ሃዋሬታ ኦሶ 6:8 - ጋሞ ማጻፋ

⁸ ሄ ዎዴ ኢስቲፋኖሲ ጾሳ ኢሞቴኒኔ ዎልቃን ኩሚዲ ዴሬዛ ጊዶን ጊታ ማላሊሲዛ ማላታታ ኦዴስ።

Geeshsha Maxaafa

⁸ He wode Isttifaanosi Xoossa imoteththaninne wolqqan kumidi dereza giddon gita malalisiza malaatata ooththides.

Gamo Geesha Maxxafa New Testamen

⁸ He wode isxxifanosey Xoossa immotethanine wolqan kummid dereza garssan giitta malalisiza malatata ooththides.

ሃዋሬታ ኦሶ 6:8 Referans Kwoze

ሃዋሬታ ኦሶ 7:55

ጊዶ ኣቲን ኢስቲፋኖሲ ጺሎ ኣያናን ኩሚዲ ፑዴ ሳሎ ቲሺ ሂስቲ ጼሊሺን ጾሳ ቦንቾን ዬሱሲ ጾሳ ኡሻቻን ኤቂዳይሳ ቤኢዲ፥ «ሄኮ ታ ሳሎይ ዶዬቲዳይሳኔ ኣሳ ናይ ጾሳ ኡሻቻን ኤቂዳይሳ ቤያይስ» ጊዴስ።

ሃዋሬታ ኦሶ 6:5

ኢስቲ ጊዳ ዮኦይ ሲዪዳይታ ኡፋይሲዴስ፤ ኣማኖኒኔ ጺሎ ኣያናን ኩሚዳይቲ ኢስቲፋኖሴ፥ ፒሊጶሳ፥ ጲሮስቆሮሳ፥ ኒቃሮና፥ ጺሞና፥ ጳርሜናኔ ዩሁዳቴን ጌሊዳ ኣንጾኪያ ዴሬ ኣስ ኒቆሎሳ ዶሪዳ።

1ጺምቶሳስ 3:13

ዎጋራ ኦዳይቲ ባስ ጊታ ቦንቾኔ ዬሱስ ኪርስቶሳን ኢስታስ ዲዛ ኣማኖን ዳሮ ጻላቴ ዴማና።

ሃዋሬታ ኦሶ 6:15

ዱላታ ኡቲዳ ኣሳይ ዉሪ ኢስቲፋኖሴ ቲሺ ሂስቲ ጼሊሺን ኢዛ ኣይፌሶይ ኢስታስ ኪታንቻ ኣይፌሶ ሚሳቲ ቤቲዴስ።

ሃዋሬታ ኦሶ 6:10

ጊዶ ኣቲን ኤራቴን ኢዚ ሃሳይዛ ሃሳያኔ ኢዛን ዲዛ ኣያና ኤቄታናስ ዳንዳይቤቴና።

ሃዋሬታ ኦሶ 8:6

ዳሮ ዴሬይ ፒሊጶሲ ኦዛ ማላታ ቤኢዲ ኢዚ ዮቲዛ ቃላ ዎዚናፔ ሎኤ ሲዪዴስ።

ሃዋሬታ ኦሶ 6:3

ሄሳ ጊሻስ ኑ ኢሻቶ! ኢንቴ ጊዶፌ ኤራንቻታ፥ ጺሎ ኣያናን ኩሚዳይታኔ ሎኦ ማርካቴ ዲዛ ላፑን ኣሳታ ዶሪቴ፤ ሃይሳ ኣላፌቴ ኑ ኢስታስ ኢማና።

ኤፌሶኔ ኣሳስ 4:11

ኢሲ ኢሲ ኣሳቲ ሃዋሬታ፥ ባጋይቲ ናቤታ፥ ሃራቲ ሚሺራቾ ቃላ ሳባኬ፥ ባጋይቲ ቃሴ ሄሚዛይታኔ ታማርሲዛይታ ጊዳና ማላ ኢዚ ኢሞታ ኢሚዴስ።

ዮሃኒሳ ሚሺራቾ 4:48

ዬሱሲካ ኢዛስ፥ «ኢንቴ ጊታ ማላታታኔ ማላሊሲዛዝ ቤኦንታ ኣይኮካ ኣማኔኬታ» ጊዴስ።