2ቆሮንቶሴ ኣሳስ 7:10 - ጋሞ ማጻፋ

¹⁰ ጾሳ ሼኔ ማላ ጊዲዳ ሙዞቴ ጌዴ ማሬቲ ኣታናሶ ጋስ፤ ሄሳስካ ሞቴ ዴና፤ ዎዚናፔ ጊዶንታ ሙዞቴ ጊዲኮ ሃይቆን ጋስ።

Geeshsha Maxaafa

¹⁰ Xoossa shene mala gidida muuzoteththi gede maaretti attanaaso gaththees; hessaska modheteththi deenna; wozinappe gidontta muuzoteththi gidikko hayqon gaththees.

Gamo Geesha Maxxafa New Testamen

¹⁰ Xoossa shene mala mishetethi gede maareti attanaso gathees. Hessasika handatethi deenna; Wozinape gidontta maareteth gidiko hayqon gathees.

2ቆሮንቶሴ ኣሳስ 7:10 Referans Kwoze

ሃዋሬታ ኦሶ 3:19

ሄሳ ጊሻስ ኢንቴ ናጋራይ ቁጬቲ ያና ማላ ማሮቴን ጌሊቴ፤ ኢንቴ ቢዛ ኦጌፔ ሲሚቴ፤ ጎዳ ማታፔ ኢንቴ ኦራጻና ዎዴይ ኢንቴስ ያና።

ሃዋሬታ ኦሶ 11:18

ኢስቲ ሄሳ ሲዪዳ ዎዴ ኢስታስ ጊዛዚ ዪን ጮኡ ጊ ሲሚዲ፥ «ሃይሳ ማላ ጊዲኮ ኣይዛቤቲካ ሃ ኦራ ዴኦኮ ያና ማላ ጾሲ ኣሳስ ማሮቴ ኢሚዴስ ጉሳ» ጊዲ ጾሳ ጋላቲዳ።

2ሳሜላ ማጻፋ 12:13

ሄሳፌ ጉዬ ዳዊቲ ናታኔስ፥ «ታኒ ጎዳ ኬሃ ቆሃዲስ» ጊዴስ፤ ናታኔይ ኢዛስ ዛሪዲ፥ «ጎዳይ ኔ ናጋራ ዉርሲዳ ጊሻስ ኔ ሃይቃካ፤

ሉቃሳ ሚሺራቾ 18:13

«ጊዶ ኣቲን ቃራጻ ሺሺዛ ኣዴዚ ሃሆን ኤቂዲ ፑዴ ሳሎ ቁ ጊ ጼላናስ ኮዪቤና፤ ጊዶ ኣቲን ባ ቲራ ኢጪሼ፥ ‹ጾሶ! ታና ናጋራንቻዛ ማራርኪ!› ጊዴስ።

ሉቃሳ ሚሺራቾ 15:10

ታ ኢንቴስ ዮታይስ፤ ‹ሄሳካ ማሮታን ጌሊዛ ኢሲ ናጋራንቻ ኣሳን ጾሳ ኪታንቻታ ኣቻን ኡፋይስ ጊዳና።›

ዮናሳ ቲንቢቴ 3:10

ኢስቲ ባ ኢታ ኦጌፔ ሲሚዳይሳ ጾሳይ ቤኢዲ ኢስታስ ቃቲዲ ኢስታ ቦላ ኤሃና ጊዳ ፒርዳ ኣጊዴስ።

Ibirawe 12:17

ኤሳዌይ ጉዬፔ ካሴ ባ ኣንጆዛ ላታናስ ዛሪ ኮዪን ኢዛስ ኢሜቶንታ ዲጌቲዳይሳ ኢንቴ ኤሬታ፤ ኢዚ ባና ጋኪዛ ኣንጆዛስካ ዳሮ ዬኪሼ ኮዪዲካ ዛሪ ዴማናስ ዳንዳይቤና።

ሌሚሶ ማጻፋ 17:22

ኡፋዬቲዛ ዎዚናይ ሎኦ ሌ፤ ጊዶ ኣቲን ሜቂዳ ዎዚናይ ኣሳስ ዎልቃ ይሴስ።

ዮናሳ ቲንቢቴ 4:9

ሂስቲን ጾሳይ ዮናሳስ፥ «ቱሙ ኔኒ ሃ ጎሴይ ጊሻስ ሃንቄታናስ ታስ ቤሲዜ?» ጊዴስ። ዮናሲካ፥ «ኤ! ሃይቃና ጋካናስ ሃንቄታናስ ቤሴስ» ጊዴስ።

1ሳሜላ ማጻፋ 30:6

ኢዛራ ዲዛ ኣሳይ ባንታ ኣቱማ ናይታ ጊሻሲኔ ባንታ ማጫ ናይታ ጊሻስ ዪሎቲዲ ኢዛ ሹቻን ጫዳናስ ዞሬቲዳ፤ ሂስቲን ዳዊቲ ኬሂ ጬጪዴስ፤ ጊዶ ኣቲን ዳዊቲ ጎዳ ባ ጾሳን ሚኔቲዴስ።

2ቆሮንቶሴ ኣሳስ 12:21

ታኒ ቃሴካ ሄ ኢንቴኮ ቢሺን ኦኔ ኤሪዛይ ታ ጎዳይ ታና ኢንቴ ሲንን ካዉሻንዴ ጋዳ ሂርጋይስ። ሃይሳፌ ካሴ ናጋራ ኦዲ ሄ ኦዳ ቱናቴን፥ ላይማኒኔ ጮ ሜላ ዬዳ ዱሳስ ማሮቴን ጌሎንታ ኣሳታ ጋሶን ታ ሙዞቴን ዎንዲና ጋዳ ሂርጋይስ።

Maatosa 26:75

ሄ ዎዴ ዬሱሲ ካሴ ጴጽሮሳስ፥ «ኩቶይ ዋሳናስ ኔ ታና ሄቶ ካዳና» ጊዲ ዮቲዳ ቃላይ ቆፌቲን፥ ጴጽሮሲ ካሬ ኬዚዲ ጫሞ ዬሆ ዬኪዴስ።

ዮናሳ ቲንቢቴ 3:8

ኣሳይካ ሜሄይካ ዉሪ ማቃ ማይኦ፤ ኣሲ ዉሪ ሚንዲ ጾሳኮ ዋሶ፤ ባ ኢታ ኦጌፔኔ ቆሆ ኦሶፔካ ሲሞ።

ሂዚቄላ ቲንቢቴ 7:16

ኢስታፌ ኬሲ ኤኪ ኣቲዛይቲ ሾባ ጊዶፌ ጎዲን ሂርጊሼ ፒራ ቢዲ ዙምቡላ ቦላ ጉጉሚዛ ሃራጴታ ማላ ባንታ ናጋራ ጋሶን ዚላሊሼ ዙማ ቦላ ዳና።

ኤርማሳ ቲንቢቴ 31:9

ታኒ ኢስታ ዛራዳ ኤሂዛ ዎዴ ኢስቲ ዬኪሼኔ ዎሲሼ ያና። ታኒ ኢስታ ፑልቶ ሃ ኣቻራ ሱሬ ኦጌራ ካሌና። ጋሶይካ ታኒ ኢስራኤሌስ ኣዋ፤ ኤፍሬሜይካ ታስ ባይራ ና።

ሌሚሶ ማጻፋ 18:14

ኣሳ ኣያናይ ሃርጌ ዳንዳያና ማላ ማዴስ፤ ጊዶ ኣቲን ኣያናይ ሜቄሬቲቺኮ ኢዛ ኦኒ ዳንዳያኔ?

ሌሚሶ ማጻፋ 15:15

ማንቆታ ዴኦይ ኡባ ጋላሲካ ባጼ። ኡፋዬቲዛ ኣሳቲ ኡባቶካ ባንታ ዴኦን ኡፋዬቴቴስ

ሌሚሶ ማጻፋ 15:13

ዎዚና ኡፋይሲ ሲን ፖኢሴስ፤ ዎዚና ጬጬይ ጊዲኮ ኣያና ቆሄስ።

1ካዎታ ማጻፋ 21:4

ኢዝራኤሌ ኣስ ናቡቴይ፥ «ታኒ ታ ኣዋታፔ ላቲዳ ጺንጾ ኔስ ኢሚኬ» ጊዳ ጊሻስ ኣካቤይ ዪሎቲሼኔ ላንጪሼ ባ ሶ ቢዴስ። ሂስቲዲ ባ ሂጻን ጎዳኮ ሲሚ ኢቺዲ ካ ሞንታ ኢጺዴስ።

2ሳሜላ ማጻፋ 17:23

ኣክጾፌሌይ ኢስቲ ኢዛ ዞሬዛ ኤኮንታ ኢጺዳይሳ ቤኢዲ ባ ሃሬዛ ጫኒ ኤኪዲ ባ ኬ ዲዛ ካታማ ቢዴስ፤ ባሶ ማራሲ ጊግሲዳፔ ጉዬ ባ ኩሼን ጩሌቲ ሃይቂዴስ፤ ሄሳ ሃይቂዲ ባ ኣዋ ዱፎን ሞጌቲዴስ።

2ሳሜላ ማጻፋ 13:4

ኢዚ ኣሚኖኔ፥ «ኔ ጊልቃ ጊልቃ ኣቂዛ ጋሶይካ ኣዛኮን ታስ ኣይስ ዮቲኪ!» ጊ ኦይቺዴስ። ኣሚኖኔይ፥ «ታ ኢሻ ኣቤሴሎሜ ሚቾ ቲኢማሮ ዶሲዳ ጊሻስ ጊልቃዲስ» ጊዴስ።

ሜቴ ማጻፋ 30:1

ኤራሄላ ያቆቤስ ናይ ኢዚፔ ዬሌቶንታይሳ ኤራዳ ባ ሚቼይ ቦላ ቃናታዱስ፤ ሄሳ ጊሻስ ኢዛ ያቆቤ፥ «ታስ ና ኢማ፤ ኢጺስ ጊኮ ታ ሃይቃና» ጋዱስ።

ዬ ማጻፋ 38:18

ታ ናጋራይ ታና ሜቲዴስ፤ ሄሳ ጊሻስ ታ ቆሆ ታ ኔስ ፓጻይስ።

ኤራንቻታ ማጻፋ 7:3

ሚቻፌ ካዮይ ኪያ፤ ጋሶይካ ካዮይ ሲን ካሬኮካ ዎዚና ፖኢሴስ።

2ቆሮንቶሴ ኣሳስ 7:9

ሃኢ ጊዲኮ ታ ኡፋዬታይስ፤ ታኒ ኡፋዬቲዳ ጋሶይካ ታኒ ኢንቴና ሚሺሲዳ ጊሻስ ጊዶንታ ኢንቴ ሄ ሚሻፔ ዴንዲዳይሳን ማሮቴን ጌሊዲ ላሜቲዳ ጊሻሳ፤ ሄሳ ጊሻስ ኢንቴ ሚሼቲኮካ ጾሳ ሼኔ ማላ ጊዲዳ ጊሻስ ኑኒ ኢንቴና ኣይኮካ ቆሂቤኮ ጉሳ።