ዛሬ ማጻፋ 6:6 - ጋሞ ማጻፋ

⁶ ሃች ታ ኔና ኣዛዚዳ ኣዛዞታ ዎዚናን ዎ።

Geeshsha Maxaafa

⁶ Hach ta nena azazida azazota wozinan woththa.

ዛሬ ማጻፋ 6:6 Referans Kwoze

ቆላሲያሴ ኣሳስ 3:16

ኪርስቶሳ ቃላይ ኢንቴናን ኩሜ ጊዶ፤ ኢንቴ ኢንቴ ጋርሳን ኣ ኤራቴን ታማርቴኔ ዞሬቲቴ፤ ዬኒኔ ሳባን ኣያና ዬን ጋላታራ ጋ ኢንቴ ዎዚናራ ጾሳስ ዬጺቴ።

ኤርማሳ ቲንቢቴ 31:33

«ጊዶ ኣቲን ታኒ ጎዳይ ሄ ዎዴፔ ጉዬ ኢስራኤሌ ዴራራ ታ ጫቄታና ጫቆይ ሃይሳ፤ ታኒ ታ ዎጋ ኢስታ ዎዚናን ጻፋ ዎና፤ ታኒካ ኢስታስ ጾሳ ጊዳና፤ ኢስቲካ ታ ዴሬ ጊዳና።

ሌሚሶ ማጻፋ 7:3

ሃይታ ኔ ቢራታን ቃቻ፤ ኔ ዎዚናንካ ጻፋ።

ዛሬ ማጻፋ 11:18

ኢንቴ ሃ ኣዛዞታ ኡባ ዎዴ ኢንቴ ዎዚናኒኔ ኢንቴ ቆፋን ዎቴ፤ ኢንቴስ ማላታ ጊዳና ማላ ኢስታ ኢንቴ ቄሴን ቃቺቴ፤ ቃሴካ ኢንቴስ ሊጴ ቦላካ ኦይቴ።

ዬ ማጻፋ 37:31

ኢዛ ጾሳ ዎጋይ ኢዛ ዎዚናን ዴስ፤ ኢዛ ቶሆይካ ሃርቼና።

2ቆሮንቶሴ ኣሳስ 3:3

ኢንቴ ቃላሜን ጻፌቲዳይታ ጊዶንታ ዴኦ ጾሳ ኣያናን ጻፌቲዳይታ፤ ቃሴካ ሹቻ ቦላ ዎጬቲ ጻፌቲዳይታ ጊዶንታ ኣሳ ዎዚናን ጻፌቲዳይታኔ ኢንቴ ኑናን ጎኤቲዳ ኪርስቶሳስ ቆንጬ ዳብዳቤታ።

ዛሬ ማጻፋ 32:46

ኢዚ፥ «ሃይሳ ዎጋ ቃላ ኡባ ኢንቴ ናይቲ ሎኤ ናጋና ማላ፥ ኢስቲ ኦና ማላኔ ኢንቴ ናይታ ኢንቴ ኣዛዛና ማላ ሃች ታ ኢንቴስ ማርካቲዛ ቃላ ኡባ ኢንቴ ዎዚናን ዎቴ።

ዬ ማጻፋ 119:11

ታኒ ኔ ቦላ ናጋራ ኦንታ ማላ ኔ ቃላ ታ ዎዚናን ቆታዲስ።

ኢሳያሳ ቲንቢቴ 51:7

ጎዳይ፥ «ኢንቴኖ ጺሎቴ ኤሪዛይቶ፥ ታ ዎጋ ኢንቴ ዎዚናን ዎዳ ኣሳቶ ታ ጊዛ ሲዪቴ። ኣሳይ ኢንቴና ካሺን ባቦፍቴ፤ ኢስቲ ኢንቴና ጫዪሺን ዳጋሞፍቴ።

ሉቃሳ ሚሺራቾ 8:15

ኣራዳ ቢታን ዎዳይሲ ቃላ ሱሬኒኔ ሎኦ ዎዚናን ሲዪዲ ናጊዛይታኔ ዳንዳያን ሚኒዲ ኣይፌ ኣይፊዛይታ።

ሌሚሶ ማጻፋ 3:5

ኔኒ ፖሎ ዎዚናን ጎዳን ኣማኔታ፤ ኔኒ ኔ ኣኬካን ዜምፖፋ።

ሉቃሳ ሚሺራቾ 2:51

ሄሳፌ ጉዬ ኢስታራ ኢሲፌ ናዚሬቴ ዎዲ ኢስታስ ኣዛዜቲሼ ዴኢዴስ። ኢዛ ኣያ ማራማካ ሄ ሃኒዳ ሚሻ ኡባ ባ ዎዚናን ናጋሼ ጋምኣዱስ።

ዬ ማጻፋ 119:98

ኔ ኣዛዞቲ ኡባ ዎዴካ ታናራ ዲዛ ጊሻስ ታ ሞርኬታፔ ኣዲ ታና ኣኬካንቻ ሂስቲዳ።

ዬ ማጻፋ 40:8

ኣቤት ታ ጾሳዉ! ታኒ ኔኒ ኮይዛይሳ ኦናስ ዶሳይስ፤ ኔ ዎጋይ ታ ዎዚና ጊዶን ዴስ» ጋዲስ።

2ዮሃኒሳ ኪታ 1:2

ጋሶይካ ሃይሲ ቱማይ ሃኢካ ኑ ጊዶን ዲዛይሳኔ ሲንፌካ ሜርናስ ዳናይሳ።

ሜቴ ማጻፋ 18:19

ጺሎቴኔ ሱሬ ኦሶ ኦዲ ጎዳ ኦጌ ናጋና ማላ ባ ናይታኔ ባፔ ጉዬ ባ ሶ ኣሳ ኢዚ ዞራና ማላ ታኒ ኢዛ ዶራዲስ፤ ሄሲካ ጎዳይ ኣብራሃሜስ ኢማና ጊዳይሳ ኡባ ፖላናሳ» ጊዴስ።

2ሳሜላ ማጻፋ 22:23

ኢዛ ዎጋ ኡባይ ታ ሲንን ዴስ፤ ኢዛ ማራፔካ ሃራሶ ሲማቤኬ።

ዛሬ ማጻፋ 11:20

ኢንቴ ኬ ፔንጌ ቆሲላ ቦላኔ ኢንቴ ጊቤ ፔንጌ ቦላ ጻፊ ዎቴ።

ዬ ማጻፋ 119:13

ኔ ዶናፔ ኬዚዛ ማራ ኡባ ታኒ ታ ኢንጻርሳን ዮታይስ።

ዬ ማጻፋ 119:30

ታኒ ቱማ ኦጌ ዶራዲስ፤ ኔ ዎጋካ ታ ዎዚናን ዎዲስ።