ዳኔላ ቲንቢቴ 4:34 - ጋሞ ማጻፋ

³⁴ ካዎ ናቡካዳናጾሬይ፥ «ላፑን ላይቲ ኣዳፔ ጉዬ ታኒ ታ ኣይፌታ ፑዴ ሳሎ ዴንዲስ፤ ታስ ዎዚና ካሃይ ሲሚዴስ፤ ኡባፌ ቃ ጾሳ ጋላታዲስ፤ ሜርናስ ዲዛ ጾሳ ሳባዲስ፤ ቦንቾካ ኢዛስ ኢማዲስ፤ ኢዛ ካዎቴይ ሜርናሳ፤ ኢዛ ካዎቴይ ዬሌታፔ ዬሌታ ጋካናስ ዳና።

Geeshsha Maxaafa

³⁴ Kawo Nabukadanaxoorey, «Laappun layththati aadhdhidaappe guye tani ta ayfeta pude salo denththadis; taas wozina kahay simmides; Ubbaafe Dhoqqa Xoossa galatadis; mernaas diza Xoossa sabbadis; bonchchoka izas immadis; iza kawoteththay mernaassa; iza kawoteththay yeletappe yeleta gakkanaas daana.

ዳኔላ ቲንቢቴ 4:34 Referans Kwoze

ዮሃኒሳ ኣጁታ 4:10

ናምኡ ታማኔ ኦይዱ ጪማቲ ሜርናፔ ሜርና ጋካናስ ዲዛ ባ ኣልጋ ቦላ ኡቲዳይሳ ሲንን ጉፋኒዲ ኢዛስ ጎይኔቴስ፤ ባ ኣኪሊሌታካ ሄ ኣልጋዛ ሲንን ዎዲ፥

ዳኔላ ቲንቢቴ 12:7

ሌኤ ሃሬ ማይኢዲ ሻፋፔ ጋና ባጋራ ኤቂዳ ኪታንቻዚ ባ ኩሼታ ፑዴ ሳሎ ዴንዲ፥ «ሄሲ ሄ ላይኔ ባጋ ጋምኣና፤ ጌሻ ኣሳታ ዎልቃይ ዉርሺን ሃይቲ ዉሪካ ፖሌታና» ጊዲ ሜርናስ ዴኢዛይሳን ጫቂሺን ሲያዲስ።

ዳኔላ ቲንቢቴ 2:44

«ሄይታ ሄ ካዎታ ዎዴን ሳሎ ጾሳይ ሙሌራካ ላሌቶንታኔ ሃራ ዴሬስ ኣ ኢሜቶንታ ካዎቴ ኤሳና፤ ሄ ካዎቴዚ ሃራ ካዎቴታ ሙሌራ ሊቂሳና፤ ኢስታ ዉርሴ ጋካናዉካ ይሳና፤ ሄ ካዎቴዚ ባ ሁኤስ ሜርናስ ሚኒ ዳና።

ኤርማሳ ቲንቢቴ 10:10

ጊዶ ኣቲን ጎዳይ ቱሙ ጾሳ፤ ኢዚ ዴኦ ጾሳኔ ሜርና ካዎ። ኢዚ ሃንቄቲዛ ዎዴ ቢታይ ቃጼስ፤ ካዎቴቲካ ኢዛ ዪሎ ዳንዳዬቴና።

ዬ ማጻፋ 145:13

ዬሌታፔ ዬሌታ ጋካናስ ኔ ሃራና፤ ኔ ካዎቴይ ሜርናሳ። ጎዳይ ባ ጊዳ ቃላን ኣማኔቲዛይሳ፤ ኢዚ ባ ኦሶ ኡባን ኪያ።

ዳኔላ ቲንቢቴ 6:26

ታ ካዎቴን ዲዛ ዴሬይ ዉሪካ ዳኔላ ጾሳስ ያያና ማላኔ ኢዛ ቦንቻና ማላ ታኒ ኣዋጃ ኬሳዲስ፤ ኢዚ ሜርናስ ዴኢዛ ዴኦ ጾሳ፤ ኢዛ ካዎቴ ዮንታ ካዎቴ፤ ኢዛ ካዎቴስካ ዉርሴ ዴና።

ዳኔላ ቲንቢቴ 4:32

ኔኒ ዴሬዛ ጋርሳፌ ጎዴታና፤ ኔስ ዱሳሶይ ዎራ ዶኣታራ ጊዳና፤ ላፑን ላይ ኩማና ጋካናስ ኔኒ ሜሄ ማላ ማታ ማና፤ ሄሲካ ሃናናይ ኡባፌ ቃ ጾሳይ ካዎታ ኡባ ቦላ ኢዛስ ጎዳቴ ዲዛይሳኔ ካዎቴ ዉርሲካ ኢዚ ባ ዶሲዳዴስ ኢሚዛይሳ ኔ ሻካ ኤራና ጋካናሳ» ጊዛ ቃላይ ዪዴስ።

ሉቃሳ ሚሺራቾ 1:33

ኢዚ ኢስራኤሌ ናይታ ቦላን ሜርናስ ካዎታና፤ ኢዛ ካዎቴስካ ዉርሴ ዴና» ጊዴስ።

ዳኔላ ቲንቢቴ 5:21

ኢዚካ ዴሬ ጊዶፌ ጎዴቲዴስ፤ ኢዛ ካሃይካ ላሜቲዲ ኢዛስ ሜሄ ካሃይ ኢሜቲዴስ፤ ኢዚ ሜሄ ማላ ማታ ሚሼ ሃርዲዳታራ ዴኢዴስ፤ ኣቂዛሶይ ዪን ኢዛ ቦላይ ጻዛን ሙሲዴስ፤ ሄሲ ሄሳ ሃኒዳይ ኡባፌ ቃ ጾሳይ ካዎቴ ኡባ ቦላ ጎዳ ጊዲዳይሳኔ ካዎቴ ኡባ ባ ኮዪዳ ኣሳስ ኢማናስ ዳንዳይዛይሳ ኢዚ ኤራና ጋካናሳ።

ዳኔላ ቲንቢቴ 4:26

ዱሩማዚ ጻጶዛራ ሄን ጋዴ ጊዶን ኣታና ማላ ኢዚ ኣዛዚዳይ ጾሳስ ኣላሜ ቦላ ኩሜ ማታይ ዲዛይሳ ኔ ኤራዳ ኔኒ ሲማ ኔ ካዎቴን ኡታናይሳ ቤሴስ።

1ጺምቶሳስ 6:16

ኢዚ ጻላ ሃይቆንታይሳ፤ ኦኒካ ሺቃናስ ዳንዳዮንታ ፖኦ ጊዶን ዴስ፤ ኢዛ ቤኢዳ ኣሲ ኦኒካ ባ፤ ቤያና ዳንዳይዛዴይካ ዴና፤ ኢዛስ ዎልቃይኔ ቦንቾይ ሜርናፔ ሜርናስ ጊዶ። ኣሚን።

ሚኪያሳ ቲንቢቴ 4:7

ጉንዳታፔ ኣቲዳይታኔ ቆሄቲዳይታ ታ ኢስታ ሚኖ ዴሬ ኬሳና፤ ሄ ጋላሳይፌ ዶሚዲ ሜርና ጋካናስ ጎዳይ ጺዮኔ ዙማን ኢስታ ቦላ ካዎታና።

ዳኔላ ቲንቢቴ 4:3

ጾሲ ቤሲዛ ማላታይ ኣይ ማላ ጊታ! ማላሊሲዛ ኢዛ ኦሶቲ ኣይ ማላ ሚኖ! ጾሲ ሜርናስ ካዎ፤ ኢዛ ካዎቴይ ዬሌታፔ ዬሌታ ጋካናስ ዴኤስ።

ኤርማሳ ዚላስ 3:38

ኢታ ጊዲን ዎይኮ ሎኦ ጊዲን ባ ጊዳዝ ፖሊዛይ ኡባፌ ቃ ጾሳ ጊዴኔ?

ኢሳያሳ ቲንቢቴ 24:15

ሄሳ ጊሻስ ኣርሼይ ሞኪዛ ባጋራ ዲዛይቶ፥ ኣባን ዲዛ ሃሩሮቲ ጎዳ ኢስራኤሌ ጾሳ፥ ሱን ቁ ቁ ሂስቲቴ።

ዬ ማጻፋ 146:10

ጎዳይ ሜርናስ ካዎ፤ ጺዮኔ! ኔ ጾሲ ዬሌታፔ ዬሌታ ጋካናስ ካዎታና። ጎዳይ ጋላቴቶ!

ዬ ማጻፋ 123:1

ኔኖ ሳሎ ኣራታን ኡቲዳይሶ! ታኒ ኔኮ ፑዴ ጼላይስ።

ዬ ማጻፋ 121:1

ታኒ፥ «ማዶይ ታስ ኣዋፔ ያንዴሻ?» ጋዳ ታ ኣይፌታ ፑዴ ዙማታኮ ዴንዲስ።

ዬ ማጻፋ 107:31

ሜርና ኢዛ ሲቆዛሲኔ ኢዚ ኣሳስ ኦዳ ማላሊሲዛ ሚሻታስ ኢስቲ ጎዳ ጋላቴቶ።

ዬ ማጻፋ 102:24

ሂስቲን ታኒ፥ «ኣቤት ታ ጾሳዉ! ታኒ ዳና ላይ ቡሮ ባጋሲሺን ኔ ታና ኤኮፋ። ኣቤት ጎዳዉ! ኔኒ ዬሌታፔ ዬሌታ ጋካናስ ዳሳ» ጋይስ።

ዬ ማጻፋ 92:1

ጎዳ ጋላቶይ ሎኦ፤ ኣቤት ኡባፌ ቃ ጾሳዉ! ኔ ሱንስ ማዛሙሬ ሺሾይ ሎኦ።

ዬ ማጻፋ 10:16

ጎዳይ ሜሪፔ ሜርናስ ካዎቲዲ ዴስ፤ ሃራ ካዎቴቲ ኢዛ ቢታፌ ያና።

ዮሃኒሳ ኣጁታ 11:15

ላፑን ኪታንቻይካ ባ ዛዬዛ ፑኒዴስ፤ ሳሎን፥ «ኣላሜ ካዎቴ ኑ ጎዳ ጾሳሲኔ ኪርስቶሳስ ጊዲዴስ፤ ኢዚካ ሜርናፔ ሜርና ጋካናስ ካዎታና» ጊዛ ጊታ ቃላይ ሲዬቲዴስ።

1ጺምቶሳስ 1:17

ሄሳ ጊሻስ ሜርናስ ሃይቂ ኤሮንታ፥ ኣይፌን ቤቲ ኤሮንታ ባርካ ጻላ ጾስ ጊዲዳ ካዎስ ሜርናፔ ሜርና ጋካናስ ኢዛስ ቦንቾይኔ ጋላታይ ጊዶ። ኣሚን።

ዮሃኒሳ ሚሺራቾ 5:26

ጋሶይካ ኣዋይ ባ ባጋራ ዴኦይ ዲዛ ማላ ናዚካ ባ ባጋራ ዴኦይ ዳና ማላ ኦዴስ።

ሉቃሳ ሚሺራቾ 18:13

«ጊዶ ኣቲን ቃራጻ ሺሺዛ ኣዴዚ ሃሆን ኤቂዲ ፑዴ ሳሎ ቁ ጊ ጼላናስ ኮዪቤና፤ ጊዶ ኣቲን ባ ቲራ ኢጪሼ፥ ‹ጾሶ! ታና ናጋራንቻዛ ማራርኪ!› ጊዴስ።

ዳኔላ ቲንቢቴ 7:14

ኣላሜ ቦላ ዲዛ ኣስ ኡባይ፥ ካዎቴቲ ኡባይኔ ዱማ ዱማ ቃላን ሃሳይዛ ዛሬቲ ኡባይ ኢዛስ ሃጋዛና ማላ ጎዳቴ፥ ቦንቾይኔ ካዎቴ ኢዛስ ኢሜቲዴስ፤ ኢዚ ሜርናስ ሃራና፤ ኢዛ ካዎቴስካ ዉርሴ ዴና።

ዬ ማጻፋ 107:22

ኢስቲ ኢዛስ ጋላታ ያርሾ ያርሼቶ፤ ቃሴካ ኡፋይሳ ዬን ኢዚ ኦዳ ኦሶ ቆንጪሴቶ።

ዬ ማጻፋ 107:15

ሜርና ኢዛ ሲቆዛሲኔ ኢዚ ኣሳስ ኦዳ ማላሊሲዛ ሚሻታስ ኢስቲ ጎዳ ጋላቴቶ።

ዬ ማጻፋ 107:8

ሜርና ኢዛ ሲቆዛሲኔ ኢዚ ኣሳስ ኦዳ ማላሊሲዛ ሚሻታስ ኢስቲ ጎዳ ጋላቴቶ!

ዬ ማጻፋ 50:14

ጾሳስ ጋላታ ያርሾ ሺሻ፤ ኔ ኣዲና ኡባፌ ቃ ጾሳስ ጋ።

ዬ ማጻፋ 9:2

ታኒ ኔናን ኡፋዬታናኔ ሃሹ ጋና። ኡባፌ ቃ ጾሳዉ! ታኒ ኔ ሱንስ ጋላታ ማዛሙሬ ዬጻና።

ዬ ማጻፋ 7:17

ጎዳ ጺሎቴ ጊሻስ ታኒ ኢዛ ጋላታና፤ ቃሴ ኡባፌ ቃ ጎዳ ሱንስ ታኒ ጋላታ ማዛሙሬ ዬጻና።

ኢዮቤ ማጻፋ 1:21

«ታኒ ታ ኣዬይ ኡሎፔ ካሎ ዬሌታዲስ፤ ሃይቂዛ ዎዴካ ካሎ ባና፤ ጎዳይ ኢሚዴስ፤ ጎዳይ ኤኪዴስ፤ ጎዳ ሱን ጋላቴቲዳዝ ጊዶ» ጊዴስ።

ዮሃኒሳ ኣጁታ 10:6

ሜርናፔ ሜርናስ ዲዛይሳን፥ ሳሎኔ ሳሎን ዲዛይታ ቃሴካ ቢታኔ ቢታ ጋርሳን ዲዛይታ፥ ኣባኔ ኣባ ጊዶን ዲዛይታ ሜዳ ጾሳ ሱን ጼይጊ ጫቂዲ፥ «ሃይሳፌ ጉዬ ኢዚ ጋምኤና!

ዮሃኒሳ ኣጁታ 4:9

«ሄ ዶኣቲ ኣልጋ ቦላ ኡቲዳይሳሲኔ ሜርናፔ ሜርና ጋካናስ ዲዛይሳስ ጊታቴ፥ ቦንቾኔ ጋላታካ ሺሺዛ ዎዴ ኡባን፥

ዳኔላ ቲንቢቴ 4:2

ኡባፌ ቃ ጾሳይ ታስ ኦዳ ጊታኔ ማላሊሲዛ ኦሶታ ታ ኢንቴስ ዮታናስ ኮያይስ።

ዳኔላ ቲንቢቴ 4:36

«ታ ዎዚና ካሃይ ታኮ ሲሚን ሄራካ ታ ካዎቴስ ቦንቾይ፥ ኣዮቴኔ ቴማይ ሲሚዴስ፤ ካሴ ታና ዞሪዛይቲኔ ታ ሹሜቲ ታና ኡፋይሳን ሞኪ ኤኪዳ፤ ካሴ ታኒ ካዎቴ ኣራታን ሲማ ኡታዲስ፤ ካሴይሳፌ ቦላራ ኣ ቦንቼታዲስ።

ዳኔላ ቲንቢቴ 5:18

«ካዎ! ኡባፌ ቃ ጾሳይ ካሴ ኔ ኣዋ ናቡካዳናጾሬስ ካዎቴኔ ጊታቴ፥ ቦንቾኔ ቴማቴ ኢሚዴስ።

ዳኔላ ቲንቢቴ 7:27

ሳሎፔ ጋርሳራ ዴኢዛ ካዎቴ ኡባ ማታይ፥ ዎልቃይኔ ጊታቴይ ኡባፌ ቃ ጾሳ ዴሬ ጌሻታስ ኢሜታና። ኢዛ ካዎቴይካ ሜርና ካዎቴ ጊዳና፤ ዴሬዛ ሃሪዛይቲ ኡባቲ ኢዛስ ኣዛዜታናኔ ኢዛስ ጎይናና› ጊዴስ።

ዮናሳ ቲንቢቴ 1:14

ሄሳ ጊሻስ ኢስታስ፥ «ኣቤት ጎዳዉ! ሃይሳ ኣዴዛ ሼምፖ ጊሻስ ኔኒ ኑና ይሶንታ ማላኔ ሃይሳ ጌሻ ሱ ኣጮዛካ ኔኒ ኑፔ ኦይቾንታ ማላ ኑኒ ኔና ኬሂ ዎሶስ። ኣይስ ጊኮ ጎዳዉ ኔኒ ኔ ኮዪዳ ማላ ኦዳሳ» ጊዲ ጎዳኮ ዋሲዳ።

ዛሬ ማጻፋ 32:4

«ኢዚ ኑስ ሚጻ፤ ኢዛ ኦሶቲካ ኩሜ፤ ኢዛ ኦጌቲ ዉሪካ ሱሬ፤ ኢዚ ባሌቶንታ ኣማኔቲዳ ጾሳ፤ ኢዚ ሱሬኔ ጺሎ ጾሳ።

2ሳሜላ ማጻፋ 22:31

«ጾሳ ኦጌይ ኩሜ፤ ጎዳ ቃላይ ሙሩታ፤ ኢዛን ኣማኔቲዳይታ ኡባስ ኢዚ ጎንዳሌ።

1ታሪኬ ማጻፋ 29:10

ሄሳ ጊሻስ ዳዊቲ ዱላታ ሺቂዳ ኣሳ ሲንን፥ «ኣቤት ኑ ኣዋ ጎዳ ኢስራኤሌ ጾሳዉ! ሜሪፔ ሜርና ጋካናስ ኔስ ጋላታይ ጊዶ።

1ታሪኬ ማጻፋ 29:13

ሃኢካ ኑ ጾሳዉ! ኑኒ ኔና ጋላቶስ፤ ኔ ቦንቾ ሱንካ ሳቦስ» ጊዲ ጎዳ ጋላቲዴስ፤

ዬ ማጻፋ 66:7

ኢዚ ባ ዎልቃን ሜርናስ ሃሬስ። ካዎቴታ ኡባካ ባ ኣይፌን ጼሌስ፤ ሄሳ ጊሻስ ማካሊዛይቲ ኢዛ ቦላ ቁ ቁ ጎፔቶ።

ዬ ማጻፋ 111:7

ኢዛ ኦሶቲ ቱማኔ ሱሬ፤ ኢዛ ዎጋቲካ ኡባይ ኣማኔቲዛይታ።

ኢሳያሳ ቲንቢቴ 2:11

ኦቶራንቻ ኣይፌይ ጉካና፤ ሞቲዛይቲ ካዉያና፤ ሄ ዎዴ ጎዳይ ጻላ ቁ ቁ ጋና።

ኢሳያሳ ቲንቢቴ 13:11

ጎዳይ፥ «ታኒ ኣላሜ ኢዚ ኢታቴ ጊሻስ ቃጻያና፤ ኢታታካ ኢስታ ናጋራ ጊሻስ ቃጻያና። ታኒ ኦቶራንቻታ ኦቶሬቴ ሻራና፤ ሜንጼ ኢታታ ኦቶሬቴ ታ ካዉሻና።

ዳኔላ ቲንቢቴ 9:14

ጎዳ ኑ ጾሳይ ባ ኦዛ ኦሶ ኡባን ጺሎ፤ ጎዳይ ኑ ቦላ ባሽ ኤሃናስ ሞቲቤና።