ኤራንቻታ ማጻፋ 3:11 - ጋሞ ማጻፋ

¹¹ ኡባ ሚሽ ኢዛ ዎዴን ዎዴን ሎኤዲ ኦዴስ። ጾሲ ኣሳ ዎዚናን ሜርናቴ ዎዴስ፤ ጊዲኮካ ጾሲ ኦዳይሳ ኡባ ኮይሮፔ ዉርሴ ጋካናስ ኣሲ ኡባ ኤራናስ ዳንዳዬና።

Geeshsha Maxaafa

¹¹ Ubbaa miish iza woden woden lo7eththidi ooththides. Xoossi asaa wozinan mernateth woththides; gidikkoka Xoossi ooththidayssa ubbaa koyroppe wurseth gakkanaas asi ubbaa eranaas dandayenna.

ኤራንቻታ ማጻፋ 3:11 Referans Kwoze

ኦሮሜ ኣሳስ 11:33

ጾሳ ዱሬቴ፥ ኣ ኤራቴይኔ ኢዛ ኤራቴይ ኣይ ማላ ጪማ! ኢዛ ፒርዳይ ኣይ ማላኮ ፓጬቴና፤ ኢዚ ኣዳ ጌዶይካ ኤሬቴና።

ኢዮቤ ማጻፋ 11:7

«ኔኒ ጾሳስ ጪማ ጊዲዳ ጹራ ኤራናስ ዳንዳያይ? ኡባ ዳንዳይዛ ጾሳ ፒልጋዳ ጋካናዉ ዳንዳያይ?

ኤራንቻታ ማጻፋ 8:17

ሄሳፌ ጉዬ ጾሲ ኦዳ ኡባ ቤኣዲስ፤ ሳሎ ጉፋንን ኦሴቲዛ ሚሽ ኦኒካ ኤሬና፤ ኣሲ ኬሂ ዳፌቲዲ ፒልጊ ጼሊኮካ ኢዛ ቢርሼ ዴማናስ ዳንዳዬና። ኣ ኤራንቻይ፥ «ታ ኤራይስ» ጊኮካ ኡባ ኤራናስ ዳንዳዬና።

ኢዮቤ ማጻፋ 5:9

ኢዚ ቆዳይ ባይንዳ ማላሊሲዛ ሚሽ፥ ፒልጊን ጋኬቶንታ ጊታ ሚሽ ኦስ።

ሜቴ ማጻፋ 1:31

ጾሲ ባ ሜዳይሳ ኡባካ ጼሊዲ ዳሮ ሎኦ ጊዲዳይሳ ቤኢዴስ። ጋዴይ ቃሚዴሲኔ ዎንቲዴስ፤ ሄሲካ ኡሱፑን ጋላሳ።

ማርቆሳ ሚሺራቾ 7:37

ዴሬዚካ ኬሂ ማላሌቲዲ፥ «ኢዚ ኦዳይሲ ዉሪ ሎኦ፤ ቱሌቲ ሲያና ማላ፥ ዶና ዱዴቲ ሃሳያና ማላ ኦዴስ» ጊዳ።

ዛሬ ማጻፋ 32:4

«ኢዚ ኑስ ሚጻ፤ ኢዛ ኦሶቲካ ኩሜ፤ ኢዛ ኦጌቲ ዉሪካ ሱሬ፤ ኢዚ ባሌቶንታ ኣማኔቲዳ ጾሳ፤ ኢዚ ሱሬኔ ጺሎ ጾሳ።

ዬ ማጻፋ 104:24

ኣቤት ጎዳዉ! ኔ ኦሶይ ኣይ ኬና ዳሮ! ኔ ኣ ኤራቴን ኔኒ ኢስታ ኡባ ሜዳሳ፤ ኔ ሜዳ ሜታቲ ቢታ ኩሚዳ።

ኤራንቻታ ማጻፋ 7:29

ታኒ ሃይሳ ኡባፌ ኢሲ ሚሽ ታማራዲስ፤ ጾሲ ኣስ ሱሬ ሂስቲ ሜዴስ፤ ጊዶ ኣቲን ኣሲ ዳሮ ጊቴቲዳዝ ጊግሲዴስ» ጊዴስ።

ኦሮሜ ኣሳስ 1:28

ቃሴካ ኢስቲ ባ ቆፋራ ጾስ ኤሮይ ኑና ማዴና ጊዳ ጊሻስ ኢስቲ ኦናስ ቤሶንታይሳ ኦና ማላ ጾሲ ኢስታ ጎኦንታ ቆፋስ ኣ ኢሚዴስ።

Maatosa 13:22

ኣጉን ጊዶን ዜሬቲዳ ዜሬይ ቃላ ሲዪዲ ሃይሳ ሃ ኣላሜዛስ ዳሮ ሜቶቴኒኔ ዱሬቴ ቆፋን ባሌቲዲኔ ጩሌቲዲ ኣይፌ ኢሞንታ ኣሳ ማላ።

Maatosa 11:27

«ዉሪካ ታ ኣዋፔ ታስ ኢሜቲዴስ፤ ኣዋፔ ኣቲን ናዛ ጊሻስ ኤሪዛ ኣሲ ባ፤ ቃሴ ናዛፔኔ ናዚ ባ ሼኔን ቆንጪሲዳ ኣሳፔ ሃራይ ኣዋ ኤሪዛ ኣሲ ባ።

ኢዮቤ ማጻፋ 37:23

ኡባ ዳንዳይዛ ጾሳይ ኑ ቆፋፔ ቦላ፤ ኢዛ ዎልቃይ ጊታ፤ ኢዚካ ቱሙ ፒርዲዛዴ።

ሌሚሶ ማጻፋ 16:4

ጎዳይ ኡባ ሚሽ ሜዳ ጋሶይካ ዴስ፤ ማካላንቻታ ጊዲኮካ ባሻ ጋላሳስ ጊግሲ ዎዴስ።

ኤራንቻታ ማጻፋ 1:13

ታኒ ሳሎ ጉፋንን ዲዛ ኡባ ሻካ ኤራናሲኔ ኣ ኤራቴን ፒልጋ ጼላናስ ታ ቆፋ ቃቻዲስ፤ ጾሲ ኣሳ ናይታ ቶሲዳ ቶሆይ ኣይ ማላ ዴጾ!

ኤራንቻታ ማጻፋ 7:13

ኣኔ ጾሳይ ኦዳይሳ ዎዚናን ዎ! ኢዚ ቦካሲዳይሳ ኦኒ ሉሊሳና ዳንዳይዜ?

ኤራንቻታ ማጻፋ 7:23

ሃይሳ ኡባ ታኒ ኣ ኤራቴን ፒልጋ ጼላዳ፥ «ታኒካ ኣ ኤራንቻ ጊዳናስ ቃቻዲስ» ጋዲስ። ጊዶ ኣቲን ታኒ ጊዳ ማላ ሃኒቤና።

ኤራንቻታ ማጻፋ 11:5

ጫርኮይ ኣዋራ ቢዛኮ ኢዛ ኦጌ ኤራካ፤ ቃሴ ሼምፖይ ዎይኮ ኣያናይ ኣዪ ኡሎን ዲዛ ሜታ ጊዶን ዋኒ ጌሊዛኮ ኔ ኤራካ። ሄሳካ ኡባ ሜዳ ጾሳ ኦሶ ኔ ሻካ ኤራና ዳንዳያካ።