ዳኔላ ቲንቢቴ 3:19 - ጋሞ ማጻፋ

¹⁹ ሄ ዎዴ ናቡካዳናጾሬይ ሲዲራቃ ቦላ፥ ሚሳቃ ቦላኔ ኣብዲናጎ ቦላ ኬሂ ሃንቄቲን ኢዛ ሜይካ ላሜቲ ዎዴስ፤ ላጪዛ ኢቶኔ ታማዚ ካሴፔ ላፑን ኩሼ ዳሪ ኤጻና ማላ ኣዛዚዴስ።

Geeshsha Maxaafa

¹⁹ He wode Nabukadanaxoorey Sidiraaqa bolla, Misaaqa bollanne Abdinaago bolla keehi hanqettiin iza medhaykka laametti wodhdhides; laciza itoone tamazi kaseppe laappun kushe dari eexxana mala azazides.

ዳኔላ ቲንቢቴ 3:19 Referans Kwoze

ዳኔላ ቲንቢቴ 3:13

ካዎዚ ሄሳ ሲዪዲ ኬሂ ሃንቄቲዲ ሲዲራቃ፥ ሚሳቃኔ ኣብዲናጎ ጼይጋና ማላ ኣዛዚዴስ፤ ኢስቲካ ኤሂዲ ካዎዛ ሲን ሺሺዳ።

ሌዌታ ማጻፋ 26:24

ሄ ዎዴ ታኒካ ኢንቴስ ሞርኬ ጊዳና፤ ኢንቴ ናጋራ ጊሻስ ታ ኢንቴና ላፑን ዳኮ ቃጻያና።

ሌሚሶ ማጻፋ 21:24

ኦቶራንቻይኔ ሃላጫ ኣሲ ቂንቻ ጌቴቴስ፤ ኢዚ ኦቶሮ ሃኖ ሃኔስ።

ሌዌታ ማጻፋ 26:28

ታ ኢንቴ ቦላ ሃንቆን ዴንዳና፤ ኢንቴ ናጋራ ጊሻስ ታ ኢንቴና ላፑን ዳኮ ቃጻያና።

ሃዋሬታ ኦሶ 5:33

ኣሳቲ ሄሳ ሲዪዲ ኢታ ሃንቆ ሃንቄቲዳ፤ ዎናካ ኮዪዳ።

ዳኔላ ቲንቢቴ 5:6

ሄ ዎዴ ካዎዚ ኬሂ ዳጋሚዴስ፤ ኢዛ ኣይፌሶይ ላሜቲዴስ፤ ኢዛ ኩሼቲኔ ቶሆቲ ዶጪዳ፤ ኢዛ ጋዴይ ኮኮሪዴስ።

ዬ ማጻፋ 76:10

ኔኒ ኣስ ሃንቂኮካ ሄሲ ኔ ቦንቾስ ጊዴስ፤ ኦላፔ ኣቲዳይቲ ኔ ባኣሌ ቦንቻና።

ሌዌታ ማጻፋ 26:21

« ‹ሃኢካ ኢንቴ ታስ ኢጺስ ጊዲ ኣዛዜቶንታ ኣጊኮ ታኒ ኢንቴ ቦላ ኢንቴ ናጋራ ኬና ቂጻቴዛ ላፑን ኩሼ ዳርሳና።

ሌዌታ ማጻፋ 26:18

« ‹ሄሲ ዉሪካ ኢንቴ ቦላ ጋኪዳፔ ጉዬካ ኢንቴ ታስ ኣዛዜቶንታ ኢጺኮ ታ ኢንቴ ቦላ ዬጋና ቂጻቴዛ ላፑን ኩሼ ዳርሳና።

ሃዋሬታ ኦሶ 7:54

ዱላታን ዲዛ ኣሳይ ሄሳ ሲዪዳ ማላ ዳሮ ሃንቄቲዲ ኢዛ ቦላ ባ ኣቺ ጋርጪዴስ።

ዳኔላ ቲንቢቴ 6:24

ሄሳፌ ጉዬ ካሴ ዳኔላ ዎርዶራ ሞቲዳ ኣሳቲ ባ ማቼታራ፥ ባ ናይታራ ኦይኬቲ ዪዲ ጋሞታ ኦላን ዬጌታና ማላ ካዎዚ ኣዛዚን ጋሞታ ኦላን ኢስታ ዬጊዳ፤ ኢስቲ ኦላን ዱጌ ጋኮንታ ዲሺን ጋሞቲ ፑዚ ዬጊዲ ኢስታ ሜቄታ ኒፊፊ ሂስቲ ሜንሬዳ።

ኢሳያሳ ቲንቢቴ 51:23

ታኒ ሄሳ ኔና ኡንኤዛይታ ኩሼን ዎና። ኢስቲ ኔና፥ ‹ኑኒ ኔ ቦላራ ሄሜቲዲ ኣና ማላ ዛቁላ› ጊዳ። ሂስቲን ኢስቲ ኣና ጋካናስ ኔ ዞኮ ኢስታስ ቢታ ማላኔ ኦጌ ማላ ኦዳሳ» ጌስ።

ሌሚሶ ማጻፋ 16:14

ካዎ ሃንቆይ ሃይቆ ኪታንቻ ማላ፤ ኣ ኤራንቻይ ጊዲኮ ሃንቆ ኢርጺሴስ።

ኣስቴሪ ማጻፋ 7:7

ካዎዚ ኬሂ ሃንቄቲዲ ባ ኡቲዳሶሆፔ ዴንዲ ኤቂዴስ፤ ባ ኡሻ ኣጋጊዲ ካዎ ኬ ኣታኪልቴይ ዲዛሶዛ ቢዴስ። ጊዶ ኣቲን ሃማይ ካዎይ ኢዛ ቦላ ኢታ ሚሽ ኤሃናስ ቃቺዳይሳ ኤሪዳ ጊሻስ ጎዳቴያ ኣስቴራ ኢዛ ሃይቆፔ ኣሻና ማላ ዎሳናስ ጉዬ ኣቲዴስ።

ሜቴ ማጻፋ 31:2

ያቆቤይ ላባ ኣይፌሶይ ኢዛስ ካሴ ማላ ጊዶንታይሳ ቤኢዴስ።

ዳኔላ ቲንቢቴ 2:12

ሄሲ ካዎዛ ዪሎቺዴሲኔ ሃንቄዴስ፤ ሄሳ ጊሻስ ባቢሎኔን ዲዛ ኣ ኤራንቻቲ ዉሪካ ሃይቃና ማላ ኣዛዚዴስ።

ዳኔላ ቲንቢቴ 3:20

ሄ ሄ ኣሳታ ቃቺዲ ላጪዛ ኢቶኔ ታማን ዬጋና ማላ ባ ኦላ ኣሳ ጊዶፌ ኣማርዳ ሚኖ ኣሳታ ኣዛዚዴስ።

ኣስቴሪ ማጻፋ 3:5

ማርዲኪዮሲ ኢዛስ ጉልባቲ ጎይኖንታይሳኔ ኢዛ ቦንቾንታይሳ ቤኢዲ ኬሂፔ ሃንቄቲዴስ።