ዳኔላ ቲንቢቴ 4:14 - ጋሞ ማጻፋ

¹⁴ ኢዚካ ባ ቃላ ቁ ሂስቲዲ፥ ‹ሃይሳ ሚዛ ቃንጺቴ፤ ኢዛ ሃጋታ ኡባ ጉሪቴ፤ ኢዛ ሃይ ኡባ ዩዲቴ፤ ኢዛ ኣይፌዛ ላሊቴ፤ ኢዛ ኩዋ ጋርሳን ዲዛ ዶኣቲኔ ኢዛ ሃጋታ ቦላ ዲዛ ካፎቲ ባቃቴቶ።

Geeshsha Maxaafa

¹⁴ Izikka ba qaala dhoqqu histtidi, ‹Hayssa miththaza qanxxite; iza haggata ubbaa guurite; iza hayththa ubbaa yuudite; iza ayfeza laallite; iza kuwa garsan diza do7atinne iza haggata bolla diza kafoti baqatetto.

ዳኔላ ቲንቢቴ 4:14 Referans Kwoze

Maatosa 3:10

ሄኮ ካልታይ ቃንጻናስ ሚታ ጋርሳን ጊጌቲ ኡቲዴስ፤ ሄሳ ጊሻስ ሎኦ ኣይፌ ኣይፎንታ ሚ ዉሪ ቃንጼታናኔ ታማን ዬጌታና።

ዳኔላ ቲንቢቴ 4:23

«ካዎዞ! ኔ ቤኢዳ ጌሻ ኪታንቻይ ሳሎፔ ዎዲ፥ ‹ኢንቴ ሚዛ ቃንጺ ይሲቴ፤ ኣቲዳ ዱሩማዛኔ ጻጶዛ ቢራታፔኔ ጻርቂማላፔ ኦሴቲዳ ሳንሳላታን ዩሺ ቃቺዲ ዴምባን ማታ ጊዶን ቢታ ጋርሳን ኣጋጊቴ፤ ሄን ሳሎ ኬንቾን ሙሶ፤ ላፑን ላይ ኢዚ ዶኣታራ ዴኦ› ጊዛይሳ ሲያዳሳ።

ሉቃሳ ሚሺራቾ 3:9

ካልታይ ሚ ቃንጻናስ ሚ ጻጶን ዴስ። ሎኦ ኣይፌ ኣይፎንታ ኢታ ሚ ዉሪ ቃንጼቲዲ ታማን ዬጌታና» ጊዴስ።

Maatosa 7:19

ሎኦ ኣይፌ ኣይፎንታ ሚ ዉሪካ ቃንጼታናኔ ታማን ዬጌታና።

ዳኔላ ቲንቢቴ 4:12

ኢዛ ሃይይ ጪሊላ፤ ኢዛ ኣይፌይ ዴሬ ኡባስ ጊዳና ጋካናስ ዳሪዴስ፤ ኢዛ ኩዋይ ዶኣታስ ሼምፒዛሶ ጊዲዴስ፤ ሳሎ ካፎቲካ ኢዛ ሃጋታ ቦላ ባ ኬ ኬጺዲ ኢዛን ዴቴስ፤ ሼምፖራ ዲዛ ሜቴቲ ዉሪካ ሄ ሚዛ ኣይፌ ሜቴስ።

ዳኔላ ቲንቢቴ 3:4

ሄ ዎዴ ኣዋጃ ኣዋጂዛ ኢሳዴይ ባ ቃላ ቁ ሂስቲዲ፥ «ኢንቴኖ ዱማ ዱማ ዴሬፔ፥ ዱማ ዱማ ካዎቴፌኔ ዱማ ዱማ ቃላን ሃሳይዛሶፔ ዪዳይቶ!

ዮሃኒሳ ኣጁታ 18:2

ኢዚ ቃ ቃላን፥ «ጊታ ባቢሎና ኩንዳዱስ! ኩንዳዱስ! ኩንዳዱስ! ዳይዳን ዱሳሶ ጊዳዱስ! ቱና ኣያናታስ ኣቆሶ ጊዳዱስ! ሃራሲዛ ኢታ ካፎታስ ሼምፖሶ፥ ኢታኔ ሃራሲዛ ዶኣታስካ ኣቆሶ ጊዳዱስ።

ዮሃኒሳ ኣጁታ 10:3

ጋሞ ጻጎ ማላ ጊታ ቃላራ ጻጊዴስ፤ ኢዚ ጻጊዳ ማላ ላፑን ዳዳቲ ባ ጊሪሳ ሲሲዳ።

ዳኔላ ቲንቢቴ 5:20

ጊዶ ኣቲን ኢዚ ኦቶሬቲዳ ዎዴኔ ኢዛ ዎዚናይ ሙሚዳ ዎዴ፥ ባ ካዎቴ ኣራታፔ ዎዴስ፤ ቦንቾይካ ኢዛፔ ቃሬቲዴስ።

ኤርማሳ ቲንቢቴ 51:9

«ኣሳይ፥ ‹ኑኒ ባቢሎኔ ፓናስ ባጼቲዶስ፤ ኢዛ ጊዲኮ ፓጻና ዳንዳዩኩ፤ ኢዚ ፒርዳይ ፑዴ ሳሎ ጋኪዳ ጊሻስ ሻራን ጋካናስካ ቁ ጊዳ ጊሻስ ኢዞ ኣጋጊዲ ኣኔ ኑ ዴሬ ዴሬ ሲሞስ።

ኤርማሳ ቲንቢቴ 51:6

«ባቢሎኔፔ ባቃቲ ኬዚቴ! ኤሌሊዲ ኢንቴ ሼምፖ ኣሺቴ፤ ኢዚ ናጋራ ጋሶን ዮፒቴ፤ ሃይሲ ጎዳይ ሃሎ ኬሲዛ ዎዴ ኢዚ ኦሶ ማላ ኢዚስ ኢማና።

ኢዮቤ ማጻፋ 24:20

ኢስታ ኣዬቲ ኡባይ ኢስታ ዶጋና፤ ኢስታ ኣሾዛካ ጉጹኔይ ማና፤ ኢታ ኣሳቲ ቆፌቶኮና፤ ሄሳካ ሚ ማላ ሜቄሬታና።

ሂዚቄላ ቲንቢቴ 31:10

«ሄሳ ጊሻስ ኡባ ሃሪዛ ጎዳይ፥ ‹ጩፑ ጊዳ ቦንጮታ ቦላ ጼራ ቁ ሂስቲዲ ባና ዛራሲዳ ጊሻስ፥ ባ ኣዱሳቴን ኢዚ ኦቶሬቲዳ ጊሻስ፥

ኤርማሳ ቲንቢቴ 27:5

ታ ጊታ ዎልቃኒኔ ሚጬቲዳ ታ ኩሼን ሳኣኔ ሳኣ ቦላ ዲዛ ኣሲኔ ሜሄ ሜዲስ። ኢስታ ታ ዶሲዳዴስ ኢማና።

ዳኔላ ቲንቢቴ 2:21

ኢዚ ዎዴታኔ ኣጊናታካ ላሜስ፤ ካዎታ ኣራታን ኡቲሴስ፤ ካዎቴ ኣራታፔካ ዱጌ ዎስ፤ ኤራንቻታስ ኣ ኤራቴ ኣኬኪዛይታሲካ ኤራቴ ኢሜስ።

ዳኔላ ቲንቢቴ 4:29

ታማኔ ናምኡ ኣጊናፔ ጉዬ ኢዚ ባቢሎኔን ካዎቴ ኬ ፖቄ ቦላ ሲሜሬቲሼ፥

ዳኔላ ቲንቢቴ 5:21

ኢዚካ ዴሬ ጊዶፌ ጎዴቲዴስ፤ ኢዛ ካሃይካ ላሜቲዲ ኢዛስ ሜሄ ካሃይ ኢሜቲዴስ፤ ኢዚ ሜሄ ማላ ማታ ሚሼ ሃርዲዳታራ ዴኢዴስ፤ ኣቂዛሶይ ዪን ኢዛ ቦላይ ጻዛን ሙሲዴስ፤ ሄሲ ሄሳ ሃኒዳይ ኡባፌ ቃ ጾሳይ ካዎቴ ኡባ ቦላ ጎዳ ጊዲዳይሳኔ ካዎቴ ኡባ ባ ኮዪዳ ኣሳስ ኢማናስ ዳንዳይዛይሳ ኢዚ ኤራና ጋካናሳ።