ኤራንቻታ ማጻፋ 1:2 - ጋሞ ማጻፋ

² ሄ ኤራንቻይ፥ «ኡባ ሚሺ ሃዳ፤ ሃዳፔካ ኣዳ ሃዳ፤ ኡባ ሚሺካ ሃዳ» ጌስ።

Geeshsha Maxaafa

² He eranchchay, «Ubbaa miishshi hada; hadappeka aadhdhida hada; ubbaa miishshika hada» gees.

ኤራንቻታ ማጻፋ 1:2 Referans Kwoze

ዬ ማጻፋ 144:4

ኣሲ ኢሲቶ ጫርኪ ኣዛ ጫርኮ ማላ፤ ኢዛ ላይቲካ ኤሶን ይዛ ኩዋ ማላ።

ኦሮሜ ኣሳስ 8:20

ሜቴ ዉሪካ ሜላ ሃዳ ጊዳና ማላ ፒርዴቲዴስ፤ ሄሲካ ባ ዶሮን ጊዶንታ ሲንፌስ ሃሬታና ማላ ኢዚ ባ ሼኔ ማላ ሃሪሲዳ ጊሻሳ።

ኤራንቻታ ማጻፋ 5:10

ቢራ ሲቂዛ ኣሳስ ቢራይ ጊዲ ኤሬና፤ ዱሬቴ ኮይዛ ኣሲ ዱሬቲዲካ ካሊ ኤሬና፤ ሄሲ ኡባይካ ሃዳ።

ኤራንቻታ ማጻፋ 12:8

ኤራንቻዚ፥ «ሃዳ! ሃዳፔካ ሃዳ! ኡባይካ ሃዳ!» ጌስ።

ኤራንቻታ ማጻፋ 2:26

ጾሲ ባና ኡፋይሲዛ ኣሳስ ኣ ኤራቴ፥ ኤራቴኔ ኡፋይስ ኢሜስ፤ ጊዶ ኣቲን ናጋራንቻይ ጾሳ ኡፋይሲዛይታስ ዬጊ ባና ማላ ኣቆታ ዳጋሳናሲኔ ኦናስ ዎልቃ ኢሜስ፤ ሄሲካ ሃዳኔ ጫርኮ ኦይካናስ ዬዴዛ ማላ።

ኤራንቻታ ማጻፋ 2:19

ታፔ ጉዬራ ያናይሲ ኢዚ ኣ ኤራንቻ ጊዲን ዎይኮ ኤያ ጊዲን ኦኔ ኤሪዛይ? ኢዚ ኦና ጊዲኮካ ታኒ ኬሃ ዳቡርዳይሳኔ ታ ኣ ኤራቴን ታኒ ዴሚዳ ኡባ ቦላ ጎዳ ጊዳና፤ ሄሲካ ሃዳ።

ኤራንቻታ ማጻፋ 2:11

ጊዶ ኣቲን ሄሳ ኡባ ኦ ሲማዳ ታኒ ኣኬኪዛ ዎዴ ታኒ ኬሃ ዴማና ጋዳ ዳቡርዳ ዳቡራ ኡባ ታ ቆፒዛ ዎዴ ኡባይካ ሃዳ፤ ሳሎ ጉፋንን ኣይ ዎይካ ዴና፤ ኡባይካ ጫርኮ ኦይካናስ ዬዴዛ ማላ።

ኤራንቻታ ማጻፋ 2:23

ኢዚ ባ ዴኦ ላይን ዳቡርዛ ዳቡራይ ኡባይ ዋዬኔ ሜቶ ጻላ፤ ኦማርሲካ ኢዛ ጉጌይ ሼምፖ ዴሜና፤ ሄሲ ኡባይካ ሃዳ።

ኤራንቻታ ማጻፋ 2:17

ሳሎ ጉፋንን ሃኒዛ ሚሺ ኡባይ ኢቲዛ ጊሻስ ሃ ሳኣ ዱሳይ ታና ኢቴስ፤ ሄሲ ኡባይካ ሃዳ፤ ጫርኮ ኦይካናስ ዬዴዛ ማላ።

ኤራንቻታ ማጻፋ 11:8

ኣሲ ኬሂ ኣዱሳ ላይ ሃ ሳኣን ዴኢኮ ሄ ኡባንካ ኡፋዬቶ። ጊዶ ኣቲን ማ ጋላሳቲ ዳሪዛ ጊሻስ ቆፖ፤ ቡሮ ያና ሚሺ ኡባይካ ሃዳ።

ኤራንቻታ ማጻፋ 6:11

ሃሳያይ ዳሪሺን ሃዳ ዮኦይ ዳሬስ፤ ሂስቲን ሄሲ ኣስ ኣይ ጎኣኔ?

ኤራንቻታ ማጻፋ 4:8

ዬሎይ ዎይኮ ኢሻይ ባይንዳ ቢዛ ኣሲ ዴስ፤ ኢዛ ዳፌቴስ ዛዋይ ዴና፤ ኢዛ ኣይፌይ ኢዛስ ዲዛ ኣቆታ ካሊቤና፤ ኢዚካ፥ «ታኒ ሃይሳ ኦሲ ዳቡራዚና? ታኒ ታ ሁኤ ኡፋይሳናይሳ ኣይስ ኡዜታዚና?» ጊዴስ። ሄሲካ ሃዳኔ ቱጋ ዴኦ።

ኤራንቻታ ማጻፋ 4:4

ሄሳካ ኣሳይ ባ ኣሞቲዳይሳ ዴማናስ ኬሂ ዳቡርዲ ኦስ፤ ጊዶ ኣቲን ሄ ዳቡራይ ባ ላጌ ቦላ ቃናቴቴን ዴንዶን ጊዲዳይሳ ታኒ ኣኬካዲስ። ሄሲካ ሃዳ፤ ጫርኮ ኦይካናስ ዬዴዛ ማላ።

ኤራንቻታ ማጻፋ 3:19

ኣሳ ቃዳይካ ሜሄይሳ ማላ፤ ናምኣ ቃዳይካ ኢሲኖ፤ ኢሶይ ሃይቂዛ ማላ ሃንኮይሲካ ሃይቄስ፤ ናምኣስካ ኢሲ ቆሞ ፔኖይ ዴስ፤ ሄሳ ጊሻስ ኢዚ ሜሄፔ ዱማቴና፤ ሄሲካ ሃዳ።

ኤራንቻታ ማጻፋ 2:21

ጋሶይካ ኣሲ ባ ኡባ ኣ ኤራቴን፥ ኤራኒኔ ሂላን ዳቡርዲ ዴሚዳ ኡባ ኣይኮካ ዳቡሮንታ ኣሳስ ኣጊ ቤስ፤ ሄሲካ ሃዳኔ ጊታ ቆሆ።

ኤራንቻታ ማጻፋ 11:10

ሄሳ ጊሻስ ኔ ዎዚናፔ ጬጬ ሃሳ፤ ኢታ ሚሺካ ኔፔ ዲጋ፤ ጋሶይካ ናቴቴኔ ዬላጋቴ ኤሌ ኣና።

ኤራንቻታ ማጻፋ 4:16

ኢዛ ሲንን ቆዳይ ባይንዳ ዴሬይ ዴስ፤ ካዎቴፌ ኢዚ ኪቺዛ ዎዴ ኢዚ ኦዳይሳስ ኦኒካ ኢዛ ጋላቴና። ሄሲካ ሃዳ፤ ጫርኮ ኦይካናስ ዬዴዛ ማላ።

ኤራንቻታ ማጻፋ 2:15

ታኒ ታ ዎዚናን፥ «ኤያ ጋኪዛ ቃዳይ ታናካ ጋካና፤ ሂስቲን ታኒ ኣ ኤራንቻ ጊዶይሳስ ዎይ ኣዜ?» ጋዳ ቆፓዲስ። ቃሴ ታኒ ታ ዎዚናን፥ «ሃይሲ ኡባይካ ሃዳ» ጋዲስ።

ኢዮቤ ማጻፋ 11:12

ኤያ ኣሲ ኤራንቻ ጊዳናፔ ሃሬይ ኣስ ጊዲዲ ዬሌታናይሲ ካዉያና፤

ዬ ማጻፋ 89:47

ታ ላይይ ኣይ ኬና ቃንኮ ቆፓ፤ ኔ ኣሳ ና ጮ ሃዳ ሜዲ!

ኤራንቻታ ማጻፋ 2:8

ታኒ ዱማ ዱማ ቢታታፔ ጊታ ኣሳታፔኔ ካዎታፔ ኣቆታ፥ ዎርቃኔ ቢራ ታስ ዳጋሳዲስ። ቃሴ ኣዴኔ ማጫ ዬንቻታ ሺሻዲስ፤ ጉጃዳካ ኣሳ ኡፋይሳናስ ዳሮ ማጫ ናይታ ኤሃዲስ።