ዳኔላ ቲንቢቴ 3:1 - ጋሞ ማጻፋ

¹ ካዎ ናቡካዳናጾሬይ ጌሳይ 60 ዋ፥ ጎምፓይ 6 ዋ ጊዲዳ ዎርቃ ሚስሌ ኦሲሲዲ ባቢሎኔ ዴሬን ዱራ ዴምባን ኤሲዴስ።

Geeshsha Maxaafa

¹ Kawo Nabukadanaxoorey geesay 60 wadha, gomppay 6 wadha gidida worqqa misle oosisidi Baabiloone deren Duura demban essides.

ዳኔላ ቲንቢቴ 3:1 Referans Kwoze

ኢምባቆ ቲንቢቴ 2:19

ሚ፥ ‹ኔ ቤጋ!› ሼምፖይ ባይንዳ ሹቻካ፥ ‹ኔ ዴንዳ!› ጊዛዴስ ኣዬ ኣና! ቱሙካ ኢዚ ታማርሳና ዳንዳይዜ? ሄኮ ኢዚ ቦላራ ዎርቃኒኔ ቢራን ቲዬቲዴስ፤ ኢዛስ ሼምፖይካ ዴና።

ኤርማሳ ቲንቢቴ 16:20

ኣሲ ባስ ጾስ ሜናስ ዳንዳይዜ? ኤ ዳንዳያናሺን ኢስቲ ሜዛይቲ ቱሙ ጾስ ጊዴቴና!» ጋና።

ኢሳያሳ ቲንቢቴ 46:6

ኣማርዳ ኣሳቲ ዎርቃ ባንታ ካራጺቴፔ ቆሌቴስ፤ ቢራካ ሜዛኔን ጌዳሬቴስ፤ ኢስቲ ሴሪሲ ቲጊዛ ሂላንቻ ቃጻሬቴስ፤ ኢዚካ ኢስታስ ጾሳ ሂስቲ ሜስ። ኢስቲካ ኢዛስ ጎይኔቴሲኔ ያይኔቴስ።

ሆሴኤ ቲንቢቴ 8:4

«ታ ሼኔ ጊዶንታ ኢስቲ ባስ ካዎታ ካዎዳ፤ ታና ኦይቾንታ ዲሼ ዳናታ ዶሪዳ፤ ባ ቢራፔኔ ባ ዎርቃፌ ባና ይሳና ኤቃ ጾሳታ ባስ ኦዳ።

ሃዋሬታ ኦሶ 19:26

ሃይሲ ጳዉሎሳ ጌቴቲዛይሲ ኤፌሶኔን ጻላ ጊዶንታ ኩሜ ኢሲያ ኣዉራጃን ዲዛ ዳሮ ዴሬዛ ኣማን ኣማን ባሌዛይሳ ኢንቴ ዉሪካ ቤኢዛይሳ ማላኔ ሲዪዛይሳ ማላ፥ ‹ኣሳ ኩሼን ኦሴቲዳ ኤቃቲ ሙሌካ ጾስ ጊዴቴና› ጊ ዮቴስ።

ሃዋሬታ ኦሶ 17:29

«ሂስቲኮ ኑ ጾሳ ናይታ ጊዲኮ ጾሲ ኣስ ኤራቴን ሜ ኬሲዳ ዎርቃ ዎይኮ ቢራ ዎይኮ ሹች ሚሳቴስ ጊዲ ኑ ቆፓናስ ቤሴና።

ኢሳያሳ ቲንቢቴ 2:20

ሄ ጋላስ ኣሳይ ጎይናናስ ሜዳ ባንታ ቢራ፥ ዎርቃ ሚስሌታ ጊሮሲኔ ካፎታስ ኦላና።

ዬ ማጻፋ 135:15

ካዎቴቲ ጎይኒዛ ኤቃ ጾሳቲ ቢራፔኔ ዎርቃፌ ኣሳ ኩሼን ኦሴቲዳይታ።

1ካዎታ ማጻፋ 12:28

ሄሳ ጊሻስ ካዎይ ዞሬቲዳፔ ጉዬ ዎርቃፌ ኦሴቲዳ ማራ ሚስሌ ናምኣታ ሜዲ ኣሳስ፥ «ኢስራኤሌ ኣሳዉ! ኢንቴ ሃይሳ ጋካናስ ዬሩሳላሜ ቦይሲ ጊዳና። ቤኢቴ ኢንቴና ጊብጼፔ ኬሲዳ ኢንቴ ጾሳቲ ሃይታንታ!» ጊዴስ።

ዳኔላ ቲንቢቴ 5:23

ሄሳፌ ቦላራካ ሳሎ ጎዳ ቦላ ኔ ኦቶሬታዳ ኔርካ ኔና ቁ ቁ ሂስታዳሳ፤ ጾሳ ኬፌ ዲኤቲ ዪዳ ዎርቃፌኔ ቢራፔ ኦሴቲዳ ሚሻታ ኔኒ ኤሂሳዳ፥ ኔኒ ኔ ሹሜቲ፥ ኔ ማቼቲኔ ኔ ላጌቲ ኢሲፌ ኢስታን ዎይኔ ኡሹ ኡዪዴታ፤ ሂስቲዲ ጼላናስ፥ ሲያናስ፥ ኣኬካናስ ዳንዳዮንታይታ ዎርቃፌ፥ ቢራፔ፥ ጻርቂማላፔ፥ ቢራታፔ፥ ሚፌኔ ሹቻፌ ኦሴቲዳ ኤቃ ጾሳታ ጋላቲዴታ፤ ኔ ሼምፖኔ ኔ ኦጌ ባ ኩሼን ኦይኪዳ ጾሳ ቦንቻቤካ።

ዳኔላ ቲንቢቴ 2:48

ሄሳፌ ጉዬ ካዎዚ ዳኔላ ጊታ ቦንቾሶን ዎዴስ፤ ኬሂ ዳሮ ኢሞታታ ኢዛስ ኢሚዴስ፤ ባቢሎኔ ካዎቴ ኡባ ኣይሲዛዴ ሂስቲዴስ፤ ባቢሎኔ ኤራንቻታ ኡባ ቦላ ሃላቃ ሂስቲ ሹሚዴስ።

ኤርማሳ ቲንቢቴ 10:9

ሄ ኤቃ ጾሳቲ ታርሴሴፔ ዪዳ ቢራኒኔ ኡፋዜፔ ዪዳ ዎርቃን ኣሌቄቲዳ። ኢስቲ ዎይኔ ኡሻኒኔ ኦቻ ቴራ ሚሳቲዛ ሜራ ዲዛ ማይኦን ካሜቲዳ። ኢስቲ ኡባይ ኩሼ ኦሶ ሂላታን ኦሴቲዳ።

ኢሳያሳ ቲንቢቴ 30:22

ሄሳፌ ቢራን ሜሼቲዳ ኢንቴ ኤቃ ጾሳታኔ ዎርቃን ሜሼቲዳ ሚስሌታ ኢንቴ ሞራና፤ «ኑፔ ሃኪቴ» ጊዲ ቱና ጫርቃ ማላ ኢንቴ ዎራ ዬጋና።

ዛሬ ማጻፋ 7:25

ኢስታ ኤቃ ጾሳታ ኡባ ታማን ጹጊቴ፤ ሄ ኤቃ ጾሳታ ቦላ ዲዛ ዎርቃኔ ቢራ ኣሞቲዲ ኢንቴስ ኤኮፍቴ፤ ጎዳ ኢንቴ ጾሳይ ኤቃ ጾሳታስ ጎይኖ ኢጺዛ ጊሻስ ኢንቴ ኤኪኮ ኢዚ ኢንቴስ ዎጺማዴ ጊዳና።

ኬሳ ማጻፋ 32:31

ሂስቲን ሙሴይ ጎዳኮ ሲሚ ቢዲ፥ «ሃይሲ ኣሳይ ጊታ ናጋራ ኦዴስ፤ ኢስቲ ባስ ዎርቃፌ ኤቃ ጾስ ሜዳ።

ኬሳ ማጻፋ 20:23

ታፔ ኣቲን ሃራ ጾሲ ኢንቴስ ዶፖ፤ ቢራፔ ዎይኮ ዎርቃፌ ኢንቴስ ኤቃ ጾሳታ ሜዲ ጎይኖፍቴ።

ዮሃኒሳ ኣጁታ 9:20

ሃይታ ሃ ቦሻታን ሃይቆፔ ኣቲዳ ኣሳ ዜሬቲ ካሴ ባ ኦዳ ኢታ ኦሶፔ ሲሚዲ ማሮቴን ጌሊቤቴና። ዳይዳንስ ዎርቃፌ፥ ቢራፔ፥ ጻርቂማላፔ፥ ሹቻፌ፥ ሚፌ ኦሴቲዲ ጼላናስ ዎይኮ ሃይን ሲያናስ ዎይኮ ሄሜታናስ ዳንዳዮንታ ኤቃታስ ጎይኖ ኣጊቤቴና።

ዳኔላ ቲንቢቴ 3:30

ሄሳፌ ጉዬ ካዎዚ ሲዲራቃ፥ ሚሳቃኔ ኣብዲናጎ ባቢሎኔ ኣዉራጃታን ሹሚዴስ።

ኣስቴሪ ማጻፋ 1:1

ካዎ ኣርጼኪሲሲ ሂንዴ ቢታፌ ቶጵያ ቢታ ጋካናስ ዲዛ 127 ዴሬታ ሃሪዛ ዎዴ ሃይሳፌ ካሊዛይሲ ሃኒዴስ፤

ዳኔላ ቲንቢቴ 3:14

ካዎ ናቡካዳናጾሬይ፥ «ሃይቶ ሲዲራቃ፥ ሚሳቃ፥ ኣብዲናጎ! ኢንቴ ታ ኤሲዳ ዎርቃ ሚስሌዛስ ጎይኖንታ ኢጺዳይሲኔ ታ ኤቃ ጾሳታስ ሃጋዞንታ ኢጺዳይሲ ቱሜ?

ዳኔላ ቲንቢቴ 5:4

ኡሻ ኡዪሼ ዎርቃፌ፥ ቢራፔ፥ ጻርቂማላፔ፥ ቢራታፔ፥ ሚፌኔ ሹቻፌ ኦሴቲዳ ኤቃ ጾሳታ ጋላቲዳ።

ሆሴኤ ቲንቢቴ 2:8

ታኒ ኢዚስ ካሴ ካ፥ ዎይኔ ኡሺኔ ዎጋራ ዛይቴ ኢሚዳይሳኔ ቃሴካ ኢዛ ባኣሌ ጌቴቲዛ ኤቃ ጾሳስ ያርሾ ቢራኔ ዎርቃ ኢዚስ ዳርሲዳይ ታና ጊዲዳይሳ ኢዛ ሻካ ኤራቤኩ።

ዳኔላ ቲንቢቴ 2:49

ሄሳፌካ ቦላራ ዳኔሊ ካዎዛ ቆፍሲን ካዎዚ ሲዲራቃ፥ ሚሳቃኔ ኣብዲናጎ ባቢሎኔ ኣዉራጃታ ኡባ ቦላ ኣይሲዛይታ ሂስቲ ሹሚዴስ፤ ዳኔሊ ጊዲኮ ካዎ ኬን ኡቲዴስ።