ኤራንቻታ ማጻፋ 3:17 - ጋሞ ማጻፋ

¹⁷ ታኒካ ታ ዎዚናን፥ «ኡባ ዮኦሲኔ ኦሶስ ዎዴይ ዲዛ ጊሻስ ጾሲ ጺሎዛኔ ዎርዳንቻዛ ፒርዳስ ሺሻና» ጋዳ ቆፓዲስ።

Geeshsha Maxaafa

¹⁷ Tanikka ta wozinan, «Ubbaa yo7ossinne oosos wodey diza gishshas Xoossi xillozanne wordanchchaza pirdas shiishshana» gaada qoppadis.

ኤራንቻታ ማጻፋ 3:17 Referans Kwoze

2ቆሮንቶሴ ኣሳስ 5:10

ኑኒ ዉሪካ ኪርስቶሳ ፒርዳ ዎምቦራ ሲን ሺቃናይሲ ኣቴና፤ ኑፔ ኢሶይ ኢሶይ ቢታ ቦላ ባ ኦዳይ ኢታ ጊዲን ዎይኮ ሎኦ ጊዲን ባ ኦሶ ማላ ቤሲዛ ዋጋ ባስ ኤካና።

ኤራንቻታ ማጻፋ 12:14

ጾሳይ ኦሶ ኡባ ቦላ፥ ጌሚዳ ዮኦ ኡባ ቦላ፥ ሎኦ ጊዲን ኢታ ጊዲንካ ፒርዳና።

Maatosa 16:27

ኣሳ ናይ ባ ኣዋ ቦንቾራኔ ሳሎ ኪታንቻታራ ያና፤ ኢሳስ ኢሳስ ኢዛ ኦሶ ማላ ኢዛዴ ዋጋ ኢማና።

ኤራንቻታ ማጻፋ 3:1

ኡባሲካ ዎዴይ ዴስ፤ ሳሎፔ ጋርሳ ባጋራ ኦሴቲዛይሳስ ኡባስ ዎዴይ ዴስ።

ኤራንቻታ ማጻፋ 11:9

ሃይሶ ዬላጋዞ! ኔ ናቴቴ ላይን ኡፋዬታ፤ ኔ ናቴቴ ላይን ኔ ዎዚናን ኡፋዬታ፤ ኔ ኣይፌይ ጼሊዳ ኡባኔ ኔ ዎዚናይ ኣሞቲዳ ኡባ ፖላ፤ ጊዶ ኣቲን ኔ ኦዳ ኦሶ ኡባ ጊሻስ ጾሲ ኔና ፒርዳስ ሺሻናይሳ ኤራ።

ዬ ማጻፋ 98:9

ጎዳይ ሳኣ ቦላን ፒርዳናስ ያና፤ ኢዚ ሃ ሳኣ ቦላ ጺሎቴን ኣሳ ቦላካ ሱሬቴን ፒርዳና።

ሜቴ ማጻፋ 18:25

ጺሎታ ዎርዶታራ ጋ ዎዛይሲኔ ጺሎታኔ ዎርዶታ ኢሲ ኣይፌን ጼሊዛይሲ ሄሲ ኔፔ ሃኮ፤ ሃ ቢታ ኡባ ቦላ ፒርዲዛ ኔኒ ጺሎ ፒርዲኪ?» ጊዴስ።

ዮሃኒሳ ኣጁታ 20:2

ሄ ዳዌዛ ኦይኪዲ ሺ ላይ ቃቺዴስ፤ ሄሲ ዳዌዚ ዳቡሎሳ ዎይኮ ጻላኤ ጌቴቲዛ ካሴ ቤኒ ሾሻዛ።

ዮሃኒሳ ኣጁታ 11:18

ኣይዛቤይ ሃንቄቲዴስ፤ ካሴ ሃይቂዳይቲ ፒርዳ ዴሚዛ ዎዴይ ጋኪዴስ፤ ካሴ ኔ ኦሳንቻታ ናቤታሲኔ ጌሻታስ ኔ ሱንካ ቦንቺዛይታስ፥ ጉታሲኔ ጊታታስ፥ ኔኒ ኢስታስ ኢስታ ዋጋ ኢሚዛ ዎዴይ ሃኢ ጋኪዴስ። ቢታ ይሲዳይታ ኔ ይሳናስ ዎዴይ ጋኪዴስ» ጊዳ።

1ቆሮንቶሴ ኣሳስ 4:5

ሄሳ ጊሻስ ፒርዳና ዎዴይ ጋኮንታ ሃራ ኣይ ዮኦካ ፒርዶፍቴ፤ ጎዳይ ያና ጋካናስ ናጊቴ፤ ኢዚ ማ ጊዶን ቆቴቲዳይሳ ቡሮ ቆንጬ ኬሳና። ኣሳ ዎዚና ጊዶን ዲዛ ቆፋካ ቆንጬ ኬሳና፤ ሄ ዎዴ ኢሲ ኢሲ ኣሲ ባስ ቤሲዛ ጋላታ ጾሳ ኣቻፌ ኤካና።

ሃዋሬታ ኦሶ 17:31

ኢዚ ባ ዶሲዳዴ ባጋራ ቢታ ቦላ ጺሎቴን ፒርዳና ጋላስ ባሬ ዎዴስ። ኢዛካ ሃይቆፔ ዴንዲ ኣስ ኡባስ ሃይሳ ቱማቴ ኤሪሲዴስ።

ሃዋሬታ ኦሶ 1:7

ኢዚካ ኢስታስ፥ «ኣዋይ ባ ሼኔን ዎዳ ዎዴ ኤሮይ ኢንቴስ ኢሜቲቤና።

ዮሃኒሳ ሚሺራቾ 5:22

ኣዋይ ኦና ቦላካ ፒርዴና፤ ጊዶ ኣቲን ፒርዳ ማታ ኡባ ባ ናዛስ ኢሚዴስ።

ዳኔላ ቲንቢቴ 12:9

ኢዚካ ታስ፥ «ዳኔላ! ሃይሳ ኣላሜዛ ዉርሴ ጋካናስ ሃይሲ ቲንቢቴ ቃላዚ ጎርዴቲዲ ማታሜን ሾጬቲዳ ጊሻስ ኔኒ ባ።

ዳኔላ ቲንቢቴ 12:4

«ዳኔላ! ኔኒ ኣላሜ ዉርሴ ጋካናስ ሃይሳ ማጻፋዛ ጎርዳዳ ማታሜን ሾጫ፤ ሄ ዎዴ ኣሳይ ኤራቴ ዳርሳናስ ያኔ ሃ ዎጼሬታና» ጊዴስ።

ዳኔላ ቲንቢቴ 11:40

«ዉርሴ ዎዴይ ጋኪሺን ዱጌሃ ባጋ ካዎይ ፑዴሃ ባጋ ካዎዛ ቦላ ኦላስ ዎራጃና፤ ፑዴሃ ባጋ ካዎይ ፓራ-ጋሬን፥ ቶጋኒኔ ማርካቤታን ጎኤቲዲ ኦላ ኤቄታና፤ ዲኦ ሃ ማላ ዳሮ ዴሬታ ዎራጂ ኦይካና።

ኤራንቻታ ማጻፋ 8:6

ኣስ ሜቶይ ኬሂ ኡንኤኮካ ኡባ ሚሻስካ ሊኬ ዎዴይኔ ቤሲዛ ኦሶ ኦጌይ ዴስ።

ኤራንቻታ ማጻፋ 2:1

ታኒ ታ ዎዚናን፥ «ኣኔ ታስ ጊታ ኡፋይስ ኢሚዛይ ኣዛኮ፥ ቃሴ ሎኦ ሚሺ ኣዛኮ ኤራናስ ኮያይስ» ጋ ቆፓዲስ፤ ጊዶ ኣቲን ሄሲ ሃዳ።

ኤራንቻታ ማጻፋ 1:16

ታኒካ ታ ዎዚናን፥ «ታፔ ካሴ ዬሩሳላሜ ሃሪዳ ኡባታፔ ታኒ ጊታኔ ኣ ኤራንቻ ጊዳዲስ፤ ታኒ ኣ ኤራቴኒኔ ኤራን ኬሃ ሎሃዲስ» ጋ ቆፓዲስ።

1ታሶሎንቄ ኣሳስ 5:1

ታ ኢሻቶ! ሄሲ ሃናና ዎዴዛ ጊሻስ ኑ ኢንቴስ ጻፋናስ ኮሼና።

ዬ ማጻፋ 96:13

ኣይስ ጊኮ ጎዳይ ያና፤ ኢዚ ሳኣ ቦላን ፒርዳናስ ያና፤ ኢዚ ሃ ሳኣ ቦላ ጺሎቴን፥ ኣሳ ቦላካ ቱማቴን ፒርዳና።