ዳኔላ ቲንቢቴ 4:32 - ጋሞ ማጻፋ

³² ኔኒ ዴሬዛ ጋርሳፌ ጎዴታና፤ ኔስ ዱሳሶይ ዎራ ዶኣታራ ጊዳና፤ ላፑን ላይ ኩማና ጋካናስ ኔኒ ሜሄ ማላ ማታ ማና፤ ሄሲካ ሃናናይ ኡባፌ ቃ ጾሳይ ካዎታ ኡባ ቦላ ኢዛስ ጎዳቴ ዲዛይሳኔ ካዎቴ ዉርሲካ ኢዚ ባ ዶሲዳዴስ ኢሚዛይሳ ኔ ሻካ ኤራና ጋካናሳ» ጊዛ ቃላይ ዪዴስ።

Geeshsha Maxaafa

³² Neni dereza garsafe goodettana; nees duussasoy wora do7atara gidana; laappun layththi kumana gakkanaas neni mehe mala maata maana; hessika hananay Ubbaafe Dhoqqa Xoossay kawota ubbaa bolla izas godateththi dizayssanne kawoteththi wursika izi ba dosidaades immizayssa ne shaakka erana gakkanaassa» giza qaalay yides.

ዳኔላ ቲንቢቴ 4:32 Referans Kwoze

ዳኔላ ቲንቢቴ 5:21

ኢዚካ ዴሬ ጊዶፌ ጎዴቲዴስ፤ ኢዛ ካሃይካ ላሜቲዲ ኢዛስ ሜሄ ካሃይ ኢሜቲዴስ፤ ኢዚ ሜሄ ማላ ማታ ሚሼ ሃርዲዳታራ ዴኢዴስ፤ ኣቂዛሶይ ዪን ኢዛ ቦላይ ጻዛን ሙሲዴስ፤ ሄሲ ሄሳ ሃኒዳይ ኡባፌ ቃ ጾሳይ ካዎቴ ኡባ ቦላ ጎዳ ጊዲዳይሳኔ ካዎቴ ኡባ ባ ኮዪዳ ኣሳስ ኢማናስ ዳንዳይዛይሳ ኢዚ ኤራና ጋካናሳ።

ኤርማሳ ቲንቢቴ 27:5

ታ ጊታ ዎልቃኒኔ ሚጬቲዳ ታ ኩሼን ሳኣኔ ሳኣ ቦላ ዲዛ ኣሲኔ ሜሄ ሜዲስ። ኢስታ ታ ዶሲዳዴስ ኢማና።

ኢያሶ ማጻፋ 4:24

ሄሳ ኢዚ ኦዳይ ሳኣን ዲዛ ኣሳይ ዉሪ ጎዳ ዎልቃይ ኣይ ማላ ጊታኮ ኤራናሲኔ ኢንቴካ ጎዳስ ኢንቴ ጾሳስ ሜርናስ ያያናሳ» ጊዴስ።

ኬሳ ማጻፋ 9:29

ሙሴይካ ኢዛስ፥ «ታኒ ሃ ካታማፔ ኬዛ ባዳ ዎሳናስ ታ ኩሼ ጎዳኮ ሚጫና፤ ሂስቲኮ ዳዳይ ኣጋና፤ ቃሴ ሻቻይካ ቡኬና፤ ሄሳንካ ቢታይ ጎዳስ ጊዲዳይሳ ኔኒ ኤራና።

ኬሳ ማጻፋ 8:10

ሂስቲን ካዎዚ፥ «ዎንቶ ጊዶ» ጊዴስ። ሙሴይካ፥ «ጎዳ ኑ ጾሳ ማላይ ኦኒካ ባይንዳይሳ ኔኒ ኤራና ማላ ኔ ጊዳ ማላ ኦና።

ኢሳያሳ ቲንቢቴ 37:20

ሃኢካ ኣቤት ጎዳዉ፥ ኑ ጾሳዉ ኔኒ ጎዳይ ጻላ ጾሳ ጊዲዳይሳ ሳኣ ካዎቴቲ ኡባይ ኤራና ማላ ኑና ኢዛ ኩሼፔ ኣሻ!» ጊ ዎሲዴስ።

ኬሳ ማጻፋ 9:14

ኔ ዬዶንታ ኢጺኮ ኔ ቦላ፥ ዳናታ ቦላኔ ኔ ኣሳ ቦላ ታ ዎልቃማ ሃንቆ ሃኢ ዬዳና፤ ሄሳንካ ቢታ ቦላን ታ ማላይ ባይንዳይሳ ኔኒ ኤራና።

ኢሳያሳ ቲንቢቴ 45:3

ኔና ኔ ሱንን ጼይጊዳ ጎዳይ፥ ኢስራኤሌ ጾሳይ ታና ጊዲዳይሳ ኔ ኤራና ማላ፥ ጌማሶን ዳጋቲዳ ኣቆታ፥ ማሶን ዲዛ ሃሮ ታ ኔስ ኢማና።

2ታሪኬ ማጻፋ 33:13

ሚናሴይ ጾሳ ዎሲዳ ዎዴ ጾሳይ ኢዛስ ዎሴቲዴስ፤ ኢዛ ዋትዋቶዛካ ሲዪዴስ፤ ሂስቲዲ ዬሩሳላሜን ኢዛ ካዎቴን ዛሪ ዎዴስ። ሄሳን ጎዳይ ኢዚ ጾስ ጊዲዳይሳ ሚናሴይ ኤሪዴስ።

ዳኔላ ቲንቢቴ 2:21

ኢዚ ዎዴታኔ ኣጊናታካ ላሜስ፤ ካዎታ ኣራታን ኡቲሴስ፤ ካዎቴ ኣራታፔካ ዱጌ ዎስ፤ ኤራንቻታስ ኣ ኤራቴ ኣኬኪዛይታሲካ ኤራቴ ኢሜስ።

ዳኔላ ቲንቢቴ 4:31

ኢዚ ቡሮ ሃሳያ ባ ዶናፔ ኬሲ ዉርሶንታ ዲሺን ሳሎፔ፥ «ካዎ ናቡካዳናጾሬ! ኔ ቦላ ፒርዴቲዳ ፒርዳይ ሃይሳፌ ካሊዛይሳ። ሄኮ ኔ ካዎቴይ ኔፔ ኤኬቲዴስ።

ኢዮቤ ማጻፋ 9:12

ኢዚ ባ ኮዪዳይሳ ኤኪኮ ኦኒካ ኢዛ ዲጌና፤ ‹ኣይስ ሃይሳ ኦይ?› ጊዲ ኢዛ ኦይቻናስ ጻሊዛይ ዴና።

ኢዮቤ ማጻፋ 42:2

«ታ ጎዳዉ! ኔኒ ኡባ ሚሽ ኦናስ ዳንዳይዛይሳ ታ ኤራዲስ፤ ኔ ቆፋካ ጲ ዲጋናይ ዴና።

ዬ ማጻፋ 115:3

ኑ ጾሳይ ሳሎን ዴስ፤ ኢዚ ባ ዶሲዳይሳ ኡባ ኦስ።

ዬ ማጻፋ 135:6

ሳሎኒኔ ሳኣን፥ ኣባታኒኔ ጪማታ ኡባ ጊዶንካ ጎዳይ ባ ዶሲዳይሳ ኡባ ኦስ።

ኢሳያሳ ቲንቢቴ 40:15

ቤኢቴ ካዎቴቲ ጎምቦ ጊዶን ጾኪዳ ሃ ማላ፤ ኢስቲ ሜዛኔ ቦላ ዲዛ ጉዱላ ማላ ቆዴቴቴስ፤ ሃሩሮታ ሊቆ ቢታ ማላ ጌዳሬስ።

ኢሳያሳ ቲንቢቴ 40:17

ካዎቴቲ ኡባይ ኢዛ ሲንን ኣይኮካ ጊዴቴና፤ ኢስቲ ኣይኮራካ ጋኪ ቆዴቶንታ ሃዳ ሚሻ ማላ።