ኤራንቻታ ማጻፋ 2:10 - ጋሞ ማጻፋ

¹⁰ ታ ኣይፌይ ጼሊዳይሳ ዲጋቤኬ፤ ታ ዎዚናይ ኣሞቲዳይሳ ኡባ ዲጋቤኬ፤ ታኒ ኦዳ ኡባ ታ ዎዚናይ ኡፋዬቲዴስ፤ ታ ዳቡራስ ዎይ ሄሳ።

Geeshsha Maxaafa

¹⁰ Ta ayfey xeellidayssa diggabeekke; ta wozinay amottidayssa ubbaa diggabeekke; tani ooththida ubbaan ta wozinay ufayettides; ta daaburaas wodhey hessa.

ኤራንቻታ ማጻፋ 2:10 Referans Kwoze

ኤራንቻታ ማጻፋ 9:9

ሳሎ ጉፋንን ጾሲ ኔስ ኢሚዳ ጉ ጊዲዳ ኔ ዴኦ ላይታ ኡባን ኔ ሲቂዛ ኔ ማቼይራ ኡፋይሳን ዴኣ፤ ኣይስ ጊኮ ሳሎ ጉፋንን ኔ ዴኦኒኔ ኔ ዳቡርዳ ዳቡራ ኡባን ሃይሲ ኔስ ቃዳ።

ኤራንቻታ ማጻፋ 5:18

ኣሳ ቃዳይ ሄሳ ጊዲዳ ጊሻስ ሳሎ ጉፋንን ጾሲ ኣሲ ዴኣና ማላ ኢሚዳ ቃን ላይ ጋርሳን ኣሲ ባ ዳቡርዳ ዳቡራፔ ሙሲኔ ኡሺ ሎኦኔ ቤሲዛይሳ ጊዲዳይሳ ታ ኣኬካዲስ።

ኤራንቻታ ማጻፋ 3:22

ሄሳ ጊሻስ ኣሲ ባ ኦዳ ኦሶን ኡፋይሳፌ ሃራ ኣዛ ሚሺ ባይንዳይሳ ታ ቤኣዲስ፤ ሄሲካ ኣሳስ ኢሜቲዳ ቃዳ፤ ኢዚ ሃይቂዳፔ ጉዬ ኦሴቲዳ ኦሶታ ኢዛ ዛሪ ኤሂዲ ቤሳናይ ኦኔ?

ዬ ማጻፋ 119:37

ፓንታ ሚሽ ጼሎንታ ማላ ታ ኣይፌታ ናጋ፤ ኔ ቃላ ማላ ታ ዴኦ ኦራጺሳ።

ዬ ማጻፋ 128:2

ኔኒ ኔ ዳቡራ ኣይፌ ማና፤ ኔ ኣንጄታናኔ ኔስ ኢንጄታና።

1ዮሃኒሳ ኪታ 2:16

ጋሶይካ ሃ ኣላሜዛን ዲዛይ ዉሪ ኣሾ ኣሞቴ፥ ኣይፌስ ሎኦኔ ዱሳን ጬቄቴ፤ ሃይቲ ኣላሜፔ ኣቲን ጾሳ ኣዋፔ ዪዛይታ ጊዴቴና።

ኤራንቻታ ማጻፋ 2:22

ሄሳ ጊሻስ ሳሎ ጉፋንን ኣሲ ኬሂ ዳፌቲኮኔ ዳቡርኮ ኢዛስ ኣይ ዎይ ዲዜ?

ኤራንቻታ ማጻፋ 11:9

ሃይሶ ዬላጋዞ! ኔ ናቴቴ ላይን ኡፋዬታ፤ ኔ ናቴቴ ላይን ኔ ዎዚናን ኡፋዬታ፤ ኔ ኣይፌይ ጼሊዳ ኡባኔ ኔ ዎዚናይ ኣሞቲዳ ኡባ ፖላ፤ ጊዶ ኣቲን ኔ ኦዳ ኦሶ ኡባ ጊሻስ ጾሲ ኔና ፒርዳስ ሺሻናይሳ ኤራ።

ኤራንቻታ ማጻፋ 6:9

ኣሞን ቶይላታናፔ ኣይፌን ቤኦይ ኪያ፤ ሄሲካ ሃዳኔ ጫርኮ ኦይካናስ ዬዴዛ ማላ

ሌሚሶ ማጻፋ 23:5

ሄሳ ማላ ዱሬቴ ቦላ ኔኒ ኔ ኣይፌ ዎኮ ሄራ ያና፤ ቄፌ ኬሲዳ ጎሌ ካፎ ማላ ሳሎራ ፓላና።

ኢዮቤ ማጻፋ 31:1

«ሎኦ ማጫሳኮ ጼላዳ ኣሞቶንታ ማላ፤ ታኒ ታ ኣይፌታራ ጫቆ ጌላዲስ።

ዳናታ ማጻፋ 14:2

ሶ ሲሚዲ ባ ኣዋኔ ባ ኣዮ፥ «ታኒ ቴሚናን ኢሲ ፊሊስጼሜ ማጫ ናዮ ቤኣዲስ፤ ሃኢ ኢዞ ታስ ኦይቺዲ ታና ኤኪሲቴ» ጊዴስ።

ሜቴ ማጻፋ 6:2

«ጾሳ ናይታ» ጌቴቲዛ ሜቴቲ ኣሳ ማጫ ናይቲ ሜ ሎኦ ጊዲዳይሳ ቤኢዲ ኢስታፌ ባ ዶሪዳይታ ማቾ ኤኪዳ።

ሜቴ ማጻፋ 3:6

ማጫሳያ ሄ ሚ ኣይፌይ ማናስ ማልኢዛይሳ፥ ጼላናስ ሎኢዛይሳ፥ ቃሴ ኣሲ ኣ ኤራቴ ዴማናስ ኣሞሲዛዝ ጊዲዳይሳ ቤያዳ ሄ ሚ ኣይፌፔ ኤካዳ ማዱስ፤ ቃሴ ባናራ ዲዛ ባ ኣዚናስካ ሄሳፌ ኢሚን ኢዚካ ሚዴስ።

ኤራንቻታ ማጻፋ 5:10

ቢራ ሲቂዛ ኣሳስ ቢራይ ጊዲ ኤሬና፤ ዱሬቴ ኮይዛ ኣሲ ዱሬቲዲካ ካሊ ኤሬና፤ ሄሲ ኡባይካ ሃዳ።

ኤራንቻታ ማጻፋ 6:2

ኣሲ ባ ዎዚናን ኣሞቲዳ ሚሽ ዴማና ማላ ጾሲ ኣሳስ ኣቆታ፥ ዱሬቴኔ ቦንቾ ኢሜስ፤ ጊዶ ኣቲን ኬዋይ ኢስታን ኡፋዬታና ማላ ኩሜ ማታ ኢዛስ ኢሜና፤ ኢዚ ዳቡሪ ዴሚዳይሳን ሃራይ ኡፋዬቴስ፤ ሄሲካ ሃዳኔ ኬሂ ኢታ ሚሻ።

ኤራንቻታ ማጻፋ 9:6

ኢስታ ሲቆይ፥ ኢጾይኔ ቃናቴይ ኡባይ ኢስታራ ኢሲፌ ይዴስ። ሄሳ ጊሻስ ሳሎ ጉፋንን ሃኒዛ ሚሽ ኡባን ኣይኮ ቃዳይካ ኢስታስ ዴና።

ኤራንቻታ ማጻፋ 2:1

ታኒ ታ ዎዚናን፥ «ኣኔ ታስ ጊታ ኡፋይስ ኢሚዛይ ኣዛኮ፥ ቃሴ ሎኦ ሚሺ ኣዛኮ ኤራናስ ኮያይስ» ጋ ቆፓዲስ፤ ጊዶ ኣቲን ሄሲ ሃዳ።

ኤራንቻታ ማጻፋ 2:24

ኣሳስ ሙሳፌኔ ኡሻፌ ቃሴ ባ ኦዳ ኦሶን ኡፋዬቴፌ ሃራ ሎኢዛ ሚሺ ዴና፤ ሄሲካ ጾሳ ኩሼፔ ኢሜቲዛይሳ ታ ቤያዲስ።

ኤራንቻታ ማጻፋ 5:17

ኢዚ ባ ላይ ኡባ ጬጬን፥ ዋዬን፥ ዪሎኒኔ ማ ዱሳን ዉርሴስ።

ኤራንቻታ ማጻፋ 8:15

ሳሎ ጉፋንን ኣሳስ ሙሳፌ፥ ኡሻፌኔ ኡፋዬቴፌ ኣዛ ሃራ ሚሺ ባይንዳ ጊሻስ ባ ዴኦ ላይን ኡፋዬቴ ሎኦ ጋዲስ፤ ሄሳ ጊሻስ ጾሲ ሳሎ ጉፋንን ኢዛስ ኢሚዳ ላይታን ኢዚ ባ ኦሶን ኡፋዬታና።