1ጺምቶሳስ 4:10 - ጋሞ ማጻፋ

¹⁰ ኑ ሄሳስ ጊዲ ዳፌቶሲኔ ዳቡሮስ፤ ሄሲካ ኣሳ ኡባስ ሃራፔካ ኣማኒዛይታስ ኣሺዛ ዴኦ ጾሳን ኑ ሂዶታ ኦዛ ጊሻሳ።

Geeshsha Maxaafa

¹⁰ Nu hessas giidi dafettoossinne daaburoos; hessika asa ubbaas harappeka ammanizaytas ashshiza de7o Xoossaan nu hidota ooththiza gishshassa.

Gamo Geesha Maxxafa New Testamen

¹⁰ Nu hessas giidi dafettoossine daabuross. Hessikka asa wurssos harapekka ammanizaytas ashiza deyo Xoossan nu ufayss oothiza gishshaskko.

1ጺምቶሳስ 4:10 Referans Kwoze

1ጺምቶሳስ 2:4

ኢዚ ኣሲ ዉሪ ኣታና ማላኔ ቱማ ኤራና ማላ ኮዬስ።

1ዮሃኒሳ ኪታ 2:2

ኢዚ ኑ ናጋራይ ኣቶ ጌቴታና ማላ ኦጌ ጊግሲዛዴ፤ ሄሲካ ኑና ጻላ ጊዶንታ ኩሜ ኣላሜ ኣሳሳራ ኣቲን ኑስ ጻላ ጊዴና።

1ጺምቶሳስ 2:6

ኢዚ ባና ኣሳ ኡባስ ኣ ኢሚዴስ፤ ሄሲካ ሄራካ ዎዴይ ኣንታ ኢዛስ ማርካቲዴስ።

ዮሃኒሳ ሚሺራቾ 1:29

ዎንቴ ጋላስ ዮሃኒሲ ዬሱሲ ባኮ ዪሺን ቤኢዲ፥ «ዴሬ ናጋራ ቢታፌ ዲጋና ጾሳ ዶርሲ ሄኮ ሃይሲች!

1ዮሃኒሳ ኪታ 4:14

ኣዋይ ባ ናዛ ሃይሳ ሃ ኣላሜ ኣሳ ኣሻናስ ዬዲዳይሳ ኑ ቤኢዶሲኔ ኢዛ ጊሻስ ማርካቶስ።

ዮሃኒሳ ሚሺራቾ 4:42

ማጫሳዮካ፥ «ሃኢ ኑ ኢዛ ኣማኒዛይ ኔ ዮቲዳ ቃላ ጊሻስ ጻላ ጊዶንታ ኑኒካ ኑ ባጋራ ኢዛፔ ሲዪዳ ጊሻሲኔ ቱማፔ ኢዚ ዴሬ ኣሺዛዴ ጊዲዳይሳ ኤሪዳ ጊሻሳ» ጊዳ።

ዮሃኒሳ ሚሺራቾ 5:24

«ታ ኢንቴስ ቱማ ጋይስ፤ ታ ቃላ ሲዪዛዴሲኔ ታና ኪቲዳዴን ኣማኒዛዴስ ሜርና ዴኦይ ዴስ። ኢዛዴይ ሃይቆፔ ጌዴ ዴኦን ፒኒዴስ ኣቲን ኢዛ ቦላ ፒርዴቴና።

ዬ ማጻፋ 84:12

ኣቤት ኡባፌ ዎልቃማ ጎዳዉ! ኔናን ኣማኔቲዛይቲ ኣንጄቲዳይታ።

Ibirawe 13:13

ሄሳ ጊሻስ ኑኒካ ኢዚ ቶኪዲ ካዉሻቴ ቶኪዲ ኑ ዲዛሶፔ ጌዴ ኢዛኮ ካሬ ኣኔ ኬዞስ።

ኢሳያሳ ቲንቢቴ 12:2

‹ቤኢቴ፥ ጾሳይ ታ ኣቶቴ፤ ታኒ ኢዛን ኣማኔቲዛ ጊሻስ ባቢኬ፤ ጎዳይ፥ ጾሳይ ታስ ሚኖቴኔ ዬ፤ ታ ኣቶቴይ ኢዛ› ጋንዳሳ።

ዬ ማጻፋ 118:8

ኣሳን ኣማኔቴፌ ጎዳን ኣማኔቴይ ሎኦ።

ዬ ማጻፋ 52:8

ጊዶ ኣቲን ኣጪዛ ዎጋራ ሚ ማላ ታኒ ጾሳ ኬን ኣጫይስ፤ ኢዛ ሜርና ሲቆን ታኒ ሜሪ ሜርናስ ኣማኔታይስ።

1ጴጽሮሳ ኪታ 1:21

ኢንቴስ ኣማኖይኔ ኢንቴ ሂዶታይ ጾሳን ጊዳና ማላ ዬሱስ ኪርስቶሳ ባጋራ ኢዛ ሃይቆፔ ዴንዲ ኢዛስ ቦንቾ ኢሚዳ ጾሳን ኢንቴ ኣማኔቴታ።

Ibirawe 11:26

ጊብጼ ዴሬን ዲዛ ሃሮፔ ቦላራ ኪርስቶሳ ጊሻስ ዋዬ ኤኮይ ዳሮ ኣዛ ሃሮ ጊዲዳይሳ ዩሺ ቆፒዴስ፤ ጋሶይካ ኢዚ ሲንፌ ኤካናይሳ ቡሮ ሃሆን ቤኢዳ ጊሻሳ።

1ጺምቶሳስ 6:17

ሃይሳ ሃ ኣላሜዛን ዱሬቲዳይቲ ኦቶሬቶንታ ማላ ኣዛዛ፤ ኑ ኡፋዬታና ማላ ዉርሲካ ዳርሲ ቲርፊሲዲ ኑስ ኢሚዛ ጾሳን ኣቲን ኣማንንታ ሚሻን ኣማኔቶንታ ማላ ኣሳስ ዮታ።

1ጺምቶሳስ 3:15

ታ ሃኖ ኔስ ጻፊዛይ ታ ጋምኢዛ ጊዲኮካ ኣሳይ ጾሳ ኬን ዋኒ ዳናኮ ኔ ኤራና ማላ ጋዳኮ! ኬይ ዴኦ ጾሳ ዎሳ ኬ፤ ሄሲካ ቱሙ ቱሲኔ ጻጶ።

Maatosa 27:43

ጾሳን ኣማኔቲዴስ፤ ባና ጾሳ ና ጊዳ ማላ ጾሲ ኢዛ ዶሲዛ ጊዲኮ ኣኔ ሃኢ ኢዛ ኣሾ» ጊዳ።

ናሆሜ ቲንቢቴ 1:7

ጎዳይ ሎኦ፤ ሜቶ ጋላሲካ ቆቴቲ ኣቲዛሶ። ኢዛን ኣማኔቲዛይታ ናጌስ።

ዳኔላ ቲንቢቴ 3:28

ሄሳፌ ጉዬ ታኒ ካዎ ናቡካዳናጾሬይ፥ «ኢዚ ባ ኪታንቻ ኪቲዲ ባ ኦሳንቻታ ኣሺዳ ሲዲራቃ፥ ሚሳቃኔ ኣብዲናጎ ጾሳይ ጋላቴቶ! ኢስቲካ ባ ጎዳን ኣማኔቲዲ ባ ጾሳስ ኣቲን ሃራ ኤቃ ጾሳታስ ኦኮኔ ጎይኖኮ ጊዲ ካዎዛ ኣዛዞ ኢጺዲ ባ ሼምፖ ኣ ኢሚዳ።

ኤርማሳ ቲንቢቴ 17:7

ጊዶ ኣቲን ጎዳን ኣማኔቲዛ ኣሲ፥ ኢዚ ኣማኔቲዛይ ጎዳ ጊዲዳዴይ ኣንጄቲዳዴ።

ኢሳያሳ ቲንቢቴ 50:10

ኢንቴ ጊዶፌ ጎዳስ ያዪዛይ፥ ኢዛ ኣይላ ቃላስ ኣዛዜቲዛይ ኦኔ? ሄሳዴይ ማን ቢዛ ጊዲኮኔ ፖኦይ ኢዛስ ባይንዳ ኣጊኮ ኢዚ ጎዳ ሱንን ኣማኔቶ፤ ባ ጾሳንካ ዜምፖ።

ዬ ማጻፋ 107:2

ጎዳይ ኢስታ ዎዚዳይቲ፥ ኢስታ ሞርኬታ ኩሼፔ ኢዚ ኣሺዳይቲ ሂዝጌቶ፤

ዬ ማጻፋ 37:40

ጺሎቲ ጎዳ ጉዬ ኣዳ፤ ሄሳ ጊሻስ ኢዚ ኢስታ ማዴሲኔ ኣሼስ፤ ኢታታ ኩሼፔካ ዎ ኤኬስ።

ዬ ማጻፋ 36:6

ኣቤት ጎዳዉ! ኔ ጺሎቴይ ኡባፌ ቃ ዙማታ ማላ፤ ኔ ፒርዳይካ ኡባፌ ዚቃ ጪማ ማላ፤ ኔኒ ኣሳካ ዶኣካ ኢታፔ ናጋሳ።

Maatosa 16:16

ሲሞና ጌቴቲዛ ጴጽሮሲ፥ «ኔኒ ኪርስቶሳ ዴኦ ጾሳ ና ጊዲኪ?» ጊዲ ዛሪዴስ።

1ቆሮንቶሴ ኣሳስ 15:10

ጊዶ ኣቲን ጾሳ ኪያቴን ሃኢ ታ ሃናናይሳ ሃናዲስ፤ ታስካ ኢሜቲዳ ጾሳ ኪያቴ ሃዳ ጊዲቤና፤ ታኒ ኦናፔካ ቦላራ ዳሮ ሚና ኦዲስ። ጊዶ ኣቲን ሄሳ ኦዳይ ታና ጊዶንታ ጾሳ ኣ ኪያቴ።

2ቆሮንቶሴ ኣሳስ 1:10

ኢዚ ኑና ሄሳ ማላ ቆፖንታ ሃይቆፔ ኣሺዴስ፤ ሃኢካ ዎዴፔካ ኢዚ ኑና ኣሻናይሳ ኑ ኣማኔቶስ።

1ጺምቶሳስ 2:3

ሃይሲ ኑና ኣሺዛ ጾሳ ኣቻን ሎኦኔ ኡፋይሲዛዛ።