2ሳሜላ ማጻፋ 7:22 - ጋሞ ማጻፋ

²² «ኡባ ሃሪዛ ጎዳዉ፥ ኔ ኣይ ማላ ጊታ! ሙሌካ ኔና ሚሳቲዛይ ኦኒካ ዴና፤ ኑኒ ኑ ሃይራ ሲዪዳ ማላ ኔፔ ኣቲን ሃራ ጾሲ ዴና።

Geeshsha Maxaafa

²² «Ubbaa Haariza GODAWU, ne ay mala gitaa! Mulekka nena misatizay oonikka deenna; nuni nu hayththara siyida mala neeppe attiin hara Xoossi deenna.

2ሳሜላ ማጻፋ 7:22 Referans Kwoze

ዬ ማጻፋ 86:10

ኔኒ ጊታ፤ ማላሊሲዛ ሚሽ ኦሳ። ኔኒ ጻላ ጾሳ።

ዬ ማጻፋ 86:8

ኣቤት ጎዳዉ! ኔ ማላይ ጾሳታ ጊዶን ባዋ፤ ኔ ኦሶራ ጊናቲዛ ኦሶይካ ዴና።

ኬሳ ማጻፋ 15:11

«ኣቤት ጎዳዉ! ኤቃ ጾሳታ ጊዶን ኔ ማላይ ኦኔ? ጌሻቴን ቦንቼቲዛይ፥ ቦንቾን ባቢሲዛይኔ፥ ማላሊሲዛ ሚሽ ኦዛይ ኔ ማላይ ኦኔ?

ሚኪያሳ ቲንቢቴ 7:18

ይሼ ኣቲዳ ዜሬ ናጋራ ኣቶ ጊ ማሪዛ ኔ ማላ ጾሲ ኦኔ? ኔኒ ሜርናስ ሃንቄታካ፤ ማሮ ጌሊዛይሳን ኔ ኡፋዬታሳ።

1ታሪኬ ማጻፋ 16:25

ጎዳይ ጊታ፤ ኢዛስ ቤሲዛ ጋላታይካ ቃ፤ ጾሳታ ኡባፌ ኣስ፤ ኢዛስ ያያናስ ቤሴስ።

ኢሳያሳ ቲንቢቴ 45:5

ታኒ ጎዳ፤ ታፔ ሃራይ ኦኒካ ዴና፤ ታፔ ሃራ ጾሲ ዴና፤ ኔ ታና ኤሮንታ ኣጊኮካ ታ ኔና ሚንና።

ዛሬ ማጻፋ 3:24

«ኡባፌ ቃ ጎዳዉ! ኔ ጊታቴኔ ኔ ሚኖ ቄሴዛ ታስ ኔ ኣይሌዛስ ቤሶ ዶማዳሳ፤ ኔኒ ኦዛ ጊታኔ ዎልቃማ ኦሶታ ኦዛ ሃራ ጎዳይ ሳሎንካ ሳኣንካ ዴና።

1ሳሜላ ማጻፋ 2:2

«ጎዳ ማላ ጌሺ ኦኒካ ዴና፤ ኔፔ ኣቲን ሃራይ ዴና፤ ኑ ጾሳ ማላ ዛላይ ዴና።

ዬ ማጻፋ 89:8

ኣቤት ጎዳዉ! ኡባፌ ዎልቃማ ጾሳዉ! ኔ ማላ ዎልቃማይ ኦኔ? ኣቤት ጎዳዉ! ኔኒ ኡባ ሚሻን ኣማኔቲዳዴ።

ዬ ማጻፋ 89:6

ሳሎን ጎዳራ ሊኬታናስ ዳንዳይዛይ ኦኔ? ሳሎ ሜቴታ ጊዶንካ ጎዳ ማላይ ኦኔ?

ዬ ማጻፋ 96:4

ጎዳይ ጊታ፤ ጊታ ጋላታይካ ኢዛስ ቤሴስ፤ ኡባ ጾሳታፔ ኣዲ ኢዚ ያዬታናስ ቤሴስ።

ዛሬ ማጻፋ 4:35

ጎዳይ ኢዛ ጻላ ጊዲዳይሳ ኢንቴ ኤራና ማላ ሃይሳ ኢዚ ኢንቴና ቤሲዴስ፤ ኢዛፔ ኣቲን ሃራ ጾሲ ዴና።

ኢሳያሳ ቲንቢቴ 40:18

ሂስቲን ኢንቴ ጾሳ ኦናራ ጊኒሴቲ? ኣይ ሚስሌራ ጋ ጊኒሴቲ?

ዬ ማጻፋ 48:1

ጎዳይ ጊታ፤ ኑ ጾሳ ካታማን ጌሻ ዙማዛን ጊታ ጋላታይ ኢዛስ ቤሴስ።

ዬ ማጻፋ 145:3

ጎዳይ ጊታ፤ ጊታ ጋላታይ ኢዛስ ቤሴስ፤ ኢዛ ጊታቴይ ኣሳ ቆፋፔ ቦላ።

ዬ ማጻፋ 135:5

ጎዳይ ጊታ ጊዲዳይሳኔ ኑ ጎዳይ ጾሳታ ኡባፌ ቂዛይሳ ታኒ ኤራይስ።

ዬ ማጻፋ 44:1

ኣቤት ጾሳዉ! ቤኒ ኣዳ ዎዴ ኔ ኦዳ ጊታ ሚሻ ኑኒ ሲዪዶስ፤ ኑ ኣዋታ ዎዴካ ኔ ኦዳይሳ ኢስቲ ኑስ ዮቲዳ።

ሂዚቄላ ቲንቢቴ 36:22

«ሄሳ ጊሻስ ኢስራኤሌ ኬስ ኡባ ሃሪዛ ጎዳይ፥ ‹ኢንቴኖ ኢስራኤሌ ኬ ኣሳቶ! ታኒ ሃይሳ ኡባ ኦዛይ ኢንቴ ቢዳ ካዎቴታ ኡባ ጊዶን ቱኒሲዳ ታ ጌሻ ሱን ጊሻሳፌ ኣቲን ኢንቴ ጊሻስ ጊዴና።

ኢሳያሳ ቲንቢቴ 45:22

«ኢንቴኖ ቢታ ጋጻን ዴኢዛ ኡባቶ! ታኮ ሲሚዲ ኣቲቴ። ታኒ ጾሳ፤ ታፔ ኣቲን ሃራይ ዴና።

ኢሳያሳ ቲንቢቴ 45:18

ሳሎታ ሜዳይ ኢዚ ጎዳ፤ ቢታ ጊግሲዲ ሜዳይ፥ ሳኣስ ዮች ዬጊዳይ፥ ኢዛ ኣሳ ዱሳሶ ጊዳና ማላ ኣቲን ጮ ሜላ ዎናስ ሜንታ ጎዳይ፥ ታኒ ጎዳ፤ ታፔ ሃራይ ዴና።

ኢሳያሳ ቲንቢቴ 40:25

ጌሻዚ ኢስታስ፥ «ታና ኦናራ ጊኒሴቲ? ታናራ ጊናቲዛይ ኦኔ?» ጌስ።

2ታሪኬ ማጻፋ 2:5

«ኑ ጾሳይ ሃራ ጾሳታ ኡባፌ ጊታ ጊዲዳ ጊሻስ ታኒ ኬጻናስ ጊጌቲዛ ጾሳ ኬይካ ጊታ።

ዛሬ ማጻፋ 32:39

«ታኒ ጻላ ጾስ ጊዲዳይሳ ኤሪቴ፤ ታፔ ሃራ ጾሲ ዴና፤ ዎዛይካ ፓጻ ዎዛይካ ታና፤ ታኒ ማዱንይሲኔ ፓይስ፤ ታ ኩሼፔ ኦኒካ ኢንቴና ኣሼና።

ሂዚቄላ ቲንቢቴ 36:32

ታኒ ሃይሳ ኦዛይ ኢንቴ ጊሻስ ጊዶንታይሳ ኤሪቴ፤ ኢንቴኖ ኢስራኤሌ ኣሳቶ! ኢንቴ ኢንቴ ኦሶን ዬላቲቴኔ ባሻሼቲቴ፤ ታኒ ኡባ ሃሪዛ ጎዳይ ሃይሳ ዮታይስ› ጌስ።

ኬሳ ማጻፋ 8:10

ሂስቲን ካዎዚ፥ «ዎንቶ ጊዶ» ጊዴስ። ሙሴይካ፥ «ጎዳ ኑ ጾሳ ማላይ ኦኒካ ባይንዳይሳ ኔኒ ኤራና ማላ ኔ ጊዳ ማላ ኦና።

ኬሳ ማጻፋ 9:14

ኔ ዬዶንታ ኢጺኮ ኔ ቦላ፥ ዳናታ ቦላኔ ኔ ኣሳ ቦላ ታ ዎልቃማ ሃንቆ ሃኢ ዬዳና፤ ሄሳንካ ቢታ ቦላን ታ ማላይ ባይንዳይሳ ኔኒ ኤራና።

1ካዎታ ማጻፋ 8:23

ሂስቲዲ፥ «ኣቤት ጎዳዉ፥ ኢስራኤሌ ጾሳዉ! ቦላ ሳሎን ዎይኮ ጋርሳ ሳኣን ኔ ማላ ጾሲ ዴና፤ ባ ኩሜ ዎዚናን ኔ ሲንን ሚኒ ኤቂዳ ኔ ኦሳንቻታስ ኔ ጫቂዳ ቃላ ናጊዛይኔ ኔ ሚኖ ሲቆዛ ቆንጪሲዛይ ኔና።

ዳኔላ ቲንቢቴ 2:45

ኣሲ ቦቾንታ ዲሺን ዙማ ቦላፌ ቃሌቲዲ ቢራታፔ፥ ጻርቂማላፔ፥ ማና ኡርቃፌ፥ ቢራፔኔ ዎርቃፌ ኦሴቲዳ ሚስሌዛ ሊቂሲዳ ሹቻ ኣጁታ ቢርሼይ ሃይሳ፤ ጊታ ጾሳይ ቡሮ ሲንፌ ሃናናይሳ ካዎ ኔና ቤሲዴስ፤ ኣጉሞዚካ ቱማ፤ ኢዛ ቢርሼዚካ ኣማንዛዛ» ጊ ዮቲዴስ።

ኬሳ ማጻፋ 8:6

ሂስቲን ኣሮኔይ ጊብጼ ሃታ ቦላ ባ ኩሼ ፒዲሲን ኦቃርሲ ኬዚዲ ጊብጼ ቢታ ማይኢዴስ።

ዛሬ ማጻፋ 4:39

«ሄሳ ጊሻስ ሳሎንካ ሳኣንካ ጎዳይ ኢዚ ጻላ ጾስ ጊዲዳይሳኔ ኢዛፔ ሃራ ጾሲ ባይንዳይሳ ኤሪቴ፤ ኢንቴ ዎዚናን ዎቴ።

2ሳሜላ ማጻፋ 22:32

ጎዳፔ ኣቲን ሃራ ጾሲ ኦኔ? ኑ ጾሳፌ ኣቲን ዛላይ ኦኔ?