1ታሶሎንቄ ኣሳስ 5:24 - ጋሞ ማጻፋ

²⁴ ኢንቴና ጼይጊዳይሲ ኣማኔቲዳዴ ጊዲዳ ጊሻስ ኢዚ ሄሳ ኦና።

Geeshsha Maxaafa

²⁴ Inttena xeygidayssi ammanettidaade gidida gishshas izi hessa ooththana.

Gamo Geesha Maxxafa New Testamen

²⁴ Intena xeyigidayssi ammanetidade gidida gish izi hessa oothana.

1ታሶሎንቄ ኣሳስ 5:24 Referans Kwoze

2ታሶሎንቄ ኣሳስ 3:3

ጎዳይ ጊዲኮ ኣማኔቲዳይሳ፤ ኢዚካ ኢንቴና ሚንና፤ ጻላኤፔካ ኢንቴና ናጋና።

ታይቦ ማጻፋ 23:19

ጾሲ ኣሳ ማላ ዎርዶቴና፤ ኢዛ ቆፋይ ኣሳ ቆፋ ማላ ላሜቴና፤ ኢዚ ባ ኢሚዳ ሂዶታ ኡባ ፖሌስ፤ ኢዚ ባ ዮቲዳ ኡባ ኦስ።

1ቆሮንቶሴ ኣሳስ 1:9

ኢዚ ባ ናዛ ኑ ጎዳ ዬሱስ ኪርስቶሳ ኢሲፌቴኮ ኢንቴና ጼይጊዳ ጾሲ ኢዚ ኣማኔቲዳ ጾሳ።

1ጴጽሮሳ ኪታ 5:10

ኢንቴ ጉ ዎዴስ ዋዬቲዳይሳፌ ጉዬ ኢንቴና ኪርስቶሳ ባጋራ ሜርና ቦንቾስ ጼይጊዳ ኪያቴ ኡባስ ጎዳይ ኢዚ ባርካ ኢንቴና ጋኪዳ ዋዬዛፔ ኣሻና፥ ማዳናኔ ሚንና ቃሴካ ዳዝጊሳና።

ዛሬ ማጻፋ 7:9

ሄሳ ጊሻስ ጎዳ ኢንቴ ጾሳይ ሙሌራ ኣማኔቲዳ ጾሳ ጊዲዳይሳ ኢንቴ ዩሺ ቆፒቴ፤ ኢዚ ባ ጫቂዳ ቃላ ናጌስ፤ ኢዛ ዶሲዛይታሲኔ ኢዛ ኣዛዞ ፖሊዛይታስ ኡባስ ሺ ዬሌታ ጋካናስ ኢዚ ባ ሜርና ሲቆ ቤሳና።

2ጺምቶሳስ 2:13

ኑ ኢዛስ ኣማኔቶንታይታ ጊዲኮ ኢዚ ሜርናስ ኣማኔቲዳ ማላ ዳና። ኢዚ ባርካ ባና ካዳና ዳንዳዬና» ጌቴቲዳ ቃላይ ኣማኔቲዳይሳ።

ኢሳያሳ ቲንቢቴ 25:1

ኣቤት ጎዳዉ! ኔኒ ታ ጾሳ። ታኒ ኔና ቁ ቁ ሂስታና፤ ኔ ሱንካ ሳባና። ጋሶይካ ቤኒፔ ቆፌቲዳይሳ ማላሊሲዛ ሃኖ ኩሜ ኣማኔቴን ኦዳሳ።

ኤርማሳ ዚላስ 3:23

ኢስቲ ማላዶ ማላዶ ኦራ፤ ኔ ኣማኔቴይካ ዳሮ።

ዮሃኒሳ ሚሺራቾ 3:33

ኢዛ ማርካቴ ኤኪዛዴይ ጊዲኮ ጾሳ ቱማንቻ ጊዲዳይሳ ቆንጪሴስ።

2ጴጽሮሳ ኪታ 1:3

ባ ቦንቾኒኔ ባ ኪያቴን ኑና ጼይጊዳይሳ ኑኒ ኢዛ ኤሪዳ ጊሻስ ኢዛ ጾሳቴ ዎልቃይ ዴኦሲኔ ጾስ ጎይናናስ ኑስ ኮሺዛዝ ኡባ ኢሚዴስ።

ዬ ማጻፋ 138:2

ኔ ጌሻ ኬኮ ሲማዳ ኔና ጎይናይስ፤ ኔ ሲቆ ጊሻሲኔ ኔ ኣማኔቴ ጊሻስ ታኒ ኔ ሱን ሳባይስ፤ ኔኒ ኔ ሱንኔ ኔ ቃላ ኡባፌ ኣዳ ቁ ሂስታዳሳ።

Titosas 1:2

ኢዛ ኣማኖይኔ ኤራቴይ ካሴፔ ኦይኪዲ ዎርዶቶንታ ጎዳይ ዳሮ ዎዴፔ ካሴ ባ ኢሚዳ ሜርና ዴኦ ሂዶታ ማላ።

ዮሃኒሳ ኣጁታ 17:14

ኢስቲ ዶርሳዛ ቦላ ኦላ ዴንና ሺን ዶርሳዚ ጎዳታስ ጎዳኔ ካዎታስ ካዎ ጊዲዳ ጊሻስ ኢዚ ኢስታ ጾናና፤ ኢዛራ ዲዛይቲ ጼይጌቲዳይታ፥ ዶሬቲዳይታኔ ኣማኔቲዳይታ» ጊዴስ።

1ታሶሎንቄ ኣሳስ 2:12

ኢንቴ ኢንቴና ባ ካዎቴሲኔ ባ ቦንቾስ ጼይጊዳ ጾሳስ ቤሲዛ ማላ ኢንቴ ዳና ማላ ኑ ኢንቴና ሚንዶስ፤ ሎኤ ዞሪዶሲኔ ሃዳራ ጊዶስ።

2ጺምቶሳስ 1:9

ኑ ኣይኮካ ኦዳ ጊሻስ ጊዶንታ ዲሺን ባ ቆፋ ማላኔ ባ ኪያቴ ማላ ኑና ኣሺዴሲኔ ኑና ባስ ዱማሲዲ ጼይጊዴስ። ሄ ኢዛ ኪያቴ ሜርና ዎዴፔ ካሴ ዬሱስ ኪርስቶሳ ባጋራ ኑስ ኢሜቲዴስ።

1ቆሮንቶሴ ኣሳስ 10:13

ኣሳ ቦላ ጋኪዳ ፓጬፔ ሃራ ኣዛ ፓጬይ ኢንቴ ቦላ ጋኪቤና፤ ጾሲ ኣማኔቲዛ ጾስ ጊዲዳ ጊሻስ ኢንቴ ዳንዳዮንታ ኢንቴ ዎልቃፌ ቦላራ ኢንቴ ፓጬቴና ማላ ኢዚ ኢንቴና ኣጋጌና፤ ጊዶ ኣቲን ኢንቴ ፓጬቲዛ ዎዴ ሄ ፓጬዛ ኢንቴ ዳንዳያና ማላ ዎልቃ ኢሚዲ ፓጬፔ ኢንቴ ኬሲ ኤካና ኦጌ ኢዚ ኢንቴስ ጊጊሳና።

Maatosa 24:35

ሳሎይኔ ሳኣይ ኣና ሺን ታ ቃላይ ጊዲኮ ሙሌካ ኣና።

ጋላቲያ ኣሳስ 1:15

ጊዶ ኣቲን ካሴ ኮይሮ ታኒ ታ ኣዪ ኡሎን ዲሺን ባስ ዶሪዲ ባ ኪያቴን ታና ጼይጊዳ ጾሳይ፥

ኦሮሜ ኣሳስ 8:30

ካሴ ኮይሮፔ ባ ዶሪዳይታ ኢስታ ጼይጊዴስ፤ ቃሴካ ጼይጊዳይታ ጺሊሲዴስ፤ ባ ጺሊሲዳይታካ ቦንቺዴስ።

ዬ ማጻፋ 86:15

ጊዶ ኣቲን ኣቤት ጎዳዉ! ኔኒ ቃቲዛዴኔ ማሪዛ ጾሳ፤ ሃንቄታናስ ጋምኢዛ ጾሳ፤ ኔ ሲቆይኔ ኔ ኣማኔቴይ ኬሂ ዳሮ።

ዬ ማጻፋ 36:5

ኣቤት ጎዳዉ! ኔ ሜርና ሲቆይ ሳሎ ጋኬስ፤ ኔ ቱማቴይካ ቦላ ሻራ ማላ ቄስ።

ዮሃኒሳ ሚሺራቾ 1:17

ዎጋይ ሙሴ ባጋራ ኢሜቲዴስ፤ ኪያቴኔ ቱማይ ጊዲኮ ዬሱስ ኪርስቶሳ ባጋራ ኑስ ዪዴስ።

ሚኪያሳ ቲንቢቴ 7:20

ቤኒ ዎዴፔ ኦይካዳ ካሴ ኑ ኣዋታስ ጫቆ ቃላ ኔ ጌሊዳ ማላ ያቆቤስ ኣማኔቴ ኣብራሃሜስ ማሮቴ ኦሳ።

ዬ ማጻፋ 89:2

ታኒ ኔ ሜርና ሲቆይ ሜርናስ ኤቂዳይሳኔ ኔኒ ኔ ኣማኔቴ ሳሎን ሚንዳ ኤሲዳይሳ ዮታና።

ኦሮሜ ኣሳስ 9:24

ጼይጊዳዴይ ኣይሁዳታ ባጋፌ ጻላላ ጊዶንታ ኣይዛቤታ ባጋፌ ጊዲዳ ኑናካ ኣሾንታ ጼይጊዴስ።

ኢሳያሳ ቲንቢቴ 37:32

ኣቲዳ ጫሻቲ ዬሩሳላሜፔ፥ ሼምፖራ ፓጻ ኣቲዳይቲ ጺዮኔፔ ኬዛና። ኡባፌ ዎልቃማ ጎዳ ዚልኤቴ ሄሳ ኦና።

ዬ ማጻፋ 40:10

ታኒ ኔ ጺሎቴ ታ ዎዚናን ቆታቤኬ፤ ኔኒ ኣማኔቲዛይሳኔ ኣሺዛይሳ ታ ዮታዲስ። ቃሴ ኔ ሲቆኔ ኔ ቱማቴ ጊታ ሺቆዛፔ ጌንቤኬ።

2ታሶሎንቄ ኣሳስ 2:14

ኑ ጎዳ ዬሱስ ኪርስቶሲ ቦንቾ ጊሼቲዛይታ ኢንቴ ጊዳና ማላ ኑ ዮቲዳ ሚሺራቾ ቃላ ባጋራ ኢንቴና ጼይጊዴስ።

ዬ ማጻፋ 92:2

ማላዶ ኔ ሜርና ሲቆ፥ ጊዶ ኔ ኣማኔቴ ኣዋጃይ ሎኦ።

ኢሳያሳ ቲንቢቴ 9:7

ኢዛ ካዎቴ ኣኮቴሲኔ ኢዛ ሳሮቴስ ዛዋይ ዴና፤ ሃቺፌ ዶሚዲ ሜርና ጋካናስ ባ ካዎቴ፥ ሱሬ ፒርዳኒኔ ጺሎቴን ኤሳና፤ ሎኤ ኦይኪዲ ሚንና፤ ዳዊቴ ካዎቴ ኣራታን ኢዚ ኡታና፤ ዴራ ኡባ ሃራና፤ ኡባፌ ዎልቃማ ጎዳ ቃናቴይ ሄሳ ፖላና።

ዬ ማጻፋ 146:6

ጎዳይ ሳሎኔ ሳኣ፥ ጊታ ኣባኔ ኢስታ ጊዶን ዲዛ ኡባ ሜዳይሳ፤ ኢዚ ባ ኣማኔቴ ሜርናስ ናጊዛይሳ።

ዬ ማጻፋ 100:5

ኣይስ ጊኮ ጎዳይ ኪያ፤ ኢዛ ሲቆይ ሜርናሳ፤ ኢዛ ኣማኔቴይ ዬሌታፔ ዬሌታ ጋካናሳ።

2ካዎታ ማጻፋ 19:31

ዬሩሳላሜን ሼምፖራ ፓጻ ኣቲዳይቲ፥ ጺዮኔ ዙማን ሃይቆፔ ኣቲዳይቲ ኢስቲ ኬዛና። ጎዳ ኡባፌ ዎልቃማ ጾሳ ዚልኤቴ ሄሳ ኦና።›