2ሳሜላ ማጻፋ 2:26 - ጋሞ ማጻፋ

²⁶ ኣቢኔሪ ኢዮኣቤ ጼይጊዲ፥ «ኑኒ ሜርናስ ኦላ ኦሌቲሼ ዳኔ? ኢዛስ ዉርሴ ጋቴይ ጫሞ ጊዲዳይሳ ኔ ዋናዳ ኤሮንታ ኣጋዲ? ኔ ኣሳይ ባ ኢሻታ ጎዲዛይሳ ኣጋና ማላ ኔ ኢስታስ ኣዛዞ ኢሞንታይ ኣዉዴ ጋካናሴ?» ጊዴስ።

Geeshsha Maxaafa

²⁶ Abineeri Iyo7aabe xeygidi, «Nuni mernaas ola olettishe daanee? Izas wurseththa gatey camo gididayssa ne waanada erontta aggadii? Ne asay ba ishata gooddizayssa aggana mala ne isttas azazo immonttay awude gakkanaassee?» gides.

2ሳሜላ ማጻፋ 2:26 Referans Kwoze

ኤርማሳ ቲንቢቴ 46:14

«ሃይሳ ጊብጼን ዮታ፤ ቃሴ ጊብጼ ካታማታን ሚጊዶሌን፥ ሜምፒሳኒኔ ጻፊናሴን ኣዋጃ። ኢንቴ ዩሾን ዲዛይታ ማሻይ ማና ጊጌቲዳ ጊሻስ ኢንቴ ዲዛሶን ዲዛሶን ጊጌቲ ኡቲቴ።

ሃዋሬታ ኦሶ 7:26

ዎንቴ ጋላስ ቃሴካ ኢስራኤሌ ናይታፔ ናምኣቲ ባ ጊዶን ኦዬቲሺን ጋኪዲ ኦዬቲዛይታ ጊጊሳናስ ኮዪዲ፥ ‹ሃይቶ ኣሳቶ! ኢንቴ ኢንቴ ጋርሳን ኢሶይ ኢሳራ ኢሻንታ፤ ኢንቴ ዋኒዲ ኢሶይ ኢሳ ቆሄቲ?› ጊዴስ።

ኤርማሳ ቲንቢቴ 46:10

ሄ ጋላሳይ ጎዳ ኡባፌ ዎልቃማ ጾሳ ጋላሳ፤ ኢዚ ባ ሞርኬታ ቦላ ሃሎ ኬሲዛ ጋላሳ፤ ማሻይ ካላና ጋካናስ ማና፤ ሳሞ ኣላና ጋካናስካ ሱ ኡያና፤ ጎዳይ ኡባፌ ዎልቃማ ጾሳይ ፑዴሃ ባጋን ኤፊራጺሴ ሻፋ ማታን ኢስታስ ያርሾ ጊግሲ ዎዴስ።

ሆሴኤ ቲንቢቴ 11:6

ኢስታ ኢታ ሃልቾ ጊሻስ ሞርኬ ቶራይ ኢስታ ካታማታ ኦላና፤ ኢስታ ካታማታ ፔንጌታካ ሜንሬ ዬጋና። ኢስቲካ ሙሌራ ያና።

ኤርማሳ ቲንቢቴ 12:12

ባዞን ዲዛ ዙምቡላታ ቦላፌ ይሲዛይቲ ያና፤ ጋሶይካ ጎዳ ማሻይ ቢታ ሃ ጋጻፔ ሄ ጋጻ ጋካናስ ማና። ሄሳ ጊሻስ ኦኒካ ኣታናስ ዳንዳዬና።

ኤርማሳ ቲንቢቴ 4:21

ታኒ ኣይዴ ጋካናስ ኦላ ማላታ ጼላኔ? ታ ኣይዴ ጋካናስ ዛዬ ጊሪስ ሲያኔ?

ኤርማሳ ቲንቢቴ 2:30

ታኒ ኢንቴ ናይታ ጮ ሜላ ቃጻያዲስ፤ ኢስቲ ጊዲኮ ባይቤቴና፤ ጋፊዳ ጋሞ ማላ ኢንቴ ማሻይ ኢንቴ ናቤታ ሚዴስ» ጌስ።

ኢሳያሳ ቲንቢቴ 1:20

ኢንቴ ታስ ኣካይ ጊ ማካሊኮ ማሻይ ኢንቴና ማና፤ ሃይሳ ዮቲዳይ ታና ጎዳ» ጊዴስ።

ሌሚሶ ማጻፋ 17:14

ኦሽ ዶሜ ኤሌ ሃ ፖጊ ዬዶ ማላ፤ ሄሳ ጊሻስ ኦሺ ሜታናፔ ካሴታዳ ኪቻይቻ።

ዬ ማጻፋ 4:2

ኢንቴኖ ኣሳቶ! ኢንቴ ኣዉዴ ጋካናስ ታ ቦንቾ ካዉሻኔ? ኢንቴ ኣዉዴ ጋካናስ ሃዳ ሚሽ ሲቃኔ? ኢንቴ ኣዉዴ ጋካናስ ዎርዶ ሚሽ ካላኔ?

ኢዮቤ ማጻፋ 19:2

«ኢንቴ ታና ኣዉዴ ጋካናስ ዋዪሳንዴቲ? ኣዉዴ ጋካናስ ዮኦን ታስ ሜቄ ሜንንዴቲ?

ኢዮቤ ማጻፋ 18:2

ኢዮቤ! ኔ ኣይስ ሃይሳ ማላ ሃሳያ ዳርሳይ? ኣኔ ኤዝጋ፤ ኑኒካ ሃሳዮስ።

2ሳሜላ ማጻፋ 11:25

ዳዊቲ ኪቴቲ ዪዳይሳስ፥ «ኔኒ ኢዮኣቤስ፥ ‹ኣይ ዎዴ ጊዲንካ ማሻይ ኢሲቶ ሄሳፌ ዎይኮ ሃይሳፌ ሜስ፤ ሄሳ ጊሻስ ሃይሳ ሃ ሃኖዛን ካዮቶፋ፤ ካታማዮ ኦላ ኦይካናሲኔ ይሳናስ ሚና› ጋዳ ሚን» ጊዴስ።

2ሳሜላ ማጻፋ 2:16

ሄሳፌ ጉዬ ኢሶይ ኢሶይ ባ ሞርኬ ሁኤ ኦይኪዲ ማሻን ሚሌራ ጫዲሼ ኢሲፌ ኦይኬቲ ኩንዲዳ። ሄሳ ጊሻስ ጌባኦኔን ዲዛ ሄ ቢታዚ፥ «ማሻ ቢታ» ጌቴቲዴስ።

2ሳሜላ ማጻፋ 2:14

ሄሳፌ ጉዬ ኣቢኔሪ ኢዮኣቤስ፥ «ኣኔ ኑ ባጋፌኔ ኢንቴ ባጋፌ ናቴ ናይቲ ዴንዲዲ ኑ ሲንን ኦላ ቲራን ጋይቴቶ» ጊዴስ። ኢዮኣቤይ፥ «ኤሮ ጋይቴቶ» ጊዴስ።

2ሳሜላ ማጻፋ 2:25

ሄሳፌ ቢኒያሜ ኣሳይ ኣቢኔሬኮ ሺቂዲ ዙምቡላዛ ጼራን ኢሲኖ ጊዲዲ ሳልፊዴስ።

2ሳሜላ ማጻፋ 2:27

ኢዮኣቤይካ ዛሪዲ፥ «ዴኦ ጾሳይ ቤዪን፥ ኔ ሃይሳ ዮቶንታ ኣጊዳኮ ኣሳይ ዎንታና ጋካናሼ ባ ኢሻታ ጎዶ ኣጌና» ጊዴስ።