ቆላሲያሴ ኣሳስ 3:15 - ጋሞ ማጻፋ

¹⁵ ኢንቴ ዉሪካ ኢሲ ኣሾ ጊዲዲ ሳሮቴስ ጼይጌቲዳ ኪርስቶሳ ሳሮቴ ኢንቴ ዎዚናን ካዎቶ፤ ኢንቴ ጋላቲዛይታ ጊዲቴ።

Geeshsha Maxaafa

¹⁵ Intte wurikka issi asho gididi saroteththas xeygettida Kirstoosa saroteththi intte wozinan kawoto; intte galatizayta gidite.

Gamo Geesha Maxxafa New Testamen

¹⁵ Inte wurikka issi asho gididi sarotethas xeeygetida kiristoosa saroteth inte wozinan kawoto. Inte galatizayta gidite.

ቆላሲያሴ ኣሳስ 3:15 Referans Kwoze

ዮሃኒሳ ሚሺራቾ 14:27

«ታ ኢንቴስ ሳሮቴ ኣጋዳ ባይስ፤ ታ ሳሮቴካ ታ ኢንቴስ ኢማና፤ ታ ኢንቴስ ኢሚዛ ሳሮቴ ኣላሜይ ኢሚዛ ሳሮቴ ማላ ዴና፤ ኢንቴ ዎዚናይ ሂርጎፎኔ ባቦፎ።

ኢሳያሳ ቲንቢቴ 26:3

ኔናን ኣማኔቲዳ ጊሻስ ኔናን ዜምፒዳ ሼምፖዮ ኔኒ ኩሜ ሳሮቴን ናጋሳ።

ኦሮሜ ኣሳስ 15:13

ኢንቴ ኢዛን ኣማኒዛ ጊሻስ ሂዶታ ጾሲ ኢንቴናን ኡፋይሲኔ ሳሮቴ ኩን፤ ሄሲካ ጺሎ ኣያና ዎልቃ ሂዶታይ ኢንቴስ ዳራናሳ።

1ታሶሎንቄ ኣሳስ 5:18

ኣይ ሃኖንካ ጋላቲቴ፤ ጾሳ ሼኔይ ኢንቴስ ዬሱስ ኪርስቶሳ ባጋራ ሄሳ።

ዬ ማጻፋ 29:11

ጎዳይ ባ ዴራስ ዎልቃ ኢሜስ። ባ ኣሳካ ሳሮቴን ኣንጄስ።

ኦሮሜ ኣሳስ 5:1

ሂስቲኮ ኑኒ ኣማኖን ጺሊዳ ጊሻስ ኑ ጎዳ ዬሱስ ኪርስቶሳ ባጋራ ኑስ ጾሳራ ሳሮቴ ዴስ።

ቆላሲያሴ ኣሳስ 3:17

ኢዛ ባጋራ ጾሳ ኣዋስ ጋላታ ሺሺሼ ቃላን ጊዲን ዎይኮ ኦሶን ኢንቴ ኦዛይሳ ኡባ ጎዳ ዬሱሳ ሱንን ኦቴ።

ዮሃኒሳ ሚሺራቾ 16:33

ታ ሃይሳ ኢንቴስ ዮቲዛይ ኢንቴ ታናን ዴኢን ኢንቴስ ሳሮቴ ዳና ማላ ጋዳ ዮታይስ። ኢንቴ ሃ ኣላሜን ዲሺን ኢንቴስ ዋዬይ ዴስ፤ ጊዶ ኣቲን ኣይኮይ ባ፤ ታ ኣላሜ ጾናዲስ» ጊዴስ።

ኤፌሶኔ ኣሳስ 5:20

ሄሳን ጾሳ ኣዋ፥ ጎዳ ዬሱስ ኪርስቶሳ ሱን ኡባ ሚሻስ ኡባ ዎዴ ጋላቲቴ።

2ቆሮንቶሴ ኣሳስ 9:11

ኢንቴ ኪያቴን ኢሞይሲ ኑ ባጋራ ኢስታ ጋኪዛ ኣሳቲ ጾስ ጋላታና ማላ ኢንቴ ኡባ ዎዴ ኪያቴ ኢማና ማላ ጾሲ ኢንቴና ኡባሶራ ዱሬሳና።

ኤፌሶኔ ኣሳስ 4:4

ኢንቴ ጼይጌቲዳ ጋላስ ኢሲ ሂዶታኮ ጼይጌቲዳ ማላ ኢሲ ኣሳቴኔ ኢሲ ኣያናይ ዴስ።

ኦሮሜ ኣሳስ 14:17

ጾሳ ካዎቴ ጺሎ ኣያናን ቤቲዳ ጺሎቴ፥ ሳሮቴኔ ኡፋይሳፌ ኣቲን ሙሳ ዮኦኔ ኡሻ ዮኦ ጊዴና።

ዬ ማጻፋ 116:17

ኣቤት ጎዳዉ! ታኒ ጋላታ ያርሾ ኔስ ያርሻና፤ ሂስታዳ ኔ ሱን ጼይጋና።

1ጺምቶሳስ 2:1

ሄሳ ጊሻስ ኡባፌ ኮይሮ ሃራ ኣሳስ ሾቤ ዎሳ፥ ጋናቴ ዎሳኔ ጋላታ ዎሳ ኣሳ ኡባስ ካዎታሲኔ ዴሬ ኣይሲዛይታስ ኡባስ ዎሳና ማላ ታ ኔና ቆፍሳይስ።

ቆላሲያሴ ኣሳስ 2:7

ኢንቴ ኢዛን ቶኬቲዲኔ ኬጼቲዲ ኢንቴ ታማርዳ ማላ ኣማኖን ሚኒዲ ዳሮ ቲርፓ ጋላታ ኢዛስ ሺሺሼ ዲቴ።

ኤፌሶኔ ኣሳስ 5:1

ሄሳ ጊሻስ ኢንቴ ዶሴቲዛ ናይታ ማላ ጾስ ሚሳቲቴ።

2ቆሮንቶሴ ኣሳስ 4:15

ዳሮ ኣሳ ጋኪሼ ዲዛ ኪያቴ ጾሳ ቦንቾስ ጋላታ ቦላ ጋላታ ጉጃና ማላ ሃይሲ ዉሪካ ኢንቴና ጎኣናስ ሃኒዴስ።

ኢሳያሳ ቲንቢቴ 57:15

ቁ ጊዳይሲ፥ ኡባ ሃሪዛይሲ፥ ኢዛስ ሱንይካ ጌሽ ጌቴቲዳይሲ፥ ሜርናስ ዴኢዛይሲ፥ «ካዉዪዳይታ ኣያና ዴንናስ፥ ዎዚናይ ሜቂዳይታ ሚንናስ፥ ቁ ጊዳ ጌሻሶሆን ታ ዴኣይስ፤ ቃሴካ ዎዚናይ ሜቂዳይታራኔ ኣያናን ኣሽኬ ጊዲዳይታራ ታኒ ዴኣና።

ዮሃኒሳ ኣጁታ 7:12

«ኣሚን! ሳባይ፥ ጊታቴ፥ ኤራቴ፥ ጋላታይ፥ ቦንቾይ፥ ዎልቃይኔ ሚኖቴ ኑ ጎዳስ ጾሳስ ሜርናፔ ሜርናስ ጊዶ። ኣሚን!» ጊዳ።

ኤፌሶኔ ኣሳስ 4:16

ኢዛ ጋሶን ኣሳቴ ዉሪ ጻጶን ኦይኬቲዲ ኢሲ ኢሲ ኣሳቴ ባ ኦሶ ኦሼ ዉሪካ ሲቆን ዲጬሲኔ ባናካ ሚንስ።

ዬ ማጻፋ 107:22

ኢስቲ ኢዛስ ጋላታ ያርሾ ያርሼቶ፤ ቃሴካ ኡፋይሳ ዬን ኢዚ ኦዳ ኦሶ ቆንጪሴቶ።

ቆላሲያሴ ኣሳስ 1:12

ኣማኒዛይቲ ላቲዛሶ ፖኦ ካዎቴ ላቲዛይታ ኑ ጊዳና ማላ ኑና ጋዳ ኑ ኣዋ ኢንቴ ጋላታናሳ።

ዬ ማጻፋ 100:4

ኢዛ ፔንጌ ጋላታራ፥ ኢዛ ዛጎ ሳባራ ጌሊቴ፤ ኢዛ ጋላቲቴ፤ ኢዛ ሱንካ ኣንጂቴ።

Ibirawe 13:15

ሄሳ ጊሻስ ኡባ ዎዴ ጋላታ ያርሾ ሄሲካ ኢዛ ሱንስ ማርካቲዛ ኑ ዶናፔ ቤቲዛ ኣይፌ ጊዲዳዝ ዬሱሳ ባጋራ ጾሳስ ኣኔ ሺሾስ።

1ቆሮንቶሴ ኣሳስ 7:15

ጊዶ ኣቲን ናምኣታፔ ኢሶይ ኣማኖንታዴይ ሻኬታና ኮይኮ ሻኬቶ፤ ኣዴ ጊዲን ማጫ ጊዲን ኣማኒዛዴይ ሄሳ ማላ ዎጋን ቃሼቴና፤ ጾሲ ኑና ሳሮን ዳና ማላ ጼይጊዴስ።

ኦሮሜ ኣሳስ 1:21

ኢስቲ ጾስ ኤሪኮካ ኢዛ ጾሳቴ ማላ ኢዛ ቦንቺቤቴናኔ ጋላቲቤቴና፤ ጊዶ ኣቲን ኢስታ ቆፋይ ሜላ ጎኣይ ባይንዳዝ ጊዲዴሲኔ ዩሺ ቆፖንታ ማላ ኢስታ ዎዚናይ ሚዴስ።

ዮናሳ ቲንቢቴ 2:9

ጊዶ ኣቲን ታ ጋላታ ኔስ ያርሻና፤ ታ ኣዲኔቲዳይሳ ኡባካ ጋና፤ ኣይስ ጊኮ ኣቶቴ ጎዳፔ ዬስ» ጊ ዎሲዴስ።

ኢሳያሳ ቲንቢቴ 27:5

ዎይኮ ታኮ ዪዲ ታና ባንታስ ቆቴቲዛሶ ኬሴቶ፤ ታናራ ጊጌቶ፤ ኤ ታናራ ጊጌቶ» ጌቴታና።

ኢሳያሳ ቲንቢቴ 57:19

ኢስራኤሌ ቢታን ዬኪዛይታ ዶናን ታ ጋላታ ዎና። ማታኒኔ ሃሆን ዲዛይታስ ሳሮይኔ ዎፓይ ጊዶ። ታኒ ኢስታ ፓና» ጌስ።

1ቆሮንቶሴ ኣሳስ 10:17

ኡኬይ ኢሲኖ ጊዲዳ ማላ ኑኒካ ዳሮ ጊዲ ኡቲዲ ዉሪካ ኢሲ ኣሾ፤ ኑ ዉሪካ ኢሲ ኡኬዛ ጊሼቲ ሞስ።

1ጺምቶሳስ 6:12

ኣማኖ ባጼ ሎኤ ባጼታ፤ ዳሮ ማርካታ ሲንን ሎኦ ኣማኔቴን ኔ ማርካቲዳይሳኔ ኔ ኢዛስ ጼይጌቲዳ ሜርና ዴኦዛ ሎኤ ኦይካ።