2ጺምቶሳስ 2:19 - ጋሞ ማጻፋ

¹⁹ ጊዶ ኣቲን፥ «ጎዳይ ባስ ጊዲዛይታ ኤሬስ።» ቃሴካ፥ «ጎዳ ሱን ጼይጊዛይ ዉሪ ኢታፔ ሃኮ» ጊዛ ማታሜይ ኢዛ ቦላ ዲዛ ላሜቶንታ ጾሳ ዮቻይ ላሜቲቤና።

Geeshsha Maxaafa

¹⁹ Gido attiin, «Goday baas gidizayta erees.» Qasseka, «Godaa sunth xeygizay wuri iitappe haakko» giza maatamey iza bolla diza laamettontta Xoossaa yochchay laamettibeenna.

Gamo Geesha Maxxafa New Testamen

¹⁹ Gido attin “Goday bees gidizayta erees” qassekka “Goda sunththu xeeyigizay wuri iitape haakko” giza maatamey iza bolla diza laamettontta Xoossa koyro qofay laametibeyina.

2ጺምቶሳስ 2:19 Referans Kwoze

ዮሃኒሳ ሚሺራቾ 10:14

«ሎኦ ሄንንቻይ ታና፤ ታኒ ታ ዶርሳታ ኤራይስ፤ ኢስቲካ ታና ኤሬቴስ።

1ቆሮንቶሴ ኣሳስ 8:3

ጾስ ሲቂዛዴይ ጊዲኮ ኢዚ ጾሳ ኣቻን ኤሬቲዳዴ።

ናሆሜ ቲንቢቴ 1:7

ጎዳይ ሎኦ፤ ሜቶ ጋላሲካ ቆቴቲ ኣቲዛሶ። ኢዛን ኣማኔቲዛይታ ናጌስ።

ታይቦ ማጻፋ 16:5

ቆሬሲኔ ኢዛ ካሊዛይታስ፥ «ዎንቶ ማላዶ ጎዳይ ኢዛስ ዱማቲዳይቲ ኦናንታኮ ኢዚ ሻኪ ኑና ቤሳና፤ ሄሲካ ባስ ጊዲዛይታኔ ባ ዶሪዳይታ ባስ ኦና ማላ ባኮ ሺሺ ኤካና።

ሉቃሳ ሚሺራቾ 13:27

«ኢዚካ ዛሪዲ፥ ‹ኢንቴና ኢንቴ ኦናኮኔ ኢንቴ ኣዋፔ ዪዳኮ ታ ኢንቴና ኤሪኬ፤ ኢንቴ ማካላቲ ዉሪካ ታፔ ሃኪቴ› ጋና ጊዴስ።

ጋላቲያ ኣሳስ 4:9

ሃኢ ጊዲኮ ጾስ ኤሪዴታ፤ ቃሴካ ጾሳን ኤሬቲዴታ፤ ሂስቲን ቃሴካ ጉዬ ሲሚዲ ጌዴ ጎኣይ ባይንዳ ጮ ዳቡርሲዛ ቲሚርቴኮ ዋኒ ሲሚዴቲ? ሲሚዲ ቃሴካ ኣይሌቴ ቃምባራን ዋጼታና ኮዬቲ?

ዮሃኒሳ ኣጁታ 3:8

ታኒ ኔ ኦሶ ኤራይስ፤ ሄኮ ኦኒካ ጎርዳናስ ዳንዳዮንታ ዶያ ፔንጌ ታ ኔ ሲንን ዎዲስ፤ ኔ ዎልቃይ ጉ ጊዲዳይሳ ታ ኤራይስ፤ ጊዲኮካ ኔ ታ ቃላ ናጋዳሳ፤ ታ ሱንካ ኔ ካዳቤካ።

ዮሃኒሳ ኣጁታ 22:4

ኢስቲ ኢዛ ኣይፌሶ ቤያና፤ ኢዛ ሱን ኢስታ ሊጴ ቦላ ዳና።

ኤፌሶኔ ኣሳስ 4:30

ኢንቴ ኣታና ጋላሳስ ኣታሜቲዳ ጾሳ ጺሎ ኣያና ሚሺሶፒቴ።

1ቆሮንቶሴ ኣሳስ 1:2

ቆሮንቶሴን ዲዛ ጾሳ ዎሳ ኬስ፥ ጎዳ ዬሱስ ኪርስቶሳስ ዱማቲዳይታሲኔ ኢስታሳራ ኑሳራ ጎዳ ጊዲዳ ጎዳ ዬሱስ ኪርስቶሳ ሱን ኣዋንካ ጼይጊዛ ኣማኒዛይታራ ጊዳናስ ጼይጌቲዳ ኣሳ ኡባስ፥

ኢሳያሳ ቲንቢቴ 28:16

ሄሳ ጊሻስ ኡባ ሃሪዛ ጎዳይ፥ «ቤኢቴ! ታኒ ጺዮኔን ፓጬቲዳ ሹች፥ ዮቻ ሹች፥ ሚኖ ዮቻስ ጊዲዛ ቦንቼቲዳ ጉላ ሹች ዎና፤ ኢዛን ኣማኒዛይ ዬላቴና።

2ጴጽሮሳ ኪታ 3:14

ሄሳ ጊሻስ ታ ሲቆቶ! ሄሲ ዉሪካ ሃናና ጋላስ ኢንቴ ናጊሼ ዲኮ ጎዳይ ኢንቴና ኢንቴ ቦላ ቦሬይ ባይንዳ ዲሺን ሳሮቴን ዴማና ማላ ሚኒ ዲቴ።

2ቆሮንቶሴ ኣሳስ 7:1

ሄሳ ጊሻስ ታ ሲቆቶ! ሃይሲ ሂዶታይ ኑስ ኢሜቲዳ ጊሻስ ኣሾኔ ኣያና ቱኒሲዛ ኣይ ሚሻፌካ ኣኔ ኑና ጌሾስ፤ ጾሳስ ያሻን ኑ ጌሻቴ ኣኔ ኩሜ ሂስቶስ።

ዮሃኒሳ ኣጁታ 2:13

ኔኒ ጻላኤ ኣልጋይ ዲዛሶን ዲዛይሳ ታኒ ኤራይስ፤ ጊዶ ኣቲን ኔኒ ታ ሱን ሎኤ ኦይካዳሳ፤ ኔ ታና ኣማኒዛይሳ ኣጋቤካ፤ ታስ ኣማኔቲዳ ማርካ ጊዲዳ ኣንቲጳሲ ጻላኤይ ዲዛ ኢንቴ ካታማን ኣሳ ኩሼን ሃይቂዳ ዎዴካ ኔ ታና ኣማኖ ኣጋቤካ።

ዬ ማጻፋ 1:6

ኣይስ ጊኮ ጎዳይ ጺሎታ ኦጌ ኤሬስ፤ ጊዶ ኣቲን ኢታታ ኦጌይ ኢስታ ዮን ጋስ።

Maatosa 7:23

ሄ ዎዴ ታ ኢስታስ፥ ‹ታ ኢንቴና ሙሌካ ኤሪኬ! ኢንቴ ኢታቲ ታፔ ሃኪቴ› ጋዳ ቆንጬራ ታ ኢስታስ ዮታና።

ኤፌሶኔ ኣሳስ 3:15

ሳሎን ዲዛይኔ ቢታ ቦላ ዲዛ ኢዛሶ ኣሳይ ዉሪካ ኢዚ ሱንን ሱሜስ።

ሌሚሶ ማጻፋ 3:7

ኔርካ ኔና ኣ ኤራንቻ ጎፓ፤ ጎዳስ ያያ፤ ኢታፔካ ሃካ።

ዬ ማጻፋ 37:18

ጎዳይ ሱሬ ኣሳታ ኡባ ጋላስ ናጌስ፤ ኢስታ ላታይካ ሜርናስ ኢስታስ ጊዳና።

ዬ ማጻፋ 34:14

ኢታፔ ሻኬታ፤ ሎኦ ሚሽ ኦ፤ ሳሮቴ ኮያዳ ካላ።

ኦሮሜ ኣሳስ 15:20

ሃራ ኣሲ ካሴ ኦዳሶን ታ ጌሎንታ ማላ ጋዳ ካሴ ኪርስቶሳ ሱን ጼይጌቲ ኤሮንታሶን ሚሺራቾ ቃላ ሳባካናይሲ ታስ ኣሞ።

ሃዋሬታ ኦሶ 15:17

ሄሲካ ኣቲዳ ኣሳይ ጎዳ ኮያና ማላኔ ታ ሱንን ጼይጌቲዳ ኣይዛቤቲ ታና ኮያና ማላ ጌስ ኡባ ኦዳ ጾሳይ።

Maatosa 7:25

ዴጾ ኢራይ ቡኪን ሃሮይካ ሃሮቲዴስ፤ ጫርኮይካ ጫርኪዴስ፤ ኬካ ሱጊዴስ ሺን ዛላ ቦላ ኬጼቲዳ ጊሻስ ኩንዲቤና።

1ዮሃኒሳ ኪታ 2:19

ኢስቲ ኑ ጊዶፌ ኬዚዳ፤ ጊዶ ኣቲን ኢስቲ ካሴካ ኑ ባጋ ጊዴቴና፤ ኢስቲ ኑ ባጋ ጊዲዳኮ ኑናራ ሚኒ ኤቃና፤ ጊዶ ኣቲን ኢስቲ ዉሪ ኑ ባጋ ጊዶንታይሲ ኤሬታና ማላ ኑፔ ሻኬቲዳ።

ኦሮሜ ኣሳስ 12:9

ኢንቴ ሲቆቴ ቆፔ ቆሞን ጊዶፖ፤ ኢታ ጊዲዳይሳ ዉርሲካ ኢጺቴ። ሎኦ ጊዲዳይሳራ ኢሲፌ ኦይኬቲቴ።

ማርቆሳ ሚሺራቾ 13:22

ዎርዶ ኪርስቶሳቲኔ ዎርዶ ናቤቲ ቡሮ ዴንዲዲ ማላታታኔ ካሴ ሃኒ ኤሮንታ ፓላ ሚሽ ኦና፤ ኢስታስ ዳንዳዬቲኮ ሃራይ ኣቶሺን ዶሬቲዳይታካ ባሌና።

ሌሚሶ ማጻፋ 10:25

ጎቴ ጫርኮይ ዴንዲሺን ኢታቲ ፒቴቲ ያና፤ ጺሎቲ ጊዲኮ ሜርናስ ሚኒ ዳና።

ኢዮቤ ማጻፋ 28:28

ሄ ዎዴ ኣሳስ፥ ‹ሄኮ ኤራቴ ጉሲ ጾሳስ ያሻቴ፤ ኣኬካ ጉሲ ኢታፔ ሃኮ› ጊዴስ።»

ኦሮሜ ኣሳስ 9:11

ሜንቴቲ ዬሌቲዲ ቡሮ ኢታ ዎይኮ ሎኦ ኦንታ ዲሺን ጾሳ ቆፋይ ሚናና ማላ፥

ዬ ማጻፋ 97:10

ጎዳ ዶሲዛይቶ! ኢታ ኢጺቴ፤ ኢዚ ባስ ኣማኔቲዛይታ ሼምፖ ናጌስ፤ ቃሴካ ኢታታ ኩሼፔካ ኣሼስ።

ታይቦ ማጻፋ 6:27

ቃሴካ ጎዳይ፥ «ኢስቲ ኢስራኤሌ ኣሳ ታ ሱንን ኣንጂዛ ዎዴ ታኒ ኢስታ ኣንጃና» ጊዴስ።

1ጺምቶሳስ 6:19

ሄሳካ ቱሙ ጊዲዳ ዴኦ ዴማና ማላ ቡሮፔ ያና ዎዴስ ኣሳይ ሚኖ ጻጶ ጊዲዛ ሃሮ ባስ ሺሻና።

ኦሮሜ ኣሳስ 8:28

ጾሲ ባና ዶሲዛይታሲኔ ኢዛ ሼኔ ማላ ጼይጌቲዳይታስ ኡባስ ኦዛ ሚሽ ኡባካ ሎኦስ ኦዛይሳ ኑ ኤሮስ።

ሃዋሬታ ኦሶ 9:14

ኢዚ ሃ ዪዳይ ኔ ሱን ጼይጊዛይታ ኡባ ቃቻናስ ቄሴታ ሃላቃታፔ ጎዳቴ ኤኪዲኮ» ጊዴስ።

ዮሃኒሳ ሚሺራቾ 13:18

«ታ ሃይሳ ጊዛይ ኢንቴ ኡባታ ጊሻስ ዴና፤ ታኒ ታ ዶሪዳይታ ዉርሳ ኤራይስ፤ ጊዶ ኣቲን፥ ‹ታ ካ ሚዳዴይ ታ ሞርኬ ጊዲዲ ታ ቦላ ዴንዲዴስ› ጊዛ ማጻፋ ቃላይ ፖሌታናስ ኮሼስ።

Maatosa 24:24

ዎርዶ ኪርስቶሲኔ ዎርዶ ናቤቲ ቡሮ ዴንዲዲ ኢስታስ ዳንዳዬቲኮ ዶሬቲዳይታ ባሌናስ ጊዲ ዎልቃማ ማላታታኔ ካሴ ኦሴቲ ኤሮንታ ሚሽ ኦና።

ዬ ማጻፋ 112:6

ጺሎ ኣሲ ኣዉዴኔ ኩንዴና፤ ሜርናስ ኢዚ ሃሳኤቲሼ ዴኣና።

ኤፌሶኔ ኣሳስ 2:20

ኢንቴ ሃዋሬታኔ ናቤታ ዮቻን ኬጼቲዴታ፤ ኬስ ዉርሴ ኩሻይ ዬሱስ ኪርስቶሳ።

ኦሮሜ ኣሳስ 11:2

ጾሲ ኮይሮፔ ባ ኤሪዳ ዴሬዛ ዬጊቤና፤ ኤላሲ ኢስራኤሌ ናይታ ቦላ ሞቶ ጾሳኮ ዎስቲ ሺሺዳኮ ጌሻ ማጻፋይ ኢዛ ጊሻስ ኣይ ጊዛኮ ኢንቴ ኤሬኬቲ?

ሃጌ ቲንቢቴ 2:23

ሄ ጋላስ ታኒ ታ ኣይሌ ሳላቲያሌ ና ዜሩባቤሌ ታ ኔና ኤካና፤ ታ ኔና ታስ ማታሜ ሾጪዛ ቃላባቴ ሂስታና፤ ታ ኔና ዶራዲስ» ጊዴስ።

ኦሮሜ ኣሳስ 15:9

ሄሳካ ኣይዛቤቲ ኢዛ ማሮቴ ጊሻስ ጾስ ጋላታና ማላ፤ ሄሲካ፥ «ታ ኔና ዴሬ ጊዶን ጋላታና፤ ኔ ሱንስካ ጋላታ ማዛሙሬ ዬጻና» ጌቴቲ ጌሻ ማጻፋን ጻፌቲዳ ማላ።

ኢሳያሳ ቲንቢቴ 14:32

ሄ ካዎቴታፔ ኪቴቲ ዪዛ ቃስታኔታስ ኣይ ጊ ዛራኔ? ‹ጎዳይ ጺዮኔ ሚን ኤሲዴስ፤ ዋዬ ኤኪዳ ዴሬይ ኢዚ ጋርሳን ሼምፖሶ ዴሚዴስ› ጊ ዛሮ።»

ዮሃኒሳ ኣጁታ 21:14

ሄ ካታማይ ጊምቤስ ታማኔ ናምኡ ዋና ዮቻቲ ዴቴስ፤ ሄ ዮቻታ ቦላ ታማኔ ናምኡ ዶርሳዛ ሃዋሬታ ሱን ጻፌቲ ኡቲዴስ።

Ibirawe 11:10

ጋሶይካ ሚና ዲዛሮ ጾሲ ኢዞ ቆፒ ሜዳ ካታማዮ ኤካና ናጊዴስ።

ዛካራሳ ቲንቢቴ 3:9

ቤያ! ታኒ ኢያሶ ሲንን ላፑን ኣይፌይ ዲዛ ሹች ዎና፤ ታ ሄ ሹቻ ቦላን ጻፌቲዛዝ ዎጫ ዎጫ ጻፋና፤ ሄ ቢታይ ናጋራካ ታ ኢሲ ጋላስ ዲጋና» ጌስ።

ዮሃኒሳ ኣጁታ 17:8

ኔ ቤኒዳ ዶኣዚ ካሴካ ዲዛይሳኮ ሺን ሃኢ ዴና። ኢዚ ጉዬፔ ጪማ ኦላ ጊዶፌ ኬዛናኔ ጌዴ ዮሶ ባና፤ ኣላሜይ ሜቶሶፔ ኢስታ ሱን ዴኦ ማጻፋን ጻፌቶንታ ቢታ ቦላ ዲዛ ኣሳይ ሄ ዶኣዚ ካሴካ ዲዛይሳ ሃኢ ቃሴ ዶንታይሳ ጉዬፔ ያናይሳ ጊዲዳይሳ ቤኢዲ ማላሌታና።

ሃዋሬታ ኦሶ 11:26

ኢዛ ዴሚዲ ኣንጾኪያ ኤኪ ዪዴስ፤ ናምኣይካ ሄን ዲዛ ዎሳ ኬ ኣሳራ ጊዲዲ ላይ ኩሜ ዳሮ ዴሬ ታማርሲዳ። ሄን ኣንጾኪያን ኣማኒዛይቲ ኮይሮ፥ «ኪርሳኔ» ጌቴቲ ጼይጌቲዳ።

ኢሳያሳ ቲንቢቴ 65:15

ኢንቴ ኢንቴ ሱን ዶሬቲዳ ታ ዴሬይ ቃንጋና ማላ ኣ ኢማና፤ ኡባ ሃሪዛ ጎዳይ ኢንቴና ዎና፤ ባስ ሃጋዚዛይታስ ጊዲኮ ኢዚ ሃራ ሱን ኢማና።

ኢሳያሳ ቲንቢቴ 63:19

ሄኮ ቤኒሶፌ ኑኒ ኔይታ፤ ጊዶ ኣቲን ኢስታ ኔኒ ሃራቤካ፤ ኢስቲ ኔ ሱንንካ ጼይጌቲቤቴና።

ሂዚቄላ ቲንቢቴ 9:4

ጎዳይ ጼይጊዲ ኢዛ፥ «ዬሩሳላሜ ካታማ ኡባ ባዳ ኢዚ ጊዶን ኦሴቲዳ ሃራሲዛ ኤቃ ጾሳታ ጊሻስ ሚሼቲዲ ዬኪዛ ኣሳታ ሊጴ ቦላ ማላታ ዎ» ጊዴስ።

ዮሃኒሳ ሚሺራቾ 3:33

ኢዛ ማርካቴ ኤኪዛዴይ ጊዲኮ ጾሳ ቱማንቻ ጊዲዳይሳ ቆንጪሴስ።

1ጺምቶሳስ 3:15

ታ ሃኖ ኔስ ጻፊዛይ ታ ጋምኢዛ ጊዲኮካ ኣሳይ ጾሳ ኬን ዋኒ ዳናኮ ኔ ኤራና ማላ ጋዳኮ! ኬይ ዴኦ ጾሳ ዎሳ ኬ፤ ሄሲካ ቱሙ ቱሲኔ ጻጶ።

ማርቆሳ ሚሺራቾ 12:16

ኢስቲካ ሚሻ ኤሂን፥ «ሃይሲ ኢዛ ቦላ ዲዛ ሚስሌዚ ኦና ሚስሌ? ኢዛ ቦላ ጻፌቲዳይሲ ኦና ጊዜ?» ጊዴስ። ኢስቲካ፥ «ቄሳሬይሳ» ጊዳ።