1ታሶሎንቄ ኣሳስ 4:6 - ጋሞ ማጻፋ

⁶ ሄሳ ማላን ኦኒካ ባሌቲዲ ባ ኢሻ ባሌፎ፤ ጋሶይካ ሃይሳፌ ካሴ ኑ ኢንቴስ ዮቲዳ ማላኔ ናጌታናስ ኣኬኪሲዳ ማላ ጎዳይ ሄይታንታ ማላ ናጋራ ኦዛ ኡባታ ቦላ ባ ሃንቆ ኤሃና።

Geeshsha Maxaafa

⁶ Hessa malan oonikka balettidi ba ishaa baleththofo; gaasoykka hayssafe kase nu inttes yootida malanne naagettanaas akeekissida mala Goday heytantta mala nagara ooththiza ubbata bolla ba hanqo ehana.

Gamo Geesha Maxxafa New Testamen

⁶ Hessa malan oonikka balettidi ba isha balethofo; Gasooykka hayssafe kase nu intes yootida malane nagistana mala akekissida mala Goday heyitantta mala nagara oothiza wurssota bolla ba hanqqo ehana.

1ታሶሎንቄ ኣሳስ 4:6 Referans Kwoze

Ibirawe 13:4

ኤኮይ ጌሎይ ኡባ ኣሳ ኣቻን ቦንቼቶ፤ ኢንቴ ሂ ጌሽ ጊዶ፤ ጋሶይካ ላይማ ኣሞይ ዲዛይታ ቦላኔ ላይማቲዛይታ ቦላ ጾሲ ፒርዳና።

ኦሮሜ ኣሳስ 12:19

ታ ሲቆቶ! ኢንቴ ሃሎ ጾሲ ኬሶ ኣቲን ኢንቴርካ ሃሎ ኬሶፍቴ። «ሃሎ ኬሳናይ ታና ጌስ ጎዳይ» ጌቴቲ ጌሻ ማጻፋን ጻፌቲዴስ።

ኬሳ ማጻፋ 20:17

«ኣሳ ኬ ኣሞቶፋ፤ ኣሳ ማቾ ዎይኮ ኢዛ ኣይሌ ዎይኮ ኢዛ ኣይሌዮ ዎይኮ ኢዛ ቦራ ዎይኮ ኢዛ ሃሬ ዎይኮ ኢዛስ ዲዛ ኣይ ሚሺካ ኣሞቶፋ» ጊዴስ።

ኦሮሜ ኣሳስ 1:18

ቱማ ባ ኢታቴኒኔ ማካላን ቱጪ ኦይኪዛይታ ኢታቴ ቦላኔ ኢስታ ማካላቴ ኡባ ቦላ ጾሳ ሃንቆይ ሳሎፔ ቆንጫና።

ሌሚሶ ማጻፋ 28:24

ባ ኣዋፔኔ ባ ኣይፔ ካይሲዲ፥ «ታኒ ኣይኮካ ናጋራ ኦቤኬ» ጊዛ ኣሲ ባሺዛ ኣሳራ ኢሲ ማላ።

ኬሳ ማጻፋ 20:15

«ካይሶቶፓ።

ያቆቤ ኪታ 5:4

ኢንቴ ኢንቴ ዎዚናን ዎቴ፤ ኢንቴ ካ ማጺሼ ፔይዳይታስ ኢስታ ዎልቃ ዋጋ ኢንቴ ቃንጾንታ ኣጊዳ ጊሻስ ኢንቴ ቦላ ዋሲሼ ኢንቴ ኣቻን ዴቴስ። ካ ማጺዛይታ ዋሶይ ኡባ ዳንዳይዛ ጎዳ ሃይን ጋኪዴስ።

ያቆቤ ኪታ 2:6

ኢንቴ ቃሴ ማንቆታ ካዉሼታ፤ ኢንቴና ዋዪሲዛይ ዱሬታ ጊዴቴኔ? ኢንቴና ፒርዳሶ ጎቺዛይ ኢስታ ጊዴቴኔ?

ጋላቲያ ኣሳስ 5:21

ሚቃይኔቴ፥ ማቴ፥ ኣላሜ ማዛሙሬ ዬጼኔ ሄይታንታ ሚሳቲዛይታ። ታኒ ኢንቴስ ካሴ ዮቲዳ ማላ ሃኢካ ኢንቴ ናጌታና ማላ ቆፍሳይስ፤ ሄሳ ማላ ዱስ ዲዛይቲ ዉሪካ ጾሳ ካዎቴ ላቴቴና።

ኦሮሜ ኣሳስ 13:4

ኢዚ ኔስ ሎኦ ኦናስ ጾሳ ኦሳንቻ፤ ጊዶ ኣቲን ኔ ኢታ ኦዳ ጊዲኮ ኢዛስ ባባ፤ ጋሶይካ ኢዚ ማሻ ጮ ሜላ ጊጺቤና፤ ኢዚ ኢታ ኦዛዴ ቃጻያናስ ጾሳ ኦሳንቻ።

ሉቃሳ ሚሺራቾ 12:5

ጊዶ ኣቲን ኢንቴ ባባናስ ቤሲዛይ ኦናኮ ታ ኢንቴና ቤሳና፤ ኣሾ ዎዳፔ ጉዬ ኣሾኔ ሼምፖ ኢሲፌ ጋ ጋናሜ ታማን ዬጋናስ ዳንዳይዛይሳስ ባቢቴ፤ ኤ ኢዛስ ባቢቴ ጋይስ።

ሚልካሳ ቲንቢቴ 3:5

«ሄሳ ጊሻስ ታ ኢንቴኮ ፒርዳና ያና፤ ሙሬኒዛይታ፥ ላይማቲዛይታ፥ ዎርዶ ማርካ ማርካቲዛይታ፥ ዎርዶ ጫቆ ጫቂዛይታ፥ ኦሶ ኦሲሲዲ ሚሻ ዲጊዛይታ፥ ኣምኤታኔ ዪኦ ናይታ ዴቺዛይታ፥ ቤቴ ኣሳታስ ፒርዳ ቱጪዛይታ፥ ታስ ባቦንታይታ ቦላ ማርካታናስ ታ ኤሌሳይስ» ጌስ ኡባፌ ዎልቃማ ጎዳ ጾሳይ።

ሂዚቄላ ቲንቢቴ 22:13

« ‹ኔኒ ኔስ ቤሶንታ ኤኪዳ ጎኣ ቦላኔ ኔኒ ጉሲዳ ሱ ቦላ ታኒ ታ ኩሼ ባቃና።

2ታሶሎንቄ ኣሳስ 1:8

ሄ ዎዴ ጾስ ኤሮንታ ኣሳታኔ ጎዳ ዬሱስ ኪርስቶሳ ሚሺራቾ ቃላስ ኣዛዜቶንታ ኣሳታ ቦላ ኢዚ ባ ሃሎ ኬሳና።

ኤፌሶኔ ኣሳስ 5:6

ኢንቴና ኦኒካ ዎርዶ ሃሳያን ባሌፎ፤ ጋሶይካ ጾሳ ሃንቆይ ኢዛስ ኣዛዜቶንታ ናይታ ቦላ ያናይ ሃይታንታ ማላና።

ኤፌሶኔ ኣሳስ 4:17

ኣይዛቤታ ማላ ጮ ሜላ ቆፋን ሜላ ሲሜሬታናስ ኢንቴስ ቤሴና ጋዳ ታ ኢንቴና ዞራይስ።

ማርቆሳ ሚሺራቾ 10:19

«ኔኒ ኣዛዞታ ኤራይ? ‹ዎፓ፤ ላይማቶፓ፤ ካይሶቶፓ፤ ዎርዶ ማርካቶፋ፤ ኣስ ባሌፋ፤ ኔ ኣዋኔ ኔ ኣዮ ቦንቻ› ጊዛይታ» ጊዴስ።

ሶፎናሳ ቲንቢቴ 3:5

ኢዚን ዲዛ ጎዳይ ኢዚ ጺሎ። ሙሌካ ባሌቲ ኤሬና፤ ማላዶ ማላዶ ሱሬ ፒርዴስ፤ ኡባ ጋላሲካ ዳቡሪ ኤሬና፤ ጊዶ ኣቲን ማካላንቻታስ ዬላይ ዴና።

ሶፎናሳ ቲንቢቴ 3:1

ማካላንቻይሲኔ ቱኒዳሪስ፥ ኣስ ኡንኤዛይታ ካታማይስ ኣዬ ኣና!

ኤርማሳ ቲንቢቴ 9:4

ቃሴካ ጎዳይ፥ «ኢሻይ ኢሻ ባሌስ፤ ላጌይ ባ ላጌ ዚጊሬስ፤ ሄሳ ጊሻስ ኢሻይ ኢሻፔ ናጌቶ፤ ላጌይ ባ ላጋን ኣማኔቶፎ።

ኤርማሳ ቲንቢቴ 7:6

ቤቴ ዪዳ ኣሳታኔ ዪኦታ፥ ኣምኤታ ኢንቴ ቆሆንታ ኣጊኮ፥ ሃይሳ ሃ ቢታ ቦላ ጺሎ ሱ ጉሶንታ ኣጊኮ፥ ኢንቴና ቆሂዛ ኤቃ ጾሳታ ኢንቴ ካሎንታ ኣጊኮ፥

ኢሳያሳ ቲንቢቴ 5:7

ኡባፌ ዎልቃማ ጎዳ ዎይኔ ቶኪዛ ጋዴይ ኢስራኤሌ ኣሳ። ዩሁዳ ኣሳይ ኢዚ ኡፋዬቲዛ ኣታኪልቴ። ኢስቲ ሱሬ ፒርዳ ፒርዳና ጊዲ ናጊዴስ፤ ጊዶ ኣቲን ሱ ጉሲሺን ቤዪዴስ። ኢዚ ጺሎቴ ኮዪዴስ፤ ጊዶ ኣቲን ሜቶ ዋሶ ሲዪዴስ።

ኤራንቻታ ማጻፋ 5:8

ዴሬ ጋርሳን ማንቆይ ሱጌቲን፥ ፒርዳይ ፓጪን፥ ማታይ ዬቲን ኔ ቤኢኮ ሄይታንታን ኬሃ ማላሌቶፋ። ኢሲ ኢሲ ሃላቃስ ኢዛፔ ቦላራ ሃላቃይ ዴስ፤ ቃሴ ኡባታፔ ቦላራ ሃራ ሃላቃቲ ዴቴስ።

ሌሚሶ ማጻፋ 20:23

ጎዳይ ዎርዶ ሜዛኔን ኡፋዬቴና ናምኡ ቆሞ ጌዳራ ሚሽ ኢጼስ።

ሌሚሶ ማጻፋ 20:14

ሻሚዛ ኣሲ፥ «ሃይሲ ኣልኦ! ቆሄስ!» ጌስ፤ ጊዶ ኣቲን ሻሚ ሲሚዳፔ ጉዬን፥ «ሂራይሶን ሻማዲስ» ጊዲ ጬቄቴስ።

ሌሚሶ ማጻፋ 11:1

ጎዳይ ዎርዶ ጌዳራ ኢጼስ፤ ጊዶ ኣቲን ሱሬ ጌዳራን ኡፋዬቴስ።

ዬ ማጻፋ 140:12

ጎዳይ ሂዬሳታስ ፒርዲዛይሳኔ ሜቶታንቻታስ ሞቴቲዛይሳ ታ ኤራይስ።

ዬ ማጻፋ 94:1

ኣቤት ጎዳዉ! ኔኒ ሃሎ ኬሲዛ ጾሳ፤ ኣቤት ሃሎ ኬሲዛ ጾሳዉ! ኔ ቦንቾ ቆንጪሳ።

ዛሬ ማጻፋ 32:35

ኢስታ ሞርኬታ ቦላ ሃሎ ኬሳናይ ታና፤ ኡባሲካ ታ ኢስታ ኦሶ ኦሶ ማላ ኢማና፤ ኢስታስ ዮ ጋላሲ ጋኪዳ ጊሻስ ኢስቲ ጴታና፤ ኤሶንካ ያና።»

ዛሬ ማጻፋ 24:7

ባ ኢሻ ጊዲዳ ኢስራኤሌ ኣሳ ጋርሳፌ ንካ ባርሲ ኤፊዲ ባስ ኣይሌ ኦዛይ ዎይኮ ሃራ ኣሳስ ኣይሌቴስ ኣ ባይዚዛዴይ ኦኒካ ሃይቆ። ሄሳ ሂስቲዲ ኢታ ኦሶ ኢንቴ ጊዶፌ ዲጊቴ።

ሌዌታ ማጻፋ 25:17

ኢሲ ኢስራኤሌ ኣሲ ሃራ ኢስራኤሌ ኣስ ቆሆፖ፤ ኢንቴ ኢንቴ ጾሳስ ያዪቴ፤ ታኒ ጎዳ ኢንቴ ጾሳ።

ሌዌታ ማጻፋ 25:14

ሄሳ ጊሻስ ኔ ኣሾ ጊዲዳ ኢስራኤሌ ኣሳ ኔኒ ጋዴ ባይዚዳዝ ጊዲኮ ዎይኮ ኔ ሃ ኔስ ሻሚዳዝ ጊዲኮ ጌኔ ኦሶ ኦፋ።

ሌዌታ ማጻፋ 19:13

« ‹ኣስ ባሌፋ፤ ዎይኮ ኣሳ ሚሼ ቦንቃ ኤኮፋ፤ ሚሼ ኢማና ጋዳ ኔ ኦሶ ኦሲሲዳዴስ ሚሻ ኢሞንታ ዳሼ ኔ ኣቻን ኢሲ ቃማካ ኣይሶፋ።

ሌዌታ ማጻፋ 19:11

« ‹ካይሶቶፒቴ፤ ኣስ ባሌፍቴ፤ ዎርዶ ሃሳዮፒቴ፤

ኤፌሶኔ ኣሳስ 4:28

ካሴ ካይሶቲዛዴይ ሃይሳፌ ጉዬ ካይሶቶፓ፤ ጊዶ ኣቲን ሜቶቴቲዲ ኢዛ ዎሲዛይታስ ኢሚዛ ሚሺ ኢዛ ኩሼን ዳና ማላ ሎኦ ሚሽ ባ ኩሼራ ኦ ዴማናስ ዳቡሮ።

ሚኪያሳ ቲንቢቴ 2:2

ኣሳ ጋዴ ኣሞቲዳ ማላ ኦይኬቴስ፤ ኣሳ ኬካ ኣሞቲዲ ኤኬቴስ፤ ባ ላጌ ኬኔ ቢታ ባሌን ኤኬቴስ።

ሌሚሶ ማጻፋ 16:11

ሱሬ ጌዳራቲኔ ማካ ሚሻቲ ጎዳፔ፤ ካራጺቴ ጊዶን ዲዛ ጌዳራቲ ኡባይ ኢዛ ኦሶታ።

2ቆሮንቶሴ ኣሳስ 7:11

ሃይሲ ኢንቴ ሙዞቴ ጾሳ ሼኔ ማላ ጊዲዳ ጊሻስ ሄሲ ኣይ ማላ ሚኖቴን፥ ኣይ ማላ ኦይሻ ዛሮን፥ ኣይ ማላ ኤሌ ሃንቄቴን፥ ኣይ ማላ ያሻቴን፥ ኣይ ማላ ላሞቴን፥ ኣይ ማላ ሎኦ ኣሞን፥ ኣይ ማላ ሙራን ኢንቴና ጋዳኮ ኣኔ ኢንቴ ዎዚናን ዩሺ ቆፒቴ፤ ኢንቴ ቃሴ ሃኒዳ ኡባንካ ሄ ሃኖዛፔ ጌሽ ጊዲዳይሳ ማርካሲዴታ።

1ታሶሎንቄ ኣሳስ 2:11

ኣዋይ ባ ናይታስ ሃኒዛ ማላ ኑኒካ ኢንቴስ ኢሳስ ኢሳስ ኣይ ሃኒዳኮ ኢንቴ ኤሬታ።

Ibirawe 2:6

ጊዶ ኣቲን ጌሻ ማጻፋይ ሃራሶን፥ «ኔ ኢዛስ ዩሻ ቆፓናስ ኣሲ ኣዜ? ኢዛስ ኔ ቆፓናስ ኣሳ ናይ ኢዚ ኣዜ?