ዛሬ ማጻፋ 6:2 - ጋሞ ማጻፋ

² ኢንቴ ሄ ቢታይን ኣዱሳ ላይ ዳና ማላ ኢንቴ፥ ኢንቴ ናይቲኔ ኢንቴ ናይታ ናይቲ ባንቲ ዲዛ ዎዴ ኡባን ጾሳስ ያያናሲኔ ታ ኢሚዳ ኣዛዞታ፥ ማራታኔ ዎጋታ ኡባ ናጋናስ ቤሴስ።

Geeshsha Maxaafa

² Intte he biittayn adussa layth daana mala intte, intte naytinne intte nayta nayti bantti diza wode ubbaan Xoossas yayyanaassinne ta immida azazota, maaratanne wogata ubbaa naaganaas bessees.

ዛሬ ማጻፋ 6:2 Referans Kwoze

ዛሬ ማጻፋ 4:40

ኢንቴሲኔ ኢንቴፌ ጉዬን ያና ኢንቴ ዜሬስ ሎኦ ጊዳና ማላ ቃሴ ጎዳ ኢንቴ ጾሳይ ሜርናስ ኢንቴስ ኢሚዛ ጺንጾይን ኢንቴ ላይ ኣዱቃና ማላ ታኒ ሃች ኢንቴና ኣዛዚዛ ዎጋኔ ማራ ናጊቴ» ጊዴስ።

ኤራንቻታ ማጻፋ 12:13

ሄኮ ኡባ ሚሺ ዮቴቲዴስ፤ ዮኦ ኡባስ ኩሺ ሃይሳ፤ ጾሳስ ያያ፤ ኢዛ ኣዛዞ ናጋ፤ ሄሲካ ኣሳ ናስ ኢሜቲዳ ኩሜ ኦሶ።

ዛሬ ማጻፋ 13:4

ጎዳ ኢንቴ ጾሳ ካሊቴ፤ ኢዛስ ጻላ ያዪቴ፤ ኢዛ ኣዛዞታ ናጊቴ፤ ኢዛ ቃላ ሲዪቴ፤ ኢዛስ ጻላ ጎይኒቴ፤ ኢንቴስ ኢዛራ ዲዛ ኢሲፌቴ ሚኖ ጊዶ።

ኬሳ ማጻፋ 20:20

ሙሴይ ኣሳስ፥ «ጾሲ ኢንቴና ፓጫናስ፥ ኢዛ ያሺ ኢንቴ ዎዚናን ኩሚን ኢንቴ ናጋራ ኦንታ ማላ ዪዳ ጊሻስ ባቦፍቴ» ጊዴስ።

ዬ ማጻፋ 128:1

ጎዳስ ያዪዛይቲኔ ኢዛ ኦጌን ሄሜቲዛይቲ ኡባይ ኣንጄቲዳይታ።

ዛሬ ማጻፋ 5:16

« ‹ታኒ ጎዳ ኔ ጾሳይ ኔና ኣዛዚዳ ማላ ኔ ኣዋኔ ኔ ኣዮ ቦንቻ፤ ኔ ሄሳ ኦኮ ጎዳ ኔ ጾሳይ ኔስ ኢሚዛ ቢታይን ኔ ላይ ኣዱቃናኔ ኔስ ኢንጄታና።

ሌሚሶ ማጻፋ 3:16

ኢዛ ኡሻቻ ኩሼን ኣዱሳ ላይ፥ ሃዲርሳ ኩሼን ኣቆታኔ ቦንቾ ኦይካዱስ።

ኢዮቤ ማጻፋ 28:28

ሄ ዎዴ ኣሳስ፥ ‹ሄኮ ኤራቴ ጉሲ ጾሳስ ያሻቴ፤ ኣኬካ ጉሲ ኢታፔ ሃኮ› ጊዴስ።»

1ጴጽሮሳ ኪታ 1:17

ኦናካ ዱማ ሻኪ ማዶንታ ኢሳስ ኢሳስ ኢዛዴ ኦሶ ማላ ፒርዲዛ ጾሳ፥ «ኢዚ ኑ ኣዋ» ጊዲ ኢንቴ ጼይጊኮ ሃይሳ ኣላሜዛን ኢንቴ ኢማኔ ቤቴ ኣስ ጊዲዲ ዲዛ ዎዴ ኡባን ኢዛስ ባቢቴ።

ዬ ማጻፋ 111:10

ኣ ኤራቴስ ኮይሮይ ጎዳስ ያሻቴ፤ ኢዛ ኣዛዞ ኦዛይታስ ሎኦ ኣኬካይ ዴስ። ጎዳይ ሜርናስ ጋላቴቶ!

ዛሬ ማጻፋ 10:20

ጎዳ ኢንቴ ጾሳስ ያዪቴ፤ ኢዛስ ጻላ ጎይኒቴ፤ ኢዛን ኣማኔቲዲ ኢዛ ሱንን ጫቂቴ።

ሉቃሳ ሚሺራቾ 12:5

ጊዶ ኣቲን ኢንቴ ባባናስ ቤሲዛይ ኦናኮ ታ ኢንቴና ቤሳና፤ ኣሾ ዎዳፔ ጉዬ ኣሾኔ ሼምፖ ኢሲፌ ጋ ጋናሜ ታማን ዬጋናስ ዳንዳይዛይሳስ ባቢቴ፤ ኤ ኢዛስ ባቢቴ ጋይስ።

ሌሚሶ ማጻፋ 16:6

ሲቆኒኔ ኣማኔቴን ናጋራይ ኣቶ ጌቴቴስ፤ ጎዳስ ያሻቴን ኣሲ ኢታፔ ሃኬስ።

ዛሬ ማጻፋ 22:7

ጪዬታ ኔሶ ኤካ ባናስ ዳንዳያሳ፤ ኣዬዮ ጊዲኮ ኢዛ ፒራ ባና ማላ ዬዳ፤ ኔኒ ሄሳ ኦኮ ኔስ ሎኦ ጊዳናኔ ኔ ዳሮ ላይ ዳና።

ዛሬ ማጻፋ 6:7

ሃይታ ኣዛዞታ ኔ ናይታ ታማርሳ፤ ኔኒ ኔሶን ኡቲዛ ዎዴ ጊዲን ኦጌ ባሼካ፥ ኢቺዛ ዎዴ ጊዲን ቤጊዛ ዎዴ ኡባን ሃይታንታ ኣኬካሼ ዩሻ ቆፓ።

ዛሬ ማጻፋ 4:10

ሲና ዙማ ቦላ ጎዳ ኢንቴ ጾሳ ሲንን ኢንቴ ኤቂዳ ዎዴ ኢዚ ታና፥ ‹ኢንቴ ዴኢዛ ዎዴ ኡባን ኢስቲ ታስ ያሻቴ ታማራና ማላ፥ ባንታ ናይታካ ታማርሳና ማላኔ ታ ቃላ ሲያና ማላ ዴራ ታኮ ሺሻ› ጊዳይሳ ኣኬኪቴ።

ሜቴ ማጻፋ 22:12

«ናዛ ቦላ ኔ ኩሼ ዎፋ፤ ኢዛ ኣይኮካ ኦፋ፤ ኔኒ ኔ ሜጺ ኢሲ ናዛካ ታና ዲጎንታ ጊሻስ ኔኒ ጾሳስ ያዪዛ ኣስ ጊዲዳይሳ ታኒ ሃኢ ኤራዲስ» ጊዴስ።

ሜቴ ማጻፋ 18:19

ጺሎቴኔ ሱሬ ኦሶ ኦዲ ጎዳ ኦጌ ናጋና ማላ ባ ናይታኔ ባፔ ጉዬ ባ ሶ ኣሳ ኢዚ ዞራና ማላ ታኒ ኢዛ ዶራዲስ፤ ሄሲካ ጎዳይ ኣብራሃሜስ ኢማና ጊዳይሳ ኡባ ፖላናሳ» ጊዴስ።

ዛሬ ማጻፋ 5:33

ኡባ ሚሺ ኢንቴስ ሎኦ ጊዳና ማላኔ ኢንቴ ላታና ቢታይን ኢንቴስ ላይይ ኣዱቃና ማላ ጾሲ ኢንቴና ኣዛዚዳይሳ ኡባ ፖሊቴ» ጊዴስ።

ኬሳ ማጻፋ 20:12

«ጎዳ ኔ ጾሳይ ኔስ ኢሚዛ ቢታን ኔ ዳሮ ላይ ዳና ማላ፥ ኔ ኣዋኔ ኔ ኣዮ ቦንቻ።

ዛሬ ማጻፋ 4:9

«ሂስቲኮ ኢንቴ ዲዛ ዎዴ ኡባን ሃይሳ ኢንቴ ኢንቴ ኣይፌራ ቤኢዳይሳ ኡባ ባሎንታ ማላኔ ኢንቴ ዎዚናፔ ዮንታ ማላ ናጌቲቴ፤ ኢንቴ ናይታኔ ኢንቴ ናይታ ናይታካ ታማርሲቴ።

ዛሬ ማጻፋ 6:1

ኢንቴ ፒኒ ቢዲ ላታናስ ቢዛ ቢታን ኢንቴ ኦና ማላኔ ታኒ ኢንቴና ታማርሳና ማላ ጎዳ ኢንቴ ጾሳይ ታና ኣዛዚዳ ኣዛዞቲ፥ ዎጋቲኔ ማራቲ ሃይታ።

ዛሬ ማጻፋ 11:9

ኢንቴ ኢዛ ኣዛዞታ ናጊኮ ጎዳይ ካሴ ኢንቴ ኣዋታሲኔ ኢስታ ዜሬታስ ኢማናስ ጫቂዳ ኤሲኔ ማ ኩሚዳ ሄ ሎኦ ቢታይን ኢንቴ ዳሮ ላይ ዳና።

ዬ ማጻፋ 91:16

ታኒ ኢዛ ላይ ኣዱሳና፤ ታ ኣሺዛዴ ጊዲዳይሳ ታ ኢዛ ቤሳና» ጌስ።

ሂዚቄላ ቲንቢቴ 20:19

ጎዳይ ታኒ ኢንቴ ጾሳ። ታ ማራ ካሊቴ፤ ታ ዎጋ ናጋናስ ሚኒቴ።

ዛሬ ማጻፋ 6:24

ሄሳፌ ጉዬ ሃች ሃኒዳይሳ ኑስ ኡባ ዎዴካ ሎኦ ጊዳና ማላኔ ኑኒ ሼምፖራ ፓጻ ዴኣና ማላ፥ ኑኒ ኣዛዞታ፥ ዎጋታኔ ማራታ ናጋና ማላኔ ጎዳ ኑ ጾሳስ ያያና ማላ ኣዛዚዴስ።

ዛሬ ማጻፋ 30:19

ታኒ ኢንቴ ሲንን ዴኦኔ ሃይቆ፥ ኣንጆኔ ቃንጌ ዎዳይሳስ ሃች ሳሎኔ ሳኣ ኢንቴ ቦላ ማርካሳይስ፤ ሄሳ ጊሻስ ኢንቴኒኔ ኢንቴ ዛሬቲ ዴኦን ዴኣና ማላ ዴኦ ዶሪቴ።

ዛሬ ማጻፋ 30:20

ጎዳ ኢንቴ ጾሳ ሲቂቴ፤ ኢዛ ቃላ ሲዪቴ፤ ኢዛኮ ሺጲ ጊቴ፤ ሄሳ ሃኒኮ ጎዳይ ካሴ ኢንቴ ኣዋታስ፥ ኣብራሃሜስ፥ ዪሳቃሲኔ ያቆቤስ ኢማናስ ጫቂዳ ቢታን ኢንቴኒኔ ኢንቴ ናይቲ ኣዱሳ ላይ ዴኣና።

ኢያሶ ማጻፋ 4:24

ሄሳ ኢዚ ኦዳይ ሳኣን ዲዛ ኣሳይ ዉሪ ጎዳ ዎልቃይ ኣይ ማላ ጊታኮ ኤራናሲኔ ኢንቴካ ጎዳስ ኢንቴ ጾሳስ ሜርናስ ያያናሳ» ጊዴስ።

1ካዎታ ማጻፋ 8:40

ሂስቲኮ ኔኒ ኑ ኣዋታስ ኢሚዳ ቢታን ዲዛ ዎዴ ኡባን ኢስቲ ኔስ ያያና።

ሌሚሶ ማጻፋ 9:11

ታ ጋሶን ኔስ ባሬይ ኣዱቃና፤ ኔስ ዴኦ ላይይካ ጉጄታና።

ኤርማሳ ቲንቢቴ 32:39

ኢስታሲኔ ኢስታፌ ጉዬ ኢስታ ናይታስ ሎኦ ጊዳና ማላኔ ኢስቲ ታስ ኡባ ዎዴ ያያና ማላ ታኒ ኢስታስ ኢሲ ዎዚናኔ ኢሲ ቆፋ ኢማና።