ሃዋሬታ ኦሶ 3:19 - ጋሞ ማጻፋ

¹⁹ ሄሳ ጊሻስ ኢንቴ ናጋራይ ቁጬቲ ያና ማላ ማሮቴን ጌሊቴ፤ ኢንቴ ቢዛ ኦጌፔ ሲሚቴ፤ ጎዳ ማታፔ ኢንቴ ኦራጻና ዎዴይ ኢንቴስ ያና።

Geeshsha Maxaafa

¹⁹ Hessa gishshas intte nagaray qucetti dhayana mala maaroteththan gelite; intte biza ogeppe simmite; Godaa matappe intte ooraxana wodey inttes yaana.

Gamo Geesha Maxxafa New Testamen

¹⁹ Hessa gish inte nagaray qucceti dhayana mala marotethan gellite, inte biza oggepe simmite goda matappe inte oraxxana wodey intes yana.

ሃዋሬታ ኦሶ 3:19 Referans Kwoze

ሃዋሬታ ኦሶ 2:38

ጴጽሮሲካ፥ «ማሮቴን ጌሊቴ፤ ኢንቴ ናጋራይ ማሬታና ማላ ኢንቴፌ ኢሲ ኢሲ ኣሲ ዬሱስ ኪርስቶሳ ሱንን ጻማቄቲቴ፤ ኢዚ ኢሚዛ ጺሎ ኣያና ኢንቴ ኤካና።

ኢሳያሳ ቲንቢቴ 44:22

ታኒ ኔ ሞሮ ሻራ ማላ፥ ኔ ናጋራካ ማላዶ ቱላላ ማላ ቁጫ ይሳዲስ፤ ታኒ ኔና ዎዚዳ ጊሻስ ሃ ታኮ ሲማ› » ጌስ።

ኢሳያሳ ቲንቢቴ 43:25

«ታ ጊሻስ ጋዳ ኔ ቆሆዛ ይሲዛይ ታኒ ታና፤ ኔ ናጋራ ታ ቆፒኬ።

ዬ ማጻፋ 51:9

ኔ ሲን ታ ናጋራፔ ሃራሶ ዛራ፤ ታ ቆሆ ኡባካ ቁጫ ዲጋ።

2ታሶሎንቄ ኣሳስ 1:7

ዋዬ ኤኪዳ ኢንቴሲኔ ኑስ ሼምፖ ኢማና፤ ሄሲካ ጎዳ ዬሱስ ኪርስቶሲ ዎልቃማ ሳሎ ጾሳ ኪታንቻታራ ሳሎ ቦላ ቆንጪዛ ዎዴ ሃናና።

ኤርማሳ ዚላስ 3:40

ሄሳ ኣጊዲ ኑኒ ኑ ኦጌ ኣኔ ፒልጊ ጼሎስ፤ ጎዳኮካ ሲሞስ።

ሃዋሬታ ኦሶ 11:21

ጎዳ ማዶይካ ኢስታራ ዴስ፤ ቆዳን ኬሂ ዳሮ ኣሳይ ኣማኒዲ ጎዳኮ ሲሚዴስ።

2ጴጽሮሳ ኪታ 3:8

ታ ሲቆቶ! ኢንቴ ጊዲኮ ጎዳ ኣቻን ኢሲ ጋላሲ ሺ ላይ ማላ፤ ቃሴካ ሺ ላይ ኢሲ ጋላሳ ማላ ጊዲዳይሳ ሄሳ ሄ ሃኖዛ ባሎፒቴ።

ሃዋሬታ ኦሶ 28:27

ጋሶይካ ሄ ኣሳታ ዎዚናይ ሙሚዴስ፤ ኢስታ ሃይይካ ቱሊዴስ፤ ኢስታ ኣይፌይ ቆቂዴስ። ሄሳ ሃኖንታኮ ኢስቲ ባ ኣይፌራ ቤኢዲ፥ ባ ሃይራ ሲዪዲ ባ ዎዚናን ዩሺ ቆፒዲ፥ ታኮ ሃ ሲማናኔ ታኒካ ኢስታ ፓናሺን› ጊዴስ።

1ጴጽሮሳ ኪታ 2:25

ኢንቴ ይዳ ዶርሳታ ማላ ቶይላቲዴታ፤ ሃኢ ጊዲኮ ኢንቴ ሼምፖ ሄሚዛይሳኮኔ ናጊዛይሳኮ ሲሚዴታ።

2ታሶሎንቄ ኣሳስ 1:10

ኢስቲ ቃጻዬታናይ ኢዚ ጌሻታ ኣቻን ቦንቼታናሲኔ ኣማኒዛይቲ ዉሪ ኢዛን ማላሌታና ማላ ኢዚ ዪዛ ጋላሳን ሃናና፤ ኢንቴካ ሄ ኣማኒዛ ኣሳራ ዳና፤ ጋሶይካ ኑ ኢንቴስ ማርካቲዳይሳ ኢንቴ ኣማኒዳ ጊሻሳ።

ሃዋሬታ ኦሶ 11:18

ኢስቲ ሄሳ ሲዪዳ ዎዴ ኢስታስ ጊዛዚ ዪን ጮኡ ጊ ሲሚዲ፥ «ሃይሳ ማላ ጊዲኮ ኣይዛቤቲካ ሃ ኦራ ዴኦኮ ያና ማላ ጾሲ ኣሳስ ማሮቴ ኢሚዴስ ጉሳ» ጊዲ ጾሳ ጋላቲዳ።

ሉቃሳ ሚሺራቾ 1:16

ኢስራኤሌ ኣሳፔ ዳሮታ ኢስታ ጾሳኮ ዛራና።

ሆሴኤ ቲንቢቴ 14:2

ፓጼ ቃላ ኤኪ ጎዳኮ ሲሚዲ፥ «ኑ ናጋራ ኡባ ኣቶ ጋ፤ ኑኒ ኑ ዶናፔ ጋላታ ሺሻና ማላ ኔ ማሮቴን ኑና ኤካ።

ዳኔላ ቲንቢቴ 9:13

ካሴ ሙሴ ዎጋን ጻፌቲዳ ማላ ኔኒ ሃይሳ ሃ ሜቶዛ ዉርሳካ ኑ ቦላ ኤሃዳሳ፤ ጎዳ ኑ ጾሳዉ! ሄሲ ዉሪ ሃኒንካ ኑኒ ኑ ናጋራፔ ሲሚዲኔ ቱማ ካሊዲ ኔፔ ማሮቴ ዴማናስ ኮዪቤኮ።

ኦሮሜ ኣሳስ 11:25

ታ ኢሻቶ! ኢንቴ ጪንጫ ኣስ ጊዲዳይሳ ኢንቴስ ሚሳቶንታ ማላ ሃይሳ ጊዶ ጹራ ዮኦዛ ኢንቴ ኤሮንታ ኣታና ማላ ታ ኮይኬ። ሄሲካ ኣይዛቤታፔ ጼይጌቲዳይቲ ዉሪ ኣማናና ጋካናስ ኢስራኤሌ ናይታ ዎዚናይ ሙሚዴስ።

ሃዋሬታ ኦሶ 17:26

ኣሳ ዜሬ ኡባ ኢሳዴፌ ሜዲ ኣሲ ቢታ ቦላ ዳና ማላ ኦዴስ፤ ኣሳይ ዳና ዎዴኔ ዉርሴ ስ ዎዴስ።

ሃዋሬታ ኦሶ 15:3

ሄሳ ጊሻስ ዎሳ ኬያ ኢስታ ዬሩሳላሜ ባና ማላ ኪቲን ኢስቲ ፒንቄራኔ ሳማሪያራ ኣ ቢሼ ሄን ዲዛ ኣይዛቤቲ ኣማኖን ሲሚዳይሳ ዮቲዳ፤ ሄ ዎዴ ኣማኒዛይቲ ሄሳ ሲዪዲ ኬሂ ኡፋዬቲዳ።

ሃዋሬታ ኦሶ 3:21

ጾሲ ካሴ ጌሻ ናቤታ ዶናን ሃሳይዳይሳ ማላ ሃኒዛይሳ ኡባ ኦራጺሳና ዎዴይ ጋካናስ ኢዚ ሳሎን ጋምኣናስ ኮሼስ።

ሃዋሬታ ኦሶ 1:6

ኢስቲካ ኢሲ ቦላ ሺቄቲ ዲሼ፥ «ጎዶ! ኔ ኢስራኤሌታ ካዎቴ ዛራዳ ሃኢ ኤሳኔ?» ጊ ኦይቺዳ።

ኢዩኤሌ ቲንቢቴ 2:13

ኢንቴ ኢንቴ ካዮ ቤሳናስ ማይኦ ዳኬ ጻላ ጊዴና፤ ሄሳፌ ቦላራ ኢንቴ ዎዚናይ ሜቂን ማሬቲቴ፤ ጎዳ ኢንቴ ጾሳይ ኪያኔ ማሪዛ ጾሳ፥ ሃንቆስካ ኤሶቴና፤ ሜርና ሲቆን ኢዚ ዱሬኔ ቃጻያናስ ኤሶቶንታ ጾሳ፤ ሄሳ ጊሻስ ኢንቴ ኢዛኮ ሲሚቴ።

ኤርማሳ ዚላስ 5:21

ጎዳዉ! ኔኒ ኑና ኔኮ ዛራ፤ ኑኒካ ኔኮ ሲማና! ቤኒ ኑ ቦንቾዛ ዛራዳ ኑና ኦራ!

ኤርማሳ ቲንቢቴ 50:20

ሄ ዎዴታኒኔ ሄ ጋላሳታን ጎዳይ፥ «ኢስራኤሌ ሞሮይ ኮዬታና፤ ጊዶ ኣቲን ኢሲናካ ቤቱኩ፤ ዩሁዳ ናጋራይካ ኮዬታና፤ ጊዶ ኣቲን ሙሌካ ቤቴና፤ ሃይቆፔ ታ ኣሺዳ ሾጌታ ታ ማራና» ጌስ።

ኢሳያሳ ቲንቢቴ 61:9

ኢስታ ዛሬቲ ካዎቴታ ጊዶን፥ ኢስታ ናይቲ ዴሬ ጊዶን ኤሬቲዳይታ ጊዳና፤ ኢስቲ ቤኢዛ ኡባይ ጎዳይ ኣንጂዳ ዴሬ ጊዲዳይሳ ኤራና፤

ኢሳያሳ ቲንቢቴ 61:3

ቃሴካ ጺዮኔን ካዮቲዛይታ ዶሺሳና ማላ፥ ቢዲን ጊሻስ ፑላቴ ካላቻ፤ ዬሆ ጊሻስ ኡፋይሳ ዛይቴ ኢስታ ሁኤን ታ ጉሳና ማላ፥ ጬጬ ኣያና ጊሻስ ጋላታ ሴሎ ታ ኢስታ ቦላ ጎጳና ማላ ታና ኪቲዴስ፤ ኢስቲካ ኢዛ ቦንቾ ቆንጪሳና ማላ ጎዳይ ቶኪዳ ጺሎ ሚ ጌቴቲ ጼይጌታና።

ኢሳያሳ ቲንቢቴ 51:11

ጎዳይ ዎዚዳይቲ ሲማና፤ ዬጺሼካ ጺዮኔ ጌላና፤ ሜርና ኡፋይሳ ካላቻ ሁኤን ጎጻና፤ ኢስቲ ኢንጄኔ ኡፋይሳ ዱስ ዴማና፤ ጬጬይኔ ዬሆይ ኢስታፌ ባቃታና።

ኢሳያሳ ቲንቢቴ 6:10

ሃይሳ ዴራ ዎዚና ዳሚሳ፤ ኢስታ ሃይካ ቱሊሳ፤ ኢስታ ኣይፌዛካ ቆቂሳ፤ ሂስቶንታ ኣጊኮ ኢስቲ ባንታ ኣይፌን ቤኣና፤ ባንታ ሃይን ሲያና፤ ባንታ ዎዚናንካ ኣኬካና፤ ሂስቲዲ ኢስቲ ታኮ ሲሚዲ ፓጻና» ጊዴስ።

ዬ ማጻፋ 103:12

ኣርሼይ ሞኪዛሶፔ ዉሊዛሶይ ሃኪዛ ማላ ጎዳይ ኑ ሞሮዛ ኑፔ ሃሲዴስ።

ዬ ማጻፋ 51:13

ሂስቲኮ ታኒ ሞራንቻታ ኔ ኦጌ ታማርሳና፤ ሄ ናጋራንቻቲካ ኔኮ ሲማና።

ዮሃኒሳ ኣጁታ 21:4

ኢዚ ኢስታ ኣይፌፔ ኣፉን ኡባ ቁጫና፤ ካሴ ዎጋይ ኣዳ ጊሻስ ሃይቆይ ዎይኮ ሙዞቴ ዎይኮ ዬሆይ ዎይኮ ዋዬይ ሃይሳፌ ጉዬ ዴና» ጊዛ ጊታ ቃላይ ኬዚሺን ታኒ ሲያዲስ።

2ጺምቶሳስ 2:25

ኢዚ ባናራ ኤቄቲዛ ኣሳታ ኣሽኬቴራ ኦይኪዛዴ ጊዳናስ ቤሴስ፤ ኦኔ ኤሪዛይ ኢስቲ ቱማ ኤራና ማላ ጾሲ ኢስታስ ማሬታናስ ዎዴ ኢማና ዳንዳዬስ።

ኤርማሳ ቲንቢቴ 36:3

ታኒ ዩሁዳ ኣሳ ቦላ ኤሃና ጋዳ ሃልቺዳ ቦሻ ኡባ ኣሳይ ሲዪዲ ኢሶይ ኢሶይ ባ ቢዛ ኢታ ኦጌፔ ሲማናኮ ኦኔ ኤሪዛይ? ታኒካ ኢስታ ቆሆኔ ኢስታ ናጋራ ኣቶ ጋና» ጊዴስ።

ሂዚቄላ ቲንቢቴ 33:11

ኔኒ ኢስታስ ኡባ ሃሪዛ ጎዳይ፥ ‹ታኒ ታ ዴኦን ጫቃይስ፤ ኢስቲ ባ ኦጌፔ ሲሚዲ ሼምፖራ ፓጻ ዳና ማላ ኣቲን ኢታ ኣሳታ ሃይቆን ታ ኡፋዬቲኬ፤ ሲሚቴ! ኢንቴ ኢታ ኦጌፔ ሲሚቴ! ኢስራኤሌ ኬ ኣሳቶ ኣይስ ሃይቄቲ?› ጋዳ ዮታ።

ሃዋሬታ ኦሶ 3:20

ቃሴካ ጾሲ ካሴ ኢንቴስ ዶሪ ዎዳ ዬሱስ ኪርስቶሳ ኢዚ ኢንቴስ ዬዳና።

Ibirawe 4:1

ጌዴ ሼምፖሶ ጌላናስ ኢሜቲዳ ሂዶታይ ሃኢካ ናጌቲ ዲዛ ጊሻስ ኢንቴ ጊዶፌ ኦኒካ ሄሳስ ቤሶንታዴ ጊዶንታ ማላ ኣኔ ናጌቶስ።

ሉቃሳ ሚሺራቾ 22:57

ጴጽሮሲካ፥ «ሃኔ ማጫሳዬ! ታ ኢዛ ኤሪኬ» ጊዲ ካዲዴስ።