ዛሬ ማጻፋ 4:7 - ጋሞ ማጻፋ

⁷ ጎዳ ኑ ጾሳይ ኑ ዎሲሺን ማታ ጊዲዳ ማላ ኢዛ ጎዳይ ኢዛስ ማታ ጊዲዳ ሃራ ጊታ ካዎቴ ኦኔ?

Geeshsha Maxaafa

⁷ GODAA nu Xoossay nu woossishin mata gidida mala iza GODAY izas mata gidida hara gita kawoteththi oonee?

ዛሬ ማጻፋ 4:7 Referans Kwoze

ዬ ማጻፋ 145:18

ጎዳይ ባና ጼይጊዛይታስ ኡባስ ማታ፤ ዎዚናፔ ጼይጊዛ ኡባስ ማታን ዴስ።

ዬ ማጻፋ 34:18

ጎዳይ ዎዚናይ ሜቂዳይታስ ማታን ዴስ፤ ቃሴ ሂዶታ ቃንጺዳይታካ ኣሼስ።

ዬ ማጻፋ 73:28

ጊዶ ኣቲን ታስ ጾሳኮ ሺቆይ ሎኦ፤ ኔ ኦሶ ኡባ ዮታና ማላ። ታኒ ኡባ ሃሪዛ ጎዳ ታ ባቃታ ኣቲዛሶ ኦዲስ።

2ሳሜላ ማጻፋ 7:23

«ባ ዴሬ ጊዳና ማላ ኢዛ ኣሻናስ ጾሲ ኢዛፔ ሲንራ ቢዳ ዴሬይ፥ ባ ሱንስ ኦና ማላ ካዎቴታኔ ኢስታ ኤቃ ጾሳታ ባ ሲንፌ ጎዲዲ ጊታኔ ያሺሲዛ ማላታ ኦዲ ጊብጼፔ ዎዚ ኤኪዳ ኔ ዴሬ ኢስራኤሌ ማላይ ቢታ ቦላ ኦኒ ዲዜ?

ያቆቤ ኪታ 4:8

ጾሳኮ ሺቂቴ፤ ኢዚካ ኢንቴኮ ሺቃና፤ ኢንቴኖ ናጋራንቻቶ! ኢንቴ ኢንቴ ኩሼ ጌሺቴ፤ ኢንቴኖ ናምኡ ቆፋን ቃጺዛይቶ! ኢንቴ ኢንቴ ዎዚና ጌሺቴ።

ኢሳያሳ ቲንቢቴ 55:6

ጎዳይ ቤቲዛ ዎዴ ኢዛ ኮዪቴ፤ ማታን ዲዛ ዎዴ ኢዛ ጼይጊቴ።

ዬ ማጻፋ 46:1

ጾሲ ኑኒ ሺቂ ኣቲዛሶኔ ኑስ ዎልቃ፤ ኑና ሜቶይ ጋኪዛ ዎዴ ማዳናስ ኢዚ ኡባቶ ማታን ዴስ።

ዬ ማጻፋ 148:14

ኢዛ ባጋ ጊዲዳ ኢስራኤሌ ኣሳቲ ኢዛ ጋላታና ማላ ኢዚ ኢስታ ካጬ ኬሲዴስ። ጎዳይ ጋላቴቶ!

ኢሳያሳ ቲንቢቴ 43:4

ኔኒ ታ ሲንን ኣልኦኔ ቦንቾ ጊዲዳ ጊሻስ፥ ታኒ ኔና ሲቂዛ ጊሻስ፥ ኣሳ ኔ ጊሻስ፥ ካዎቴታ ኔ ሼምፖ ጊሻስ ላሜ ኢማና።

ዛሬ ማጻፋ 5:26

ዴኦ ጾሳይ ታማ ጊዶን ዲሼ ዮቲን ኑ ሲዪዳ ማላ ኢዛ ጬንጉርሳ ሲዪዲ ሃይቆንታ ሼምፖራ ፓጻ ኣቲዳ ኣሲ ዳኔ?

ታይቦ ማጻፋ 23:21

ያቆቤ ዜሬ ቦላ ሜቶይ ጋኬና፤ ኢስራኤሌ ኣሳ ቦላካ ዋዬይ ጋኮንታይሲ ታስ ቤቴስ፤ ጎዳይ ኢስታራ ዴስ፤ ጾሲ ካዎ ጊዲዳይሳ ኢስቲ ቆንጬን ዮቴቴስ።

ታይቦ ማጻፋ 23:9

ታኒ ኢስታ ሃይታ ጊታ ዛላታ ቦላ ዳሼ ዴማይስ፤ ቃ ዙማታ ቦላ ዳሼ ታ ኢስታ ጼላይስ፤ ኢስቲ ባርካ ዲዛ ካዎቴ፤ ኢስቲ ባና ሃራ ካዎቴራ ጋ ቆዶንታይሲ ታስ ቤቴስ።

ሃዋሬታ ኦሶ 17:27

ሄሲካ ኣሲ ጾስ ኮዪዲኔ ፒልጊዲ ዴማናኮ ጊዲ ዎዴስ፤ ሄሲ ሄሳ ጊዲኮካ ኢዚ ኑፔ ኢሲ ኢሳዴፌ ሃኪ ዲዛ ጊሻስ ጊዴና።

ዛሬ ማጻፋ 4:32

«ጾሳይ ኣሴ ቢታ ቦላ ሜሶፌ ዶሚዲ ኢንቴ ዬሌታናፔ ካሴ ኣዳ ዎዴታ ጾሞሲቴ፤ ቢታ ጋጻፔ ጋጻ ጋካናስ ፒልጊ ጼሊቴ፤ ሃይሳፌ ካሴ ሃይሳ ማላ ጊታ ሚሺ ሙሌካ ሃኒ ኤሪዜ? ዎይኮ ሲዬቲ ኤሪዜ?

ዛሬ ማጻፋ 26:19

ኔኒ ሄሳ ኦኮ ኢዚ ሜዳ ኣሳ ኡባፌ ቦላራ ጋላታን፥ ሱንኒኔ ቦንቾን ጊታ ካዎቴ ኦና፤ ኢዚ ጌሊዳ ጫቆ ቃላ ማላ ኢዛስ ዱማ ዴሬ ኦናይሳ ኔስ ኤሪሲዴስ።

ዬ ማጻፋ 34:17

ጺሎቲ ዋሴቴስ፤ ጎዳይ ኢስታ ዋሶ ሲዬስ፤ ኢዚካ ኢስታ ሜቶ ኡባፌ ኣሼስ።

ዬ ማጻፋ 85:9

ኢዛ ቦንቾይ ኑ ቢታን ዳና ማላ ኣቶቴይ ኢዛስ ያዪዛይታስ ማታን ዴስ።

ዬ ማጻፋ 147:20

ኢዚ ሄሳ ማላ ሃራ ካዎቴታስ ኦቤና፤ ኢስቲ ኢዛ ዎጋ ኤሬቴና። ጎዳይ ጋላቴቶ!

ዛሬ ማጻፋ 33:29

ኢስራኤሌ ኣሳዉ! ኢንቴ ኣይ ማላ ኣንጄቲዳ ዴሬ! ጎዳይ ኣሺዳ ኢንቴ ማላይ ኦኔ? ኢዚ ኢንቴስ ጎንዳሌኔ ኢንቴና ማዲዛይሳ፤ ኢዛን ኢንቴ ጾኒዛ ጊ ማሻ፤ ኢንቴ ሞርኬቲ ኢንቴ ሲንን ጉፋናና፤ ኢንቴካ ኢስቲ ጎይኒዛሶታ ላላና።