ዳኔላ ቲንቢቴ 7:14 - ጋሞ ማጻፋ

¹⁴ ኣላሜ ቦላ ዲዛ ኣስ ኡባይ፥ ካዎቴቲ ኡባይኔ ዱማ ዱማ ቃላን ሃሳይዛ ዛሬቲ ኡባይ ኢዛስ ሃጋዛና ማላ ጎዳቴ፥ ቦንቾይኔ ካዎቴ ኢዛስ ኢሜቲዴስ፤ ኢዚ ሜርናስ ሃራና፤ ኢዛ ካዎቴስካ ዉርሴ ዴና።

Geeshsha Maxaafa

¹⁴ Alame bolla diza as ubbay, kawoteththati ubbaynne dumma dumma qaalan haasayza zareti ubbay izas haggazana mala godateththi, bonchchoynne kawoteththi izas imettides; izi mernaas haarana; iza kawoteththaskka wurseththi deenna.

ዳኔላ ቲንቢቴ 7:14 Referans Kwoze

ዮሃኒሳ ኣጁታ 11:15

ላፑን ኪታንቻይካ ባ ዛዬዛ ፑኒዴስ፤ ሳሎን፥ «ኣላሜ ካዎቴ ኑ ጎዳ ጾሳሲኔ ኪርስቶሳስ ጊዲዴስ፤ ኢዚካ ሜርናፔ ሜርና ጋካናስ ካዎታና» ጊዛ ጊታ ቃላይ ሲዬቲዴስ።

ዳኔላ ቲንቢቴ 7:27

ሳሎፔ ጋርሳራ ዴኢዛ ካዎቴ ኡባ ማታይ፥ ዎልቃይኔ ጊታቴይ ኡባፌ ቃ ጾሳ ዴሬ ጌሻታስ ኢሜታና። ኢዛ ካዎቴይካ ሜርና ካዎቴ ጊዳና፤ ዴሬዛ ሃሪዛይቲ ኡባቲ ኢዛስ ኣዛዜታናኔ ኢዛስ ጎይናና› ጊዴስ።

ዮሃኒሳ ሚሺራቾ 3:35

«ኣዋይ ባ ና ዶሴስ። ሃኒዛ ዮኦ ኡባ ኢዛ ኩሼን ኣ ኢሜስ።

ዳኔላ ቲንቢቴ 2:44

«ሄይታ ሄ ካዎታ ዎዴን ሳሎ ጾሳይ ሙሌራካ ላሌቶንታኔ ሃራ ዴሬስ ኣ ኢሜቶንታ ካዎቴ ኤሳና፤ ሄ ካዎቴዚ ሃራ ካዎቴታ ሙሌራ ሊቂሳና፤ ኢስታ ዉርሴ ጋካናዉካ ይሳና፤ ሄ ካዎቴዚ ባ ሁኤስ ሜርናስ ሚኒ ዳና።

Ibirawe 12:28

ሄሳ ጊሻስ ኑኒ ሙሌካ ቃጾንታ ካዎቴ ላታና ጊሻስ ኣኔ ጾስ ጋላቶስ፤ ቃሴካ ኢዛ ኡፋይሲዛ ኦጌራ ቦንቾሲኔ ያሻቴን ኣኔ ኢዛስ ጎይኖስ።

ዮሃኒሳ ኣጁታ 17:14

ኢስቲ ዶርሳዛ ቦላ ኦላ ዴንና ሺን ዶርሳዚ ጎዳታስ ጎዳኔ ካዎታስ ካዎ ጊዲዳ ጊሻስ ኢዚ ኢስታ ጾናና፤ ኢዛራ ዲዛይቲ ጼይጌቲዳይታ፥ ዶሬቲዳይታኔ ኣማኔቲዳይታ» ጊዴስ።

Maatosa 28:18

ዬሱሲካ ባና ካሊዛይታኮ ሺቂዲ፥ «ሳሎኒኔ ሳኣን ጎዳቴ ታስ ኢሜቲዴስ። ሄሳ ጊሻስ ቢዲ ዴሬ ኡባ ኣዋ፥ ናዛኔ ጺሎ ኣያና ሱንን ጻማቂሼ፥ ታና ካሊዛይታ ኦቴ፤ ታ ኢንቴና ኣዛዚዳይሳ ኡባ ናጋና ማላ ታማርሲቴ። ታኒካ ኣላሜ ዉርሴ ጋካናስ ኢንቴናራ ዳይስ» ጊዴስ።

Maatosa 11:27

«ዉሪካ ታ ኣዋፔ ታስ ኢሜቲዴስ፤ ኣዋፔ ኣቲን ናዛ ጊሻስ ኤሪዛ ኣሲ ባ፤ ቃሴ ናዛፔኔ ናዚ ባ ሼኔን ቆንጪሲዳ ኣሳፔ ሃራይ ኣዋ ኤሪዛ ኣሲ ባ።

ኢሳያሳ ቲንቢቴ 9:7

ኢዛ ካዎቴ ኣኮቴሲኔ ኢዛ ሳሮቴስ ዛዋይ ዴና፤ ሃቺፌ ዶሚዲ ሜርና ጋካናስ ባ ካዎቴ፥ ሱሬ ፒርዳኒኔ ጺሎቴን ኤሳና፤ ሎኤ ኦይኪዲ ሚንና፤ ዳዊቴ ካዎቴ ኣራታን ኢዚ ኡታና፤ ዴራ ኡባ ሃራና፤ ኡባፌ ዎልቃማ ጎዳ ቃናቴይ ሄሳ ፖላና።

ዮሃኒሳ ኣጁታ 3:21

ታኒ ጾናዳ ታ ኣዋራ ኢዛ ኣልጋን ኡቲዳይሳ ጾኒዳዴይ ታናራ ኢሲፌ ታ ኣልጋን ኡታና ማላ ታ ኦና።

ሉቃሳ ሚሺራቾ 1:33

ኢዚ ኢስራኤሌ ናይታ ቦላን ሜርናስ ካዎታና፤ ኢዛ ካዎቴስካ ዉርሴ ዴና» ጊዴስ።

ሚኪያሳ ቲንቢቴ 4:7

ጉንዳታፔ ኣቲዳይታኔ ቆሄቲዳይታ ታ ኢስታ ሚኖ ዴሬ ኬሳና፤ ሄ ጋላሳይፌ ዶሚዲ ሜርና ጋካናስ ጎዳይ ጺዮኔ ዙማን ኢስታ ቦላ ካዎታና።

ኣብዲዩ ቲንቢቴ 1:21

ኣቲዳ ኢስራኤሌ ኣሳቲ ጺዮኔ ዙማ ቦላ ኡቲዲ ኤዶሜ ዴሬ ኣይሳና፤ ቃሴ ካዎቴይካ ጾሳስ ጊዳና» ጊ ዮቲዴስ።

ዳኔላ ቲንቢቴ 3:4

ሄ ዎዴ ኣዋጃ ኣዋጂዛ ኢሳዴይ ባ ቃላ ቁ ሂስቲዲ፥ «ኢንቴኖ ዱማ ዱማ ዴሬፔ፥ ዱማ ዱማ ካዎቴፌኔ ዱማ ዱማ ቃላን ሃሳይዛሶፔ ዪዳይቶ!

ዳኔላ ቲንቢቴ 2:35

ሄራካ ቢራታዚ፥ ማና ኡርቃዚ፥ ጻርቂማላዚ፥ ቢራዚኔ ዎርቃዚ ዉሪ ሜቄሬቲ ዎዳ፤ ቦኔ ካ ባሌን ዲዛ ሱላ ማላ ጊዲዳ፤ ጫርኮይ ኢስታ ኢሲኖካ ኣሾንታ ፒቲ ኤፊዴስ፤ ሚስሌዛ ቦላ ኩንዲዳ ሹቻዚ ጊዲኮ ኢዚ ቢታ ኩማናሼ ጋካናስ ጊታ ዙማ ጊዲዴስ።

ኢሳያሳ ቲንቢቴ 60:12

ኔስ ሃሬቶንታ ካዎቴኔ ዴሬይ ሙሌካ ዲፒ ጋና።

ዬ ማጻፋ 146:10

ጎዳይ ሜርናስ ካዎ፤ ጺዮኔ! ኔ ጾሲ ዬሌታፔ ዬሌታ ጋካናስ ካዎታና። ጎዳይ ጋላቴቶ!

ዬ ማጻፋ 145:13

ዬሌታፔ ዬሌታ ጋካናስ ኔ ሃራና፤ ኔ ካዎቴይ ሜርናሳ። ጎዳይ ባ ጊዳ ቃላን ኣማኔቲዛይሳ፤ ኢዚ ባ ኦሶ ኡባን ኪያ።

ዬ ማጻፋ 45:6

ኣቤት ጾሳዉ! ኔ ካዎቴ ኣልጋይ ሜርናስ ዳና፤ ኔ ካዎቴ ጉፌይካ ሱሬቴ ጉፌ።

ዬ ማጻፋ 8:6

ኢዛ ኔኒ ኔ ሜዳ ሜቴ ኡባ ቦላን ሃሪዛዴ ኦዳ ሱንዳሳ፤ ኡባካ ኢዛስ ሃሪሳዳሳ።

ዮሃኒሳ ሚሺራቾ 12:34

ኣሳይ ቃሴ፥ «ኑ ዎጋን ጻፌቲዳይ፥ ‹ጾሲ ኪቲዳዴይ ሜርናስ ዳና› ጌስ፤ ሂስቲን ኔ ቃሴ ዋናዳ፥ ‹ኣሳ ናይ ቁ ጊ ካቄታና ቤሴስ› ጋይ? ኔ ጊዛ ኣሳ ናይ ኣዋይሴ?» ጊ ኦይቺዳ።

ሉቃሳ ሚሺራቾ 10:22

«ዉሪ ታ ኣዋ ማታፔ ታስ ኢሜቲዴስ፤ ቃሴካ ኢዛ ናይ ኦናኮ ኣዋፔ ኣቲን ኤሪዛይ ባ፤ ኣዋይ ኦናኮ ናዛፔ ኣቲን ዎይኮ ናዚ ኢዛስ ቆንጪሳናስ ዶሲዳዴፌ ኣቲን ኤሪዛዴይ ባ» ጊዴስ።

ዳኔላ ቲንቢቴ 7:18

ጊዶ ኣቲን ኡባፌ ቃ ጾሳ ጌሻቲ ኢዛ ካዎቴ ባስ ኤካና፤ ሜርናስ ኦይካና፤ ኤ ሜርናስ ኢስቲ ኦይካና› ጊዴስ።

ዳኔላ ቲንቢቴ 6:26

ታ ካዎቴን ዲዛ ዴሬይ ዉሪካ ዳኔላ ጾሳስ ያያና ማላኔ ኢዛ ቦንቻና ማላ ታኒ ኣዋጃ ኬሳዲስ፤ ኢዚ ሜርናስ ዴኢዛ ዴኦ ጾሳ፤ ኢዛ ካዎቴ ዮንታ ካዎቴ፤ ኢዛ ካዎቴስካ ዉርሴ ዴና።

ዳኔላ ቲንቢቴ 4:3

ጾሲ ቤሲዛ ማላታይ ኣይ ማላ ጊታ! ማላሊሲዛ ኢዛ ኦሶቲ ኣይ ማላ ሚኖ! ጾሲ ሜርናስ ካዎ፤ ኢዛ ካዎቴይ ዬሌታፔ ዬሌታ ጋካናስ ዴኤስ።

ዬ ማጻፋ 102:22

ዴሬቲኔ ካዎቲ ኢሲፌ ሺቂዲ ጎዳስ ሄ ዎዴ ጎይናና።

ዬ ማጻፋ 72:17

ካዎዛ ሱን ሜርናስ ሚኒ ዴኦ፤ ኣርሼይ ዴኢዛ ኬና ጼይጌቲሼ ጋምኦ። ካዎቴ ኡባይ ኢዛ ባጋራ ኣንጄቶ፤ ዴሬ ኡባይ ኢዛ፥ «ኔ ኣንጄቲዳዴ» ጊ ኣንጆ።

ዬ ማጻፋ 72:11

ካዎቲ ኡባይ ኢዛስ ጉልባታና፤ ካዎቴይ ኡባይ ኢዛስ ሃሬታና።

1ጴጽሮሳ ኪታ 3:22

ኢዚ ፑዴ ሳሎ ቢዲ ሃኢ ጾሳ ኣቻን ዴስ፤ ኪታንቻቲኔ ጎዳቴ ኢስታስ ዲዛ ዎልቃማቲካ ኢዛስ ሃሬቲዳ።

ዮሃኒሳ ኣጁታ 1:6

ኑኒ ዬሱስ ኪርስቶሳ ኣዋ ጾሳስ ኦና ማላ ኑና ኢዚ ካዎታኔ ቄሴታ ኬሲዳ ዬሱስ ኪርስቶሳስ ቦንቾይኔ ዎልቃይ ሜርናፔ ሜርና ጋካናስ ኢዛስ ጊዶ! ኣሚን።

ኢሳያሳ ቲንቢቴ 16:5

ኣራታይ ሲቆን ሚኔስ፤ ሄ ኣራታን ዳዊቴ ኬፌ ጊዲዳይ፥ ሱሬ ፒርዳ ኣሞቲዛይ፥ ጺሎቴ ኤሶሲዛይ ኢሲ ኣሲ ኣማኔቴን ኢዛ ቦላ ኡታና።

ዳኔላ ቲንቢቴ 2:37

ካዎ! ኔኒ ካዎታስ ካዎ፤ ሳሎ ጾሲ ኔስ ካዎቴ፥ ማታ፥ ዎልቃኔ ቦንቾ ኢሚዴስ።

ዬ ማጻፋ 103:19

ጎዳይ ባ ኣራታ ሳሎን ኤሲዴስ፤ ኢዛ ካዎቴይ ኡባ ሃሬስ።

ኢሳያሳ ቲንቢቴ 9:6

ሄኮ ኑስ ናይ ዬሌቲዴስ! ኣቱማ ናይካ ኑስ ኢሜቲዴስ! ሃላቃቴ ኢዛ ሃሼ ቦላ ጊዳና፤ ኢዛ ሱን፥ «ማላሊሲዛ ዞራንቻ፥ ዎልቃማ ጾሳ፥ ሜርና ኣዋ፥ ሳሮቴ ሃላቃ» ጌቴታና።