2ታሶሎንቄ ኣሳስ 2:4 - ጋሞ ማጻፋ

⁴ ኢዚካ ጾስ ጌቴቲ ጎይኔቲዛ ኤቃ ጾሳታ ኡባፌ ቦላራ ባና ቁ ቁ ሂስቲዛዴኔ ጾሳራ ኤቄቲዛዴ፤ ኢዚካ ጾሳ ኬን ኡቲዲ ባና፥ «ታኒ ጾሳ» ጊዲ ኣዋጃ ኣዋጂሳና።

Geeshsha Maxaafa

⁴ Izikka Xoos geetetti goynnettiza eeqa xoossata ubbaafe bollara bana dhoqqu dhoqqu histtizaadenne Xoossara eqettizaade; izikka Xoossa Keeththan uttidi bana, «Tani Xoossa» giidi awajja awajjisana.

Gamo Geesha Maxxafa New Testamen

⁴ Izikka Xoossu geeteti gooyinetiza eeqa xoossata wurssofe bollara bena dhooqu dhooqu histtizadene Xoossara eqetizade. Izikka xoossa keeththan uttidi bena “tani xoossa” giidi awajje awajjisana.

2ታሶሎንቄ ኣሳስ 2:4 Referans Kwoze

ዳኔላ ቲንቢቴ 7:25

ኢዚ ኡባፌ ቃ ጾሳ ቦላ ማካላ ቃላ ሃሳያና፤ ኢዛ ጌሻታ ኢዚ ዋዪሳና፤ ኢዛ ቦንቾ ባኣሌታኔ ኢዛ ዎጋ ላማናስ ኢዚ ዳፌታና፤ ጌሻቲ ሄ ላይኔ ባጋ ጋካናስ ኢዛ ጎዳቴ ጋርሳን ዴኣና።

ሂዚቄላ ቲንቢቴ 28:2

«ሃይሶ ኣሳ ናዉ! ጺሮሴ ሃላቃስ ኡባ ሃሪዛ ጎዳይ፡ «ኔ ዎዚናይ ኦቶሮን ኩሚዲ፥ ‹ታኒ ጾሳ፤ ጾሳ ኣራታን ኣባስ ጊዶ ኣዳን ኡታዲስ› ጊዴስ። ኣይኮስካ ኔኒ ታኒ ጾሳ ማላ ኣ ኤራንቻ ቆፒኮካ ኔኒ ኣሳ ኣቲን ጾስ ዳካ።

1ቆሮንቶሴ ኣሳስ 8:5

ኣይዴካ ጊዲኮ ዳሮ ኤቃቲኔ ዳሮ ጎዳቲ ዴቴስ ሺን ሳሎን ጊዲን ሳኣ ቦላ ጾስ ጌቴቲዛ ዳሮ ኤቃቲ ዲኮካ ኑስ ጊዲኮ ሃኒዳይ ዉሪካ ኢዛን ሃኒዴስ። ኑኒካ ኢዛስ ጊዲዳ ኢሲ ጾሲ ኣዋይ ዴስ፤ ቃሴካ ሃኒዳዚ ዉሪካ ኢዛን ሃኒዳይ ኑኒካ ኢዛን ሃኒዳ ኢሲ ጎዳይ ዬሱስ ኪርስቶሲ ጻላላ ኑስ ዴስ።

ሂዚቄላ ቲንቢቴ 28:6

«ሄሳ ጊሻስ ኡባ ሃሪዛ ጎዳይ፥ ‹ታኒ ጾሳ ማላ ኣ ኤራንቻ› ጋዳ ኔኒ ቆፒዛ ጊሻስ፥

ዳኔላ ቲንቢቴ 11:45

ኢዚ ባ ካዎቴ ዱንካኔዛ ኣባፌኔ ጌሻ ዙማፔ ጊዶን ቶካና፤ ጊዶ ኣቲን ሄሲ ዉሪ ሃኒንካ ኢዛስ ዉርሴ ጊዳና፤ ኢዛ ማዳናይካ ቤቴና» ጊዴስ።

ዳኔላ ቲንቢቴ 11:36

«ፑዴሃ ባጋ ካዎይ ባ ቆፒዳይሳ ኡባ ፖላና፤ ኢዚ ባና ኤቃ ጾሳታፔካ ቦላራ ቁ ቁ ሂስታና፤ ጾሳታፔ ኣ ጾሳ ቦላ ሃይሳፌ ካሴ ሴቴቲ ኤሮንታ ጫሻ ቃላ ሃሳያና፤ ጾሳ ሃንቆይ ፖሌታና ጋካናስ ኢዚ ኦዛ ኡባይ ኢዛስ ኢንጄታና፤ ካሴ ባሬቲዳይሲ ፖሌታና ቤሴስ።

ዳኔላ ቲንቢቴ 7:8

«ታኒ ካጬታ ጊሻስ ቆፋን ዲሺን ካጬታ ጊዶራ ሃራ ኢሲ ጉ ካጬይ ኬዚዴስ። ኮይሮ ካጬታፔ ሄቲ ሾዴቲ ዎዳ፤ ሄ ጉ ካጬዛስ ኣሳ ኣይፌይኔ ኦቶሬቴን ሃሳይዛ ዶናይ ዴስ።

ሂዚቄላ ቲንቢቴ 28:9

ሂስቲን ኔኒ ኔና ዎዛይታ ሲንን፥ ‹ታኒ ጾሳ› ጋንዲ? ኔና ዎዛይታ ኩሼን ኔ ጌላሼ ኔኒ ኣሳ ኣቲን ጾስ ዳካ።

ኢሳያሳ ቲንቢቴ 31:3

ጊብጼ ኣሳይ ኣሳፔ ኣቲን ጾስ ዴቴና፤ ኢስታ ፓራቲካ ኣሾፔ ኣቲን ኣያና ጊዴቴና። ጎዳይ ባ ኩሼ ሚጪዛ ዎዴ ኢዛ ማዲዛዴይ ጴታና፤ ማዴቲዛዴይካ ኩንዳና፤ ናምኣይካ ኢሲፌ ያና።

ሃዋሬታ ኦሶ 17:23

ታ ያኔ ሃ ዩዪሺን ኢንቴ ኢስታስ ጎይኒዛ ሚሻታ ታ ጼሊሺን፥ ‹ኤሬቶንታ ጾስ› ጌቴቲ ጻፌቲዳይሳ ኢሲ ያርሾሶሆ ዴማዲስ፤ ሄሳ ጊሻስ ሄሳ ኢንቴ ኤሮንታ ጎይኒዛይሳ ታ ኢንቴና ኤሪሳና።