ኤራንቻታ ማጻፋ 2:18 - ጋሞ ማጻፋ

¹⁸ ሳሎ ጉፋንን ታኒ ኬሃ ዳቡራ ዴሚዳ ኡባ ታፔ ጉዬን ዪዛ ዬሌታስ ዬጋዳ ቢዛ ጊሻስ ታኒ ዳቡራ ዴሚዳ ኡባይ ታና ኢቴስ።

Geeshsha Maxaafa

¹⁸ Salo gufanththon tani keeha daabura demmida ubbaa taappe guyen yiza yeletas yeggada biza gishshas tani daabura demmida ubbay tana iitees.

ኤራንቻታ ማጻፋ 2:18 Referans Kwoze

ዬ ማጻፋ 49:10

ኤያቲኔ ዳማቲ ሃይቂዛ ማላ ኣ ኤራንቻቲካ ሃይቃና፤ ኡባይካ ባ ኣቆታ ሃራስ ዬጊ ባና፤ ሄሳ ኡባይካ ቤኣና።

ዬ ማጻፋ 39:6

ቱማፔ ኣሳ ዱሲ ኤሾ ማላ፤ ጮ ሜላ ሃዳ ሃሮ ሺሾን ዳቡሬስ፤ ጊዶ ኣቲን ኦኒ ኤካናኮ ኤሬና።

1ቆሮንቶሴ ኣሳስ 3:10

ጾሳፌ ታስ ኢሜቲዳ ኢሞቴ ጊና ኬ ኬጺዛ ሂላ ማላ ኬይ ኤቃናስ ሎኤ ጊጊሳዲስ፤ ኢዛ ቦላ ሃራ ኣሲ ኬ ኬጻና፤ ጊዶ ኣቲን ኬ ኬጺዛዴይ ዎስቲ ኬጻናኮ ናጌታናስ ቤሴስ።

ሉቃሳ ሚሺራቾ 12:20

«ጊዶ ኣቲን፥ ‹ጾሲ ሃይሶ ኤያዞ! ኔ ሼምፖዮ ሃች ኦማርስ ኔፔ ኤካና ኮዬቴስ፤ ሄሳ ጊሻስ ኔ ኔስ ሺሺዳይሲ ኦናስ ጊዳኔ?› ጊዴስ።

ኤራንቻታ ማጻፋ 9:9

ሳሎ ጉፋንን ጾሲ ኔስ ኢሚዳ ጉ ጊዲዳ ኔ ዴኦ ላይታ ኡባን ኔ ሲቂዛ ኔ ማቼይራ ኡፋይሳን ዴኣ፤ ኣይስ ጊኮ ሳሎ ጉፋንን ኔ ዴኦኒኔ ኔ ዳቡርዳ ዳቡራ ኡባን ሃይሲ ኔስ ቃዳ።

ኤራንቻታ ማጻፋ 5:18

ኣሳ ቃዳይ ሄሳ ጊዲዳ ጊሻስ ሳሎ ጉፋንን ጾሲ ኣሲ ዴኣና ማላ ኢሚዳ ቃን ላይ ጋርሳን ኣሲ ባ ዳቡርዳ ዳቡራፔ ሙሲኔ ኡሺ ሎኦኔ ቤሲዛይሳ ጊዲዳይሳ ታ ኣኬካዲስ።

ኤራንቻታ ማጻፋ 4:3

ጊዶ ኣቲን ሃ ናምኣታፔካ ቦላራ ሙሌካ ዬሌቶንታይታ ቃዳይ ሎኦ፤ ጋሶይካ ኢስቲ ሳሎ ጉፋንን ኦሴቲዛ ቆሆዛ ሙሌካ ቤኢቤቴና።

ኤራንቻታ ማጻፋ 2:26

ጾሲ ባና ኡፋይሲዛ ኣሳስ ኣ ኤራቴ፥ ኤራቴኔ ኡፋይስ ኢሜስ፤ ጊዶ ኣቲን ናጋራንቻይ ጾሳ ኡፋይሲዛይታስ ዬጊ ባና ማላ ኣቆታ ዳጋሳናሲኔ ኦናስ ዎልቃ ኢሜስ፤ ሄሲካ ሃዳኔ ጫርኮ ኦይካናስ ዬዴዛ ማላ።

ኤራንቻታ ማጻፋ 1:13

ታኒ ሳሎ ጉፋንን ዲዛ ኡባ ሻካ ኤራናሲኔ ኣ ኤራቴን ፒልጋ ጼላናስ ታ ቆፋ ቃቻዲስ፤ ጾሲ ኣሳ ናይታ ቶሲዳ ቶሆይ ኣይ ማላ ዴጾ!

ኤራንቻታ ማጻፋ 1:3

ኣላሜ ቦላ ኣሳ ናይ ዳቡርዛ ዳቡራ ኡባስ ኣይ ዎይ ዲዜ?

ዬ ማጻፋ 17:14

ኣቤት ጎዳዉ! ሄሳ ማላ ኣሳታፔ ታና ቆታ፤ ኢስታ ቃዳይ ሃ ሳኣ ዴኦ ጻላ ጊዲዛ ኣሳፔ ኔ ኩሼን ታና ኣሻ፤ ኔ ማዝጋባን ሚንጂዳ ቂጻቴፔ ኢስታ ካልሳ፤ ኢስታ ናይታስ ዳሪዲ ቲርፖ፤ ኢስታ ናይታ ናይታስካ ጊዲ ፓላሆ።

ኤራንቻታ ማጻፋ 2:11

ጊዶ ኣቲን ሄሳ ኡባ ኦ ሲማዳ ታኒ ኣኬኪዛ ዎዴ ታኒ ኬሃ ዴማና ጋዳ ዳቡርዳ ዳቡራ ኡባ ታ ቆፒዛ ዎዴ ኡባይካ ሃዳ፤ ሳሎ ጉፋንን ኣይ ዎይካ ዴና፤ ኡባይካ ጫርኮ ኦይካናስ ዬዴዛ ማላ።

ኤራንቻታ ማጻፋ 2:21

ጋሶይካ ኣሲ ባ ኡባ ኣ ኤራቴን፥ ኤራኒኔ ሂላን ዳቡርዲ ዴሚዳ ኡባ ኣይኮካ ዳቡሮንታ ኣሳስ ኣጊ ቤስ፤ ሄሲካ ሃዳኔ ጊታ ቆሆ።

ኤራንቻታ ማጻፋ 3:22

ሄሳ ጊሻስ ኣሲ ባ ኦዳ ኦሶን ኡፋይሳፌ ሃራ ኣዛ ሚሺ ባይንዳይሳ ታ ቤኣዲስ፤ ሄሲካ ኣሳስ ኢሜቲዳ ቃዳ፤ ኢዚ ሃይቂዳፔ ጉዬ ኦሴቲዳ ኦሶታ ኢዛ ዛሪ ኤሂዲ ቤሳናይ ኦኔ?