2ሳሜላ ማጻፋ 17:23 - ጋሞ ማጻፋ

²³ ኣክጾፌሌይ ኢስቲ ኢዛ ዞሬዛ ኤኮንታ ኢጺዳይሳ ቤኢዲ ባ ሃሬዛ ጫኒ ኤኪዲ ባ ኬ ዲዛ ካታማ ቢዴስ፤ ባሶ ማራሲ ጊግሲዳፔ ጉዬ ባ ኩሼን ጩሌቲ ሃይቂዴስ፤ ሄሳ ሃይቂዲ ባ ኣዋ ዱፎን ሞጌቲዴስ።

Geeshsha Maxaafa

²³ Akxofeeley istti iza zoreza ekkontta ixxidayssa be7idi ba hareza caani ekkidi ba keeththi diza katama bides; baso maarasi giigsidaappe guye ba kushen cuuletti hayqqides; hessaththo hayqqidi ba aawa duufon moogettides.

2ሳሜላ ማጻፋ 17:23 Referans Kwoze

Maatosa 27:5

ሄሳ ጊሻስ ዩሁዳይ ቢራ ኤፊዲ ጾሳ ኬ ጊዶን ዬጊዲ ኬዚ ቢዲ ጩሌቲ ሃይቂዴስ።

2ካዎታ ማጻፋ 20:1

ሄ ዎዴ ሂዝቂያሲ ዳሮ ሳኬቲዲ ሼምፖ ቦላ ዲሺን ኣሞጼ ና ናቤ ኢሳያሲ ኢዛኮ ቢዲ፥ «ጎዳይ ኔና፥ ‹ኔ ሃይቃና፤ ኔ ሃይሳፌ ጉዬ ሼምፖራ ፓጻ ዴኣካ። ሄሳ ጊሻስ ኔሶ ጊጊሳ› ጌስ» ጊዴስ።

2ሳሜላ ማጻፋ 15:12

ኣቤሴሎሜይ ያርሾዛ ሺሺዛ ዎዴ ዳዊቴ ዞሪዛ ጊሎ ዴሬ ኣስ ኣክጾፌሌ ባ ቢታ ጊሎፔ ኢዛኮ ያና ማላ ኪቲዴስ፤ ሄሳ ጊሻስ ሴራዚ ሚኒዴስ፤ ኣቤሴሎሜ ካሊዛይታ ቆዳይ ጉጄቲ ጉጄቲ ቢዴስ።

ዬ ማጻፋ 5:10

ኣቤት ጾሶ! ኢስታ ቦላ ኔኒ ፒርዳ፤ ኢስታ ጌኔይ ኢስታ ኤኪ ቦ። ኢስታ ናጋራይ ዳሮ፤ ሄሳ ጊሻስ ኔኒ ኢስታ ጎዳ ዲጋ፤ ኣይስ ጊኮ ኢስቲ ኔ ቦላ ጌላቲዳ።

1ካዎታ ማጻፋ 16:18

ካታማዚ ኦይኬቲዳይሳ ቤኢዳ ማላ ዚሚሬይ ካዎ ኬ ጊዶን ዲዛ ሚጻን ጌሊዲ ካዎ ኬን ታማ ኦይዲ ሄን ኢዛን ሃይቂዴስ።

2ሳሜላ ማጻፋ 15:31

ሄ ዎዴ፥ «ሴራ ጊዶን ኣቤሴሎሜራ ዲዛይ ኣክጾፌሌ» ጊ ዳዊቴስ ዮቲዳ፤ ሄሳ ጊሻስ ዳዊቲ፥ «ኣቤት ጎዳዉ! ኣክጾፌሌ ዞሬዛ ሃዳ ሂስታርኪ» ጊ ዎሲዴስ።

ሌሚሶ ማጻፋ 19:3

ኢሲ ኢሲ ኣሳይ ባ ኤያቴን ባ ዴኦ ሞሬስ፤ ሂስቲዲ ጎዳ ቦላ ዪሎቴስ።

ሌሚሶ ማጻፋ 16:18

ኦቶሮ ጌዶ ባሺ ካሌስ፤ ሃላጫ ጌዶካ ኩንዴ ካሌስ።

ዬ ማጻፋ 55:23

ኣቤት ጾሳዉ! ኔኒ ጊዲኮ ኢታታ ዱጌ ጪማ ኦላን ዬጋና። ሱ ጉሲዛይቲኔ ባሌዛይቲ ባ ዳና ላይስ ባጋካ ዴቴና፤ ጊዶ ኣቲን ታኒ ኔናን ኣማኔታይስ።

ኢዮቤ ማጻፋ 31:3

ኢታ ኣሳ ቦላ ቆሆይ፥ ናጋራንቻ ኣሳ ቦላካ ዮይ ጋካናይሲ ኤሬቲዳዝ ጊዴኔ?

2ሳሜላ ማጻፋ 16:23

ሄ ዎዴ ኣክጾፌሌይ ኢሚዛ ዞሬይ ኡባይ ጾሳ ቃላይ ዞሪዛይሳ ሚሳቲ ቆዴቴስ፤ ዳዊቲኔ ኣቤሴሎሜይ ኣክጾፌሌ ዞሬ ሄሳ ሂስቲ ኤኬቴስ።

2ሳሜላ ማጻፋ 17:22

ሄሳ ጊሻስ ዳዊቲኔ ኢዛራ ኢሲፌ ዲዛ ዴሬይ ኡባይ ዴንዲ ዮርዳኖሴ ፒኒዳ፤ ጋዴይ ዎንቲሺን ዮርዳኖሴ ፒኖንታይ ኦኒካ ዴና።

ኢሳያሳ ቲንቢቴ 38:1

ሄ ዎዴ ካዎ ሂዝቂያሲ ሃርጊዲ፥ ሃይቃና ማቲዴስ። ሂስቲን ኣሞጼ ና ናቤ ኢሳያሲ ኢዛኮ ቢዲ፥ «ጎዳይ ኔና፥ ‹ኔኒ ሃይቃናፔ ኣቲን ሃርጌዛፔ ፓጻካ፤ ሄሳ ጊሻስ ኔ ኬ ጊጊሳ› ጌስ» ጊዴስ።

ዬ ማጻፋ 109:20

ሃይሲ ታና ሞቲዛይታሲኔ ታ ቦላ ኢታ ሃሳይዛይታስ ጎዳይ ኢሚዛ ዎይቶ ጊዶ!