ኤራንቻታ ማጻፋ 12:13 - ጋሞ ማጻፋ

¹³ ሄኮ ኡባ ሚሺ ዮቴቲዴስ፤ ዮኦ ኡባስ ኩሺ ሃይሳ፤ ጾሳስ ያያ፤ ኢዛ ኣዛዞ ናጋ፤ ሄሲካ ኣሳ ናስ ኢሜቲዳ ኩሜ ኦሶ።

Geeshsha Maxaafa

¹³ Hekko ubbaa miishshi yootettides; yo7o ubbaas kuushshi hayssa; Xoossas yayya; iza azazo naaga; hessika asa naas imettida kumeththa ooso.

ኤራንቻታ ማጻፋ 12:13 Referans Kwoze

ዛሬ ማጻፋ 10:12

ኢስራኤሌ ኣሳዉ! ጎዳይ ኢንቴፌ ኮይዛይ ሃይሳፌ ካሊዛይሳ፤ ጎዳ ኢንቴ ጾሳ ያዪቴ፤ ኢዛ ኦጌ ካሊቴ፤ ኢዛ ሲቂቴ፤ ኩሜ ዎዚናፔኔ ኩሜ ሼምፖፌ ኢዛስ ኦቴ።

ሚኪያሳ ቲንቢቴ 6:8

ኣሳ ናዉ! ኢዚ ኔና ሎኦ ሚሽ ቤሲዴስ ጾሲ ኔፔ ኮይዛይ ኣዜ? ሎኦ ኦና ማላ ማሮቴ ኔ ዶሳና ማላኔ ጾሳ ሲንን ኔኒ ኣሽኬቴራ ባና ማላ ጊዴኔ?

ዛሬ ማጻፋ 6:2

ኢንቴ ሄ ቢታይን ኣዱሳ ላይ ዳና ማላ ኢንቴ፥ ኢንቴ ናይቲኔ ኢንቴ ናይታ ናይቲ ባንቲ ዲዛ ዎዴ ኡባን ጾሳስ ያያናሲኔ ታ ኢሚዳ ኣዛዞታ፥ ማራታኔ ዎጋታ ኡባ ናጋናስ ቤሴስ።

ዬ ማጻፋ 111:10

ኣ ኤራቴስ ኮይሮይ ጎዳስ ያሻቴ፤ ኢዛ ኣዛዞ ኦዛይታስ ሎኦ ኣኬካይ ዴስ። ጎዳይ ሜርናስ ጋላቴቶ!

ኢዮቤ ማጻፋ 28:28

ሄ ዎዴ ኣሳስ፥ ‹ሄኮ ኤራቴ ጉሲ ጾሳስ ያሻቴ፤ ኣኬካ ጉሲ ኢታፔ ሃኮ› ጊዴስ።»

ዬ ማጻፋ 145:19

ኢዚ ባስ ያዪዛ ኡባስ ኣሞ ኩንስ። ቃሴ ኢዚ ኢስታ ዋሶዛ ሲዪዲ ኢስታ ኣሼስ።

ኤራንቻታ ማጻፋ 8:12

ናጋራንቻይ ጼቱቶ ኢታ ሚሽ ኦሺን ኢዛ ላይይ ኣዱቂኮካ፥ ጾሳ ቦንቺዛይታሲኔ ጾሳ ያዪዛይታስ ሎኦይ ሃናናይሳ ታ ኤራይስ።

ሉቃሳ ሚሺራቾ 1:50

ኢዛ ማሮይ ኢዛስ ባቢዛይታስ ና ና ጋካናስ ዳና።

ሌሚሶ ማጻፋ 19:23

ጎዳስ ያሺ ዴኦስ ካሌስ፤ ሄሳ ማላ ኣሲ ዎፓን ዴስ፤ ኢታይካ ኢዛ ቦቼና።

ሌሚሶ ማጻፋ 1:7

ኣ ኤራቴስ ኮይሮይ ጎዳስ ያሻቴ፤ ኤያቲ ጊዲኮ ኣ ኤራቴኔ ሴራ ካቴስ።

ዬ ማጻፋ 147:11

ጎዳይ ባስ ያዪዛይታኒኔ ኢዛ ሲቆን ኣማኔቲዛይታን ኡፋዬቴስ።

ኤራንቻታ ማጻፋ 5:7

ዳሮ ኣጉሞይኔ ዳሮ ሃሳያይ ሃዳ፤ ሄሳ ጊሻስ ኔኒ ጾሳስ ያያ።

ዮሃኒሳ ኣጁታ 19:5

ሄሳፌ ጉዬ፥ «ኢዛስ ያዪዛ ኢዛ ኦሳንቻቲ ዉሪካ ጉቲኔ ጊታቲ ኑ ጎዳ ጋላቲቴ» ጊዛ ቃላይ ኢዛ ኣልጋፌ ኬዚዴስ።

1ጴጽሮሳ ኪታ 2:17

ኣስ ኡባካ ቦንቺቴ፤ ኣማኒዛይታ ሲቂቴ፤ ጾሳስ ባቢቴ፤ ካዎ ቦንቺቴ።

ሌሚሶ ማጻፋ 23:17

ናጋራንቻታ ቦላ ቃናቶፓ፤ ጊዶ ኣቲን ኡባቶ ጎዳስ ያሻቴ ኣጎፋ።

ዛሬ ማጻፋ 4:2

ታ ኢንቴስ ኢሚዛ ዎጋ ቦላ ኣይኮካ ጉጆፍቴ፤ ኣይኮካ ኢዛፔ ፓጪንቾፍቴ፤ ጎዳ ኢንቴ ጾሳይ ኢንቴስ ታ ባጋራ ኢሚዳ ዎጋስ ኣዛዜቲዛይታ ጊዲቴ።

ሜቴ ማጻፋ 22:12

«ናዛ ቦላ ኔ ኩሼ ዎፋ፤ ኢዛ ኣይኮካ ኦፋ፤ ኔኒ ኔ ሜጺ ኢሲ ናዛካ ታና ዲጎንታ ጊሻስ ኔኒ ጾሳስ ያዪዛ ኣስ ጊዲዳይሳ ታኒ ሃኢ ኤራዲስ» ጊዴስ።

ኤራንቻታ ማጻፋ 6:12

ሃዳኔ ኤሾ ማላ ኤሌ ኣዛ ጉ ላይታን ኣሳስ ሎኦ ሚሺ ሃናናይሳ ኤሪዛይ ኦኔ? ቃሴካ ኢዚ ሃይቂዳፔ ጉዬ ሳሎ ጉፋንን ሃኒዛ ሚሽ ኢዛስ ዮታና ዳንዳይዛይ ኦኔ?

ኤራንቻታ ማጻፋ 2:3

ሄሲ ዉሪ ሃኒንካ ኣ ኤራቴ ዴማናስ ታ ዎዚናን ኣሞታዳ ታና ዎይኔ ኡሻን ኡፋይሳናሲኔ ኤያቴ ኦይካናስ ባጼታዲስ፤ ቃሴ ኣሳይ ሳኣ ቦላ ዲዛ ቃን ላይን ሳሎ ጉፋንን ዲዛ ሚሽ ኡባ ቦላ ኦዳኮ ኢስታ ጎኢዛዚ ኣዛኮ ታ ኤራና ኮያዲስ።

1ሳሜላ ማጻፋ 12:24

ኢንቴ ጊዲኮ ጎዳስ ያዪቴ፤ ኩሜ ዎዚናፔ ኣማኔቴን ኢዛስ ጎይኒቴ፤ ኢዚ ኢንቴስ ኦዳ ጊታ ዮኦታ ባሎፒቴ።

ኤራንቻታ ማጻፋ 3:14

ጾሳይ ኦዳይሲ ኡባይ ሜርናስ ዴኣናይሳ ታ ኤራይስ፤ ኢዚ ኦዳይሳ ቦላ ጉጃናስ ዎይኮ ኢዛፔ ጉናስ ዳንዳዬቴና። ጾሲ ሄሳ ኦዳይ ኣሳይ ኢዛ ቦንቻና ማላሳ።

ኤራንቻታ ማጻፋ 7:18

ኢሳ ኦይኪዲ ሃንኮይሳካ ዬዶንታ ኣጎይ ሎኦ፤ ጾሳስ ያዪዛ ኣሲ ሺካላቴ ኢጼስ።

ኤራንቻታ ማጻፋ 8:5

ኢዛስ ኣዛዜቲዛ ኣሲ ኡባይ ቆሄቴና፤ ኣ ኤራቴ ዲዛ ዎዚናይ ሊኬ ዎዴኔ ቤሲዛ ኦሶ ኦጌ ሻኪ ኤሬስ።

ዛሬ ማጻፋ 4:10

ሲና ዙማ ቦላ ጎዳ ኢንቴ ጾሳ ሲንን ኢንቴ ኤቂዳ ዎዴ ኢዚ ታና፥ ‹ኢንቴ ዴኢዛ ዎዴ ኡባን ኢስቲ ታስ ያሻቴ ታማራና ማላ፥ ባንታ ናይታካ ታማርሳና ማላኔ ታ ቃላ ሲያና ማላ ዴራ ታኮ ሺሻ› ጊዳይሳ ኣኬኪቴ።

ዛሬ ማጻፋ 10:20

ጎዳ ኢንቴ ጾሳስ ያዪቴ፤ ኢዛስ ጻላ ጎይኒቴ፤ ኢዛን ኣማኔቲዲ ኢዛ ሱንን ጫቂቴ።

1ካዎታ ማጻፋ 2:3

ጎዳ ኔ ጾሳ ኣዛዞ ናጋ፤ ኢዛ ኦጌታን ሄሜታ፤ ሙሴ ዎጋን ጻፌቲዳ ማላ ኢዛ ኣዋጃታ፥ ኣዛዞታ፥ ዎጋታኔ ማራታ ናጋ፤ ሂስቲኮ ኔኒ ኦዛ ሚሽ ኡባይኔ ኔኒ ቢዛ ሶሆ ኡባይ ኔስ ኢንጄታና።