ሃዋሬታ ኦሶ 19:10 - ጋሞ ማጻፋ

¹⁰ ሄሳ ማላ ኦሶን ናምኡ ላይ ጋምኢዳ ጊሻስ ኢሲያ ኣዉራጃን ዲዛ ኣይሁዳቲኔ ጊሪኬ ኣሳይ ዉሪ ጎዳ ቃላ ሲያና ዳንዳይዴስ።

Geeshsha Maxaafa

¹⁰ Hessa mala ooson nam7u layth gam7ida gishshas Iisiya awuraajjan diza Ayhudatinne Girike asay wuri Godaa qaala siyana dandaydes.

Gamo Geesha Maxxafa New Testamen

¹⁰ Hessa mala ooson namm7u laythth gammida gish Isyya awurajjan diza Ayhudatine girkke asay wuri Goda qaala siyana danddaides.

ሃዋሬታ ኦሶ 19:10 Referans Kwoze

ሃዋሬታ ኦሶ 20:31

ሄሳ ጊሻስ ኢንቴና ኢሳ ኢሳ ሄ ላይ ቃማኔ ጋላስ ኣፉንን ዞሪዳይሳ ዩሺ ቆፒቴኔ ናጌቲቴ።

2ጺምቶሳስ 1:15

ኢሲያ ኣዉራጃ ጊዶን ዲዛይቲ ዉሪካ ታና ኣጊዳይሳ ኔ ኤራሳ፤ ፊልጎሲኔ ሄርሞጌኔሲ ታና ኣጊዳ ኣሳራ ዴቴስ።

ቆላሲያሴ ኣሳስ 3:11

ሄን ጊሪኬ ኣስ ጊዲን ዎይኮ ኣይሁዳ ኣስ ዎይኮ ቃጻሬቲዳይታ ዎይኮ ቃጻሬቶንታይታ ዎይኮ ታማርዳይታኔ ታማሮንታይታ ዎይኮ ማሬቶንታይታ ዎይኮ ኣይሌ ዎይኮ ጎቃ ጌቴቲዛ ዱማቴ ዴና፤ ኪርስቶሲ ሄይታንታ ኡባሳ፤ ቃሴ ኡባንካ ዴስ።

ጋላቲያ ኣሳስ 3:28

ኢንቴ ዉሪካ ዬሱስ ኪርስቶሳን ኢሲኖ ኣቲን ኣይሁዳኔ ጊሪኬ፥ ኣይሌኔ ጎቃ፥ ማጫኔ ኣዴ ጊዛ ዱማቴ ዴና፤ ኢንቴ ዉሪካ ዬሱስ ኪርስቶሳን ኢሲኖ።

ኦሮሜ ኣሳስ 10:18

ጊዶ ኣቲን ኣሳይ ሲዪቤኔሻ? ጋዳ ታ ኦይቻይስ፤ ቱማፔ ኣሳይ ሲዪዴስ፤ ጌሻ ማጻፋን ጻፌቲዳ ማላ፥ «ኢስታ ቃላይ ቢታ ኡባኒኔ ኣላሜ ጋጻ ጋካናስ ሲዬቲዴስ።»

ኦሮሜ ኣሳስ 10:12

ኣይሁዳታ ጊዶኒኔ ኣይዛቤታ ጊዶን ዱማቴ ዴና፤ ኢሲ ጎዳይ ኡባሲካ ጎዳ፤ ኢዛ ዎሲዛይታ ጉጂ ኣንጄስ።

ኦሮሜ ኣሳስ 1:16

ኣማኒዛይቲ ዉሪ ኣታና ማላ ጾሳ ዎልቃ ጊዲዳ ጊሻስ ታኒ ሚሺራቾ ቃላን ዬላቲኬ፤ ሄሲካ ኮይሮ ኣይሁዳታስ ካሊዲ ኣይዛቤታሳ።

ሃዋሬታ ኦሶ 16:6

ጳዉሎሲኔ ኢዛራ ዲዛ ዛታቲ ቃላ ኢሲያን ሳባኮንታ ማላ ጺሎ ኣያናይ ዲጊዳ ጊሻስ ፒርጊያራኔ ጋላቲያ ዴሬራ ኣ ቢዳ።

ዮሃኒሳ ኣጁታ 1:11

«ኔኒ ቤኢዛይሳ ዋራቃታን ጻፋዳ ላፑን ዎሳ ኬታስ ሄይቲካ ኤፌሶኔስ፥ ሳሜርኔሴስ፥ ጴርጋሞኔስ፥ ቲያጺሮኔስ፥ ሳርዴሴስ፥ ፊላዴልፊያሲኔ ሎዶቂያስ ዬዳ» ጊሺን ሲያዲስ።

ዮሃኒሳ ኣጁታ 1:4

ኢሲያን ዲዛ ላፑን ዎሳ ኬታስ ካሴካ ዲዛይሳፌ፥ ሃኢካ ዲዛይሳፌኔ ቡሮካ ያና ጾሳፌ ኢዛ ኣልጋ ሲንን ዲዛ ላፑን ኣያናታፔ ሄሳካ ሃይቆፔ ዴንን ባይራ ጊዲዳይሳፌ፥ ሃ ቢታ ካዎታስ ካዎኔ ኣማኔቲዳ ማርካ ጊዲዳይሳፌ፥ ኑና ሲቂዛይሳፌኔ ባ ሱን ኑና ኑ ናጋራፔ ጌሺዳ ዬሱስ ኪርስቶሳፔ ኪያቴኔ ሳሮቴ ኢንቴስ ጊዶ።

1ጴጽሮሳ ኪታ 1:1

ዬሱስ ኪርስቶሳ ሃዋሬ ጊዲዳ ጴጽሮሳፔ፥ ኣሳ ቢታን ቤቴን ዲዛይታስ ጳንጾሳን፥ ጋላቲያን፥ ቆጶዶቂያን፥ ኢሲያኒኔ ቢቲኒያ ቢታን ላሌቲ ዲዛ ኢንቴስ፥

ሃዋሬታ ኦሶ 20:18

ኢስቲካ ዪን ጳዉሎሲ ኢስታ፥ «ታ ኢሲያ ጌሊዳ ጋላሳፌ ሃ ሲሚን ኡባ ዎዴ ታ ኢንቴናራ ዋና ዋና ዴኢዳኮ ኢንቴ ኤሬታ።

ሃዋሬታ ኦሶ 19:22

ባና ማዲዛይታፔ ናምኣታ ጺምቶሳኔ ኤሪስጾሳ ጌዴ ማቂዶኒያ ጌቴቲዛሶ ኪቲዲ ባስ ኢሲያ ኣዉራጃን ጉ ዎዴ ሄን ዴኢዴስ።

ሃዋሬታ ኦሶ 19:8

ጳዉሎሲ ኣይሁዳታ ዎሳ ኬ ጌሊዲ ጾሳ ካዎቴ ጊሻስ ሃሳዬቲሼኔ ኢስታ ኣማንሼ ሄ ኣጊና ኩሜ ኦናስካ ባቦንታ ኣሳስ ቆንጪሲ ዮቲዴስ።

ሃዋሬታ ኦሶ 18:11

ሄሳ ጊሻስ ጳዉሎሲ ጾሳ ቃላ ኣሳ ታማርሲሼ ኢሲ ላይኔ ባጋ ኢስታራ ኡቲዴስ።

ሃዋሬታ ኦሶ 18:4

ሳምባታ ሳምባታ ጋላስ ኣይሁዳታ ዎሳ ኬን ኣይሁዳታራኔ ጊሪኬ ኣሳታራ ሃሳዬቲሼ ኢስታ ኣማንናስ ባጼቲዴስ።

ሃዋሬታ ኦሶ 2:9

ኑኒ ጳርታኔ ኣሳይ፥ ሜዴ ኣሳይ፥ ኤላሜ ኣሳይ፥ ሜስጴጾሚያን፥ ዩሁዳን፥ ቆጶዶቂያን፥ ጳንጾሳን፥ ኢሲያን፥

ሃዋሬታ ኦሶ 6:9

«ዎዜቲ ኬዚዳ» ጌቴቲ ጼይጌቲዛሶፔ ኣይሁዳታ ዎሳ ኬፌ ዪዳ ኣስ ጊዲዳ ቃሬናፔኔ ኢስኪንዲሪያፔ፤ ቃሴካ ኪልቂያፔኔ ኢሲያ ኣዉራጃታፔ ዪዳ ኣሳቲካ ዉሪ ኢስቲፋኖሴራ ማርሼቲዳ።

ሃዋሬታ ኦሶ 13:12

ዴሬ ኣይሲዛይሲ ሃ ሃኒዳ ዮኦዛ ቤኢዲ ጎዳ ጊሻስ ሲዪዳ ቲሚርቴዛን ማላሌቲዲ ኣማኒዴስ።

ሃዋሬታ ኦሶ 19:20

ሃይሳ ማላን ጎዳ ቃላይ ኬሂ ዲጪሼኔ ጾኒ ጾኒ ቢዴስ።