ኤራንቻታ ማጻፋ 5:11 - ጋሞ ማጻፋ

¹¹ ኣቆታይ ዳሪ ዳሪ ቢሺን ሚዛይ ዳሬስ፤ ሃሪዳዴስ ኣይፌን ቤኦፔ ሃራ ኣዛ ጎኣይ ዲዜ?

Geeshsha Maxaafa

¹¹ Aqotay dari dari bishin mizay darees; haaridaades ayfen be7oppe hara aaza go7ay dizee?

ኤራንቻታ ማጻፋ 5:11 Referans Kwoze

1ዮሃኒሳ ኪታ 2:16

ጋሶይካ ሃ ኣላሜዛን ዲዛይ ዉሪ ኣሾ ኣሞቴ፥ ኣይፌስ ሎኦኔ ዱሳን ጬቄቴ፤ ሃይቲ ኣላሜፔ ኣቲን ጾሳ ኣዋፔ ዪዛይታ ጊዴቴና።

ኢምባቆ ቲንቢቴ 2:13

ኣሳ ኦሶይ ኡባይ ታማን ጹጌታና ማላ ዴሬይካ ሜላ ዳቡራና ማላ ጎዳይ ኡባፌ ዎልቃማ ጾሳይ ኡባ ዎቤኔ?

ሌሚሶ ማጻፋ 23:5

ሄሳ ማላ ዱሬቴ ቦላ ኔኒ ኔ ኣይፌ ዎኮ ሄራ ያና፤ ቄፌ ኬሲዳ ጎሌ ካፎ ማላ ሳሎራ ፓላና።

ኤራንቻታ ማጻፋ 6:9

ኣሞን ቶይላታናፔ ኣይፌን ቤኦይ ኪያ፤ ሄሲካ ሃዳኔ ጫርኮ ኦይካናስ ዬዴዛ ማላ

ኤራንቻታ ማጻፋ 11:9

ሃይሶ ዬላጋዞ! ኔ ናቴቴ ላይን ኡፋዬታ፤ ኔ ናቴቴ ላይን ኔ ዎዚናን ኡፋዬታ፤ ኔ ኣይፌይ ጼሊዳ ኡባኔ ኔ ዎዚናይ ኣሞቲዳ ኡባ ፖላ፤ ጊዶ ኣቲን ኔ ኦዳ ኦሶ ኡባ ጊሻስ ጾሲ ኔና ፒርዳስ ሺሻናይሳ ኤራ።

ሜቴ ማጻፋ 13:2

ኣብራሜይ ሄ ዎዴ ሜሄን፥ ቢራኒኔ ዎርቃን ዳሮ ዱሬቲዴስ።

ሜቴ ማጻፋ 12:16

ሂስቲን ኢዚ ጌዶን ካዎይ ኣብራሜ ሎኦ ኣይፌን ጼሊዲ ኣብራሜስ ዶርሳታኔ ቦራታ፥ ኣዴ ሃሬታኔ ማጫ ሃሬታ፥ ኣዴ ኣይሌታኔ ማጫ ኣይሌታ፥ ጋሜላታካ ኢሚዴስ።

ኤርማሳ ቲንቢቴ 17:11

ቤሶንታ ኦጌራ ኣቆታ ዳጋሲዛ ኣሲ ባ ጱቂሶንታ ጪዬ ሃጵዛ ኩራቾ ማላ። ኢዛ ላይይ ቡሮ ባጋቲሺን ኢዚ ኣቆታ ኣጊ ባና፤ ዉርሴን ኢዛ ኤያቴ ቆንጬ ኬዛና።

ኤራንቻታ ማጻፋ 2:9

ሄሳ ጊሻስ ታኒ ታፔ ካሴ ዬሩሳላሜን ዴኢዳ ኦፔኔ ኣዳ ጊታ ኣስ ጊዳዲስ፤ ታ ኣ ኤራቴይካ ታናራ ዴኢዴስ።

ኤራንቻታ ማጻፋ 5:12

ኦሶ ኦዛ ኣሲ ጉ ሚኮ፥ ዳሮ ሚኮ ሳሮ ስኮ ስኪ ኣቄስ፤ ጊዶ ኣቲን ዱሬ ኣስ ዱሬቴ ስኮ ዲጌስ።