ዳኔላ ቲንቢቴ 11:21 - ጋሞ ማጻፋ

²¹ ታስ ኣጁታ ቢርሺዛ ኪታንቻዚ፥ «ኢዛፔ ጉዬ ኢሲ ካቲዳ ኣሲ ዴንዳና፤ ኢዛስ ካዎቴ ቦንቾይ ኢሜቲቤና፤ ጊዶ ኣቲን ዴሬዚ ቆፖንታ ሳሮን ዲሺን ዪዲ ጌኔራ ካዎቴ ኦይካና።

Geeshsha Maxaafa

²¹ Taas ajjuutaa birshiza kiitanchchazi, «Izappe guye issi kadhettida asi dendana; izas kawoteththa bonchchoy imettibeenna; gido attiin derezi qoppontta saron dishin yiidi genera kawoteththaa oykkana.

ዳኔላ ቲንቢቴ 11:21 Referans Kwoze

ዳኔላ ቲንቢቴ 11:34

ሃ ዴጾ ሜቶዚ ኢስታ ቦላ ጋኪዳ ዎዴ ኢስቲ ኣማርዳ ማዶ ዴማና፤ ዳሮ ኣሳቲ ኢስታ ባጋ ሚሳቲዲ ኢስታኮ ሺቃና ሺን ዎዚናፔ ጊዴና።

ዳኔላ ቲንቢቴ 8:25

ኢዚ ማካላንቻ ጊዲዳ ጊሻስ ሾጬቺ ሾጬቺ ዱሬታና፤ ኢዚ ባና ባርካ ጊታ ማላ ቆዳና፤ ሳሮን ዶስ ጊሺን ኢዚ ዳሮታ ይሳና፤ ካዎታ ካዎ ቦላ ኢዚ ዴንዳና፤ ሂስቲኮካ ዛሪዲ ኢዚ ያና፤ ጊዲኮካ ኣሳ ዎልቃን ጊዴና።

ዬ ማጻፋ 55:21

ኢዛ ዶናፔ ኬዚዛ ቃላይ ኦይሳ ማላ፤ ጊዶ ኣቲን ኢዛ ዎዚናይ ጫዲዛ ቶራ ማላ፤ ኢዛ ቃላቲ ዛይቴፔካ ኣ ሹጎ፤ ጊዶ ኣቲን ቃንጺዛ ማሻ ማላ።

ናሆሜ ቲንቢቴ 1:14

ሃኔ ናናዌ ጎዳይ ኔና፥ «ሃይሳፌ ሲንን ኔ ሱን ጼይጊዛ ዬሌታይ ዴና። ኔ ኤቃ ጾሳታ ኬን ዲዛ ማሴቲ ጊጊዳ ሚስሌታኔ ሴሪሲ ጊግሲዳ ኤቃ ጾሳታ ይሳና፤ ኔ ኢታ ጊዲዳ ጊሻስ ኔ ሞጌታናሶ ታ ቦካና» ጌስ።

ዳኔላ ቲንቢቴ 11:32

ካዎዚ ጫቆ ቃላዛ ካዲዳይታ ባሌዲ ኦጌፔ ኢስታ ካሬ ኬሳና፤ ባ ጾሳ ኤሪዛ ዴሬይ ጊዲኮ ጎባና፤ ሚኒካ ካዎዛራ ኤቄታና።

ዳኔላ ቲንቢቴ 11:20

«ኢዛሶሆን ሃራ ካዎይ ካዎታና፤ ሄ ካዎቲዳ ካዎዚ ባ ካዎቴ ቦንቾ ናጋናስ ጊራ ጊሪሲዛ ኣስ ሹማና፤ ጊዶ ኣቲን ሄ ካዎዚ ጉ ዎዴፔ ጉዬ ዴሬይ ዴንዲን ዎይኮ ኦላን ጊዶንታ ኢዚ ጮ ሃይቂ ያና።»

ዳኔላ ቲንቢቴ 11:7

«ሄራካ ኢዚ ዳቦ ጊዲዳ ኢሳዴይ ኢዚ ሶሆ ኦይካናስ ዴንዳና፤ ፑዴሃ ባጋ ካዎዛ ኦላንቻታራ ኦላ ኦይኬታና፤ ኢስታስ ኦላ ሚጻካ ሜን ጌሊዲ ኢዚ ኢስታ ጾናና።

ዳኔላ ቲንቢቴ 8:23

«ኢስታ ካዎቴ ዉርሴ ዎዴይ ጋኪሺን ማካላንቻቲ ኢታቴን ጉጂ ጉጂ ቢዛ ዎዴ ባቢሲዛ ሲን ዲዛ ባሌዛ ካዎይ ካዎታና።

ዳኔላ ቲንቢቴ 8:9

ሃይታ ኦይዱ ካጬታፔ ኢሳ ቦላ ሃራ ጉ ካጬይ ሞኪዴስ፤ ሄ ጉ ካጬዛ ዎልቃይ ዱጌሃ ባጋኔ ኣርሼይ ሞኪዛ ባጋ ጌዴ ሎኦ ዴሬይኮ ኬሂ ዲጪ ዲጪ ቢዴስ።

ዳኔላ ቲንቢቴ 7:8

«ታኒ ካጬታ ጊሻስ ቆፋን ዲሺን ካጬታ ጊዶራ ሃራ ኢሲ ጉ ካጬይ ኬዚዴስ። ኮይሮ ካጬታፔ ሄቲ ሾዴቲ ዎዳ፤ ሄ ጉ ካጬዛስ ኣሳ ኣይፌይኔ ኦቶሬቴን ሃሳይዛ ዶናይ ዴስ።

ኢሳያሳ ቲንቢቴ 32:5

ሃይሳፌ ጉዬን ኤያይ ጊታ ኣስ ጌቴቴና፤ ዎጋይ ባይንዳ ኣሲ ቦንቼቴና።

ዬ ማጻፋ 15:4

ኢታ ኣሳታ ካዛይ፥ ጊዶ ኣቲን ጎዳስ ያዪዛይታ ቦንቺዛይ፥ ኣይ ዴጺኮካ ባ ጫቂዳ ቃላ ፖሊዛይ፥

ዬ ማጻፋ 12:8

ኣሳ ጊዶን ኢታይ ቦንቼቲዳ ዎዴ ጌላቲ ኡባ ዎዴ ኦቶሬቴን ሲሜሬቴቴስ።

1ሳሜላ ማጻፋ 3:13

ኤሌይ ኤሪዛ ናጋራ ጋሶን ኢዛሶ ኣሳታ ቦላ ሜርናስ ፒርዴታናይሳ ታ ኢዛስ ዮታ ዎዲስ፤ ኢዛ ናይቲ ፓራ ሚሽ ኦዳ፤ ጊዶ ኣቲን ኢዚ ኢስታ ሄ ኦሶዛ ዲጊቤና።

ዳኔላ ቲንቢቴ 4:17

« ‹ሃ ፒርዳ ቃሾይ ጌሻ ኪታንቻታ ባጋራ ቆንጪ ዮቴቲዴስ፤ ሄሲካ ኡባፌ ቃ ጾሳስ ሳኣ ካዎታ ቦላ ኢዛስ ጎዳቴ ዲዛይሳኔ ካዎቴታካ ባ ዶሲዳዴስ ኢሚዛይሳ፥ ኣሳፔ ካቲዳይታ ኢስታ ቦላ ኢዚ ሹሚዛይሳ፥ ሜታ ኡባይ ኤራና ማላሳ› ጊዴስ።