ዳኔላ ቲንቢቴ 9:13 - ጋሞ ማጻፋ

¹³ ካሴ ሙሴ ዎጋን ጻፌቲዳ ማላ ኔኒ ሃይሳ ሃ ሜቶዛ ዉርሳካ ኑ ቦላ ኤሃዳሳ፤ ጎዳ ኑ ጾሳዉ! ሄሲ ዉሪ ሃኒንካ ኑኒ ኑ ናጋራፔ ሲሚዲኔ ቱማ ካሊዲ ኔፔ ማሮቴ ዴማናስ ኮዪቤኮ።

Geeshsha Maxaafa

¹³ Kase Muse wogan xaafettida mala neni hayssa ha metoza wursaka nu bolla ehadasa; GODAA nu Xoossawu! Hessi wuri haniinkka nuni nu nagarappe simmidinne tumaa kaallidi neeppe maaroteth demmanaas koyibeekko.

ዳኔላ ቲንቢቴ 9:13 Referans Kwoze

ዳኔላ ቲንቢቴ 9:11

ኢስራኤሌ ኣሳይ ኡባይ ኔስ ኣዛዜቲቤና፤ ኔ ዎጋካ ኡባ ሜንዲ ካሬ ኬዚዴስ። «ኑኒ ኔና ቆሂዳ ጊሻስ ኔ ኦሳንቻዛ ሙሴ ዎጋን ጻፌቲዳ ጫቆዚኔ ቃንጌዚ ኑ ቦላ ጋኪዴስ።

ኤርማሳ ቲንቢቴ 2:30

ታኒ ኢንቴ ናይታ ጮ ሜላ ቃጻያዲስ፤ ኢስቲ ጊዲኮ ባይቤቴና፤ ጋፊዳ ጋሞ ማላ ኢንቴ ማሻይ ኢንቴ ናቤታ ሚዴስ» ጌስ።

ኢሳያሳ ቲንቢቴ 9:13

ዴሬዚ ጊዲኮ ባና ሾጪዳ ጎዳኮ ሲሚቤና፤ ኡባፌ ዎልቃማ ጎዳካ ኮዪቤና።

ሆሴኤ ቲንቢቴ 7:10

ኢስራኤሌ ኣሳ ኦቶሬቴ ኢስታ ቦላ ማርካቴስ፤ ሄሲ ዉሪ ሃኒንካ ኢስቲ ጎዳ ባንታ ጾሳኮ ሲሚቤቴና፤ ኢዛካ ኮዪቤቴና።

ኤርማሳ ቲንቢቴ 31:18

«ኤፍሬሜይ ጫሞ ሚላስ ሚላሊሺን ኣዳፌ ታ ሲያዲስ፤ ‹ሎሆንታ ዎፋኖ ማላ ታና ቃጻያዳሳ፤ ታኒካ ቃጻዬታዲስ፤ ኔኒ ጎዳ ታ ጾሳ፤ ኔኒ ታና ዛራ፤ ታኒካ ሲማና።

ኤርማሳ ቲንቢቴ 5:3

ኣቤት ጎዳዉ! ኔ ኣይፌቲ ቱማ ጼሌቴኔ? ኔኒ ኢስታ ሾጫዳሳ ሺን ኢስታ ሳኪቤና። ኔኒ ኢስታ ኪንቼሬዳሳ፤ ጊዶ ኣቲን ኢስቲ ሲሚቤቴና፤ ኢስቲ ባንታ ዎዚና ሹቻፌ ኣ ሚንዳ፤ ባንታ ናጋራፔካ ሲሞንታ ኢጺዳ።

ዬ ማጻፋ 119:27

ኔ ማራ ታና ኣኬኪሳ፤ ማላሊሲዛ ኔ ኦሶ ታ ዩሻ ቆፓና።

ኢዮቤ ማጻፋ 36:13

«ባንታ ዎዚናራ ጾሳ ካዲዛይቲ ቃጻዬቲዳ ማላ ዳና፤ ኢዚ ኢስታ ቃጻይሺንካ ኢስታ ካሌዛይቲ ዎሴቴና።

ያቆቤ ኪታ 1:5

ኢንቴ ጊዶፌ ኦናስካ ኤራቴ ፓጪኮ ኦናካ ሌቆንታ ባ ኪያቴራ ኡባስ ኢሚዛ ጾሳ ዎሶ፤ ኢዛዴስካ ኢሜታና።

ኤፌሶኔ ኣሳስ 4:21

ኤ ቱሙካ ኢንቴ ኢዛ ጊሻስ ሲዪዴታኔ ዬሱሳን ዲዛ ቱማ ኢዛፔ ታማርዴታ።

ዮሃኒሳ ሚሺራቾ 10:35

ጾሳ ቃላይ ኢስታስ ዪዳ ኣሳታ፥ ‹ጾሲ ጊኮ ማጻፋይ ሻሬታናስ ዳንዳዮንታ ጊዲኮ›

ዮሃኒሳ ሚሺራቾ 8:32

ቱማይ ኣዛኮ ኢንቴ ኤራናኔ ቱማይካ ኢንቴና ዎዛና» ጊዴስ።

ዮሃኒሳ ሚሺራቾ 6:45

ናቤታ ማጻፋታን ኣሳይ ዉሪ ጾሳፌ ታማርዳዴ ጊዳና ጌቴቲ ጻፌቲዴስ። ሄሳ ጊሻስ ኣዋፔ ሲዪዲ ታማርዳ ኣሲ ዉሪ ታኮ ያና።

ሉቃሳ ሚሺራቾ 24:45

ሄ ዎዴ ጌሻ ማጻፋታ ኢስቲ ኤራና ማላ ዎዚና ኢስታስ ዶይዴስ።

ሆሴኤ ቲንቢቴ 7:14

ኢስቲ ባ ሂጻ ቦላ ኢቺዲ ዬኬቴስ፤ ጊዶ ኣቲን ዎዚናፔ ታኮ ዎሴቴና፤ ካሲኔ ኡሻስ ሺቄቴስ፤ ጊዶ ኣቲን ታፔ ሼርኢ ጊዳ።

ሆሴኤ ቲንቢቴ 7:7

ዉሪካ ታማ ጮጬ ማላ ሴሊዳይታ፤ ባንታና ኣይሲዛይታ ዲፒ ሂስቲ ዉርሲዳ። ኢስታ ካዎቲካ ኩንዲዳ፤ ኢስታፌ ኦኒካ ታኮ ሺቂቤና።

ኤርማሳ ዚላስ 5:21

ጎዳዉ! ኔኒ ኑና ኔኮ ዛራ፤ ኑኒካ ኔኮ ሲማና! ቤኒ ኑ ቦንቾዛ ዛራዳ ኑና ኦራ!

ኤርማሳ ቲንቢቴ 44:27

ታኒ ኢስታ ቦላ ሎኦ ሚሽ ኤሃናስ ጊዶንታ ኢታ ሚሽ ኤሃናስ ባጼታና፤ ጊብጼን ዲዛ ዩሁዳ ኣሳይ ሙሌራ ዉራና ጋካናስ፥ ኦላኒኔ ኮሻን ሃይቃና።

ኢሳያሳ ቲንቢቴ 64:7

ኦኒካ ዎሳን ኔ ሱን ጼይጌና፤ ኔና ኦይካና ፓጪዛይካ ዴና፤ ኔኒ ኔ ኣይፌሶ ኑፔ ጌንዳሳ፤ ኑ ናጋራይ ኑና ይሳና ማላ ኣጋዳሳ።

ኢሳያሳ ቲንቢቴ 42:9

ቤኢቴ ቤኒ ዮኦቲ ፖሌቲዳ፤ ሃኢ ታኒ ኦራ ሚሽ ኣዋጃይስ፤ ኢዚ ሞካናፔ ሲን ታ ኢንቴስ ዮታይስ» ጌስ።

ዬ ማጻፋ 119:73

ታና ኔ ኩሼይ ሜዴሲኔ ጊግሲዴስ፤ ኔ ኣዛዞ ታኒ ታማራና ማላ ታስ ኣኬካ ኢማ።

ዬ ማጻፋ 119:18

ኔ ዎጋ ጊዶን ዲዛ ማላሊሲዛ ቱማቴ ታኒ ቤኣና ማላ ታ ኣይፌ ዶያ።

ዬ ማጻፋ 85:4

ኣቤት ኑና ኣሺዛ ጾሳዉ! ኔ ኑና ዛራ፤ ኔኒ ኑ ቦላ ላንጬቲዳይሳ ኣጋ።

ዛሬ ማጻፋ 29:4

ጊዶ ኣቲን ሃች ጋካናስ ጎዳይ ኢንቴስ ኣኬኪዛ ዎዚና፥ ጼሊዛ ኣይፌኔ ሲዪዛ ሃይ ኢሚቤና።

ኢሳያሳ ቲንቢቴ 31:1

ፑዴ ኢስራኤሌ ጌሻኮ ጼሎንታይታስ፥ ጎዳፔ ማዶ ኮዮንታይታስ፥ ማዶ ዴማናስ ዱጌ ጊብጼ ዎዛይታስ፥ ፓራ-ጋሬታ ዳሮቴኒኔ ባ ፓራ ሚኖቴን ጬቄቲዛይታስ ኣዬ ኣና።

2ካዎታ ማጻፋ 22:16

‹ጎዳይ ዩሁዳ ካዎዚ ናባቢዳ ማጻፋን ጻፌቲዳ ባሻ ኡባ ታኒ ሃይሳ ሃ ሶሆዛ ቦላኔ ዴራ ቦላ ኤሃና።

ኢሳያሳ ቲንቢቴ 43:22

«ያቆቤ፥ ኔ ታና ጼይጋቤካ፤ ኢስራኤሌ፥ ኔ ታና ሳሌታዳሳ።

ኢሳያሳ ቲንቢቴ 64:6

ኑኒ ኡባይካ ቱና ኣሳ ማላ ጊዲዶስ፤ ኑ ጺሎቴ ኦሶ ኡባይ ቱኒዳ ጫርቃ ማላ። ኑኒ ኡባይካ ቦንጮ ማላ ቆኪዶስ፤ ኑ ናጋራይ ኑና ጫርኮ ማላ ፒቲ ኤፊዴስ።

ኤርማሳ ቲንቢቴ 30:14

ኢንቴ ላጌቲ ኡባይ ኢንቴና ዶጊዳ፤ ኢስቲ ኢንቴ ጊሻስ ዉዴቴቴና፤ ታኒ ኢንቴና ሞርኬ ሾጪዛ ማላ ሾጫዲስ፤ ሜንጼ ኢታ ኣሳ ማላ ታ ኢንቴና ቃጻያዲስ። ጋሶይካ ኢንቴ ቆሆይ ጊታ፤ ኢንቴ ናጋራይካ ዳሮ።

ኤርማሳ ቲንቢቴ 44:23

ቤኢቴ፥ ሃች ሃ ባሻይ ኡባይ ኢንቴና ጋኪዳይ ኢንቴ ሃራ ኤቃ ጾሳታስ ኤጻኔ ጩዋሲዳ ጊሻስ፥ ጎዳ ቆሂዳ ጊሻስ፥ ጎዳ ቃላ ናጎንታ ኢጺዳ ጊሻስ፥ ኢዛ ዎጋ፥ ማራኔ ኣዛዞ ቦንቾንታ ኣጊዳ ጊሻሳ» ጊዴስ።

ሂዚቄላ ቲንቢቴ 16:43

«ኔ ታና ሃይታን ሃንቄዳሳ ኣቲን ኔ ዬላጋቴ ዎዴታ ቆፓቤካ፤ ሄሳ ጊሻስ ኔ ኦሶ ማላ ታ ኔስ ኢማና» ጌስ ኡባ ሃሪዛ ጎዳይ። ኔ ኦዳ ኢታ ኦሶታ ቦላ ሃራ ዚታቴ ጉጃቤኪ?