1ጺምቶሳስ 2:8 - ጋሞ ማጻፋ

⁸ ሄሳ ጊሻስ ኣቱማ ኣሳይ ኡባሶን ሃንቆይ ባይንዳኔ ፓላማይ ባይንዳ ባ ጌሻ ኩሼታ ፑዴ ቁ ሂስቲዲ ዎሳና ማላ ታ ኮያይስ።

Geeshsha Maxaafa

⁸ Hessa gishshas attuma asay ubbason hanqoy bayndanne palamay baynda ba geeshsha kusheta pude dhoqqu histtidi woossana mala ta koyays.

Gamo Geesha Maxxafa New Testamen

⁸ Hessa gish attuma asay wursso soon hanqqoy bayinddane palammay bayindda ba geeshsha kushista pude dhuuqqu histtidi woosana mala ta koyayis.

1ጺምቶሳስ 2:8 Referans Kwoze

ዬ ማጻፋ 134:2

ጾሳ ኬን ኢንቴ ኩሼ ዴንዲ ጎዳ ጋላቲቴ።

ዬ ማጻፋ 63:4

ታ ዴኦ ላይንካ ታኒ ኔና ጋላታና፤ ኔ ሱንን ታ ኩሼ ፑዴ ኔኮ ዴንና።

Ibirawe 10:22

ኑኒ ኑ ኢታ ቆፋፔ ጌያናስ ኑ ዎዚና ኣራጬቲዲ ኑ ኣሳቴካ ጺሎ ሃን ሜጬቲዲ ቱሙ ዎዚናፔኔ ኩሜ ኣማኖን ጾሳኮ ኣኔ ሺቆስ።

Titosas 3:8

ሄሲካ ኣማኔቲዳ ቃላ፤ ጾሳ ኣማኒዛይቲ ሎኦ ኦሶስ ባና ኣ ኢማና ማላ ሃይሳ ዉርሳ ኔ ሎኤ ዮታና ማላ ታ ኮያይስ፤ ሄሲካ ሎኦኔ ኣይ ኣሲካ ኮይዛዛ።

ያቆቤ ኪታ 4:8

ጾሳኮ ሺቂቴ፤ ኢዚካ ኢንቴኮ ሺቃና፤ ኢንቴኖ ናጋራንቻቶ! ኢንቴ ኢንቴ ኩሼ ጌሺቴ፤ ኢንቴኖ ናምኡ ቆፋን ቃጺዛይቶ! ኢንቴ ኢንቴ ዎዚና ጌሺቴ።

ሉቃሳ ሚሺራቾ 24:50

ሄሳፌ ጉዬ ኢስታ ኤኪዲ ቢታኒያ ጌቴቲዛሶ ኬዚዴስ። ባ ኩሼታካ ዴንዲ ኢስታ ኣንጂዴስ።

ኢሳያሳ ቲንቢቴ 1:15

ኢንቴ ኢንቴ ኩሼ ዎሳስ ታኮ ሚጪኮ ታኒ ታ ኣይፌ ኢንቴፌ ሃራሶ ዛራና፤ ኢንቴ ኩሼን ሱ ኩሚዳ ጊሻስ ኢንቴ ኬሂ ዎሲኮካ ታ ኢንቴ ዎሳ ሲዪኬ።

1ጴጽሮሳ ኪታ 3:7

ኣዚናቶ! ኢንቴ ኢንቴ ማቼታራ ኣኬካን ኢሲፌ ዴኢቴ፤ ኢስቲ ኢንቴፌ ዳቡራንቻ ሜቴ ጊዲዳ ጊሻሲኔ ቃሴካ ጾሲ ጮ ኪያቴን ኢሚዛ ዴኦ ኢስቲ ኢንቴናራ ኢሲፌ ላታናይሳ ጊሻስ ኢንቴ ኢስታ ቦንቺቴ፤ ኢንቴ ሄሳ ኦኮ ኢንቴ ዎሳ ጲዛ ሚሺ ዴና።

1ጺምቶሳስ 5:14

ሄሳ ጊሻስ ኣዚናቲ ሃይቂዳ ናቴ ማጫሳቲ ኣዴ ጌላና ማላ፥ ናይታ ዬላና ማላኔ ባሶ ኣስ ኣይሳና ማላ፥ ሞርኬይካ ኢስታ ቦላ ዎዛ ሚሼ ዴሞንታ ማላ ታ ዞራይስ።

ሃዋሬታ ኦሶ 21:5

ኑ ሄን ጋምኣና ዎዴይ ዉሪን ኢስታፌ ሻኬቲዲ ኑ ኦጌ ቢዶስ፤ ኢስቲ ዉሪ ባ ማቼታራኔ ባ ናይታራ ኢሲፌ ካታማፔ ካሬ ኬዛና ጋካናስ ኑና ሞይዚዳ፤ ኣባ ኣቻን ኑ ዉሪ ጉልባቲዲ ዎሲዳፔ ጉዬ ዴንዲዲ ኢሶይ ኢሳራ ሳሮኬቲዲ ሻኬቲዶስ።

ሃዋሬታ ኦሶ 10:4

ቆርኖሎሲካ ዳጋማራ ቲሺ ሂስቲ ጼሊሼ፥ «ጎዶ ሃይሲ ኣዜ?» ጊዴስ። ኪታንቻይካ ዛሪዲ፥ «ኔ ዎሳይኔ ኔ ሙጹዋታይ ቆፌታናስ ፑዴ ጾሳ ሲን ጋኪዴስ።

ሃዋሬታ ኦሶ 10:2

ኢዚካ ባ ኬ ኣሳ ኩሜራ ኣያና ሃኖን ሚኖኔ ጾስ ባቢዛዴ፤ ማንቆታስካ ዳሮ ሙጹዋታ ኢሚዛዴኔ ዳሮ ዎዴ ጾስ ዎሲዛ ኣሳ።

ሃዋሬታ ኦሶ 7:60

ቃሴካ ጉልባቲዲ ቃ ቃላን «ጎዶ! ሃይታንታ ናጋራ ቆዶፓ» ጊዲ ዋሲዴስ፤ ሄሳ ጊዳፔ ጉዬ ሃይቂዴስ።

1ቆሮንቶሴ ኣሳስ 7:7

ኣሲ ዉሪ ታ ማላ ማቾ ኤኮንታ ዲዛኮ ታ ዶሳይስ፤ ጊዶ ኣቲን ኢሲ ኢሲ ኣሳስ ጾሳፌ ኢሜቲዳ ዱማ ዱማ ኢሞታይ ዴስ፤ ኢሳስ ኢሲ ቆሞ ኢሞታይ ዴስ፤ ሃንኮይሳስ ቃሴ ሃራ ቆሞ ኢሞታይ ዴስ።

ሃዋሬታ ኦሶ 10:31

ታና፥ ‹ቆርኖሎሳ! ኔ ዎሳይ ሲዬቲዴስ፤ ኔ ማንቆታስ ኢሚዛ ሙጹዋታይ ጾሳ ሲን ጋኪዴስ።

ዮሃኒሳ ሚሺራቾ 4:21

ዬሱሲካ ኢዚስ፥ «ሃኔ ማጫሳዬ፥ ጾሳ ኣዋስ ሃይሳ ዙማ ቦላ ዎይኮ ዬሩሳላሜን ኢንቴ ጎይኖንታ ዎዴይ ያናይሳ ኣማና።

ሉቃሳ ሚሺራቾ 23:34

ዬሱሲካ፥ «ታ ኣዋዉ! ሃይቲ ባ ኦዛይሳ ኤሪዲ ኦንታ ጊሻስ ኢስታስ ኣቶ ጋ!» ጊዴስ፤ ኢስቲካ ኢዛ ማይኦዛ ሳማ ዬጊዲ ባ ጊዶን ጊሼቲ ኤኪዳ።

Maatosa 21:21

ዬሱሲካ ኢስታ፥ «ታ ኢንቴስ ቱሙ ጋይስ፤ ኢንቴስ ኣማኖይ ዲኮኔ ኢንቴ ሲንታ ኣጊኮ ባላሴ ሚይ ቦላ ሃኒዳይሳ ማላ ጻላላ ጊዶንታ ሃይሳ ዙማ፥ ‹ሃይሳፌ ቃሌታዳ ዱጌ ኣባን ጌላ› ኢንቴ ጊዳኮካ ኢዚ ጌላና» ጊዴስ።

Maatosa 5:44

ታ ቃሴ ኢንቴና ኢንቴ ሞርኬታ ዶሲቴ፤ ኢንቴና ጎዲዛይታስ ዎሲቴ ጋይስ።

ዬ ማጻፋ 66:18

ታኒ ታ ዎዚናን ናጋራ ጌንዳኮ፥ ጎዳይ ታ ዎሳ ሲዬና።

ዬ ማጻፋ 26:6

ኣቤት ጎዳዉ! ታናን ቆሆይ ባይንዳይሳ ቤሳናስ ታ ኩሼዛ ሜጫይስ፤ ሂስታዳ ያርሾ ያርሺዛሶዛ ዩያይስ።

ዬ ማጻፋ 24:4

ኢዛ ኩሼይ ናጋራፔ ጌዪዳይ፥ ኢዛ ዎዚናይ ጌሻ ጊዲዳይ፥ ኤቃ ጾሳታስ ጎይኖንታይ፥ ዎርዶ ጫቆንታይ፥

ኢዮቤ ማጻፋ 16:17

ሃይሲ ኡባይ ሃንሺን ታ ኦዳ ቆሆይ ዴና፤ ታኒ ታ ዎሳ ጾሳኮ ሺሺዛይ ዎዚና ጌሻቴና።

Maatosa 6:12

ኑ ኑና ቆሂዳይታስ ኣቶ ጊዛ ማላ ኔካ ኑ ቆሆ ኑስ ኣቶ ጋ።

ሌሚሶ ማጻፋ 21:27

ኢታ ኣሳ ያርሾይ ሃራሴስ፤ ኢታ ቆፋን ሺሺዛ ጊዲኮ ኣይ ማላ ኢታ ጊዳኔ?

ሌሚሶ ማጻፋ 15:8

ጎዳይ ኢታታ ያርሾ ሻቴቴስ፤ ሱሬታ ዎሳይ ጊዲኮ ኢዛ ኡፋይሴስ።

ዬ ማጻፋ 35:13

ጊዶ ኣቲን ታኒ ኢስቲ ሃርጊዳ ዎዴ ማቃ ማይኣዲስ፤ ታ ኣሳቴ ጾማን ዳቡርሳዲስ፤ ታ ዎሳስ ዛሮይ ይዴስ።

1ካዎታ ማጻፋ 3:11

ቃሴካ ጾሳይ ኢዛ፥ «ኔኒ ኔስ ላይ ኣዱቃና ማላ ዎይኮ ዱሬታና ማላ፥ ዎይኮ ኔ ሞርኬቲ ሃይቃና ማላ ጊዶንታ ዴራ ዎጋራ ኣይሳናስ ኣ ኤራቴ ኦይቺዳ ጊሻስ፥

ዬ ማጻፋ 28:2

ታ ኩሼዛ ኔ ጌሻ ኣቆሶ ሚጫዳ ዎሲሺኔ ታና ማዳርኪ ጋዳ ታ ዋሲሺን ኔ ሲያ።

ዬ ማጻፋ 141:2

ታ ዎሳይ ኤጻኔ ጩዋ ማላ ኔ ሲን ሺቆ፤ ታኒ ታ ኩሼዛ ሚጪዛይሲ ኔስ ኦማርሳ ዎዴ ያርሾ ማላ ጊዶ።

1ቆሮንቶሴ ኣሳስ 1:2

ቆሮንቶሴን ዲዛ ጾሳ ዎሳ ኬስ፥ ጎዳ ዬሱስ ኪርስቶሳስ ዱማቲዳይታሲኔ ኢስታሳራ ኑሳራ ጎዳ ጊዲዳ ጎዳ ዬሱስ ኪርስቶሳ ሱን ኣዋንካ ጼይጊዛ ኣማኒዛይታራ ጊዳናስ ጼይጌቲዳ ኣሳ ኡባስ፥

2ቆሮንቶሴ ኣሳስ 2:14

ጊዶ ኣቲን ኪርስቶሳ ባጋራ ኡባ ዎዴ ኑና ጾኖ ኦጌን ካሌ ዩሺዛኔ ባ ሎኦ ኤራቴ ኑ ባጋራ ኡባሶን ቆንጪሲዛ ጎዳስ ጋላታይ ጋኮ።

ፒሊጲሲዮሴ ኣሳስ 1:12

ሃኢካ ታ ኢሻቶ! ታ ቦላ ጋኪዳ ሜቶይ ሚሺራቾ ቃላይ ካሴፔ ኬሂ ኣካናስ ጊዲዳይሳ ኢንቴ ኤራና ማላ ታ ኮያይስ።

1ታሶሎንቄ ኣሳስ 1:8

ጎዳ ቃላይ ኢንቴፌ ኬዚዲ ማቂዶኒያኒኔ ኣካያን ሲዬቴ ጻላ ጊዶንታ ኢንቴስ ጾሳ ቦላ ዲዛ ኣማኖይ ኡባሶን ኤሬቲዴስ፤ ሄሳ ጊሻስ ኑ ኢንቴስ ዮታናስ ኣይኮካ ኮሼና።