ዳኔላ ቲንቢቴ 7:27 - ጋሞ ማጻፋ

²⁷ ሳሎፔ ጋርሳራ ዴኢዛ ካዎቴ ኡባ ማታይ፥ ዎልቃይኔ ጊታቴይ ኡባፌ ቃ ጾሳ ዴሬ ጌሻታስ ኢሜታና። ኢዛ ካዎቴይካ ሜርና ካዎቴ ጊዳና፤ ዴሬዛ ሃሪዛይቲ ኡባቲ ኢዛስ ኣዛዜታናኔ ኢዛስ ጎይናና› ጊዴስ።

Geeshsha Maxaafa

²⁷ Saloppe garsara de7iza kawoteththa ubbaa maatay, wolqqaynne gitateththay Ubbaafe Dhoqqa Xoossaa dere geeshshatas imettana. Iza kawoteththayka mernaa kawoteth gidana; dereza haarizayti ubbati izas azazettananne izas goynnana› gides.

ዳኔላ ቲንቢቴ 7:27 Referans Kwoze

ዬ ማጻፋ 72:11

ካዎቲ ኡባይ ኢዛስ ጉልባታና፤ ካዎቴይ ኡባይ ኢዛስ ሃሬታና።

ዮሃኒሳ ኣጁታ 11:15

ላፑን ኪታንቻይካ ባ ዛዬዛ ፑኒዴስ፤ ሳሎን፥ «ኣላሜ ካዎቴ ኑ ጎዳ ጾሳሲኔ ኪርስቶሳስ ጊዲዴስ፤ ኢዚካ ሜርናፔ ሜርና ጋካናስ ካዎታና» ጊዛ ጊታ ቃላይ ሲዬቲዴስ።

ሉቃሳ ሚሺራቾ 1:33

ኢዚ ኢስራኤሌ ናይታ ቦላን ሜርናስ ካዎታና፤ ኢዛ ካዎቴስካ ዉርሴ ዴና» ጊዴስ።

ዳኔላ ቲንቢቴ 7:14

ኣላሜ ቦላ ዲዛ ኣስ ኡባይ፥ ካዎቴቲ ኡባይኔ ዱማ ዱማ ቃላን ሃሳይዛ ዛሬቲ ኡባይ ኢዛስ ሃጋዛና ማላ ጎዳቴ፥ ቦንቾይኔ ካዎቴ ኢዛስ ኢሜቲዴስ፤ ኢዚ ሜርናስ ሃራና፤ ኢዛ ካዎቴስካ ዉርሴ ዴና።

ዬ ማጻፋ 22:27

ሳኣ ጋጻ ጋካናስ ዲዛ ኣሳይ ኢዛ ጊሻስ ዩሺ ቆፓና፤ ጎዳኮ ሲማና። ኣሳ ዜሬ ኡባይ ኢዛስ ጎይናና።

ዳኔላ ቲንቢቴ 7:18

ጊዶ ኣቲን ኡባፌ ቃ ጾሳ ጌሻቲ ኢዛ ካዎቴ ባስ ኤካና፤ ሜርናስ ኦይካና፤ ኤ ሜርናስ ኢስቲ ኦይካና› ጊዴስ።

ዳኔላ ቲንቢቴ 2:44

«ሄይታ ሄ ካዎታ ዎዴን ሳሎ ጾሳይ ሙሌራካ ላሌቶንታኔ ሃራ ዴሬስ ኣ ኢሜቶንታ ካዎቴ ኤሳና፤ ሄ ካዎቴዚ ሃራ ካዎቴታ ሙሌራ ሊቂሳና፤ ኢስታ ዉርሴ ጋካናዉካ ይሳና፤ ሄ ካዎቴዚ ባ ሁኤስ ሜርናስ ሚኒ ዳና።

ኢሳያሳ ቲንቢቴ 9:7

ኢዛ ካዎቴ ኣኮቴሲኔ ኢዛ ሳሮቴስ ዛዋይ ዴና፤ ሃቺፌ ዶሚዲ ሜርና ጋካናስ ባ ካዎቴ፥ ሱሬ ፒርዳኒኔ ጺሎቴን ኤሳና፤ ሎኤ ኦይኪዲ ሚንና፤ ዳዊቴ ካዎቴ ኣራታን ኢዚ ኡታና፤ ዴራ ኡባ ሃራና፤ ኡባፌ ዎልቃማ ጎዳ ቃናቴይ ሄሳ ፖላና።

ዬ ማጻፋ 145:13

ዬሌታፔ ዬሌታ ጋካናስ ኔ ሃራና፤ ኔ ካዎቴይ ሜርናሳ። ጎዳይ ባ ጊዳ ቃላን ኣማኔቲዛይሳ፤ ኢዚ ባ ኦሶ ኡባን ኪያ።

ዬ ማጻፋ 86:9

ኣቤት ጎዳዉ! ኔኒ ሜዳ ካዎቴይ ኡባይ ኔኮ ዪዲ ኔስ ጎይናና፤ ኔ ሱንካ ቦንቻና።

ዮሃኒሳ ኣጁታ 19:16

ኢዛ ማይኦ ቦላኔ ኢዛ ዎዲራ ቦላ፥ «ኢዚ ካዎታስ ካዎ፥ ጎዳታስ ጎዳ» ጊዛ ሱን ጻፌቲ ዴስ።

ዳኔላ ቲንቢቴ 7:22

ሄሲካ ሃኒዳይ ቤኒ ቤኒሶፌ ዲዛይሲ ያና ጋካናሲኔ ኡባፌ ቃ ጾሳይ ጌሻታስ ቱማ ፒርዳ ፒርዳና ጋካናሳ። ጌሻቲ ኢዛ ካዎቴ ላቲዛ ዎዴይ ጋኪዴስ።

ዮሃኒሳ ኣጁታ 17:14

ኢስቲ ዶርሳዛ ቦላ ኦላ ዴንና ሺን ዶርሳዚ ጎዳታስ ጎዳኔ ካዎታስ ካዎ ጊዲዳ ጊሻስ ኢዚ ኢስታ ጾናና፤ ኢዛራ ዲዛይቲ ጼይጌቲዳይታ፥ ዶሬቲዳይታኔ ኣማኔቲዳይታ» ጊዴስ።

ዛካራሳ ቲንቢቴ 14:9

ሄ ዎዴ ጎዳይ ቢታ ኡባ ቦላ ካዎታና፤ ሄ ዎዴ ጎዳይ ኢሳ ጻላ፤ ኢዛ ሱንይካ ኢሳ ጊዳና።

ኢሳያሳ ቲንቢቴ 54:3

ኔኒ ኡሻቻ ባጋራኔ ሃዲርሳ ባጋራ ኣካና፤ ኔ ዛሬቲ ካዎቴታ ላታና፤ ሂስቲዲ ኣይኮይ ባይንዳ ኢስታ ካታማታን ኢስቲ ዳና።

ዮሃኒሳ ኣጁታ 22:5

ሄሳፌ ጉዬ ቃማይ ዴና፤ ጎዳ ጾሲ ኢስታስ ፖኢዛ ጊሻስ ታማ ፖኦይ ዎይኮ ኣርሼ ፖኦይ ኢስታስ ኮሼና፤ ኢስቲ ሜርናፔ ሜርናስ ካዎታና።

ዮሃኒሳ ሚሺራቾ 12:34

ኣሳይ ቃሴ፥ «ኑ ዎጋን ጻፌቲዳይ፥ ‹ጾሲ ኪቲዳዴይ ሜርናስ ዳና› ጌስ፤ ሂስቲን ኔ ቃሴ ዋናዳ፥ ‹ኣሳ ናይ ቁ ጊ ካቄታና ቤሴስ› ጋይ? ኔ ጊዛ ኣሳ ናይ ኣዋይሴ?» ጊ ኦይቺዳ።

ኣብዲዩ ቲንቢቴ 1:21

ኣቲዳ ኢስራኤሌ ኣሳቲ ጺዮኔ ዙማ ቦላ ኡቲዲ ኤዶሜ ዴሬ ኣይሳና፤ ቃሴ ካዎቴይካ ጾሳስ ጊዳና» ጊ ዮቲዴስ።

ዳኔላ ቲንቢቴ 4:34

ካዎ ናቡካዳናጾሬይ፥ «ላፑን ላይቲ ኣዳፔ ጉዬ ታኒ ታ ኣይፌታ ፑዴ ሳሎ ዴንዲስ፤ ታስ ዎዚና ካሃይ ሲሚዴስ፤ ኡባፌ ቃ ጾሳ ጋላታዲስ፤ ሜርናስ ዲዛ ጾሳ ሳባዲስ፤ ቦንቾካ ኢዛስ ኢማዲስ፤ ኢዛ ካዎቴይ ሜርናሳ፤ ኢዛ ካዎቴይ ዬሌታፔ ዬሌታ ጋካናስ ዳና።

ዮሃኒሳ ኣጁታ 20:4

ሄሳፌ ጉዬ ታኒ ኣልጋታ ቤያዲስ፤ ሄ ኣልጋታ ቦላ ፒርዳ ፒርዳናስ ጎዳቴ ኢስታስ ኢሜቲዳይቲ ኡቲዳይታ ቤያዲስ፤ ቃሴካ ዬሱሳ ጊሻስ ኢስቲ ማርካቲዳ ጊሻሲኔ ጾሳ ቃላ ጊሻስ ኢስታ ቆይ ቃንጼቲዳ ኣሳታ ሼምፖካ ቤያዲስ፤ ሄይታንቲ ዶኣዛሲኔ ኢዛ ሚስሌዛስ ጎይኒቤቴና፤ ኢዛ ማላታካ ባ ሊጴ ቦላ ጊዲን ባ ኩሼ ቦላ ዎንታይታ፤ ኢስቲ ሃይቆፔ ዴንዲዳ ኪርስቶሳራ ኢሲፌ ሺ ላይ ካዎቲዳ።

1ቆሮንቶሴ ኣሳስ 15:24

ሄሳፌ ጉዬ ሃሬቲዛ ዴሬታ ጎዳቴኔ ዎልቃማታ ዉርሲ ይሲዳፔ ጉዬ ካዎታ ጾሳ ኣዋስ ኣ ኢሚዛ ዎዴ ሄ ዎዴ ዉርሴ ጊዳና።

ዮሃኒሳ ኣጁታ 11:1

ሄሳፌ ጉዬ ታ ኢዛራ ዋ ዋናስ ጉፌ ሚሳቲዛ ሾምቦቆይ ታስ ኢሜቲዴስ። ታስ፥ «ኔኒ ዴንዳዳ ጾሳ ኬዛኔ ጊዶ ኪፊሌታ ዋ! ሄን ጎይኒዛይታ ታይባ።

ኢሳያሳ ቲንቢቴ 14:2

ካዎቴቲ ኤፊዲ ኢስታ ኢስታ ቢታ ዛራና። ኢስራኤሌ ኣሳይ ካዎቴታ ባስ ኦይኪዲ ማጫሳኔ ኣቱማሳ ኣይሌ ሂስቲዲ ጎዳ ቢታን ሃራና። ባና ዲኢዳይታ ዛሪ ዲኣና፤ ባና ኡንኤዳይታ ዛሪዲ ሃራና።

ዳኔላ ቲንቢቴ 6:26

ታ ካዎቴን ዲዛ ዴሬይ ዉሪካ ዳኔላ ጾሳስ ያያና ማላኔ ኢዛ ቦንቻና ማላ ታኒ ኣዋጃ ኬሳዲስ፤ ኢዚ ሜርናስ ዴኢዛ ዴኦ ጾሳ፤ ኢዛ ካዎቴ ዮንታ ካዎቴ፤ ኢዛ ካዎቴስካ ዉርሴ ዴና።