ዳኔላ ቲንቢቴ 9:20 - ጋሞ ማጻፋ

²⁰ ታኒ ታ ናጋራኔ ታ ዴሬ ኢስራኤሌ ኣሳ ናጋራ ፓጻሼ ጌሻ ዙማ ጊሻስ ጎዳ ታ ጾሳ ሲንን ኣጎንታ ዎሳዲስ።

Geeshsha Maxaafa

²⁰ Tani ta nagaranne ta dere Isra7eele asaa nagara paaxashe geeshsha zumaa gishshas GODAA ta Xoossa sinththan aggontta woossadis.

ዳኔላ ቲንቢቴ 9:20 Referans Kwoze

ዬ ማጻፋ 145:18

ጎዳይ ባና ጼይጊዛይታስ ኡባስ ማታ፤ ዎዚናፔ ጼይጊዛ ኡባስ ማታን ዴስ።

ኦሮሜ ኣሳስ 3:23

ጋሶይካ ኣሲ ዉሪካ ናጋራ ኦዴስ፤ ጾሳ ቦንቾይካ ኣሳ ናስ ፓጪዴስ።

ኢሳያሳ ቲንቢቴ 58:9

ሄ ዎዴ ኔኒ ጼይጋና፤ ጎዳይካ ኔስ ኮያና። ኔኒ ማዶ ዴማናስ ዋሳና፤ ኢዚካ፥ ‹ታ ኔስ ዳይስ› ጋና። «ኔ ኔፔ ሜቶዛ ቃምባራ፥ ኢታ ሃሳያኔ ቢራን ማላታ ቤሲዛይሳ ኣጊኮ፥

ዳኔላ ቲንቢቴ 9:16

ኣቤት ጎዳዉ! ኔኒ ካሴ ኦዳ ጺሎ ኦሶዛ ጊሻስ ጋዳ ኔ ካታማ ዬሩሳላሜፔ፥ ኔ ጌሻ ዙማፔ ኔ ሃንቆዛ ዛራ፤ ኑ ናጋራኔ ኑ ኣዋታ ቆሆ ጋሶን ዬሩሳላሜይኔ ኔ ዴሬይ ኑ ዩሾን ዲዛ ዴራ ጊዶን ቂስ ኣቲዶስ።

ኢሳያሳ ቲንቢቴ 65:24

ኢስቲ ቡሮ ታና ጼይጋናፔ ካሴታ ታኒ ኮያና፤ ኢስቲ ታስ ዮቲ ዉርሶንታ ታ ሲያና።

ኢሳያሳ ቲንቢቴ 6:5

ሂስቲን ታኒ፥ «ታኒ ዶናይ ቱኒዳ ኣሳ፤ ቃሴ ዶናይ ቱኒዳ ኣሳታ ጊዶን ዴኣይስ፤ ታኒ ካዎዛ፥ ኡባፌ ዎልቃማ ጎዳ ጾሳ ታ ኣይፌን ቤኢዳ ጊሻስ ታስ ኣዬ ኣና! ታ ያዲስ» ጋዲስ።

ዬ ማጻፋ 32:5

ታኒ ታ ናጋራ ኔስ ፓጻዲስ፤ ታ ቆሂዳይሳ ኔፔ ጌንቤኬ፤ «ታ ሞሮዛ ጎዳስ ፓጻና» ጋዲስ። ሂስቲን ኔ ታ ናጋራ ኡባ ኣቶ ጋዳሳ።

ዮሃኒሳ ኣጁታ 21:10

ኢዚ ታና ኣያናን ኢሲ ጊታ ቃ ዙማ ቦላ ኬሲዲ ጌሻ ካታማያ ኦራ ዬሩሳላሜይ ጾሳ ኣቻፌ ሳሎፔ ዎዛሮ ቤሲዴስ።

ዮሃኒሳ ኣጁታ 21:2

ጌሻ ካታማያ ኦራ ዬሩሳላሜይ ባ ኣዚናስ ጊጌቲዳ ሚሺራ ማላ ሎኣ ጊጌታዳ ሳሎ ጾሳ ኣቻፌ ዎሺን ታኒ ቤያዲስ።

ያቆቤ ኪታ 3:2

ኑ ዉሪካ ዳሮ ሚሻን ጴቶስ። ሃሳያን ጴቶንታዴይ ዲኮ ኢዚ ባ ኣሳቴ ሎኤ ናጋናስ ዳንዳይዛ ኩሜ ኣሳ።

ሃዋሬታ ኦሶ 4:31

ኢስቲ ዎሲዳፔ ጉዬ ኢስቲ ዲዛሶይ ቃጺዴስ፤ ዉሪካ ጺሎ ኣያናን ኩሚዲ ጾሳ ቃላ ጻላቴን ዮቲዳ።

ዛካራሳ ቲንቢቴ 8:3

ጎዳይ፥ «ታ ጌዴ ጺዮኒኮ ሲማና፤ ዬሩሳላሜንካ ዴኣና። ዬሩሳላሜይካ ቱሙ ካታማ ጌቴታዉስ፤ ኢዛካ ኡባፌ ዎልቃማ ጎዳስ ጌሻ ዙማ ጌቴታና» ጌስ።

ዳኔላ ቲንቢቴ 10:2

ሄ ዎዴ ታኒ ዳኔሊ ሄ ሳሚንታ ኩሜ ዬካዲስ።

ኢሳያሳ ቲንቢቴ 56:7

ታኒ ታ ጌሻ ዙማ ቦላ ኢስታ ኤሃና፤ ታ ዎሳ ኬ ጊዶን ታ ኢስታ ኡፋይሳና። ታስ ያርሾ ያርሺዛሶዛ ቦላን ኢስቲ ሺሺዛ ጹጌቲዛ ያርሾኔ ሃራ ያርሾታ ታ ኤካና፤ ጋሶይካ ታ ኬይ ኡባ ኣሳ ዎሳ ኬ ጌቴታና» ጌስ።

ኤራንቻታ ማጻፋ 7:20

ናጋራ ኦንታ ሙሌራ ሱሬ ኦሶኒኔ ጺሎቴን ጻላ ካንዛ ኣሲ ቢታ ቦላ ዴና።

ኢዝራ ማጻፋ 10:1

ኢዝራይ ጾሳ ኬ ፔንጌን ጉልባቲዲ ዬኪ ዎሲሼኔ ኦሴቲዳ ናጋራ ኡባ ጾሳስ ፓጺሺን ኣቱማሳቲ፥ ማጫሳቲኔ ናይታራ ጉጂን ዳሮ ኢስራኤሌ ዴሬይ ኢዛ ዩዪ ኣ ኢታ ዬሆ ዬኪዳ።

ናሂሚያ ማጻፋ 1:6

ጾሳዉ! ኔ ኣይሌ ጊዲዳ ኢስራኤሌ ኣሳስ ኪያና ማላ ጋላሲኔ ኦማርስ ታ ዎሲዛ ዎሳ ሲያ፤ ታናካ ቆፓ፤ ኑኒ ኢስራኤሌ ኣሳይ ኦዳ ናጋራ ታኒ ኔስ ፓጻይስ፤ ቱማፔ ታኒኔ ካሴ ኑ ኣዋቲ ናጋራ ኦዶስ።

ዳኔላ ቲንቢቴ 10:12

ቃሴካ ኢዚ ታስ፥ «ዳኔላ ኔኒ ባቦፋ፤ ኔኒ ኣኬካ ዴማናሲኔ ኔና ኔ ጾሳ ሲንን ኔ ሁኤ ካዉሾ ዶሚዳ ኮይሮ ጋላሳፌ ሃ ሲሚን ኔ ቃላይ ሲዬቲዴስ፤ ታኒ ኔ ቃላስ ዛሮ ኤካዳ ሃ ኔኮ ኪቴታ ያዲስ።

ዳኔላ ቲንቢቴ 11:45

ኢዚ ባ ካዎቴ ዱንካኔዛ ኣባፌኔ ጌሻ ዙማፔ ጊዶን ቶካና፤ ጊዶ ኣቲን ሄሲ ዉሪ ሃኒንካ ኢዛስ ዉርሴ ጊዳና፤ ኢዛ ማዳናይካ ቤቴና» ጊዴስ።