ኤራንቻታ ማጻፋ 3:19 - ጋሞ ማጻፋ

¹⁹ ኣሳ ቃዳይካ ሜሄይሳ ማላ፤ ናምኣ ቃዳይካ ኢሲኖ፤ ኢሶይ ሃይቂዛ ማላ ሃንኮይሲካ ሃይቄስ፤ ናምኣስካ ኢሲ ቆሞ ፔኖይ ዴስ፤ ሄሳ ጊሻስ ኢዚ ሜሄፔ ዱማቴና፤ ሄሲካ ሃዳ።

Geeshsha Maxaafa

¹⁹ Asa qaadaykka meheyssa mala; nam7aa qaadaykka issino; issoy hayqqiza mala hankkoyssika hayqqees; nam7aaska issi qommo peenoy dees; hessa gishshas izi meheppe dummatenna; hessika hada.

ኤራንቻታ ማጻፋ 3:19 Referans Kwoze

ዬ ማጻፋ 49:12

ኣሲ ኣይ ዱሬቲኮካ ባ ዱሬቴራ ካንና፤ ኢዚ ዶኣ ማላ ሃይቃና።

ዬ ማጻፋ 49:20

ኣሲ ኤራቴ ባይንዳ ኣይ ዱሬቲኮካ ኢዚ ዶኣ ማላ ሃይቃና።

ኤራንቻታ ማጻፋ 2:16

ኣ ኤራንቻይካ ኤያዛ ማላ ሜርናስ ሃሳኤቴና፤ ሲንፌ ያና ላይታን ናምኣይካ ዶጌታና፤ ኤያይ ሃይቂዛ ማላ ኣ ኤራንቻሲካ ሃይቆይ ኣቴና።

ኤራንቻታ ማጻፋ 2:14

ኤራ ኣሳ ኣይፌይ ኢዛዴስ ሁኤ ቦላ ዴስ፤ ኤያይ ጊዲኮ ማ ጊዶራ ሄሜቴስ፤ ጊዶ ኣቲን ኢስታ ናምኣ ቃዳይካ ኢሲኖ ጊዲዳይሳ ኣኬካዲስ።

ዬ ማጻፋ 104:29

ኔኒ ኔ ሲን ጌንዛ ዎዴ ዳጋሜቴስ፤ ኔ ኢስታ ሼምፖ ኤኪዛ ዎዴ ሃይቄቴስ፤ ዱጌ ቢታንካ ሲሚ ጌሌቴስ።

2ሳሜላ ማጻፋ 14:14

ቢታን ጉኪዳ ሃ ሲሞንታይሳ ኑኒ ኡባይካ ሃይቆስ፤ ጾሲ ቢታፌ ጎዴቲዳ ኣሲ ኢዛ ሲንፌ ባቃቲ ቢዳሶን ኣቶንታ ማላ ሲሚ ያና ኦጌ ኢዛስ ጊጊሴስ ኣቲን ኢዛ ሼምፖይ ያና ማላ ኮዬና።

ታይቦ ማጻፋ 16:29

ሃይቲ ሃ ኣሳቲ ኣሲ ሃይቂዛ ማላ ሃይቂዛ ጊዲኮ ጎዳይ ታና ኪቲቤና።

ኤራንቻታ ማጻፋ 7:2

ጊቢራ ኬ ቡሳፌ ዬሆ ኬ ቡሲ ሎኦ፤ ጋሶይካ ሃይቆይ ኣስ ኡባስ ዉርሴ፤ ሼምፖራ ፓጻ ዲዛ ኣሲ ኡባይ ሄሳ ባ ዎዚናን ዎናስ ቤሴስ።

ኤራንቻታ ማጻፋ 9:2

ጺሎታ ዎይኮ ናጋራንቻታ ጊዲን፥ ሱሬታ ዎይኮ ኢታታ ጊዲን፥ ጌሻታ ዎይኮ ቱናታ ጊዲን፥ ያርሾ ሺሺዛይታ ዎይኮ ያርሾ ሺሾንታይታ ጊዲን ኡባታሲካ ዉርሴ ቃዳይ ኢሲኖ። ሎኦ ኣሳስ ሃኒዛይሳ ማላ ናጋራንቻስካ ሃኔስ፤ ጫቂዛይሳስ ሃኒዛይሳ ማላካ ጫቆስ ባቢዛይታስ ሃኔስ።

ኤራንቻታ ማጻፋ 9:12

ቃሴካ ባ ዎዴ ኤሪዛ ኣሲ ዴና፤ ካፎይ ያርዴን ጌሊዛ ማላ፥ ሞሌይ ጊቴን ኦይኬቲዛ ማላ፥ ኣሲካ ቆፖንታ ዲሺን ዪዛ ኢታ ዎዴታን ኦይኬቴስ።

ዬ ማጻፋ 49:13

ባናን ኣማኔቲዛ ኤያታ ቃዳይኔ ኢስታ ቃላ ካሊዛይታ ዉርሴ ሳማይ ሃይሳ።

ኤራንቻታ ማጻፋ 1:14

ሳሎ ጉፋንን ሃኒዳ ሃኖታ ኡባ ታ ቤኣዲስ፤ ጊዶ ኣቲን ኡባይካ ሃዳ፤ ጫርኮ ኦይካና ዬዴዛ ማላ።

ኤራንቻታ ማጻፋ 1:17

ቃሴ ታኒ ኣ ኤራቴ፥ ጎሻቴኔ ኤያቴ ሻካ ኤራናስ ኬሃ ባጼታዲስ፤ ጊዶ ኣቲን ዉርሴን ሄሲካ ጫርኮ ኦይካናስ ዬዴዛ ማላ ሃዳ ጊዲዳይሳ ኤራዲስ።