ኤራንቻታ ማጻፋ 3:22 - ጋሞ ማጻፋ

²² ሄሳ ጊሻስ ኣሲ ባ ኦዳ ኦሶን ኡፋይሳፌ ሃራ ኣዛ ሚሺ ባይንዳይሳ ታ ቤኣዲስ፤ ሄሲካ ኣሳስ ኢሜቲዳ ቃዳ፤ ኢዚ ሃይቂዳፔ ጉዬ ኦሴቲዳ ኦሶታ ኢዛ ዛሪ ኤሂዲ ቤሳናይ ኦኔ?

Geeshsha Maxaafa

²² Hessa gishshas asi ba ooththida ooson ufayssafe hara aadhdhiza miishshi bayndayssa ta be7adis; hessika asas imettida qaada; izi hayqqidaappe guye oosettida oosota iza zaari ehidi bessanay oonee?

ኤራንቻታ ማጻፋ 3:22 Referans Kwoze

ኤራንቻታ ማጻፋ 2:24

ኣሳስ ሙሳፌኔ ኡሻፌ ቃሴ ባ ኦዳ ኦሶን ኡፋዬቴፌ ሃራ ሎኢዛ ሚሺ ዴና፤ ሄሲካ ጾሳ ኩሼፔ ኢሜቲዛይሳ ታ ቤያዲስ።

ኤራንቻታ ማጻፋ 10:14

ኤያይ ሃሳያ ዳሪሴስ፤ ቡሮፔ ሃናናይሳ ኤሪዛይ ዴና፤ ሃይቂዳዴስ ኢዛፔ ጉዬን ሃናናይሳ ኦኔ ኢዛስ ዮታና ዳንዳይዛይ?

ኤራንቻታ ማጻፋ 8:7

ሲንፌ ሃናናይሳ ኤሪዛይ ዴና፤ ሄሳ ጊሻስ ሲንፌ ሃናናይሳ ዮታናስ ዳንዳይዛይ ኦኔ?

ኤራንቻታ ማጻፋ 6:12

ሃዳኔ ኤሾ ማላ ኤሌ ኣዛ ጉ ላይታን ኣሳስ ሎኦ ሚሺ ሃናናይሳ ኤሪዛይ ኦኔ? ቃሴካ ኢዚ ሃይቂዳፔ ጉዬ ሳሎ ጉፋንን ሃኒዛ ሚሽ ኢዛስ ዮታና ዳንዳይዛይ ኦኔ?

ኤራንቻታ ማጻፋ 11:9

ሃይሶ ዬላጋዞ! ኔ ናቴቴ ላይን ኡፋዬታ፤ ኔ ናቴቴ ላይን ኔ ዎዚናን ኡፋዬታ፤ ኔ ኣይፌይ ጼሊዳ ኡባኔ ኔ ዎዚናይ ኣሞቲዳ ኡባ ፖላ፤ ጊዶ ኣቲን ኔ ኦዳ ኦሶ ኡባ ጊሻስ ጾሲ ኔና ፒርዳስ ሺሻናይሳ ኤራ።

Maatosa 6:34

ሄሳ ጊሻስ ዎንቶስ ኬሂ ቆፖፍቴ፤ ዎንቶ ሜቶይ ዎንቶስ ኣቆ፤ ኢሲ ኢሲ ጋላሳይ ባስ ባስ ጊዲዛ ሜቶራ ዴስ።

ዳኔላ ቲንቢቴ 12:13

«ዳኔላ! ኔኒ ዉርሴ ጋካናስ ባ፤ ሄሳፌ ጉዬ ኔ ሼምፓና፤ ዉርሴ ጋላስ ኔስ ጊጊዳ ጺንጾ ኔ ላታና» ጊዴስ።

ኤራንቻታ ማጻፋ 9:12

ቃሴካ ባ ዎዴ ኤሪዛ ኣሲ ዴና፤ ካፎይ ያርዴን ጌሊዛ ማላ፥ ሞሌይ ጊቴን ኦይኬቲዛ ማላ፥ ኣሲካ ቆፖንታ ዲሺን ዪዛ ኢታ ዎዴታን ኦይኬቴስ።

ኤራንቻታ ማጻፋ 8:15

ሳሎ ጉፋንን ኣሳስ ሙሳፌ፥ ኡሻፌኔ ኡፋዬቴፌ ኣዛ ሃራ ሚሺ ባይንዳ ጊሻስ ባ ዴኦ ላይን ኡፋዬቴ ሎኦ ጋዲስ፤ ሄሳ ጊሻስ ጾሲ ሳሎ ጉፋንን ኢዛስ ኢሚዳ ላይታን ኢዚ ባ ኦሶን ኡፋዬታና።

ኢዮቤ ማጻፋ 14:21

ኢዛ ናይቲ ቦንቾ ዴሚዳኮካ ኢዚ ኤሬና፤ ካዉዪዛኮካ ኢዚ ጼሌና።

ዛሬ ማጻፋ 28:47

ጎዳ ኔ ጾሳይ ኔና ዳሮ ባጋራ ኣንጂዴስ፤ ጊዶ ኣቲን ኔ ጋላታሼ ኡፋይሳን ኢዛስ ኦቤካ።

ዛሬ ማጻፋ 12:18

ጎዳ ኢንቴ ጾሳይ ዶሪዳሶን ኢንቴ ማጫ ናይታራኔ ኣቱማ ናይታራ፥ ኢንቴ ማጫ ኣይሌታራኔ ኣቱማ ኣይሌታራ፥ ሄሳካ ኢንቴ ካታማታን ዲዛ ሌዌ ቆሞታራ ኢሲፌ ጎዳ ኢንቴ ጾሳ ሲንን ሚቴ፤ ኢንቴ ዳቡርዲ ሺሺዳ ሚሽ ኡባን ጎዳ ኢንቴ ጾሳ ሲንን ሄን ኡፋዬታና።

ዛሬ ማጻፋ 12:7

ሄን ጎዳ ኢንቴ ጾሳ ሲንን ኢንቴ ማና፤ ቃሴ ኢንቴ ኢንቴ ዎልቃን ኦ ኬሲዳ ኡባኒኔ ጎዳ ኢንቴ ጾሳይ ኢንቴና ኣንጂዳ ኡባን ኢንቴ ኢንቴሶ ኣሳራ ኡፋዬታና።

ኤራንቻታ ማጻፋ 2:18

ሳሎ ጉፋንን ታኒ ኬሃ ዳቡራ ዴሚዳ ኡባ ታፔ ጉዬን ዪዛ ዬሌታስ ዬጋዳ ቢዛ ጊሻስ ታኒ ዳቡራ ዴሚዳ ኡባይ ታና ኢቴስ።

ኤራንቻታ ማጻፋ 7:14

ኔስ ዎዴይ ሎኢሺን ኡፋዬታ፤ ጊዶ ኣቲን ዎዴይ ኢቲሺን ሃይሳ ዎዚናን ዎ፤ ጾሲ ኢሳ ኦዳ ማላ ሃራካ ኦዴስ፤ ሄሳ ጊሻስ ኣሲ ሲንፌ ሃናና ሚሽ ኣይኮካ ፒልጊዲ ኤራና ዳንዳዬና።

ኤራንቻታ ማጻፋ 9:6

ኢስታ ሲቆይ፥ ኢጾይኔ ቃናቴይ ኡባይ ኢስታራ ኢሲፌ ይዴስ። ሄሳ ጊሻስ ሳሎ ጉፋንን ሃኒዛ ሚሽ ኡባን ኣይኮ ቃዳይካ ኢስታስ ዴና።