስ ኣይ ጎኣኔ?

ኤራንቻታ ማጻፋ 7:15

ናጋራንቻይ ባ ናጋራራ ኣዱሳ ላይ ዴኢሺን፥ ጺሎይ ባ ጺሎቴራ ኤሶን ሃይቂሺን ሃዳ ጊዲዳ ታ ዴኦ ላይታን ሃይታ ቤኣዲስ።

ኤራንቻታ ማጻፋ 9:9

ሳሎ ጉፋንን ጾሲ ኔስ ኢሚዳ ጉ ጊዲዳ ኔ ዴኦ ላይታ ኡባን ኔ ሲቂዛ ኔ ማቼይራ ኡፋይሳን ዴኣ፤ ኣይስ ጊኮ ሳሎ ጉፋንን ኔ ዴኦኒኔ ኔ ዳቡርዳ ዳቡራ ኡባን ሃይሲ ኔስ ቃዳ።

ኤራንቻታ ማጻፋ 10:14

ኤያይ ሃሳያ ዳሪሴስ፤ ቡሮፔ ሃናናይሳ ኤሪዛይ ዴና፤ ሃይቂዳዴስ ኢዛፔ ጉዬን ሃናናይሳ ኦኔ ኢዛስ ዮታና ዳንዳይዛይ?