ሃዋሬታ ኦሶ 18:25 - ጋሞ ማጻፋ

²⁵ ኢዚ ጎዳ ኦጌ ታማርዳዴኔ ዬሱሳ ጊሻስ ባላይ ባይንዳ ሃሳይዛዴኔ ጺሎ ኣያናን ጹጌቲሼ ታማርሲዛዴ፤ ጊዶ ኣቲን ኢዚ ሎኤ ኤሪዛይ ዮሃኒሳ ጺንቃታ ጻላላ።

Geeshsha Maxaafa

²⁵ Izi Godaa oge tamaardaadenne Yesusa gishshas balay baynda haasayzaadenne Xillo Ayanan xuugettishe tamaarsizaade; gido attiin izi lo7eththi erizay Yohannisa xinqata xalala.

Gamo Geesha Maxxafa New Testamen

²⁵ Izi Goda ogge tammaridadene Yesussa gish balay bayinida hasaizadene xiillo ayanan xuugetishe tammarisizade; gido attin izi loo7ethi errizay yanssa xinqqate xaalala.

ሃዋሬታ ኦሶ 18:25 Referans Kwoze

ሃዋሬታ ኦሶ 19:3

ጳዉሎሲካ ኢስታ፥ «ሂስቲን ኢንቴ ኣዛን ጻማቄቲዴቲ?» ጊዴስ፤ ኢስቲካ ኢዛስ፥ «ዮሃኒሳ ጺንቃታን ጻማቄቲዶስ» ጊዳ።

ኦሮሜ ኣሳስ 12:11

ጎዳስ ኦና ኣያናን ጹጌቲዛይታ ጊዲቴ ኣቲን ሄሳ ሄ ሚኖቴፌ ጉዬ ጎፒቴ።

ሆሴኤ ቲንቢቴ 14:9

ኣ ኤራንቻይ ሃ ዮኦታ ኣኬካና። ኣኬኪዛዴይ ሃ ዮኦታ ኤራና፤ ጎዳ ኦጌይ ሱሬ፤ ጺሎቲ ኢዛን ሄሜቴቴስ። ናጋራንቻቲ ጊዲኮ ኢዛን ጴቴቴስ።

ሃዋሬታ ኦሶ 19:23

ሄ ዎዴ ጎዳ ኦጌ ጊሻስ ዳሮ ሺሮይ ሜቲዴስ።

ሃዋሬታ ኦሶ 19:9

ኢሲ ኢሲ ኣሳይ ፓላማ ጺንኢ ጊዲ ኣማናናስ ኮዪቤና፤ ጎዳ ኦጌ ቆንጬን ኢጺዳ፤ ሄሳ ጊሻስ ጳዉሎሲ ኢስታ ኣጊዲ ሃራሶ ቢዴስ፤ ኣማኒዛይታካ ዱማ ሻኪ ኬሲዲ ጺራኖሴ ቲሚርቴ ኬን ጋላስ ጋላስ ኢስታራ ሃሳዬቲዴስ።

ሃዋሬታ ኦሶ 9:2

ጎዳ ኦጌ ካሊዛይታ ማጫሳታኔ ኣዴታ ዴሚ ቃቺዲ ዬሩሳላሜ ኤኪ ያናስ ዳማስቆ ጌቴቲዛሶን ዲዛ ኣይሁዳታ ዎሳ ኬስ ዳብዳቤ ጻፋና ማላ ቄሴታ ሃላቃ ዎሲዴስ።

ማርቆሳ ሚሺራቾ 12:14

ኢስቲካ ኢዛኮ ዪዲ፥ «ኣስታማሬ! ኔኒ ሞሮይ ባይንዳ ኣስ ጊዲዳይሳ ኑ ኤሮስ፤ ኔ ኦናስካ ባባዳ ዎርዶ ማዳካ፤ ጾሳ ኦጌ ጻላላ ቱሙ ታማርሳሳ። ኦሮሜ ካዎ ቄሳሬስ ጊራ ቃንጻናስ ቤሲዜዬ? ቤሴኔ? ኑ ቃንጺኖዬ? ቃንጾፊኖ?»

ያቆቤ ኪታ 5:16

ሄሳ ጊሻስ ኢንቴካ ኢንቴ ጋርሳን ኢሶይ ኢሳራ ኢንቴ ናጋራ ፓጼቲቴ፤ ፓጻና ማላ ኢሶይ ኢሳስ ዎሲቴ፤ ጺሎ ኣሳ ዎሳይ ዎልቃራ ዴስ፤ ዎልቃማ ኦሶካ ኦስ።

2ጺምቶሳስ 2:4

ዎታዳራቴን ኦዛዴይ ባ ሃላቃ ኡፋይሳናስ ዳፌቴስ ኣቲን ሃራ ባና ቃጼዛ ኦሶን ጌሊ ኤሬና።

ሃዋሬታ ኦሶ 16:17

ሃና ጋራዴ ናያ ጳዉሎሳኔ ኑና ካላ ካላ፥ «ሃይቲ ኣሳቲ ኢንቴስ ኢንቴ ኣታና ኦጌ ዮቲዛይቲ ዎጋ ጾሳ ኦሳንቻታ» ጋ ጋ ዋሳዱስ።

ሃዋሬታ ኦሶ 13:10

«ኔኖ ጺሎቴ ኡባስ ሞርኬዞ! ጌኔይኔ ኢታቴ ኔናን ኩሚዳይሶ ሃይሶ ዳቡሎሳ ናዉ! ጎዳ ሱሬ ኦጌ ጌላሴፌ ሼምፒኪ?

ሉቃሳ ሚሺራቾ 7:29

ቃራጻ ቃንጺሲዛይቲካ ኣቶንታ ሃይሳ ዬሱሳ ቃላ ሲዪዳይቲ ዉሪካ ዮሃኒሳ ኩሼን ጻማቄቲዲ ጾሳስ ቤሲዛ ቦንቾ ኢሚዳ።

ማርቆሳ ሚሺራቾ 1:3

‹ጎዳስ ኦጌ ጊግሲቴ፤ ኢዚ ባና ኦጌ ሱሪሲዲ ኦቴ› ጊሼ ባዞ ቢታን ዋሲዛ ጊሪስ» ጌቴቲ ጻፌቲዴስ።

ኤርማሳ ቲንቢቴ 6:16

ጎዳይ፥ «ዳጋላ ኦጌ ቦላ ኤቂ ጼሊቴ፤ ቤኒ ኦጌዮ ኦይቺቴ፤ ሎኦ ኦጌይ ኣዋሪ? ኢዚራ ቢቴ፤ ኢንቴ ኢንቴ ሼምፖስ ሼምፖ ዴማና፤ ኢንቴ ጊዲኮ፥ ‹ኑ ኢዚራ ቦኮ!› ጊዴታ።

ኢሳያሳ ቲንቢቴ 40:3

ኣዋጃ ዮቲዛዴ ጬንጉርሲ፥ «ባዞን ጎዳ ኦጌ ጊግሲቴ፤ ኑ ጾሳስ ኣራባ ባዞን ኣኮ ኦጌ ጊግሲቴ።

ዬ ማጻፋ 119:1

ባንታ ኦጌን ቦሬይ ባይንዳይቲኔ ጎዳ ዎጋ ማላ ሄሜቲዛይቲ ኣንጄቲዳይታ።

1ሳሜላ ማጻፋ 12:23

ሄሳፌካ ቦላራ ታ ኢንቴስ ዎሶንታ ኣጋዳ ታ ጎዳ ቆሃናይሲ ታፔ ሃኮ። ታኒ ሎኦኔ ሱሬ ኦጌ ኢንቴና ታማርሳና።

ዳናታ ማጻፋ 2:22

ሃ ኢስራኤሌ ኣሳይ ካሴ ባንታ ኣዋታ ማላ ታ ኦጌ ካሊዛኮኔ ካሎንታኮ ታኒ ኢስታ ፓጫናስ ሃይሳ ሃ ዴሬታ ታስ ኦላ ማሳራ ኦዳ ኢስታን ጎኤታና» ጊዴስ።

ሜቴ ማጻፋ 18:19

ጺሎቴኔ ሱሬ ኦሶ ኦዲ ጎዳ ኦጌ ናጋና ማላ ባ ናይታኔ ባፔ ጉዬ ባ ሶ ኣሳ ኢዚ ዞራና ማላ ታኒ ኢዛ ዶራዲስ፤ ሄሲካ ጎዳይ ኣብራሃሜስ ኢማና ጊዳይሳ ኡባ ፖላናሳ» ጊዴስ።

ዬ ማጻፋ 67:2

ኔ ኦጌቲ ሳኣ ቦላን፥ ኣሺዛ ኔ ዎልቃይካ ካዎቴታ ኡባ ጊዶን ኤሬቴቶ።

ሉቃሳ ሚሺራቾ 1:4

ሃይሳ ኡባ ታ ኦዛይ ኔ ታማርዳይሲ ቱማ ጊዲዳይሳ ኔና ኤሮ ጉሳሳ።

ሃዋሬታ ኦሶ 18:26

ኢዚካ ኣይሁዳ ዎሳ ኬን ባቦንታ ዮቶ ኦይኪዴስ፤ ጲርሲቂላይኔ ኣቂላይ ኢዚ ጊዛይሳ ሲዪዲ ኢዛ ባሶ ኤፊዲ ጾሳ ኦጌ ኢዛ ካሴፔ ሎኤ ኤሪሲዳ።